بارت 35
ﺍﻧﺼﺪﻣﺖ ﺑﺪﺧﻮﻝ ﺳﺎﺭﺓ
ﺗﻨﻬﺪﺕ ﺑﺎﺭﺗﻴﺎﺡ ﻋﺒﺎﻟﻲ ﻗﺎﺳﻢ ﻳﻤﻪ ﻏﻴﺮ ﭼﺎﻥ ﺍﻧﻔﻀﺤﺖ
ﺑﺎﻭﻋﺘﻠﻲ ﻭﺍﺑﺘﺴﻤﺖ ﺑﺨﻔﺔ : ﺑﺤﺮ ﺷﻮ ﻛﻤﺘﻲ ﻣﻦ ﺍﻟﻐﺪﺓ ﻟﻴﺶ؟
ﻧﺰﻟﺖ ﺭﺍﺳﻲ ﻭﺗﻨﻬﺪﺕ : ﻫﻴﭻ ﺷﺒﻌﺖ ﻭﻣﺸﺘﻬﻴﺖ ﺑﻌﺪ
ﺳﺎﺭﺓ ﺑﺎﻫﺘﻤﺎﻡ : ﺍﻧﺘﻲ ﺿﺎﻳﺠﺔ ﻻﻥ ﺍﻟﺴﻴﺪ ﺣﻴﺴﺎﻓﺮ ﻣﻮ
ﺑﺎﻭﻋﺘﻠﻬﺔ ﻭﺍﻧﻲ ﻣﻦ ﺩﺍﺧﻠﻲ ﻣﻮﺍﻓﻘﺘﻬﺔ ﺍﺩﻋﺴﺖ ﻋﺪﻡ ﺍﻟﻤﺒﺎﻟﻼﺓ : ﻻ ﻋﺎﺩﻱ ﻋﻨﺪﻱ ﻣﻬﺘﻤﻴﺖ ﻳﻌﻨﻲ
ﺳﺎﺭﺓ ﺑﺮﻓﻌﺔ ﺣﺎﺟﺐ : ﺍﻱ ﺻﺪﮔﺘﭻ ﻋﺒﺎﻟﺞ ﻣﺎﺩﺭﻱ
_ ﺍﻭﻭﻑ ﺳﺎﺭﺓ ﻣﺘﻔﻮﺗﭻ ﻓﺎﻳﺘﻪ
ﺳﺎﺭﺓ ﺑﻤﻜﺮ : ﺷﻌﺒﺎﻟﭻ ﻟﻌﺪ ﻋﻴﻨﻲ
_ ﺍﻭﻭﻑ ... ﺍﻟﻤﻬﻢ ﺷﻨﻮ ﺭﺍﻳﭻ ﺍﻧﻲ ﻭﻳﺎﭺ ﻧﺮﻭﺡ ﺑﺎﭼﺮ ﻟﻬﺬﺍ ﺍﻟﻤﺠﻤﻊ ﺍﻟﻘﺮﻳﺐ ﻣﻦ ﺍﻟﺒﻴﺖ
ﺳﺎﺭﺓ ﺑﺘﻔﻜﻴﺮ : ﺍﺷﻮﻑ ﺍﻟﺴﻴﺪ ﺍﻭﻝ ﻭﺍﮔﻮﻟﭻ ﺟﻮﺍﺑﻲ
_ ﺍﻭﻛﻲ
ﺛﺎﻧﻲ ﻳﻮﻡ ﻋﺼﺮﺍً ﺑﺎﻟﻤﺠﻤﻊ
ﺍﻓﺘﺮﻳﻨﻪ ﺍﻟﻤﺤﻼﺕ ﻭﺍﻧﻲ ﺿﺎﻳﺠﺔ ﺷﮕﺪ ﺣﺎﻭﻟﺖ ﺍﻃﻠﻊ ﻣﻦ ﺣﺎﻟﺘﻲ ﺍﻟﻜﺌﻴﺒﺔ ﺑﺲ ﻣﮕﺪﺭﺕ ﻟﻸﺳﻒ ﺭﺣﻨﻪ ﻟﻤﺤﻞ ﺍﻃﻔﺎﻝ ﻋﺠﺒﻨﻲ ﻣﻼﺑﺲ ﺍﻃﻔﺎﻝ ﻳﺨﺒﻠﻮﻥ ﺍﺑﺘﺴﻤﺖ ﻋﻠﻰ ﺍﻟﻘﻴﺎﺱ ﻭﺍﻟﺼﻐﺮ ﻣﺎﻟﺘﻬﻦ ﺍﻧﺘﺒﻬﺖ ﻟﺴﺎﺭﺓ ﺍﻟﻠﻲ ﻋﻴﻮﻧﻬﺔ ﺩﻣﻌﺖ ﻟﺰﻣﺘﻪ ﻣﻦ ﺍﻳﺪﻫﺔ ﻭﻃﻠﻌﺖ
_ ﺳﺎﺭﺓ ﻟﻴﺶ ﺗﺪﺧﻠﻴﻦ ﺍﺫﺍ ﻣﺘﺘﺤﻤﻠﻴﻦ
ﺳﺎﺭﺓ ﺑﺎﺭﺗﺒﺎﻙ : ﻻ ﻣﺎﻛﻮ ﺷﻲ ﺑﺲ ﺍﺭﻳﺪ ﺍﺗﻌﻮﺩ ﺍﺷﻮﻑ ﺍﻻﻃﻔﺎﻝ ﺣﺘﻪ ﺍﺗﺠﺎﻭﺯ ﺻﺪﻣﺘﻲ ﻭﺑﺲ
ﻭﺍﻓﻘﺘﻬﺔ ﺍﻟﺮﺃﻱ ﺑﺲ ﺧﻄﻴﺔ ﺑﺪﺍﺧﻠﻬﺔ ﺗﻨﻘﻬﺮ
ﺳﻤﻌﺖ ﺻﻮﺕ ﺗﻠﻔﻮﻧﻲ ﻳﺪﻭﮒ ﺑﺎﻭﻋﺖ ﻟﮕﻴﺖ * ﻗﺎﺳﻢ *
ﺟﺎﻭﺑﺖ _ ﺍﻟﻮ ﻫﻠﻮ ﺳﻴﺪ
ﻗﺎﺳﻢ ﺑﺼﺮﺍﻣﻪ : ﺑﺤﺎﺭ ﺍﻧﺘﻲ ﻭﻳﻦ؟
_ ﺑﺎﻟﻤﺠﻤﻊ ﻟﻴﺶ؟
ﻗﺎﺳﻢ ﺑﺠﺪﻳﺔ : ﺍﻧﻲ ﺳﻤﺤﺘﻠﭻ ﺗﻄﻠﻌﻴﻦ ؟ ﻻ ، ﺷﻠﻮﻥ ﺗﻄﻠﻌﻴﻦ ﺑﺪﻭﻥ ﺍﺫﻧﻲ !!!! ﻋﺸﺮ ﺩﻗﺎﻳﻖ ﻭﺍﻟﮕﺎﭺ ﮔﺒﺎﻟﻲ ﻣﺰﺭﻭﻋﺔ ﺑﺎﻟﺒﻴﺖ .
ﺳﺪ ﺍﻟﺨﻂ ﺑﻮﺟﻬﻲ ﻭﺍﻧﻲ ﻣﺘﺼﻨﻤﻪ ﺑﻤﻜﺎﻧﻲ ﺍﻭﻛﻲ ﺍﻋﺘﺮﻑ ﻏﻠﻄﺖ ﻻﻥ ﻣﮕﺘﻠﺔ
ﺯﻓﺮﺕ ﺑﻀﻴﻖ ﻭﺑﺎﻭﻋﺖ ﻟﺴﺎﺭﺓ ﺍﻟﻠﻲ ﺗﺨﺘﺎﺭ ﻣﻼﺑﺲ ﻟﺒﺘﻬﺔ ﻧﻮﺭ
_ ﺳﺎﺭﺓ ﺍﻟﺴﻴﺪ ﻳﺮﻳﺪﻧﻲ ﺍﺭﺟﻊ ﻟﻠﺒﻴﺖ ﺧﻼﻝ 10 ﺩﻗﺎﻳﻖ
ﺳﺎﺭﺓ : ﺍﻱ ﻟﻌﺪ ﻳﺎﻟﻠﻪ ﻧﻄﻠﻊ
ﻃﻠﻌﻨﻪ ﻣﻦ ﺍﻟﻤﺠﻤﻊ ﻭﻭﮔﻔﻨﻪ ﺗﻜﺴﻲ ﻭﺭﺟﻌﻨﻪ ﻟﻠﺒﻴﺖ ﻭﺍﻧﻲ ﺍﻟﻄﺮﻳﻖ ﻛﻠﺔ ﺧﺎﻳﻔﺔ ﻣﻦ ﺭﺩﺓ ﻓﻌﻞ ﻗﺎﺳﻢ ﻭﺻﻠﻨﻪ ﻭﺍﻧﻲ ﺍﺭﻋﺶ ﻭﺳﺎﺭﺓ ﺗﺸﺠﻌﻨﻲ ﻭﺗﻘﻮﻳﻨﻲ
ﺳﺎﺭﺓ : ﺭﻭﺣﻲ ﺷﻮﻓﻲ ﺷﻨﻮ ﻳﺮﻳﺪ
_ ﻋﺰﺯﺓ ﻣﺎ ﺍﺧﺎﻑ ﻣﻨﻪ
ﺳﺎﺭﺓ : ﻭﻟﭻ ﺭﻭﺣﻲ ﻳﺤﻈﻲ
ﺭﺣﺖ ﻟﻠﻐﺮﻓﺔ ﻭﺍﻧﻲ ﺭﺟﻠﻴﺔ ﺗﻄﻜﻄﻚ ﻣﻦ ﺍﻟﺨﻮﻑ ﺷﺎﻳﻠﺔ ﺍﻟﻌﻼﻟﻴﻚ ﺍﻟﺸﺘﺮﻳﺘﻬﻦ ﺑﺎﻳﺪﻱ ﺍﻟﻴﻤﻨﻪ ﻭﺟﻨﻄﺘﻲ ﺑﺎﻳﺪﻱ ﺍﻟﻴﺴﺮﺓ
ﻓﺘﺤﺖ ﺍﻟﺒﺎﺏ ﻭﺩﺧﻠﺖ ﻟﮕﻴﺘﻪ ﮔﺎﻋﺪ ﻋﻠﻰ ﺍﻟﻘﻨﻔﺔ ﺍﻟﻤﻌﺰﻭﻟﺔ ﻭﻳﻬﺰ ﺭﺟﻠﺔ ﺑﻌﺼﺒﻴﺔ ﺑﺎﻭﻋﻠﻲ ﻣﻦ ﻓﻮﮒ ﻟﻴﺠﻮﺓ ﺑﺎﻭﻉ ﻟﻠﻌﻼﻟﻴﮓ ﺍﻟﺒﻴﺪﻱ ﻭﺣﭽﺔ ﺑﺒﺮﻭﺩ : ﻣﻨﻮ ﺳﻤﺤﻠﭻ ﺗﻄﻠﻌﻴﻦ
ﺑﻠﻌﻤﺖ ﻭﺗﺼﻨﻌﺖ ﺍﻟﺸﺠﺎﻋﺔ ﻭﺍﻟﺜﻘﺔ :: ﻧﺴﻴﺖ ﺍﮔﻮﻟﻚ
ﻗﺎﺳﻢ ﻭﻫﻮ ﻳﻬﺰ ﺑﺮﺍﺳﻪ ﺑﻨﻔﺎﺫ ﺻﺒﺮ : ﻧﺴﻴﺘﻲ ﺍﻫﺎ ﻧﺴﻴﺘﻲ ﺧﻮﺵ ﻟﻌﺪ ~ ﺳﻚ ﻟﺤﻈﺎﺕ ﻭﺍﻧﻲ ﺍﺭﻋﺶ ﺍﻭﻝ ﻣﺮﺓ ﺍﺧﺎﻑ ﻣﻨﻪ ﺣﺎﻻﻩ ﭼﺎﻧﺖ ﻛﻮﻟﺶ ﻋﺼﻴﺒﺔ ﺭﻓﻊ ﺭﺍﺳﻪ ﻭﺑﺎﻭﻋﻠﻲ ﻭﺣﭽﺔ ﺑﺼﻴﺎﺡ ~ ﺍﻧﺘﻲ ﺑﻴﻤﻦ ﻣﺴﺠﻠﺔ ﻫﺎﺍﺍﺍﺍﺍ ﺟﻨﺴﻴﺘﭻ ﺑﻤﻨﻮﻭﻭﻭ ﻣﺴﺠﻠﺔ
ﻓﺰﻳﺖ ﻣﻦ ﺻﻴﺎﺣﺔ ﻭ ﺍﺭﺗﻌﺒﺖ ﻛﺎﻡ ﻣﻦ ﻣﻜﺎﻧﻪ ﻭﻭﮔﻒ ﮔﺒﺎﻟﻲ ﻭﻭﺻﻠﺖ ﻟﺼﺪﺭﺓ ﻧﺰﻟﺖ ﺭﺍﺳﻲ ﻋﻮﺩ ﺑﻌﺪ ﻋﻴﻨﻲ ﺗﺼﻨﻌﺖ ﺷﺠﺎﻋﺔ ﺗﺎﻟﻴﺘﻬﺔ ﺭﺍﺣﺖ ﺍﻟﻬﻴﺒﺔ 💣
ﻗﺎﺳﻢ ﺑﻌﺼﺒﻴﺔ : ﺟﺎﺍﺍﺍﺍﺍﻭﻭﻭﻭﺑﻲ
ﺣﺠﻴﺖ ﺑﺎﺭﺗﺒﺎﻙ : ﺑﺎﺳﻤﻚ
ﻗﺎﺳﻢ ﻭﻫﻮ ﻳﺮﻓﻊ ﺣﺎﺟﺒﺔ ﻭﻳﺄﺷﺮ ﻋﻠﻰ ﺭﻭﺣﺔ : ﺍﻫﺎﺍﺍ ﺍﻧﺘﻲ ﻋﺘﺮﻓﺘﻲ ﻣﺴﺠﻠﺔ ﺑﺎﺳﻤﻲ ~ ﻭﺻﻮﺗﻪ ﻳﻌﻠﺔ ﺑﻌﺼﺒﻴﺔ ﮔﺎﻡ ﻳﺄﺷﺮ ﻋﻠﻴﺔ ~ ﻳﻌﻨﻲ ﺍﻻﺭﻳﺪﺓ ﺗﺴﻮﻳﻠﻴﺎ ﻭﺍﻟﻤﺎﺭﻳﺪﺓ ﻣﺘﺴﻮﻱ ﻻﻥ ﺍﻧﺘﻲ ﻣﺮﺗﻲ ﻣﺴﺠﻠﺔ ﺑﺎﺳﻤﻲ ﺗﻨﺤﺴﺒﻴﻦ ﻋﻠﻴﺔ ﺍﻧﺘﻲ ﻋﺮﺿﻲ ﺷﻮﻭﻭﻥ ﺗﺘﺠﺮﺃﻳﻦ ﺗﻄﻠﻌﻴﻦ ﺑﺴﻜﻴﺘﻲ ﻭﻻ ﻫﻢ ﻋﺎﺯﻣﺔ ﻣﺮﺕ ﺍﺧﻮﻳﺔ ﻭﻳﺎﭺ ﻭﻭﻭﻭﻭﻭﻳﻦ ﻋﺎﻳﺸﺔ ﺍﻧﺘﻲ؟ ﻫﺎﺍﺍﺍ؟ ﺗﻄﻠﻌﻴﻦ ﻋﻠﻰ ﺣﻞ
ﺷﻌﺮﭺ ﻧﺰﻟﺖ ﺭﺍﺳﻲ ﺑﺨﺠﻞ ﻭﺣﺮﺝ ﻻﻥ ﺻﺪﻭﮒ ﺍﻟﺴﻮﻳﺘﻪ ﺍﺳﺘﺎﻫﻠﺔ ﻣﺎ ﺍﻫﺘﻤﻴﺘﻠﺔ ﻭﻣﺎﺍﻧﻄﻴﺘﻪ ﺭﺃﻱ ﺍﻭ ﺍﺫﻥ ﺣﺘﻪ ﺍﻃﻠﻊ ﺗﺼﺮﻓﺖ ﺑﺘﻬﻮﺭ
ﻗﺎﺳﻢ ﺑﺤﺪﺓ : ﺷﻨﻮﻭﻭ ﺍﻧﻲ ﻃﺮﻃﻮﻭﻭﻭﺭ ﮔﺎﻋﺪ ﻫﻨﺎﺍﺍﺍﺍ
ﺣﭽﻴﺖ ﺑﺨﻔﻮﺕ : ﺣﺸﺎﻙ ﺳﻴﺪ .. ﺑﺲ ﻭﺍﻟﻠﻪ ﻣﻨﺘﺒﻬﺖ ﻳﻌﻨﻲ ﺍﻗﺼﺪ ﻣﻜﻨﺖ ﺍﻗﺼﺪ ﺍﻃﻠﻊ ﺑﺪﻭﻥ ﺍﺫﻧﻚ ﺑﺲ ﻣﺸﻔﺘﻚ ﻟﻠﻲ ﻫﻴﭻ ﻣﮕﺘﻠﻚ ﻭﺍﻧﻲ ﺍﻟﺒﺎﺭﺣﺔ ﻧﻤﺖ ﻣﻦ ﻭﻛﺖ ﻭ ...
ﻗﺎﻃﻌﻨﻲ ﺑﺼﺮﺍﻣﻪ : ﻛﺎﺍﺍﺍﻓﻲ ﺗﺒﺮﺭﻳﻦ ﻣﻴﺤﺘﺎﺝ ﺧﻠﺺ ﻋﺮﻓﺖ ﺷﻨﻮ ﺍﻧﻲ ﺑﺎﻟﻨﺴﺒﺔ ﺍﻟﭻ !! ﺍﻟﻠﻲ ﺗﻘﻠﻠﻴﻦ ﻣﻦ ﻗﻴﻤﺘﻲ ﻭﺗﻬﻤﻠﻴﻦ ﺩﻳﻨﭻ ﺍﻟﻠﻲ ﻳﻨﺺ ﻋﻠﻰ ﺍﺧﺬ ﺷﻮﺭ ﺍﻟﺰﻭﺝ ﺑﺲ ﺍﻧﺘﻲ ﺿﺮﺑﺘﻲ ﻛﻮﻟﺸﻲ ﺑﻌﺮﺽ ﺍﻟﺤﺎﻳﻂ ﻭﻃﻠﻌﺘﻲ ... ~ ﺗﻐﻴﺮﺕ ﻧﺒﺮﺗﻪ ﻟﻸﻣﺮ ﻭﻟﻠﻤﺮﺓ ﺍﻻﻭﻟﻰ ﻳﺴﺘﺨﺪﻣﻬﺔ ﻋﻠﻴﻪ ﭼﺎﻧﺖ ﻧﺒﺮﺗﻪ ﺣﺎﺩﺓ ﻭﻋﺼﺒﻴﺔ ~ ﻣﻨﺎﺍﺍ ﻭﺟﺎﻱ ﻳﺎ ﺑﺤﺎﺭ ﺍﮔﺺ ﺭﺟﻠﭻ ﺍﺫﺍ ﻃﻠﻌﺘﻲ ﻣﻦ ﺩﻭﻥ ﻋﻠﻤﻲ ﻓﻬﻤﺘﺘﺘﻴﻴﻴﻴﻲ ﻟﻮ ﻻ
ﻧﺰﻟﻦ ﺩﻣﻮﻋﻲ ﻋﻠﻰ ﺧﺪﻭﺩﻱ ﻣﻦ ﺍﻟﺨﻮﻑ : ﻓﻬﻤﺖ
ﺍﺧﺬ ﺍﻟﻌﻼﻟﻴﮓ ﻣﻦ ﺍﻳﺪﻱ ﻭﺷﺎﻑ ﻣﺸﺘﺮﻳﺔ ﻣﻼﺑﺲ ﺭﺍﺡ ﻟﻠﺠﺮﺍﺭ ﺍﺧﺬ ﻣﮕﺺ ﻭﻗﺼﺼﻬﻦ ﻭﺷﻤﺮﻫﻦ ﺑﺎﻟﮕﺎﻉ ﻭﺑﺎﻭﻋﻠﻲ ﺑﺤﺪﺓ : ﻫﺬﺍ ﻋﻘﺎﺏ ﺍﻟﭻ ﺣﺘﻪ ﺗﺘﻌﻠﻤﻴﻦ ﻣﻨﺎ ﻭﺟﺎﻱ !!!
ﺗﺮﻛﻨﻲ ﻭﺭﺍﺡ ﺑﺎﻭﻋﺖ ﻟﻠﻤﻼﺑﺲ ﺍﻻﺷﺘﺮﻳﺘﻬﻦ ﺍﻟﻌﺠﺒﻮﻧﻲ ﮔﻌﺪﺕ ﻋﻠﻰ ﺍﻟﮕﺎﻉ ﻭﺣﻀﻨﺖ ﺭﺟﻠﻴﺔ ﻟﺼﺪﺭﻱ ﻭﺍﺑﭽﻲ ﺍﻭﻝ ﻣﺮﺓ ﻳﻜﺴﺮ ﮔﻠﺒﻲ ﻫﻴﭻ ﻭﻧﺘﻌﺎﺭﻙ
ﺻﺤﻴﺢ ﺍﻧﻲ ﻏﻠﻄﺖ ﺑﺲ ﻫﻮﺍﻱ ﺍﻧﻔﻌﻞ ﻟﻸﺳﻒ ﻣﺘﻮﻗﻌﺖ ﻫﻴﭻ ﺍﺑﺪ ﻋﺒﺎﻟﻲ ﺷﺨﺺ ﺣﻨﻮﻥ ﻭﻃﻴﺐ ﻃﻮﻝ ﺍﻟﻮﻗﺖ
ﻫﺴﺔ ﻳﺎﻟﻠﻪ ﻓﻬﻤﺖ ﻣﻦ ﮔﺎﻟﻮﺍ ﻗﺎﺳﻢ ﻋﺼﺒﻲ ﻭﻣﻴﺘﺤﭽﺔ ﻫﺴﺔ ﻳﺎﻟﻠﻪ ﺷﻔﺖ ﻭﺟﻬﺔ ﺍﻟﺜﺎﻧﻲ
ﻗﺎﺳﻢ • ﺣﻴﻞ ﺍﻧﻔﻌﻠﺖ ﻋﻠﻴﻬﺔ ﺗﺬﻛﺮﺕ ﺑﻴﺪﺍﺀ ﺷﻠﻮﻥ ﭼﺎﻧﺖ ﺗﻄﺐ ﻭﺗﻄﻠﻊ ﻃﺒﻴﻌﻲ ﻣﻦ ﺩﻭﻥ ﺗﺎﺧﺬ ﺍﺫﻧﻲ ﻭﺷﻔﺖ ﻫﺎﻟﺼﻔﺔ ﺍﻟﻤﺤﻠﻮﺓ ﺑﺒﺤﺎﺭ ﻟﻸﺳﻒ ﻋﺪﻫﺔ ﺍﻟﻄﺒﻊ ﻣﺎﻝ ﺗﺘﺼﺮﻑ ﺑﺤﺮﻳﺔ ﻭﻋﻠﻰ ﺣﻞ ﺷﻌﺮﻫﺔ ﺗﻮﻗﻌﺘﻬﺔ ﺑﻜﻞ ﺧﻄﻮﺓ ﺗﮕﻮﻟﻲ ﺑﻴﻬﺔ ﺑﺲ ﻣﺘﻮﻗﻌﺖ ﺗﻀﻢ ﻋﻠﻴﺔ ﻭﺗﻄﻠﻊ ﺗﻔﺘﺮ ﺳﻮﺍﮔﺔ ﻭﻣﺸﺘﺮﻳﺔ ﻭﺟﺎﻳﺔ ﺗﻨﺪﻣﺖ ﻻﻥ ﮔﺼﻴﺖ ﻣﻼﺑﺴﻬﺔ ﺍﻟﺠﺪﺩ ﺑﺲ ﻻ ﺧﻠﻴﻬﺔ ﺗﺘﻌﻮﺩ ﻣﻮ ﺍﻧﻄﻴﻬﺔ ﺍﻟﺪﻻﻝ ﻣﺜﻞ ﺑﻴﺪﺍﺀ ﻭﺗﺎﻟﻲ ﻃﻌﻨﺖ ﺑﺮﺟﻮﻟﺘﻲ ﻭﻣﻜﺎﻧﺘﻲ ﻛﺮﺟﻞ ﺑﺎﻥ ﻣﺎﻋﻨﺪﻱ ﺷﺨﺼﻴﺔ ﺣﺘﻪ ﺍﺗﺤﻜﻢ ﺑﺎﻧﺜﻰ ﻛﻼﻣﻬﺔ ﺩﺍﺭ ﺑﻌﻘﻠﻲ ﻟﺪﺭﺟﺔ ﻗﺴﻴﺖ ﻭﻳﺔ ﺑﺤﺎﺭ ﻭﺧﻼﻧﻲ ﺍﻓﻘﺪ ﺳﻴﻄﺮﺗﻲ ﻋﻠﻴﻬﺔ ﻭﺍﻟﺔ ﺷﻮﻳﺔ ﻭﺍﺿﺮﺑﻬﺔ ﺑﺲ ﺗﺬﻛﺮﺕ ﺍﻟﻠﻲ ﮔﺒﺎﻟﻲ ﺑﺤﺎﺭ ﻣﻮ ﺑﻴﺪﺍﺀ ﻋﻔﺘﻬﺔ ﻭﻃﻠﻌﺖ ﻭﺍﺳﻤﻊ ﺻﻮﺕ ﺑﭽﻴﻬﺔ ﺍﻟﻌﺎﻟﻲ ﻛﺴﺮ ﮔﻠﺒﻲ ﻗﺎﻭﻣﺖ ﻣﺸﺎﻋﺮﻱ ﻟﻠﻤﺮﺓ ﺍﻟﻤﻠﻴﻮﻥ ﻭﻃﻠﻌﺖ ...
