හයේ කනිසම ✓

30 කොටස

කමෙන්ට් ගෝල් 50

" මේ මොකද මේ? මේ සස්රුත් පුතා නේද? මන්දෝදරට මොනවා වෙලාද මේ?"

මන්දෝදරව ගෙදරටම උස්සගෙන ගියපු සස්රුත් මන්දෝදරගෙ ගෙදර දොරට ගහනකොට දොර ඇරපු ආච්චි අම්මා පුදුමෙන් කියනකොට සස්රුත් හිනා උනා.

" මන්දෝදරට පාඩම් කර කර ඉන්නකොට නින්ද ගියානේ... මම ඉතින් උස්සගෙනම ආවා"

සස්රුත් හිනා වෙවී කියනකොට හීනියට කෙඳිරි ගෑව මන්දෝදර සස්රුත්ගෙ බෙල්ල තවත් බදාගෙන හොදට හරි බරි ගැහිලා නින්ද තවත් තද කර ගත්තාම ආච්චි අම්මාටයි සස්රුත්ටයි දෙන්නටම හිනා ගියා.

"එන්න පුතේ ඇතුලට..."

ආච්චි අම්මා සස්රුත්ව ඇතුලට කතා කරන ගමන් සස්රුත්ගෙ කරෙ තිබ්බ බෑග් එක ගන්න හැදුවත් සස්රුත් ඒක උස්සගෙනම මන්දෝදරවත් තුරුලු කරගෙන ගිහින් , මන්දෝදරව කාමරයෙන්ම තිබ්බහම ආච්චි අම්මා හිනා වෙලා බලාගෙන හිටියා.

"පුතාට කොහොමද මන්දෝදරව හම්බුනේ... මන්දෝදර පාඩම් කරන්නනෙ ගියේ..?"

සස්රුත් රස්සාවක් කරන මන්දෝදරගෙ යාලුවෙක් කියලා කිව්ව වගෙ මතක තිබ්බ ආච්චි අම්මා අහනකොට සස්රුත් ගොත ගැහුවා.

"අහ්... මේ.. මම මින්සරට ගියානෙ හදිස්සියකට. එතනදී හම්බුණේ... මම එහෙනම් යන්නම් ආච්චි අම්මා"

සස්රුත් කියනකොට ආච්චි අම්මා සස්රුත්ගෙ අතින් අල්ලා ගත්තා.

"ඔහොම ඉන්න පුතේ... මේ රෑ පිරිමි දරුවෙක්වත් යවන්න පුලුවන් ද? දැන් රටේ වෙන දේවල් වල හැටියට.. පාරවල් දිගෙ කුඩු කාරයො ගංජා කාරයෝ... මේ වගෙ සීදෙවී කොල්ලෙක් යවන්න පුලුවන් යෑ. ගෙදරට පණිවිඩෙ දීගන්න පුලුවන් නම් පුතාට අද රෑට මෙහෙ නතර වෙන්න පුලුවන් නෙ...."

ආච්චි අම්මා හිනා වෙලා කියනකොට සස්රුත්ගෙ දෙතොල් අතර හිනාවක් ඇඳුනා.

_____

නිදාගෙන හිටපු මන්දෝදර ගෙ ඇස් හිමීට ඇරෙනකොට මන්දෝදරට දැණුනෙ උණුසුම් හුස්මක්. හිමීට ඇස් ඇරපු මන්දෝදර ගෙ ඇස් දෙක ගැටුණෙ ආදරෙන් පිරුණු කලු පාට ගැඹුරු ඇස් දෙකක. මන්දෝදර ගැස්සෙනවා, මන්දෝදරගෙ ඇස් දෙක දිහා බලාගෙන හිටපු ආදරණීය කලු පාට ඇස් දෙකෙ අයිති කාරයාට තේරුනා.