Unicode;'ဝမ် ညစာစားပြီပြီလား..'
'အင်း..'
ညရှစ်နာရီဝန်းကျင်ရှိသည့်နည်းတူ ပတ်ဝန်းကျင်ဟာမှောင်မိုက်လို့။နွေရာသီမို့လေနုအေးအေးလေးများတိုက်ခတ်သည့်အခါ ရင်ထဲအေးခနဲဖြစ်စေ၏။
'ဟင်းမချက်ထားဘူးလား..'
'အင်း ကိုဒီနေ့ဆေးရုံအစောကြီးသွားရလို့
ဘာမှမချက်လိုက်ရဘူး..'ခေါက်ဆွဲပြုတ်ကို စားပွဲပေါ်ချလာသည့်အမျိုးသားကြောင့် TVကြည့်နေရာမှခေါင်းလေးစောင်းကာမေး၏။ထိုအမျိုးသား၏အပြောကြောင့် အလိုမကျသလိုကြည့်လာသည့်ကောင်လေးကမျက်ခုံးလေးစုကျုံ့ထားသေးသည်။
'မနက်ကတည်းကဘာမှမစားရသေးဘူးလား..'
ခပ်ပြုံးပြုံးလေးလုပ်ကာခေါင်းငြှိမ့်လိုက်သည့်အမျိုးသားကြောင့် ဆူမဲ့သွားသည့်ကောင်လေးသည်ထိုအမျိုးသားအား မျက်စောင်းလေးဝေ့လိုက်၏။လေတစ်ချက်အတိုက်သစ်ရွက်လေးလှုပ်သလိုမျိုး နှစ်ဆယ်ကျော် သုံးဆယ်နားနီးသည် ထိုအမျိုးသား၏နှလုံးသားသည် ဆယ်ကျော်သက်ကောင်လေး၏မျက်စောင်းလေးကြောင့်နှလုံးသားရေပြင်လေး လှုပ်ခတ်သွား၏။
'ဝမ်~..'
'ဘာလို့ ထမင်းမစားပဲနေ နေတာလဲ..'
'ကိုတကယ်မေ့သွားလို့ပါ..'
'ကိုကိုနောက်ဆို ကျွန်တော့်ကိုပါမေ့သွားမှာ..'
'ဝမ်!!..'
စိတ်ဆိုးနေပုံဖြင့် အလိုမကျသလိုပြောနေသည့်ကောင်လေးကြောင့် အနည်းငယ်မတင်မကျဖြစ်သွားသည့်အမျိုးသားသည့်ထိုကောင်လေးကို လေသံမာမာဖြင့်ခေါ်လိုက်၏။မျက်ဝန်းလေးကအရောင်မှိုင်းနေသည်ဟုထင်ရသော်လည်း အနည်းငယ်ဝမ်းနည်းရိပ်သန်းနေသည့်ကောင်လေး၏မျက်ဝန်းတို့သည် ငွေရောင်တစ်လက်လက်ဖြင့်။
'ဝမ် ဘာဖြစ်လို့လဲ
ကို့ကိုပြောလေဝမ်..''အင့် ကိုကိုက..'
မပြောသေးပဲမျက်ရည်ဥလေးပြိုကျလာသည့်ကောင်လေးသည် ထိုအမျိုးသား၏ရင်ခွင်ထဲတိုးဝင်သွား၏။ရင်ခွင်ထဲမျက်နှာအပ်ကာ ရှိုက်နေသည့်ကောင်လေးသည် ထိုအမျိုးသားမေးမှပင့်သော်လည်းမမော့လာချေ။