فتحت صدفة عيناها ل تطل علي سقف غرفتها .. اخذت تفرك في عيناها محاولة تذكر ما حدث .. كيف جاءت إلى هنا .. اخر ما تتذكره أنها كانت مع عائشة في الحديقة ... قاطع كل تفكيرها شعورها ب ألم شديد يعصف في رأسها .. الم يكاد يفتك بها ..
اخذت تغلق عيناها بقوة و تدعك في مقدمة رأسها محاولة تذكر ما حدث أو حتى تخفيف الالم من رأسها ..
مرت دقائق علي هذا الوضع و بعدها استجمعت بعضاً من قواها و أمسكت بهاتفها ل تجد أن الساعة أصبحت الثامنة صباحاً و قد فاتها اليوم الدراسي ف الجامعة .. لكن كيف نامت كل هذا الوقت ؟ .. وقفت بشكل غير متزن و ذهبت إلى إدراج المكتب الخاص بها ل تفتح أحدهم و هي تشعر أنها سيغشي عليها من شدة الالم في رأسها .. سحبت أحد شرائط حبوب المسكن و اخذت اثنتان بيد مرتجفة و حالة غير طبيعية ..
نظرت ل نفسها و وجدت أنها كانت نائمة بملابس الخروج .. و حتى الحذاء لم تخلعه من قدمها ..
جلست علي كرسي المكتب و هي لا تستطيع فهم اي شئ مما حدث .. خلعت حذائها ب وهن .. و عادت مرة أخرى إلى سريرها .. جلست و أمسكت بهاتفها و فتحته ..
وجدت العديد من الرسائل من عائشة .. فتحتها ..
ل تجد رسائل لم تفهمها .. كان محتواها
_ صدفة فوقتي ؟
عاملة ايه دلوقتي ؟
باباكي زعق لك ؟
اخذت ترمش محاولة تذكر اي شئ لكنها لم تتذكر .. و لحسن حظها وجدت أن عائشة نشطة دليل علي انها تفتح نفس تطبيق المراسلات .. اتصلت عليها بسرعة ..
فتحت عائشة بسرعة الخط و اردفت _ صدفة أنتِ كويسة ؟ عاملة ايه دلوقتي ؟
ردت صدفة بصوت متعب ناعس خمل / هو ايه اللى حصل ؟ اخر حاجة فكراها اني كنت معاكي .. ازاي روحت البيت و ليه نايمة بهدومي و بالجزمة ؟ و انا حاسة أن دماغي هتنفجر من الصداع كدة ليه ؟
اخذت عائشة نفس عميق ل تقص عليها كل ما حدث _ امبارح المشروب اللى أنتِ اختارتيه ده طلع فيه نسبة كحول و أنتِ سّكرتي و مكنتش عارفة افوقك و كان مستحيل تفوقي غير لما مفعول الكحول يخلص .. رنيت علي صهيب و هو جه سندك و دخلك العربية و وصلناكي للمنطقة اللى انتِ عايشة فيها و بعدين رنيت علي باباكي و حكتله كل اللى حصل و هو نزل خدك ..
فغر فاهها بصدمة من كل ما تتفوه به ل تردف بصدمة شديدة / بتهزري صح ؟!
اردفت عائشة بهدوء _ للاسف لا ..
اخذت صدفة نفس عميق و تمتمت / انا مش مصدقة بجد ازاي كل ده حصل .. و طبعاً بابا زعلان مني و له حق .. انا مش عارفة هوريله وشي ازاي بجد ..
اردفت عائشة و هي تطمئنها _ اهدي يا صدفة خلاص اللى حصل حصل .. يمكن أنتِ غلطانة بس بردو مكنتيش تعرفي أنه فيه نسبة كحول .. ربنا يسامحك و يغفرلك و خلاص اتعلمي من الموقف ده بقي و اعتذري لباباكي و هو هيسمحك ب إذن الله ..
أنت تقرأ
″ فِـي اَلْغُـــرْبــَةِ ″★
Romantizmهَلْ تُؤْمِنُ بِالْقَدَرِ ؟! ، رَدِّي أَنَا عَلَى هَذَا اَلسُّؤَالِ أَنَّ اَلْقَدَرَ فَوْقَ كُلِّ شَيْءٍ .. وَأُؤْمِنُ بـ أَنَّ اَلْأَقْدَارَ يُمْكِنُ أَنْ تَجْعَلَ اِثْنَانِ مِنْ أَمَاكِنَ مُخْتَلِفَةٍ بِحَيَاةٍ مُخْتَلِفَةٍ يَجْتَمِعُوا فِي مَكَان...
