بارت54
فتحت عيوني بتوسع: نعم
بيداء: تطلع؟؟ اريد افكر واكعد وحدي رجاءً
ذبيت نفس عميق وهزيت راسي: على راحتچ ، بس قرري بيداء لان انتي الوحيدة اللي حتخسرين
طلعت من العمارة واني بالي وياهة.. هواي جرحتهة اليوم وغلطت بحقهة وعود اني مواعدهة اعلن زواجي بيهة.. بس فكرت وشفتهة صعبة علية مامستعد لانهيار بحار وتتركني بعد ما حبتني واخيراً ، اذا اجيب بيداء واعلنهة زوجة الي راح اكسر ببحار وتتركني بكل سهولة واني ماريد اتركهة لان احبهة واريدة يمي دائما وانوب امي تًغضب علية لان ماتحبهة بس جانت مجبورة تتحمل جياتهة النه بسبب صداقة سندس ونهاد
مضت الايام بهدوء وبيداء لا تتصل ولاشي ساكته رحتلهة بالعمارة وحاولت احاجيهة ومتقبل تفتحلي الباب عرفت بيهة متريد تشوفني وحقهة ما الومهة ،،، علاقتي وية بحار تعديت مرحلة العشق وياهة وحبيتهة وحبيت اهتمامهة بية واني اغدقتهة بمشاعري وحبي الهة لان ماكدر فد يوم اتخيل تبتعد عني بسبب زواجي من بيداء
رحت لاخو بيداء انور وحاولت احاجي وهو ميقبل يحاجيني غصبته يسمعلي ،، حجيتلة كلشي بدون حب بيداء الي ومحاولة اغرائهة ومن هالاحداث فقط كتلة اتفاقية بيني وبينهة.. اعرف انور يموت على اخته وميگدر على فراگهة ومتاكد چانت عقوبة الهة من تركهة وتبرة منهة حته متعصي وما الومه الصراحة
_ انور خطية اختك تظلمهة اذا تزوجهة رغما عنهة ،، اني وياهة تزوجنه بس حتة متتزوج هذا الدكتور واذا على موضوع زواجي فاني لا متقرب لاختك ولا شي جان زواجنه بس عقد سيد و فترة علما تنسة فكرة تزوجهة للدكتور
انور: بس هي كسرت كلامي وباعتني ومشت وياك
_ بالعكس بيداء تحبك ومفتقدتك.. بس اضطرت تسوي هالشي بس علمود متزوجهة
انور: قاسم مدا اكدر انسة شلون وكفت بوجهي وعارضت امري وراحت وياك
_ انسة انور هاي وحيدتك اختك من امك وابوك.. امانة امك هاي ميصير هيج تتبرة منهة بهالسهولة
انور: وين بيداء هسة؟؟
_ بالشقة
انور بجمود: اخذني الهة
هزيت راسي واخذته للشقة بالبداية بيداء ماقبلت تفتحلي الباب بس من كتلهة اخوهة هنا فتحتهة بسرعه وباوعت لانور ،، لاحظت انور اللي يكتم دموعه ويكابر.. بيداء حظنته وتبجي
بيداء: حبيبي انور خوية اشتاقيتلك مووت لا تتركني بعد فدوة رحتلك
انور: بيداء ليش هيج سويتي خوية
بيداء بندم: اسفة والله اسفة.. بس ماجنت اريد الدكتور لان جبير ... سامحني انور فدوة لكلبك خوية سامحني مستعدة اسوي اي شي في سبيل ترضة عني
