Chapter 87
Imperial MeowJuly 16, 2023
Chapter 87
Extra 9
ယွင်ချင်းစီ၏ အမြင်တွင်မူ လီယင်းနှင့် ကျန်းရှိရွှယ်တို့က ဝိရောဓိဖြစ်နေသည်များ ရှိသော်လည်း အလွန်မသိသာလှပေ။ အဘယ့်ကြောင့်ဆိုသော် လီယင်းက သူမကို မြင်တွေ့ချိန်တိုင်းတွင် ရိုသေလေးစားစွာဆက်ဆံသည့်အပြင် သူတို့အခြား ကွာခြားချက်များရှိသော်လည်း အမုန်းတရား မပါရှိပေ။
ထို့အပြင် ကျန်းရှိရွှယ်က သူမ လီယင်းအပေါ် အလွန်တင်းကြခဲ့မိ၍ လီယင်းက သူမနှင့် အနေဝေးသွားရသည့်အတွက် ကိုယ့်ကိုကိုယ်အပြစ်တင်မိကြောင်း ယွင်ချင်းစီကို ပြောပြခဲ့သည်။ သူမ စကားပြောနေစဉ်တွင် မျက်ရည်များပါ စီးကျလာသည်။ ယွင်ချင်းစီက သူ့အမေကို ပြန်တွေးမိပြီး သူမက သနားစရာကောင်းသည်ဟု ထင်ခဲ့မိသည်။
သူ ငယ်ရွယ်စဉ်က သူ့အမေက အလွန်စည်းကမ်းတင်းကြပ်လွန်းသောကြောင့် ကြောက်လန့်ပြီး အကြိမ်ပေါင်းများစွာ ငိုခဲ့မိဖူးသည်။
သို့ရာတွင် သူ့အပေါ် သူ့အမေ၏မေတ္တာက အတုအယောင် မဟုတ်ခဲ့ပေ။
လီယင်းနှင့် ကျန်းရှိရွှယ်၏အကြားမှ ဆက်ဆံရေးက သူ ထင်ထားသည်နှင့် အလွန်ကွာခြားသည့်အပြင် ကျန်းရှိရွှယ်က လီယင်းကို မည်မျှကောင်းမွန်စွာကိုင်တွယ်နိုင်သည်ကိုလည်း မသိပေ။
လီယင်းအတွက်မူ ကျန်းရှိရွှယ်က အတိတ်၌ သူ့ကိုမည်သို့ဆက်ဆံခဲ့စေကာမူ သူ့ကိုမွေးဖွားပေးခဲ့သည့် မိခင်ဖြစ်နေသည်။ ယွင်ချင်းစီ၏အရှေ့တွင် သူ၏မွေးမိခင်မကောင်းကြောင်းပြောနိုင်သည်အထိ သူ အရှက်မမဲ့ပေ။
ထိုအချိန်ကမူ မည်သို့ပစ်ဖြစ်စေ သူမကို သူ့မွေးမိခင်ဟု မှတ်ယူထားခဲ့သည်။ သူမက သူ့ကိုရိုက်နှက်နှိပ်စက်ခဲ့သော်လည်း သွေးက ရေထက်ပျစ်ပေသည်။ သူမ အာဏာလိုချင်သရွေ့ သူ့ကိုထိခိုက်အောင် ပြုလုပ်လိမ့်မည်မဟုတ်ပေ။
သူ ငယ်ရွယ်စဉ်ကမူ လူများက ရိုးစင်းပြီး ကြင်နာလွန်းသည်ဟု တွေးခဲ့ဖူးသည်။
တစ်ခါကမူ ကျန်းရှိရွှယ်က လီယင်းကိုခေါ်ပြီး တည့်တိုးမေးခဲ့ဖူးသည်။
