साथ तुझी..!

साथ तुझी..२२

भाग 22

संध्याकाळी तो घरी येतो ....

मीरा किचन मध्ये मस्त जेवण बनवत होती .. पूर्ण घरात सुगंध पसरला होता .. तो आल्यावर त्याची नजर तिलाच शोधत होती . तर ती त्याला किचन मध्ये काम करताना दिसली . त्याला जरा आश्चर्य वाटले . तो पटकन रूम मध्ये गेला आणि फ्रेश होऊन खाली आला ... पाणी पिण्याच्या बहाणे तो किचन मध्ये शिरला ..
    मीरा मन लावून स्वयंपाक करत होती . ती पीठ मळत होती . तो पाणी पित पित तिच निरीक्षण करत होता . तिच्या चेहऱ्यावर येणाऱ्या बटा त्यांना मागे करताना होणारी तिची ओढाताण , तो पाहत होता . पीठ मळताना तिचा पदर मात्र सारखं हातावर यायचं . आणि तिचा हात भरलेला होता म्हणून तिला तो मागे ही करायला जमत नव्हत . खूप वेळा तस झाल्यावर अभय तिच्या शेजारी जाऊन उभा राहिला . त्याला पाहून तिने हलकेच स्मित केले . तो तिच्या शेजारी जाऊन उभा राहिला आणि तिचा पदर त्याने तिच्या कंबरेत खोचला . त्याच्या झालेल्या बोटाच्या स्पर्शाने तिने तिच पोट तिने आत ओढून घेतले . त्याने पटकन पदर खोचून हात मागे घेतला . आणि तिकडून जायला वळला .

" आ. आ... Thank you ! " ती कस बस म्हणाली आणि तीच काम करू लागली .

तो ही त्याच्या खोली निघून गेला आणि त्याच काम करू लागला . नंतर सगळे एकत्र जेवायला बसले .

"अभी आज लवकर आला बर झाल .. नहीतर आपल्याला अस बसून गप्पाच नाही मारत येत ... "

"हो आई .. आज लवकर काम संपल मग म्हणलं , लवकर यावं . "

" मीरा ने सांगितलं तू तिच एडमिशन करून दिलस हे चांगल केलं बघ .."

" अग तिला येवढे चांगले मार्क्स मिळाले आहेत आणि तिची शिकायची इच्छा ही आहे म्हणून , मग केलं एडमिशन . "

" बाकी मीरा तुझ्या हाताला चव आहे बर .. खूप सुंदर जेवण बनवल आहे .  बऱ्याच दिवसांनी वेगळी चव चाखायला मिळाली आहे . " त्याची आई म्हणाली ..

" हमं खूप स्वादिष्ट झाल आहे . तू पण घे ना ... " तो तिला ही वाढू लागला ...

" अहो घेते मी . तुम्ही जेवा " थांब मी वाढत आहे तू बस .. अस म्हणून तो तिला वाढू लागला ..