جُروح الماضي "مكتملة✓"

الفصل الخامس والعشرون(غـيـبـوبـة سُـكـر)

#رواية_جُروح_الماضي
#الفصل_الخامس_والعشرون
#غـيـبـوبـة_سُـكـر
          _____________________________________
"إن الحق بغير القوة ضائع، والسلام بغير مقدرة الدفاع عنه إستسلام."
"جمال عبد الناصر"

كان ينظر لها بريبة بعدما رأه يجلس علي فراشه في غرفة نومه بكل أريحيه ويتلذذ بالطعام بكل جمود أعصاب

أردف "فريد" مرة اخري بنفس اللامبالاة وهو ينظر له:
ايه يا ابني أنت مش بقولك هات الباسورد عاوز اشوف شوية فيديوهات مهمه

أبتلع "باهي" ريقه بصعوبه وأردف بثبات زائف:
عنينا يا باشا بس أيه سبب الزيارة المفاجأة دي يعني،ومقولتش ليه إنك جاي كنا عملنا حسابنا وفتحنا الراوتر،او كلمنا خدمة العملاء خليناهم يزودوا فرد كمان اصل بنخاف النت يتسرق

قهقه "فريد" علي حديثه حتي أمسك بمعدته ثم تحولت ملامح وجهه في أقل من ثانية وأردف بسخرية:
وهو من امتي يا "باهي" الحرامي بيتسرق
وأنهي حديثه غامزاً له بطرف عينه بعبث

تصنع "باهي" أنه لم يفهم إلي ماذا يرمي بحديثه هذا،وأردف متصنعاً البراءة:
حرامي ايه بس يا باشا وسرقة ايه،هو في حاجه حصلت وانا مش عارف

وضع "فريد" قطعه البيتزا في العلبة الكرتونية واغلقها ثم نهض من علي الفراش وذهب ليقف أمامه مباشرةً ثم أردف بسخرية وهو يخبط كفه بكتف الواقف امامه:
لا وحياتك دي الليلة كلها عندك،وكل حاجه حصلت وبتحصل انت السبب فيها يا دراع "كارم" باشا اليمين مش كده

حاول "باهي" أن يتصنع الثبات أكتر وعدم فهمه لشئ رغم الخوف الذي دبّ في جميع أنحاء جسده لأنه يعلم ماذا سيفعل به إذا علم الحقيقة بأكملها،ثم أردف بهدوء زائف:
ليلة ايه بس يا "فريد" باشا،وكل حاجه ايه اللي انا السبب فيها انا علاقتي بوالد حضرتك شغل وبس

قهقه "فريد" علي حديثه ثم أردف من بين ضحكاته:
يالهوي عليك حتي مبتعرفش تكدب
ثم تحولت نبرته لنبرة محذرة:
بص يا "باهي" أقسم بالله لو ما جيت معايا دوغري وقولتلي معاد الصفقة الجديده امتي،لا انا اللي هاجي معاك دوغري واخلص عليك ومش هاخد فيك نص ساعه سجن،فوق كده وقولي المعاد

أبتلع "باهي" ما في حلقه بصعوبة ولم ينطق بحرف أخر،فزاد هذا من ضيق "فريد" وغضبه الذي قام بإغلاق باب الغرفة،وقبض علي عنق "باهي" بكل غلّ حتي تحول وجهه للون الدماء وهو يحاول بكافة الطرق إبعاد هذا الثور الهائج عنه لكنه لم ينجح،وأردف "فريد" بغضب:
هتنطق هنا ولا ابعتك فوق ونشوف مين فينا اللي صح ومين غلط

هز الاخر رأسه برفض،وكاد أن يختنق حتي تفني روحه حقاً وفي هذة اللحظة تركه،فسقط أرضاً وهو يدلك بكفه اسفل عنقه من شدة الأختناق وايضاً يسعل بشدة وتفاجأ عندما سكب عليه "فريد" كوب ماء مثلج للغاية فشهق الاخر بفزع