🌓 දූවිලි තාරකා 🌓 [COMPLETED]

30

එලේනා සිය රෝගීන් පරීක්ෂා කිරීම සඳහා පිටව යද්දී ඇස්ට්‍රියා සුසුමක් පිට කර කපටි සිනහවකින් මුව සරසාගත් සිය පෙම්වතා දෙස බලා සිටියා.

ක්‍රීම් පැහැ රාජකීය ගවුමකින් සැරසී, හිස කෙස් නිදැල්ලේ මුදාහැර, මල් සැරසිල්ලක් යොදා සිටි ඇය නෙත් අඳුන් ආලේප කර ඇති බව ඩ්‍රයිඩන් ඇය දුටු මොහොතේම නිරීක්ෂණය කර තිබුණා.

කළු පැහැ සැහැල්ලු කලිසමක් සහ සුදු පැහැ අත් දිගු කමිසයකින් පමණක් සැරසී රාජකීය ආම්පන්න කිසිවක් දරා නොසිටි ඩ්‍රයිඩන් අසලට ඇය සමීප වෙද්දී ලාවා ඈෂ් සුගන්ධය ඇගේ සිත මත් කළා.

සිය සීමාව මෙනෙහි කරගත් ටාරා , ඉක්මනින් කුමරියට පුද්ගලිකත්වය ලබා දීම සඳහා අංගනයේ කෙළවරින් සිට ගත්තා. පෙර මෙවැන්නක් සිදු නොවුණත් කැසෙන්ඩ්‍රාවට ආ ගමනේදී තමන්ට යම් අවකාශයක් අවැසි බව ඇස්ට්‍රියා , සිය සේවිකාවට කල් ඇතිව දන්වා තිබුණා. ඩාරාවේදී ඩ්‍රයිඩන් අතින් බියවැද්දීමට ලක්ව සිටි ටාරා ඒ අණට එක සිතින් එකඟ වී සිටියා.

සෙමෙන් විත් ඩ්‍රයිඩන් අසළින් අසුන් ගත් ඇස්ට්‍රියා , සුසුමක් පිට කර ඇගේ සිතෙහි කනස්සල්ල ඔහුට දැනෙන්නට සැලැස්සුවා .