ﺍﻟﻔﺼﻞ ﺍﻟﺜﺎﻣﻦ ﻭﺍﻟﻌﺸﺮﻭﻥ
________________
ﺭﻛﺒﺖ ﺳﻴﺎﺭﺗﻲ ﻭﮔﻌﺪﺕ ﺍﻓﺘﺢ ﺑﺎﻟﺘﻠﻔﻮﻥ
ﻓﺘﺤﺘﻪ ﻭﺭﺣﺖ ﺍﮔﻠﺐ ﺑﺎﻟﺴﺠﻼﺕ ﻛﻠﺔ ﺍﺳﺎﻣﻲ ﺑﻨﺎﺕ ﺯﻫﺮﺓ ﺍﻟﺰﺭ
ﻧﻮﻧﺔ ﺍﻟﻌﻮﺑﺔ
ﻓﻄﻮﻣﺔ ﺍﻟﻐﺒﺮﺓ
ﺳﻴﻠﻴﻦ ﺍﻟﺴﺎﻗﻄﺔ
ﻛﻮﻛﺔ ﺍﻟﮓ *
ﺑﺤﻮﺭﺓ ﺍﻟﺼﺎﻛﺔ
ﺟﺎﺳﻢ ﺍﻟﺴﺎﻗﻂ
ﺳﻤﻴﺮ ﺍﻟﮓ *
ﺍﮔﻠﺐ ﺑﺎﻻﺳﺎﻣﻲ ﻭﺟﺬﺑﻨﻲ " ﺑﺤﻮﺭﺓ ﺍﻟﺼﺎﻛﺔ "
ﺩﺧﻠﺖ ﻋﻠﻰ ﺍﻻﺳﻢ ﻭﻋﺮﻓﺘﻬﺔ ﻫﻲ ﺣﺘﻰ ﻧﻔﺲ ﺍﻟﺮﻗﻢ ﺩﺧﻠﺖ ﻟﻠﻤﺤﺎﺩﺛﺎﺕ ﻣﻼﺗﻬﻢ ﺍﻧﺼﺪﻣﺖ ﻣﻦ ﺭﺳﺎﺋﻠﻬﻢ ﻣﺎﺗﺼﻮﺭﺗﻪ ﻟﻠﻬﺎﻟﺨﺴﺔ ﻭﺍﻟﺪﻧﺎﺀﺓ
« ﻫﺎ ﺣﺒﻴﺒﺘﻲ ﺷﻮﻧﭻ ﺍﻧﻲ ﺍﻣﺠﺪ »
ﻭﻣﻜﺎﻟﻤﺔ ﻫﺎﺗﻔﻴﺔ
« ﻳﻤﻌﻮﺩﺓ ﻟﻴﺶ ﻣﺘﺠﺎﻭﺑﻴﻦ
ﺗﺮﺍ ﻣﺸﺘﺎﻕ ﻟﺼﻮﺗﭻ »
ﺑﺤﺎﺭ « ﻣﻨﻴﻦ ﺟﺒﺖ ﺭﻗﻤﻲ »
« ﻣﺎﻛﻮ ﺷﻲ ﻳﺼﻌﺐ ﻋﻠﻴﺔ »
ﺑﺤﺎﺭ « ﻣﻤﻨﻮﻉ ﺗﺘﺼﻞ ﺑﻴﺔ
ﻭﻻ ﺗﺮﺍﺳﻠﻨﻲ ﻓﻬﻤﺖ ﻟﻮ ﻻ
ﻛﺎﻓﻲ ﻋﺎﺩ ﻓﻚ ﻋﻨﻲ ﻳﺎ ﺍﺧﻲ »
« ﺍﻧﻲ ﺍﻓﻚ ﻋﻨﭻ ﻫﻬﻬﻪ ﺍﻟﻰ ﺍﻟﭽﺎﻥ ﻣﺨﺒﻞ ﻳﺎﻟﻠﻪ ﺍﻋﻮﻓﭻ ﺑﺤﺎﺭ ﺍﻧﻲ ﺍﺣﺒﭻ ﻟﻴﺶ ﻣﺘﻔﻬﻤﻴﻦ »
ﺑﺤﺎﺭ « ﺍﻣﺠﺪ ﻟﺘﺨﻠﻴﻨﻲ ﺍﺗﺠﺎﻭﺯ ﻋﻠﻴﻚ
ﻭﺧﻠﻲ ﺷﻮﻳﺔ ﺍﺣﺘﺮﺍﻡ ﻭﻛﺮﺍﻣﻪ ﻟﻨﻔﺴﻚ
ﻭﺍﺗﺮﻛﻨﻲ ﺑﺤﺎﻟﻲ »
« ﺍﺗﺮﻛﭻ ﺑﺸﺮﻁ »
ﻣﺎﻛﻮ ﺍﻱ ﺟﻮﺍﺏ
« ﺑﺲ ﺍﺭﻳﺪﭺ ﻟﻴﻠﺔ ﻭﺣﺪﺓ ﻭﺑﺲ ﺍﺭﻳﺪﭺ ﻭﺩﺧﻠﺘﻲ ﺑﺒﺎﻟﻲ ﺑﺤﺎﺭ ﻣﺎﮔﺪﺭ ﺍﻃﻠﻌﭻ ﻣﻦ ﺭﺍﺳﻲ ﺟﺴﻤﭻ ﻳﺨﺒﻠﻨﻲ ﻭﻣﻦ ﺗﺘﺤﺮﻛﻴﻦ ﺍﻭ ﺗﻤﺸﻴﻦ ﺍﺿﻞ ﺍﺗﻤﻨﻪ ﺍﺗﻤﻠﻜﭻ ﻭﺷﻔﺎﻳﻔﭻ ﺍﺭﻳﺪ ﺍﺭﺗﻮﻱ ﻣﻨﻬﻦ ﮔﺘﻠﭻ ﺑﺲ ﻟﻴﻠﺔ ﻭﺣﺪﺓ ﻭﺍﻋﻮﻓﭻ »
ﻣﻜﺎﻟﻤﺔ ﻫﺎﺗﻔﻴﺔ
ﻣﻜﺎﻟﻤﺔ ﻫﺎﺗﻔﻴﺔ
ﺍﻧﻲ ﺍﻗﺮﺓ ﻭﻧﺎﺭ ﺗﺸﺐ ﺑﻴﺔ ﺍﺣﺲ ﺭﺍﺡ ﺍﻧﻔﺠﺮ
ﻛﻤﺖ ﺍﺿﺮﺏ ﺑﺎﻟﺴﺘﻴﺮﻥ ﻭﺍﺻﻴﺢ
_ ﺍﻝ ** ﻳﺮﻳﺪﻫﺔ ﻟﻴﻠﺔ ﻭﺣﺪﺓ ﻭﻓﻮﮔﺎﻫﺔ ﻳﺘﻐﺰﻝ ﺑﺸﻔﺎﻳﻔﻬﺔ ﻭﻟﻜﻢ ﺍﺍﺍﺍﺥ ﻟﻴﺶ ﻣﺎ ﻛﺘﻠﺘﻪ ﻭﺧﻠﺼﺖ ﻣﻨﻪ ﺍﺍﺍﺍﺥ
ﺩﺧﻠﺖ ﻋﻞ ﺍﻟﺮﻗﻢ ﺍﻟﺜﺎﻧﻲ ﺍﻻﺩﺏ ﺳﺰ ﻋﻨﺪﺓ ﺧﻄﻴﻦ ﻭﺷﻔﺖ ﺭﻗﻤﻬﺔ ﻣﻜﺘﻮﺏ
ﺑﺤﺮ ﺍﺣﻼﻣﻲ
« ﺑﺤﺎﺭ ﻟﺘﺤﺎﻭﻟﻴﻦ ﺗﺤﻈﺮﻳﻨﻲ ﺍﺿﻞ ﺍﺩﺧﻠﭻ ﻣﻦ ﻏﻴﺮ ﺭﻗﻢ »
« ﻣﺎﺷﻲ ﺑﺎﭼﺮ ﺑﺎﻟﺪﻭﺍﻡ ﻋﻮﺩ ﻧﻠﺘﻘﻲ ﺑﺎﻟﻄﻠﻌﺔ ﻭﻧﺘﻔﺎﻫﻢ ﻋﻠﻰ ﺍﻟﺸﺮﻁ ﻭﺍﺫ ﻣﺎ ﺭﺿﻴﺘﻲ ﻣﺎ ﺍﻫﺪﭺ ﻟﻮ ﺍﻟﺴﻤﺎ ﺗﻨﻄﺒﮓ ﻋﻠﻰ ﺍﻻﺭﺽ »
ﺷﻔﺖ ﺩﺍﺯﻟﻬﺔ ﺭﺳﺎﺋﻞ ﺟﺪﺩ ﻏﻴﺮ ﺍﻟﻘﺮﻳﺘﻬﻦ ﺍﻧﻲ
« ﺣﺒﻲ ﺟﺎﻭﺑﻴﻨﻲ ﺍﺭﻳﺪﭺ ﻟﻴﺶ ﻣﺘﺼﺪﮔﻴﻨﻲ »
« ﺑﺤﺮ ﺗﺮﺓ ﺍﻧﻲ ﺭﺍﺡ ﺍﺟﻲ ﺍﺷﻮﻓﭻ ﺑﺎﻟﻄﻠﻌﺔ »
ﻋﺮﻓﺖ ﻫﺎﻱ ﻣﻦ ﺷﻔﺘﻬﻢ ﻭﻳﺔ ﺑﻌﺾ ﺍﺣﺲ ﻣﺘﺖ ﺑﺪﻣﻲ
ﮔﻠﺖ ﺧﻠﻴﻨﻲ ﺍﻛﺘﺒﻠﻬﺔ ﺍﺷﻮﻓﻬﺔ ﻫﻢ ﺗﺠﺎﻭﺏ ﻭﺗﺎﺧﺬ ﻭﺗﻨﻄﻲ ﻟﻮ ﻫﻲ ﺻﺪﻭﮒ ﻣﺎﻟﻬﺔ ﺩﺧﻞ ﺑﻲ
ﻛﺘﺒﺘﻠﻬﺔ ﺭﺳﺎﻟﺔ
« ﺣﺒﻴﺒﻲ ﺟﺎﻭﺑﻴﻨﻲ ﺿﺮﻭﺭﻱ »
ﺩﺯﻳﺘﻪ ﻭﺍﻧﺘﻈﺮﺗﻬﺔ ﺗﺠﺎﻭﺏ ﺍﻧﺘﻈﺮ ﻭﺍﻧﺘﻈﺮ ﻭﻣﺎﻛﻮ ﺗﻨﻬﺪﺕ ﻭﺍﺑﺎﻭﻉ ﻟﻠﺸﺎﺷﺔ ﻣﺎﻛﻮ ﺍﺻﻼ ﻟﺴﺔ ﻣﺸﺎﻓﺖ ﺍﻟﺮﺳﺎﻟﺔ
ﻋﺎﺩ ﺍﺗﺼﻠﺖ ﺑﻴﻬﺔ ﺑﻠﻜﻲ ﺗﻠﺰﻡ ﻓﻮﻧﻬﺔ
ﺑﺤﺎﺭ • ﺍﻧﻲ ﻧﺎﻳﻤﻪ ﻭﺍﺳﻤﻊ ﺻﻮﺕ ﺗﻠﻔﻮﻧﻲ ﻳﺪﮒ ﮔﻤﺖ ﻭﺷﻔﺖ ﺭﻗﻢ ﻏﺮﻳﺐ ﺳﺤﺒﺖ ﺍﻟﺸﺎﺷﺔ ﻭﻛﺎﺗﺐ ﻣﻦ ﻫﺬﺍ ﺍﻟﺮﻗﻢ
« ﺣﺒﻴﺒﻲ ﺟﺎﻭﺑﻴﻨﻲ ﺿﺮﻭﺭﻱ »
ﺿﻠﻴﺖ ﺍﻓﻜﺮ ﻣﻌﻘﻮﻟﺔ ﻧﻐﻢ ﻟﻮ ﺗﻤﺎﺭﺓ ﻟﻮ ﺍﺳﺮﺍﺭ ﻟﻮ ﻭﺣﺪﺓ ﻣﻦ ﺧﻮﺍﺗﻲ
ﺍﺗﺼﻞ ﻣﺮﺓ ﺛﺎﻧﻴﺔ ﻋﺎﺩ ﺟﺎﻭﺑﺖ
_ ﺍﻟﻮ ﻣﻨﻮ ﻭﻳﺎﻱ
ﻣﺎﻛﻮ ﺻﻮﺕ
_ ﻋﻔﻮﺍ ﻣﻨﻮ ﺩﺍﮒ ﻋﻠﻴﺔ ﻣﻮ ﺩﺍ ﺍﺣﭽﻲ
ﻣﺎﻛﻮ ﺻﻮﺕ
ﺑﻌﺼﺒﻴﺔ _ ﻧﺎﺱ ﻣﺎﻋﺪﻫﺔ ﺑﺲ ﺳﻮﺍﻟﻒ ﻣﻜﺴﺮﺓ
ﺳﺪﻳﺖ ﺍﻻﺗﺼﺎﻝ ﻭﺍﻧﻲ ﻣﺘﻀﺎﻳﻘﺔ
ﻗﺎﺳﻢ • ﻣﻦ ﺳﻤﻌﺖ ﺻﻮﺗﻬﺔ ﻏﻤﻀﺖ ﻋﻴﻮﻧﻲ ﺑﻌﺼﺒﻴﺔ ﺑﺲ ﻣﻦ ﺭﺯﻟﺖ ﺷﻮﻳﺔ ﺍﺭﺗﺎﺣﻴﺖ ﺩﺯﻳﺖ ﺭﺳﺎﻟﺔ
« ﺑﺤﺎﺭ ﺗﺘﺬﻛﺮﻳﻨﻲ »
« ﻣﻨﻮ ﺣﻈﺮﺗﻜﻢ »
« ﺍﻧﻲ ﺍﻣﺠﺪ »
« ﻳﺒﻮﻭﻭﻭ ﺍﻧﺘﻪ ﻣﺎ ﺍﺧﻠﺺ ﻣﻨﻚ
ﻳﺎ ﺍﺧﻲ ﻋﻮﻓﻨﻲ ﻭﺍﻟﻠﻪ ﻟﻌﺒﺘﻬﺔ ﻟﻨﻔﺴﻲ »
ﻛﺘﺒﺖ « ﺑﺤﺎﺭ ﻟﻴﺶ ﻫﻴﭻ ﻧﺴﻴﺘﻲ ﻋﻼﻗﺘﻨﻪ ﺑﻬﺎﻟﺴﻬﻮﻟﺔ »
« ﺷﻨﻮ »
« ﺷﻨﻮ ﻋﻴﻨﻲ ﺷﻨﻮ ﻳﺎ ﻋﻼﻗﺔ ﺳﻤﺎﻟﻠﻪ »
« ﺧﺎﻑ ﻣﺼﺨﻦ ﺍﻧﺖ »
ﺿﻠﻴﺖ ﺍﻓﻜﺮ ﺷﻜﺘﺒﻠﻬﺔ ﺑﻌﺪﻳﻦ ﺍﺟﺘﻨﻲ ﻓﻜﺮﺓ ﺍﺧﺘﺒﺮﻫﺔ ﺑﺎﻟﻠﻪ ﻫﻲ ﻫﻢ ﻣﺜﻞ ﺑﻴﺪﺍﺀ ﻃﻤﻌﺎﻧﻪ ﺑﻔﻠﻮﺳﻲ ﻟﻮ ﻻ ﺑﺲ ﻭﻟﻮ ﻫﻲ ﻣﺒﻴﻨﻪ ﻣﻮ ﻫﻴﭻ
« ﻻ ﻣﻮ ﻣﺼﺨﻦ ﺑﺲ ﻟﻴﺶ ﻫﻴﭻ ﻧﺴﻴﺘﻴﻨﻲ ﺑﻬﺎﻟﺴﺮﻋﺔ ﻣﻮ ﻭﺍﻟﻠﻪ ﺍﺣﺒﭻ ﻭﺍﺗﻤﻨﺎﭺ ﺍﺗﺮﻛﻲ ﺯﻭﺟﭻ ﻭﺍﻧﻲ ﺍﺗﺰﻭﺟﭻ »
« ﻋﺰﺓ ﺑﻌﻴﻨﻚ ﺍﻧﺸﺎﻟﻠﻪ 😱😱😨 ﻻ ﻟﻬﻨﺎ ﻭﺑﺴﺴﺲ ﻛﺎﻓﻲ ﻫﻮﺍﻱ ﺗﺠﺎﻭﺯﺕ »
ﻛﺘﺒﺘﻠﻬﺔ « ﻟﻴﺶ ﺗﺤﺒﻴﻦ ﺯﻭﺟﭻ »
ﻣﺠﺎﻭﺑﺘﻨﻲ ﺍﺻﻼ ﻋﺒﺎﻟﻚ ﻣﺎﻟﻬﺔ ﻭﺟﻮﺩ ﺍﺗﺼﻠﺖ ﻭﻃﻠﻌﺖ ﺣﺎﻇﺮﺗﻨﻲ ﺍﺑﺘﺴﻤﺖ ﺑﺎﺭﺗﻴﺎﺡ ﺍﻟﺤﻤﺪﻟﻠﻪ ﺑﺤﺎﺭ ﻣﺨﺘﻠﻔﺔ ﻋﻦ ﺑﻴﺪﺍﺀ ﻣﻮ ﻣﺜﻠﻬﺔ ﻻﻥ ﺷﺮﻳﻔﺔ ﻭﻟﺴﺔ ﻣﺎ ﺗﺠﺎﻭﺯﺕ ﺑﺎﻟﺤﭽﻲ ﻭﻳﺎﻱ ﺑﺼﻴﻐﺔ ﺍﻣﺠﺪ
ﺗﻨﻬﺪﺕ ﺑﺎﺭﺗﻴﺎﺡ ﻭﺣﺮﻛﺖ ﺳﻴﺎﺭﺗﻲ ﻟﻠﺒﻴﺖ ﺍﺭﻳﺪ ﺍﺷﻮﻓﻬﺔ ﺍﺷﺘﺎﻗﻴﺘﻠﻬﺔ ﺣﻴﻞ
ﺍﺗﺬﻛﺮﺗﻬﺔ ﻣﻦ ﺭﺯﻟﺖ ﺍﻣﺠﺪ ﻭﺿﺮﺑﺘﻪ ﻭﺍﺿﺤﻚ
_ ﺧﺮﺏ ﺑﺒﻠﻴﺴﭻ ﻭﺍﻟﻠﻪ ﻳﻨﺨﺎﻑ ﻣﻨﭻ
ﺗﻌﺪﻳﺖ ﻣﻦ ﺍﻟﺴﻮﺑﺮ ﻣﺎﺭﻛﺖ ﻭﺗﺬﻛﺮﺕ ﻣﻦ ﭼﺎﻧﺖ ﺗﺎﻛﻞ ﻧﺴﺎﺗﻞ ﺭﺟﻌﺖ ﻟﻠﻤﺤﻞ ﺍﺧﺬﺗﻠﻬﺔ ﭼﻴﺲ ﻧﺴﺎﺗﻞ ﻭﭼﺒﺎﺳﺔ ﻭﻛﺮﺯﺍﺕ ﺗﺘﺴﻠﺔ ﺑﻴﻬﻦ ﻭﺍﺧﺬﺕ ﻋﻼﮔﺔ ﺛﺎﻧﻴﺔ ﭼﺒﻴﺮﺓ ﻟﻠﺠﻬﺎﻝ ﺣﺎﺳﺒﺖ ﻭﻃﻠﻌﺖ ﻟﻠﺒﻴﺖ ﻧﺰﻟﺖ ﻭﺩﺧﻠﺖ ﻟﻠﺒﻴﺖ
_ ﺍﻟﺴﻼﻡ ﻋﻠﻴﻜﻢ
ﺍﻟﻜﻞ : ﻭﻋﻠﻴﻜﻢ ﺍﻟﺴﻼﻡ
ﺭﺣﺖ ﺑﺴﺖ ﺭﺍﺱ ﺍﻣﻲ : ﺷﻮﻧﭻ ﻳﻮﻡ
ﺍﻟﻌﻠﻮﻳﺔ ﺑﺤﻨﺎﻥ : ﺍﻟﺤﻤﺪﻟﻠﻪ ﺍﻣﻲ ﺑﺨﻴﺮ
_ ﺧﻮﻣﺎ ﺻﻌﺪ ﺿﻐﻄﭻ ﺳﻜﺮﭺ ﮔﻮﻟﻲ ﺍﻣﻲ ﻟﺘﺘﺮﺩﺩﻳﻦ
ﺍﻟﻌﻠﻮﻳﺔ : ﻫﻬﻬﻪ ﻣﺎﺑﻴﺔ ﺷﻲ ﺍﻣﻲ ﺍﻟﻠﻪ ﻳﺤﻔﻈﻚ ﺍﻟﻲ
ﺗﻨﻬﺪﺕ ﺑﺎﺭﺗﻴﺎﺡ ﻭﺑﺎﻭﻋﺖ ﻟﺪﻣﻮﻉ : ﻫﺎ ﺷﻮ ﺍﻟﻴﻮﻡ ﻳﻤﻨﻪ
ﺩﻣﻮﻉ : ﻫﻬﻬﻪ ﺍﻱ ﻣﺸﺘﺎﻗﺔ ﺍﻟﻜﻢ ﻏﻴﺮ
_ ﻫﻼ ﺑﻴﭻ ﺣﺒﻴﺒﺔ
ﺩﻣﻮﻉ : ﺍﻟﻠﻪ ﻳﺨﻠﻴﻚ ﺍﻟﻨﻪ
ﺍﻧﻄﻴﺖ ﺍﻟﻌﻼﮔﺔ ﻟﻨﻮﺭ : ﻫﺎﭺ ﻋﻤﻮ ﻫﺎﻱ ﺍﻟﻜﻢ ﻭﺍﻧﻄﻲ ﻟﻠﺠﻬﺎﻝ ﻣﻮ ﺗﻨﺴﻴﻦ ﻭﺗﺎﻛﻠﻴﻬﺔ ﺍﻧﺘﻲ ﻭﺑﺮﺍﺀ ﻫﻬﻬﻪ
ﻧﻮﺭ ﺑﺨﺠﻞ : ﺍﻧﺸﺎﻟﻠﻪ ﻋﻤﻮ
ﺭﺍﺣﺖ ﻧﻮﺭ ﻭﺍﻧﻲ ﺩﺭﺕ ﻭﺟﻬﻲ ﻟﺴﻤﻴﺮﺓ : ﻫﺎ ﺷﺒﻴﭻ ﺳﻤﻴﺮﺓ : ﺭﺍﺳﻲ ﻳﻮﺟﻌﻨﻲ
_ ﺳﻼﻣﺎﺕ ﺗﺤﺘﺎﺟﻴﻦ ﻟﻠﻤﺴﺘﺸﻔﻰ ﺍﺣﭽﻲ ﮔﻮﻟﻲ
ﺳﻤﻴﺮﺓ : ﻻ ﻣﻴﺤﺘﺎﺝ ﺑﻠﻌﺖ ﺑﻨﺪﻭﻝ ﻗﺒﻞ ﺷﻮﻱ
_ ﻳﺎﻟﻠﻪ ﺍﻧﺸﺎﻟﻠﻪ ﻳﻬﺪﺃ ﺭﺍﺳﭻ
ﺳﻨﺪﺱ : ﺍﮔﻮﻟﮓ ﺧﺎﻟﺔ ﻫﺎﻱ ﻣﺮﺗﻚ ﺷﻮ ﺑﺲ ﮔﺎﻋﺪﺓ ﻓﻮﮒ ﻣﻨﺸﻮﻓﻬﺔ ﺍﺑﺪ ﻻ ﺗﺴﺎﻝ ﻭﻻ ﺗﮕﻮﻝ ﻣﺎﻛﻮ ﻣﺨﺘﻔﻴﺔ ﻓﻮﮒ
