بارت12
ﻃﻠﻌﻨﻪ ﻣﻦ ﺍﻟﻤﻄﺒﺦ ﻭﺭﺣﻨﻪ ﻟﻐﺮﻓﺔ ﺳﺎﺭﺓ ﻭﮔﻌﺪﺕ ﺗﺴﻮﻟﻔﻠﻲ
ﺳﺎﺭﺓ : ﺑﻴﻤﻦ ﺍﺑﺪﻳﻠﭻ ﻫﻤﻤﻢ ... ﺑﺴﻨﻪ ____ ﭼﺎﻥ ﻋﻤﻲ ﺍﻟﻠﻪ ﻳﺮﺣﻤﺔ ﺭﺟﺎﻝ ﺑﺴﻴﻂ ﻋﻠﺔ ﮔﺪ ﺣﺎﻟﺔ ﻭﺍﻭﻻﺩﺓ ﻛﻠﻬﻢ ﺗﺰﻭﺟﻮ ﺍﻟﺔ ﻗﺎﺳﻢ ﭼﺎﻥ ﺍﻟﻮﺣﻴﺪ ﻣﻴﻘﺒﻞ ﻳﺘﺰﻭﺝ ﻭﻫﺬﺍ ﺍﻟﺤﺠﻲ ﭼﺎﻥ ﺑﻌﺪﻩ ﺷﺎﺏ ... ﺑﻮﻛﺘﻬﺔ ﻗﺎﺳﻢ ﻋﻨﺪﺓ ﻣﺤﻞ ﻣﺎﺟﺮﺓ ﺻﺎﺭﻟﺔ ﺳﻨﺘﻴﻦ ﻻﻥ ﺑﺤﺴﺎﺏ ﭼﺎﻥ ﻳﺪﺭﺱ ﺗﺠﺎﺭﺓ ﻓﻤﻦ ﺧﻠﺺ ﻣﺎﻛﻮ ﺗﻌﻴﻴﻦ ﻓﻈﻞ ﻋﻠﺔ ﻣﺤﻠﺔ ﺣﺘﻪ ﻳﺴﺘﺮﺯﻕ ﻣﻨﻪ ﮔﺎﻡ ﻳﺸﺘﺮﻱ ﺑﻀﺎﻋﺔ ﻭﻳﺠﻴﺐ ﻭﺳﻮﮔﺔ ﻳﻤﺸﻲ ﻣﺎﺷﺎﺀﺍﻟﻠﻪ ﻭﻣﻦ ﺻﺎﺭ ﺑﺠﻴﺒﺔ ﻓﻠﻮﺱ ﺍﺷﺘﺮﺓ ﻣﺤﻞ ﺍﻟﺔ ﺧﺎﺹ ﺑﻲ ﻭﻫﻢ ﮔﺎﻡ ﻳﺮﺑﺢ ﻓﻠﻮﺱ ﺧﻴﺮ ﻣﻦ ﺍﻟﻠﻪ ﺑﺪﺓ ﻳﺸﺘﺮﻱ ﻣﺤﻞ ﺛﺎﻧﻲ ﻭﻫﻢ ﻧﻔﺲ ﺍﻟﺤﺎﻟﺔ ﺍﻟﻰ ﺍﻥ ﺑﺪﺕ ﺳﻤﻌﺘﻪ ﻣﺸﻬﻮﺭﺓ ﺑﺎﻟﻤﻼﺑﺲ ﻭﺍﻟﻌﻄﻮﺭ ﻭﺍﻟﻜﻮﺯﻣﺎﺗﻴﻚ ﻭﻃﮓ ﺑﺎﻟﺴﻮﮒ ﻭﻫﻮ ﺑﻬﺎﻱ ﺍﻟﻔﺘﺮﺓ ﺻﺎﺭ ﺑﺠﻴﺒﺔ ﻓﻠﻮﺱ ﻭﺍﺷﺘﺮﺓ ﮔﺎﻉ ﺑﻤﻜﺎﻥ ﻋﺎﻡ ﻳﻌﻨﻲ ﻣﻜﺎﻥ ﺑﻲ ﺣﺮﻛﺔ ﻭﮔﺎﻡ ﻳﺒﻨﻲ ﺑﻴﻬﺔ ﺳﻮﺍﻫﺔ ﻣﺠﻤﻊ ﻣﺎﻝ ﻣﺤﻼﺕ ﻭﺍﺟﺮﻫﻦ ﻭﺑﺪﺕ ﺍﻟﻔﻠﻮﺱ ﺗﺠﻲ ﺯﺥ ﻻﻥ ﻛﻞ ﻣﺤﻞ ﻳﺎﺟﺮﺓ ﺑﺎﻟﺸﻬﺮ ﻳﺠﻴﺐ ﻣﻠﻴﻮﻧﻴﻦ ﻣﺪﺭﻱ ﺷﮕﺪ ﺍﻟﻤﻬﻢ ... ﻭﺑﺪﺓ ﻳﻜﻮﻥ ﻧﻔﺴﺔ ﻣﻦ ﻫﺬﺓ ﺍﻟﻤﺠﻤﻊ ﻭﻃﺒﻌﺎ ﻣﺤﻼﺗﻪ ﺍﻟﺜﻨﻴﻦ ﻭﻛﺒﺮﻫﻦ ﻭﺳﻮﺍﻫﻦ ﻣﺤﻞ ﻭﺍﺣﺪ ﻟﻼﺣﺠﺎﺭ ﺍﻟﻜﺮﻳﻤﺔ ﻭﺍﻟﻔﻀﺔ ﻭﺍﻻﻳﺮﺍﻧﻴﻴﻦ ﻭﺍﻟﺨﻠﻴﺞ ﻫﻮﺍﻱ ﻳﺠﻮﻥ ﻋﻠﻲ ... ﺑﺬﺍﻙ ﺍﻟﻮﻛﺖ ﻣﺤﺪ ﻳﺪﺭﻱ ﺑﺎﻧﻮ ﻗﺎﺳﻢ ﻋﻨﺪﺓ ﻣﺠﻤﻊ ﻭﻫﻴﭻ ﺷﻲ ﻋﺒﺎﻟﻨﻪ ﺑﺲ ﻋﻨﺪﺓ ﻣﺤﻠﻴﻦ ... ﻋﻤﻲ ﺍﻟﻠﻪ ﻳﺮﺣﻤﻪ ﻋﺮﻑ ﺑﺎﻧﻮ ﻗﺎﺳﻢ ﻋﻨﺪﺓ ﻣﺠﻤﻊ ﻭﻋﺎﺗﺒﺔ ﻟﻴﺶ ﻣﺎﮔﺎﻟﺔ ﻓﻘﺎﺳﻢ ﮔﻠﺔ ﻳﺎﺑﺔ ﻫﺬﺍ ﺍﻟﻤﺠﻤﻊ ﺍﻧﺖ ﺗﺼﺮﻑ ﺑﻲ ﺍﻟﻠﻲ ﻳﻌﺠﺒﻚ ﻭﺷﻨﻮ ﺗﺮﻳﺪ ﺍﻧﻲ ﺣﺎﻇﺮ ... ﻋﺎﺩ ﻋﻤﻲ ﻛﻴﻒ ﻭﮔﺎﻡ ﻳﺠﻴﺐ ﺑﻀﺎﻋﺔ ﻻﻫﻞ ﺍﻟﻤﺤﻼﺕ ﻭﻳﺒﻴﻌﻬﻦ ﺍﻟﻬﻢ ﻭﻃﺒﻌﺎ ﺍﺧﺬﻟﺔ ﻣﺤﻞ ﻣﻦ ﺍﻟﻤﺠﻤﻊ ﻭﻫﻮ ﮔﻌﺪ ﺑﻲ ﻳﺴﺘﺮﺯﻕ ﺑﺲ ﺍﺟﺎﺭ ﺍﻟﻤﺤﻼﺕ ﻛﻠﻬﺔ ﺗﺮﻭﺡ ﻟﻘﺎﺳﻢ ﺍﻣﺎ ﻋﻤﻲ ﻓﻴﺎﺧﺬ ﺑﺲ ﺣﻘﺔ ﻳﻌﻨﻲ ﺑﺲ ﻓﻠﻮﺱ ﺍﻟﻤﺤﻞ ﺍﻟﻠﻲ ﻳﮕﻌﺪ ﺑﻲ ﻭﺗﺠﺎﺭﺓ ﺍﻟﺒﻀﺎﻳﻊ ... ﺍﺧﻮﺓ ﻗﺎﺳﻢ ﻋﺮﻓﻮﺍ ﺑﺎﻧﻮ ﺍﺑﻮﻫﻢ ﻋﻨﺪﻩ ﻣﺠﻤﻊ ﻭﺗﺨﺒﻠﻮﺍ ﻋﺒﺎﻟﻬﻢ ﻣﺎﻝ ﻋﻤﻲ ﺑﺲ ﺷﻨﻮ ﻃﻠﻊ ﻋﻤﻲ ﻭﻗﺎﺳﻢ ﻣﺘﻔﻘﻴﻦ ﺑﺎﻥ ﻋﻤﻲ ﻳﮕﻮﻝ ﺍﻟﻤﺠﻤﻊ ﻣﺎﻻﻩ ﺣﺘﻪ ﻗﺎﺳﻢ ﻳﻜﺒﺮ ﺷﻐﻠﺔ ﻭﻣﺘﺠﻲ ﺍﻟﻌﻴﻦ ﻭﺍﺧﻮﺗﻪ ﻳﻐﺎﺭﻭﻥ ﻣﻨﻪ ﻻﻥ ﻗﺎﺳﻢ ﻣﻴﺤﺐ ﻳﺨﻠﻲ ﺍﺧﻮﺗﻪ ﺑﺎﻟﻌﻴﻦ ﺍﻟﺼﻐﻴﺮﺓ ﻻﻥ ﻫﻤﺔ ﻣﭽﺎﻧﻮﺍ ﻋﺪﻫﻢ ﻫﺎﻟﮕﺪ ﻓﻠﻮﺱ ﭼﺎﻥ ﻣﺮﺗﻀﻰ ﻣﻼﺯﻡ ﺑﺎﻟﺠﻴﺶ ﻭﺭﺍﺗﺒﺔ ﻣﻮ ﺷﻲ .... ﻭﺣﻴﺪﺭ ﻣﺪﺭﺱ ... ﻭﺯﻭﺟﻲ ﺟﻌﻔﺮ ﺍﺳﺘﺎﺫ ﺟﺎﻣﻌﻲ ..... ﻓﺒﺬﺍﻙ ﺍﻟﻮﻛﺖ ﺟﺎﻧﺖ ﺭﻭﺍﺗﺒﻬﻢ ﺿﻌﻴﻔﺔ ﻭﺧﺼﻴﺼﺎ ﺑﺰﻣﻦ ﺍﻟﻨﻈﺎﻡ ﺍﻣﺎ ﻗﺎﺳﻢ ﭼﺎﻥ ﻣﻦ ﺍﻻﻏﻨﻴﺎﺀ ﻻﻥ ﺑﺤﺴﺎﺏ ﺗﺎﺟﺮ ...... ﺍﻟﻤﻬﻢ ﺍﺧﻮﺕ ﻗﺎﺳﻢ ﺗﺨﺒﻠﻮ ﻳﺮﺩﻭﻥ ﻓﻠﻮﺱ ﻣﻦ ﻋﻤﻲ ﻭﻫﻮ ﻣﻴﻘﺒﻞ ﻳﻨﻄﻴﻬﻢ ﻻﻥ ﻫﻮ ﺍﻟﻤﺠﻤﻊ ﻣﻮ ﻣﺎﻟﺘﻪ ﻣﺎﻝ ﻗﺎﺳﻢ .... ﺍﻣﺎ ﻗﺎﺳﻢ ﭼﺎﻥ ﻳﺴﺎﻓﺮ ﻭﻳﺠﻴﺐ ﺑﻀﺎﻋﺔ ﻟﻠﻤﺤﻼﺕ ﺑﺪﺍﻝ ﺍﺑﻮ ﻻﻥ ﻋﻤﻲ ﻛﺒﺮ ﻭﺗﻌﺐ ﻓﺸﺴﻮﺓ ﻗﺎﺳﻢ ﮔﺎﻡ ﻳﺎﺧﺬ ﻭﻳﺒﻴﻊ ﻭﻛﺒﺮ ﺍﺳﻤﻪ ﺍﻟﺔ ﺍﻥ ﮔﺎﻡ ﻳﺸﺘﺮﻱ ﮔﻴﻌﺎﻥ ﻭﻳﺒﻨﻴﻬﻦ ﻭﺳﻮﺓ ﺷﻘﻖ ﻳﻌﻨﻲ ﻋﻤﺎﺭﺓ ﻭﺍﺟﺮ ﺍﻟﺸﻘﻖ ﺑﻮﻛﺘﻬﺔ ﺑﻨﻪ 6 ﺷﻘﻖ ﻭﻛﻮﻟﻬﻦ ﻛﺒﺎﺭ ﻭﺣﻠﻮﺍﺕ ﭼﻨﻬﻦ ﺑﻴﻮﺕ ﺑﺲ ﻃﺎﺑﻖ ﻭﺍﺣﺪ ﮔﺎﻡ ﻳﻜﺒﺮ ﺍﻛﺜﺮ ﻭﺻﺎﺭ ﻭﺍﺗﺼﻮﺭ ﻭﻛﻞ ﻫﺬﺍ ﺍﺣﻨﻪ ﻋﺒﺎﻟﻨﻪ ﻫﺬﻧﻲ ﺍﻻﻣﻼﻙ ﻟﻌﻤﻲ .... ﻭﻃﺒﻌﺎ ﻗﺎﺳﻢ ﻣﺎﻣﻘﺼﺮ ﺑﺸﻲ ﻭﻳﺎﻧﻪ ﭼﺎﻥ ﻳﺼﺮﻑ ﻋﻠﻴﻨﻪ ﻭﻳﺠﻴﺐ ﻭﻳﺘﺮﺱ ﺑﺠﻴﺐ ﺍﺧﻮﺗﻪ ﻋﻦ ﻃﺮﻳﻖ ﺍﺑﻮ ﺑﺤﻴﺚ ﻫﻮ ﻳﻨﻄﻲ ﻻﺑﻮ ﻛﻢ ﻣﻠﻴﻮﻥ ﻭﻳﮕﻮﻟﺔ ﺭﻭﺡ ﺍﻧﻄﻲ ﻻﺧﻮﺗﻲ ﻻﻥ ﻫﻤﺔ ﻣﻌﺘﺎﺯﻳﻦ ﺑﻠﻜﻲ ﻳﺸﺘﻐﻠﻮﻥ ﺑﻴﻬﻦ ﻭﻳﺼﻴﺮﻭﻥ ﻧﻔﺴﻲ ﻓﻌﺎﺩ ﻋﻤﻲ ﺻﺪﻭﮒ ﮔﺎﻡ ﻳﻨﻄﻴﻬﻢ ﻭﻳﮕﻮﻝ ﺍﺷﺘﻐﻠﻮﺍ ﺑﻴﻬﻦ ﺣﺘﻪ ﻳﺼﻴﺮ ﺑﺮﺍﺳﻜﻢ ﺧﻴﺮ .... ﺑﺲ ﻫﻤﺔ ﺷﻨﻮ ﺳﻮﻭ ﻛﻞ ﻭﺍﺣﺪ ﺍﺗﺼﺮﻑ ﻋﻠﺔ ﻛﻴﻔﺔ ﺑﺎﻟﻔﻠﻮﺱ ﻋﻜﺲ ﺟﻌﻔﺮ ﺍﻟﻠﻲ ﺿﻤﻬﻦ ﺿﻤﺎﻥ ﺍﻟﺔ ﻭﺻﺪﻭﮒ ﺟﻌﻔﺮ ﺍﺷﺘﺮﺓ ﺑﻴﺖ ﺍﻟﺔ ﻭﺍﺟﺮﺓ ﻭﮔﺎﻡ ﻳﺴﺤﺐ ﻓﻠﻮﺱ ﻣﻦ ﺍﻟﺒﻴﺖ ﻭﻓﻠﻮﺱ ﺷﻐﻠﺔ ﻭﻋﺸﻨﻪ ﺑﺤﺎﻟﺔ ﻣﺎﺩﻳﺔ ﺯﻳﻨﻪ ﺍﻟﺤﻤﺪﻟﻠﻪ ﺑﺤﻴﺚ ﻛﻮﻟﺸﻲ ﻧﺮﻳﺪ ﻋﺪﻧﻪ ﻋﻜﺲ ﺍﻭﻻﺩ ﺳﻨﺪﺱ ﻭﺧﺼﻴﺼﺎ ﻫﺬﺍ ﻣﺮﺗﻀﻰ ﺧﻠﺺ ﻓﻠﻮﺳﺔ ﻛﻮﻟﺔ ﺑﺎﻟﻮﻧﺴﺔ ﺍﻣﺎ ﺣﻴﺪﺭ ﺳﺪﺩ ﺩﻳﻨﻪ ﻻﻥ ﭼﺎﻥ ﻳﺘﺪﺍﻳﻦ ﻣﻦ ﺍﻟﻨﺎﺱ ﻭﺍﺣﻨﻪ ﻣﻨﺪﺭﻱ ﺣﺘﻪ ﻳﻌﻴﺶ ﻋﺎﺋﻠﺘﻪ .... ﻫﺬﺍ ﺍﻟﺤﭽﻲ ﺳﻨﻴﻦ ﻗﺎﺳﻢ ﺑﺲ ﻳﺸﺘﻐﻞ ﻣﺎﮔﻌﺪ ﻣﻦ ﻋﻤﺮﺓ 21 ﺳﻨﻪ ﻫﻮ ﻳﺸﺘﻐﻞ ﻭﻣﻦ ﺻﺎﺭ ﻋﻤﺮﺓ 30 ﺳﻨﺔ ﻋﻤﻲ ﺍﻧﻄﺎﭺ ﻋﻤﺮﻩ ﻭﺍﻻﻣﻼﻙ ﻣﺎﻝ ﻗﺎﺳﻢ ﻋﺒﺎﻟﻨﻪ ﻣﺎﻝ ﻋﻤﻲ ﻭﺭﺓ ﻣﺪﺓ ﺭﺍﺣﻮﺍ ﺣﺘﻪ ﻳﻮﺯﻋﻮﻥ ﻓﻠﻮﺱ ﺍﻟﻮﺭﺙ ﻭﻫﻨﺎ ﭼﺎﻧﺖ ﺍﻟﺼﺪﻣﺔ ﻣﺎﻛﻮ ﺍﻱ ﺷﻲ ﺑﺲ ﺑﻴﺖ ﺑـ 200 ﻣﺘﺮ ﻭﺳﻴﺎﺭﺓ ﻋﻤﻲ ﻫﺬﺍ ﻛﻞ ﺍﻟﻮﺭﺙ ﺍﻧﺼﺪﻣﻮﺍ ﺻﺪﻣﺔ ﻋﻤﺮﻫﻢ ﺭﺍﺣﻮﺍ ﻟﻠﻤﺠﻤﻊ ﻭﻳﺮﻳﺪﻭﻥ ﻳﻌﺮﻓﻮﻥ ﺍﻟﻤﻦ ﺍﻟﻤﺠﻤﻊ ﻫﺬﺍ ﻭﻋﺮﻓﻮﺍ ﺍﻧﻮ ﻫﺬﺍ ﻣﺎﻝ ﻗﺎﺳﻢ ﺗﺨﺒﻠﻮﺍ ﻟﻴﺶ ﺑﺎﻳﮓ ﻓﻠﻮﺱ ﺍﺑﻮﻫﻢ ﻭﻗﺎﺳﻢ ﻳﺤﻠﻒ ﺑﺎﻧﻮ ﻣﺎ ﺳﺎﺭﻕ ﮔﺎﻝ ﻫﺬﺍ ﺗﻌﺒﻲ ﺍﻧﻲ ﭼﻨﺖ ﺍﺷﺘﻐﻞ ﺑﻔﻠﻮﺳﻲ ﻭﺍﺧﻮﺗﻪ ﺗﻌﺎﺭﻛﻮﺍ ﻭﺻﺎﺭﻭﺍ ﺍﻣﺎﻟﺦ ﺑﻴﻨﺎﺗﻬﻢ ﻭﺗﻬﺠﻤﻮﺍ ﻋﻠﻰ ﻗﺎﺳﻢ ﻭﻫﻮ ﻳﺼﻴﺢ ﻭﻳﺤﻠﻒ ﺍﻟﻰ ﺍﻥ ﺑﻠﻎ ﻋﻠﻴﻬﻢ ﻻﻥ ﻳﻮﻣﻴﺔ ﻳﺘﻬﺠﻤﻮﻥ ﻋﻠﻲ ﻭﺻﺎﺭﺕ ﺟﻠﺴﺔ ﺑﺎﻟﻤﺤﻜﻤﺔ ﻭﺍﻧﻄﻮﺍ ﺍﻟﺤﻖ ﻟﻘﺎﺳﻢ ﻻﻥ ﻫﺬﻧﻲ ﺍﻣﻼﻛﻪ ﻭﺍﻟﻜﻞ ﺷﻬﺪ ﻭﺍﺧﻮﺗﻪ ﺗﺨﺒﻠﻮﺍ ﺷﻠﻮﻥ ﻫﺬﻧﻲ ﺍﻣﻼﻙ ﺍﺑﻮﻧﻪ ﻫﻮ ﮔﺎﻝ .... ﻋﺎﺩ ﻗﺎﺳﻢ ﺷﺮﺣﻠﻬﻢ ﮔﺎﻝ ﻣﺎﺭﺩﺗﻜﻢ ﺗﺘﺤﺴﺴﻮﻥ ﺑﺎﻧﻲ ﺍﺳﺎﻋﺪﻛﻢ ﺭﺩﺕ ﺍﺑﻮﻳﺔ ﻳﻨﻄﻴﻜﻢ ﺣﺘﻪ ﻣﺘﺨﺠﻠﻮﻥ ﻣﻨﻪ ﻭﻫﻤﺔ ﻣﺼﺮﻳﻦ ﺑﺎﻥ ﻫﺬﺍ ﺍﻟﻮﺭﺙ ﺍﻟﻬﻢ ﺍﻟﻘﺎﺿﻲ ﺣﻜﻢ ﮔﺎﻝ ﻛﻠﻜﻢ ﺍﺗﺴﻜﺘﻮﻥ ﻣﺎ ﺍﻟﻜﻢ ﺍﻱ ﺣﻖ ﺑﺎﻱ ﺷﻲ ﻏﻴﺮ ﺍﻟﺒﻴﺖ ﻭﺍﻟﺴﻴﺎﺭﺓ ﻭﺧﻮﺍﺗﻜﻢ ﻫﻢ ﺍﻟﻬﻦ ﺣﺼﺔ ﻭﺍﻻﻣﻼﻙ ﺍﻟﺨﺎﺻﺔ ﺑﺎﻟﺴﻴﺪ ﻗﺎﺳﻢ ﻫﻨﺔ ﺍﻣﻼﻛﺔ ﻭﻫﺬﺍ ﺗﻌﺒﺔ ﻻﻥ ﻫﻮ ﺍﻧﺴﺎﻥ ﻧﺎﺟﺢ ﻭﺻﻞ ﻟﻬﺎﻟﻤﺮﺣﻠﺔ .... ﻭﺭﻓﻌﻮﺍ ﺍﻟﺠﻠﺴﺔ ﺑﻮﻛﺘﻬﺔ ﺟﻌﻔﺮ ﺿﻞ ﺣﺎﻳﺮ ﺷﻠﻮﻥ ﻳﺘﺼﺮﻑ ﺑﻔﻠﻮﺱ ﺍﻟﻮﺭﺙ ﻓﺮﺍﺡ ﻳﺴﺘﺸﻴﺮ ﻗﺎﺳﻢ ﮔﻠﺔ ﺷﺘﺼﺮﻑ ﺑﻴﻬﻦ ﺍﻧﻲ ﺣﺎﻳﺮ
ﻗﺎﺳﻢ ﻃﻤﻨﻪ ﻭﮔﻠﺔ ﺍﻧﻲ ﺭﺍﺡ ﺍﺷﺘﺮﻱ ﺑﻴﺖ ﺗﺮﻳﺪ ﺍﻧﺖ ﻫﻢ ﺗﻌﺎﻝ ﺍﮔﻌﺪ ﻳﻤﻲ ﻭﻓﻠﻮﺱ ﺍﻟﻮﺭﺙ ﺍﺷﺘﻐﻞ ﺑﻴﻬﻦ . ﻭﺻﺪﻭﮒ ﺟﻌﻔﺮ ﺷﺎﺭﻙ ﻭﻳﺔ ﺻﺪﻳﻘﺔ ﺑﻤﻌﺮﺽ ﻣﺎﻝ ﺳﻴﺎﺭﺍﺕ ﻭﺻﺎﺭ ﻭﺗﺼﻮﺭ ﻭﺳﻮﺓ ﻣﻌﺮﺽ ﺧﺎﺹ ﺍﻟﺔ
ﺣﻴﺪﺭ ﻣﻦ ﻋﺮﻑ ﺟﻌﻔﺮ ﺳﻜﻦ ﻳﻢ ﻗﺎﺳﻢ ﻫﻮ ﻫﻢ ﺭﺍﺩ ﻳﺠﻲ ﮔﺎﻝ ﺍﻧﻲ ﻣﺎﻋﻨﺪﻱ ﺑﺲ ﺷﻘﺔ ﻭﻣﺄﺟﺮﻫﺔ ﺿﻤﺎﻥ ﺍﻟﺔ ﻣﻦ ﻓﻠﻮﺱ ﺍﻟﻮﺭﺙ ﻭﻗﺎﺳﻢ ﺭﺣﺐ ﺑﻲ ﻗﺎﺑﻞ ﺷﻴﺴﻮﻱ ﺍﺧﻮ ﻭﻣﺠﺒﻮﺭ ﻳﺘﺤﻤﻠﺔ
