හයේ කනිසම ✓

01 කොටස

කමෙන්ට් ගෝල් 50

එදා සෙනසුරාදා දවසක්. මන්දෝදරගේ පවුලෙන් මන්දෝදර දැනුවත්ව ඉතිරි වෙලා හිටපු එකම සාමාජිකයා උනෙ මන්දෝදරයෙ ආච්චි අම්මා විතරයි. මන්දෝදරයෙ අම්මා මන්දෝදර පුංචි කාලෙම දාලා යනකොට , තාත්තා මන්දෝදර ඕලෙවල් කරන කාලෙ රිය අනතුරකින් නැති උනේ මන්දෝදරයි මන්දෝදරගෙ ආච්චි අම්මයි ණය ගනුදෙනු ගොඩක පටලවලා තනි කරලා දාලා. මන්දෝදරගෙ තාත්තා බීමට සූදුවට ඇබ්බැහි වෙලා හිටපු නිසා තාත්තා උන හතර වටේ ණය පිය වන්න වගේම මන්දෝදරගෙ ඉගෙනීමට වියදමට සල්ලි හොයා ගන්න මන්දෝදරට සිද්ද උනේ නිවාඩු වෙලාවට කඩවල් වල වැඩ කරන්න.

ගාඩර් එක ගාව තියන පුංචි බෑග් කඩයක වැඩට ගියපු මන්දෝදරට කඩේ බලා ගන්න දීලා අයිතිකාරයා අනිත් කඩේට යන්නෙ මන්දෝදරව විශ්වාස නිසා. මන්දෝදර කඩේ කවුරුත් නැති නිසා ඉස්සරහ බංකුව උඩ ජීව විද්‍යාව පොත පෙරලගෙන පාඩම් කරන ගමන් වාඩි වෙලා හිටියා.

" මන්දෝ... මන්දෝ... ස්ස්"

පොත පෙරලගෙන කියව කියව හිටපු මන්දෝදර ඔලුව උස්සලා බලනකොට මන්දෝදර දැක්කෙ මන්දෝදරගෙ හොදම යාලුවා අග්‍ර බෑග් එකකුත් එල්ලගෙන මන්දෝදර දිහා බලාගෙන ඉන්නවා. මන්දෝදර පුදුමෙන් අග්‍ර දිහා බැලුවා.

"අග්‍ර? තමුසෙට පන්ති කීවා නේද යක්කල? මොකද මෙහෙ කරන්නෙ?"

මන්දෝදර පුදුමෙන් අහනකොට අග්‍ර එක පාරටම ඇතුලට ඇවිදගෙන ආවම මන්දෝදර පොත පැත්තකින් තියලා අග්‍ර දිහා පුදුමෙන් බැලුවා.

"මොකද ඕයි?"

"අහපන්කො... මට උඹට දෙයක් කියන්න තියනවා"

අග්‍ර කියනකොට මන්දෝදර පුදුමෙන් අග්‍ර දිහා බැලුවම අග්‍ර බිම බලා ගත්තා.

"මොකක්ද? "

"මන්දෝ.. අහන්නකො...."

අග්‍ර මන්දෝදරගෙ අත් දෙකෙන්ම අල්ලා ගන්න හදනකොට මන්දෝදර පස්සට පැන්නා.

"ඒ.. මට බය හිතෙනවා. මොකද ඕයි..."

මන්දෝදර අහනකොට අග්‍ර ටිකක් වෙලා මන්දෝදරගෙ මූණ දිහා බලන් ඉඳලා බංකුව උඩින් වාඩි උනෙ බෑග් එක පැත්තකට විසි කරන ගමන්.