جُروح الماضي "مكتملة✓"

اقـتـبـاس

#رواية_جُروح_الماضي
#اقـتـبـاس
__________________________________
كانت تجلس متربعة علي الفراش وتضع الصغير أمامها وهي تردف بصوت "بطوط":
وبعدين بقي يا كابتن"أسر" راحوا واخدين الشرير ده ورموه في مكان لوحده عشان يعاقبوه،فا ده يعلمنا أيه بقي

وحملته علي ذراعها وهو ينظر لها كأنه يخبرها أن تتابع،فقبلته من وجنتيه وتابعت بنفس الصوت:
إن أحنا نسمع كلام بابا كويس ونعمل اللي يقول عليه عشان محدش غيره بيحبنا بجد ومن قلبه،ماشي يا صغنن

كان "أسر" يهازلها ويحرك قدميه وكفيه دليلاً علي سعادته،فأبتسمت "كارما" بسعادة علي سعادته وبرائته هذة

كان عاد من الخارج ودلف للمنزل الذي استأجره من صديقه لهم قبل وصولهم لـ"ألمانيا" وكان مكون من طابقين منفصلين والشقة الموجودة بالأعلي مستأجرة ايضاً،وقبل ان يطرق باب الغرفة أستمع لصوتها الذي تتحدث به وضحكات الصغير السعيدة فأبتسم رغماً عنه،ثم تصنع الجدية ودق علي الباب بهدوء،فأرتدت حجابها وأردفت وهي تنهض من مكانها:
أيوه جاية

وفتحت الباب فأردف "فريد" بجدية:
هاتي "أسر" وألبسي عشان هننزل نتغدي بره

أردفت "كارما" بأرتباك وهي تعطيه الصغير:
بس انا معرفش حاجه هنا ولا بعرف اتكلم زيهم هنا

أخذ "فريد" الصغير وأردف بأستنكار:
هو أنا شفاف ولا مش شايفاني،أتفضلي عشان انا خلقي ضيق

اومأت "كارما" بالأيجاب وعادت للغرفة بعد ان انصرف هو وهمست لذاتها بقلق:
ربنا يستر بجد

ومرت دقائق كان "فريد" يفتح باب المنزل وهي خلفه تحمل الصغير،لكنه أغلقه سريعاً وهمس بوعيد:
ده انتو يومكم أسود

________________________________________
استنوا الفصل الجديد بكره ودي حاجه بسيطة تعويض عن يوم التلات وكمان عشان عيد ميلادي انهارده بقي🙈🩷
قولوا توقعاتكم للي جاي بقي💚✨