Jitin apne bedroom mein mirror ke saamne khada tha. Usne apne hontho par lipstick ka touch-up diya aur muskurate huye apna reflection dekha. Usne ek gehre rang ki saree pahni hui thi, jiske pallu per zari ka kaam tha. Usne apne balon ko ek bun mein bandha hua tha aur gale mein ek moti ka haar pehna hua tha.
Tabhi uski maa kamre ke andar aayi. "Beta, kya kar raha hai?" usne poochha.
"Kuchh nahin, bas lipstick laga raha tha," Jitin ne kaha.
"Ba kar, ab kya puri lipstick kha jayega?" uski maa ne hanste huye kaha.
Jitin ne muskurate huye maa ki taraf dekha aur kaha, "Batao, kaisa lag raha hun?"
Maa ne Jitin ko upar se niche tak dekha. "Hmm, ladka hokar bhi tu ladki se kam nahin lag raha hai," usne kaha. "Aur ye saree tujhe par bahut achi lag rahi hai."
Jitin sharma gaya. "Acha, chalo bye," usne kaha. "Mujhe aane mein thodi der ho jayegi."
"Tere papa aane se pehle wapas aa jana," maa ne kaha.
"Ok," Jitin ne kaha.
Usne apni sandal pehani aur apna purse lekar woh ghar se bahar nikal gaya. Use apne college ke doston ke sath ek party mein jana tha. Us party mein sab ladke saree pehankar aane wale the.
Oops! This image does not follow our content guidelines. To continue publishing, please remove it or upload a different image.
Party bahut mazedar hui. Jitin aur uske doston ne drinks aur dance karte huye party ka pura anand liya. Dance karke wo thak kar baithe aur baate kar rahe the.
"Arey yaar, ye ladkiyan saree kaise sambhalti hain?" ek dost ne kaha. "Mujhe to isme nachna hi nahi jam raha tha."
Baki hasne lagte hain. Tabhi dusra ladka Jitin ki aur dekhkar kehta hai, "Tu itna jyada kyu khil raha hai?"
Jitin ne muskurate huye kaha, "Please, ab hum ladkiyan bankar party me aayi hai to ladkiyan bankar enjoy karo."
Sabne selfie li aur apni apni solo pics bhi li. Ab samay tha wapas ghar jaane ka.
Jitin ne time dekha. Itni der ho gayi thi. Ab tak uske papa ghar aa gaye honge. Aaj mujhe ladki ki halat me dekhkar papa bahot naraz hone wale hai aur bahot pitane wala hu. Ye sochkar Jitin ghabrane lagta hai.
Jitin apne phone se maa ko call karta hai.
"Hello, beta," maa phone receive karte huye kehti hain. "To madam kaha ho aap?"
Jitin ghabrate huye kehta hai, "Papa ghar par hai."
Maa haste huye kehti hain, "Tera naseeb acha hai. Aaj tere papa ghar par nahi hai. Night shift lagi hai unki aaj. So aram se aur sambhalkar ghar aao."
Ye sunkar Jitin khush ho jata hai aur kehta hai, "Ohh maa, I love you. Me bas taxi hi pakad raha hu."
Jitin phone cut karta hai aur dekhta hai ek taxi wala uske kareeb akar rukta hai. Jitin apni feminine voice me use kehta hai, "Jamwadi chaloge?"
Taxi wala han me sir hilata hai. Jitin piche ka darwaza kholkar andar baith jata hai.
Taxi wale rear mirror se Jitin ki taraf dekhta hai. Wo ek budha aadmi tha. Jitin ko ghar pohachne me abhi 28 mins the.
Taxi wala kehta hai, "Tum asli ladki nahi ho."
Jitin ye sunkar hairan ho jata hai aur kehta hai, "Tumhe kaise pata?"
Ye sunkar Jitin kehta hai, "Arey nahi, me to apne dosto ke sath party karne gaya tha."
Taxi wala kehta hai, "Acha," aur aage ki aur dekh kar taxi chalata rehta hai.
Jitin purse se ek chota mirror nikalta hai aur apne hontho par lipstick ka touchup dena shuru karta hai. Taxi wala rear view mirror se use dekh raha hota hai.
Jitin use notice karta hai aur kehta hai, "Kabhi dekha nahi kisi ko lipstick lagate huye?"
Taxi wala hasne lagta hai aur kehta hai, "Itne khubsurat ladke ko to kabhi nahi dekha."
Taxiwale ka flirt karne ka andaz Jitin ko pasand ata hai. Jitin use kehta hai, "Acha, itna khubsurat hu to taxi rok kar mera fayda kyu nahi uthate tum?"
Taxi wala kehta hai, "Nahi madam, me aisa aadmi nahi hu. Han, me tumhe aankho dekh sakta hu lekin tumhe touch nahi karunga."
Jitin kehta hai, "Impressive. Tumhari biwi hai?"
Taxiwala kehta hai, "Thi, aaj se 5 saal pehle wo mar gayi."
Ye sunkar Jitin ko dukh hua, lekin wo sochne laga, "Kash me iski wife hoti."
Tabhi taxiwala ek horn bajata hai aur taxi ko side me lagata hai. Jamwadi jaha Jitin rehta tha wo aa gayi thi.
Jitin purse me se paise nikalta hai aur taxi wale ko deta hai. "Thank you," kehkar Jitin taxi se bahar utar jata hai aur thodi dur ek gali me chalte huye apne ghar pohach jata hai.
Jitin apne ghar ki doorbell bajata hai. Maa darwaza kholti hain aur samne Jitin ko dekh ke hairan ho jaati hain.
"Tu itni jaldi kaise aa gaya?" maa poochhati hain.
Jitin andar aakar kehta hai, "Kya maa mazak kar rahi ho? Mujhe aadha ghanta ho chuka hai."
Maa kehti hain, "Ye kaise possible hai? Abhi to 5 min bhi nahi huye tujhse baat karke."
Jitin jo apne kaan ke earrings utar raha tha, maa ki baat sunkar apna phone dekhta hai aur time dekhkar use shock lagta hai. Sach me sirf 5 minutes hi huye hain. Ye kaise possible hai? Jitin sochne lagta hai.
Wo maa se kehta hai, "Maa, tumne taxi ke horn ki awaz suni?"
Maa kehti hain, "Nahi to."
Ab Jitin ghabra jata hai aur saari baat maa ko bata deta hai.
Maa jaldi se ghar me gulablani Marne lagti hain aur ek agarbati jalakar darwaze me laga deti hain. Jitin ghabra jata hai.
Wo kamre me jakar saree aur jewellery utar deta hai, aur apne bister me ghus kar chadar ko muh par lekar wo so jata hai.
Jitin sochne lagta hai, "Kya wakai me ek bhoot ne usse ghar lakar chhoda hai?"
Oops! This image does not follow our content guidelines. To continue publishing, please remove it or upload a different image.
