හයේ කනිසම ✓

26 කොටස

කමෙන්ට් ගෝල් 50

" පුතේ... උඹ ආවැයි?"

මන්දෝදර ගෙදරට ගොඩ වැදෙනකොටම මන්දෝදරගෙ ආච්චි අම්මා මන්දෝදරගෙ බෑග් එක අතට ගන්න ගමන් ඇහුවා. පන්ති ඉවර වෙලා එහෙමම ගෙදරට මන්දෝදර ආවේ හවස් වරුවේ මන්දෝදර වැඩ කරපු කඩේ වහලා කියලා අයිතිකාරයා කීව නිසා. මන්දෝදරගෙ හිත ඒ වෙනකොට සතුටෙන් පිරිලා තිබුනා. වාර විභාගෙ ලකුණු දීලා තිබ්බ වගේම මන්දෝදරගෙ ලකුණු 75 ට වැඩි වෙලා තිබ්බෙ ජීව විද්‍යාව ට විතරක් උනාට අනිත් විෂයන් දෙකටම 70 පන්නලා තිබ්බා. පන්තියෙන් පස්වෙනි ස්ථානයට හිටපු මන්දෝදර ගෙ හිතෙ සතුට නැති වෙන්න ආච්චි අම්මා ඊලග කීව වචන කීපය ප්‍රමාණවත් උනා.

"පුතේ... මහත්තයා ආවනේ.. ණය ඉල්ලන්න"

ආච්චි අම්මා කියන්නෙ ශේද් ගෙ තාත්තාගෙ ලේකම් ගැන කියලා මන්දෝදර දන්නවා. මන්දෝදර මොකුත් නොකියා ආච්චි අම්මා දිහා බලාගෙන හිටියා මිසක් මොකුත් කීවෙ නැහැ.

" ගෙවල් උගසට ගන්නවා කියලා කීවානෙ මහත්තයා. ගිය මාසෙ කොටස ගෙව්වෙ නෑනෙ. මේ මාසෙත් ඉවර වෙන්න ලගයී. මගෙ මගුල් මුද්ද තියෙනවානෙ උඹලෑ සීයා දුන්න...  ඒක..."

"එපා ආච්චි අම්මෙ මම කොහොම හරි ගෙවනවා... බය වෙන්න එපා..."

මන්දෝදර හිමීට කියනකොට ආච්චි අම්මා කිසිවක් කිව්වෙ නැහැ. මන්දෝදර නිශ්ශබ්දව ගේ ඇතුලට ගිහිල්ලා කාමරෙ දොර වහ ගත්තා. තමන් ලග ණය බේරන්න තරම් සල්ලි නැති බව මන්දෝදර දැනගෙන හිටියෙ. අසරණකමක් දැනෙනකොට බිත්තියට හේත්තු උන මන්දෝදරගෙ ඇස් වලින් කඳුලු කැට ගලාගෙන ගියා.

" අම්මේ.... ඇයි මාව දාලා ගියේ.. ඇයි තාත්තෙ අපිට මෙහෙම කලේ... ඇයි ඔයාගෙ පොඩි පුතාට මෙහෙම කලේ තාත්තේ"

ඇස් වහ ගත්ත මන්දෝදර මුමුණන ගමන් ඇඳගෙන ආව ඇඳුම පිටින්ම එහෙමම ඇඳ උඩ ගුලි උනා.

_____

"පුතේ... පුතේ උඹේ යාලුවෙක් ඇවිත්.."

සෙනසුරාදා උදෙ මන්දෝදර ඇහැරුනෙ ආච්චි අම්මා ගෙ සද්දෙට. අග්‍ර හරි භාෂිණි හරි ඇවිත් වෙන්න ඇති කියලා හිතාගෙන මන්දෝදර නිදා ගන්න ඇඳුම් පිටින්ම නිදි ගැට කඩන ගමන් එලියට බඩ ගානකොට ඉස්සරහ හිටගෙන ඉන්න සස්රුත්ව දැක්ක මන්දෝදර ගැස්සුනා.