Unicode;
လက်ထပ်မယ်ဟုတ်..'
'အင်း..'
'ဘယ်တော့လောက်လဲ
ဝမ်ကျောင်းပြီးလား..''အင်း..'
လှေကားပေါ်ကနေဆင်းလာသည့်ကောင်လေးဘေးစ
ကားပြောမပြတ်သည့်အမျိုးသားကထိုကောင်လေး၏ပုခုံးကိုဖက်ကာ စကားတစ်ခွန်းပြောပြီးတိုင်းပါးဖောင်းဖောင်းလေးကိုနမ်းရှိုက်၏။'ဒီနေ့ကျူရှင်ရှိလား..'
'ဟအင့်..'
ထမင်းစားခန်းထဲဝင်ကာ အဆင်သင့်ပြင်ထားပေးသည့်နံနက်စာကိုစားရင်းဖြေလာသည့်ကောင်လေးကမျက်နှာချင်းဆိုင်မှအမျိုးသားကို ကိတ်မုန့်အတုံးသေးသေးလေးခွံ့ကျွေး၏။
'အယ် !..'
ကိတ်မုန့်စားနေတုန်းရုတ်တရက်ပေါင်ပေါ်ဆွဲတင်ခံလိုက်ရသည့်ကောင်လေးလက်ထဲတွင်ကိုင်ထားသည့်ဇွန်းနှင့်အတူ ကိတ်မုန့်သေးသေးလေးပါပြုတ်ကျသွား၏။စားပွဲပေါ်ပြုတ်ကျသွားသည့်ကိတ်ကိုကြည့်ကာနှမျောသလိုဖြစ်နေသည့်ကောင်လေးက ထိုအမျိုးသားကိုမျက်စောင်းလေးဝေ့သေး၏။
'ပြုတ်ကျကုန်ပြီ..'
'ဝမ်~..'
'အင်း ..'
လည်တိုင်ကိုခေါင်းလေးတိုးဝှေ့ကာအသံကိုအတတ်နိုင်ဆုံးနှိမ့်၍ ခပ်ချွဲချွဲလေးဆိုလာသည့်အမျိုးသားကချစ်စရာမျက်လုံးလေးလိုလုပ်ပြသေး၏။အရမ်းတည်ငြိမ်လွန်း၏ဆရာဝန်လေးကအခုတော့များသုံးနှစ်သားလေးလိုချစ်ဖို့ကောင်းနေပြန်သေး၏။
'စေ့စပ်ထားကြရအောင်..'
'ကိုကို..'
အံ့ဩသလိုခေါ်လာသည့်ကောင်လေးကထိုအမျိုးသားကိုစိုက်ကြည့်နေကာ နားမလည်သည့်ပုံစံဖြင့်ကြောင်နေ၏။ထိုနောက်ကိတ်မုန့်လေးခွံ့ကျွေးလာသည့်အမျိုးသားကြောင့် တစ်ခုခုကိုစဉ်းစားနေသည့်ကောင်လေးက ပါးစပ်လေးဟထားကာမျက်ဝန်းတို့ကထိုအမျိုးသားထံမှမခွာသေးပေ။
ပါးစပ်ထဲရောက်လာသည့်ကိတ်မုန့်ကိုတမြုံ့မြုံ့ဝါးနေသည့်ကောင်လေးကပါးနှစ်ဖက်တို့သည်ဖောင်းလိုက်ပိန်လိုက်။ပါးနှစ်ဖက်ကိုတရွှတ်ရွှတ်မွှေးကြူနေသည့်အမျိုးသားကမူ ထိုကောင်လေး၏မျက်နှာကိုတစ်စိုက်မတ်မတ်ရှုနေ၏။