بارت40
بحر • اتصلت علية اختي وجاوبت
_ هلاو شونچ اسو
اسو: هلاوين وينچ گاطعه عني متسأليت متگولين اختي اخبارهة شلونهة
ابتسمت_ والله مشغولة هالايام .. شونج انتي وبابا
اسو: زين ويسلم عليچ همات
_ وعليكم السلام
اسو: ها ماكو تطورات منا مناك ببيت عيالچ
جاوبت بهدوء _ اي براء بت اخو قاسم اجوهة خطابة
اسو بعدم اهتمام : اي زين. لحظة !!!!!! بنات اخو مو كولهن صغار!!!!
_ ههه اي ويردون ينطوهة لان اقتنعوا بالولد
اسو: الله يوفقهة انشالله ، گوليلي انتي اخبارچ شونهة؟؟
سكتت وافكر باحداث الايام الصارت شگوللهة قاسم مبيوگة فلوسة واتهمني واني غلطانه لان احچيلچن كولشي
_ احم لا ماكو شي صافية دافية
اسو: اها يله زين.. اي ماهر جاية... بحر ماهر يريدني باي
_ باي
گعد على القنفة يگلب بالقنوات ال التفزيون واني گاعدة على الفراش.. اجت ببالي سالفة براء
حچيت بتلبك
_ ءاءا احم
قاسم: احچي العندچ
بلعت وحچيت _ انتو عدكم عادي تتزوجون وانتو صغار؟؟ يعني حسب مشفت...
"وتاللهِ أني قوية جدًا، قويةٌ للحد الذي لا يستطيع أحد هزيمتي ، لا أُخفي أن الهمّ قد أرهقني وأنّ الحزن قد قطّع فؤادي وأني قد كتمت وجعًا حتى أني قد اتخذت العُزلة ملجأً وسكنًا ، وقد أصابني الخوف واستُهلكت طاقتي .. لكني والله لم ولن أهزم .. وسأعود قوية كما كنت."
قاطعني قاسم: اخوتي كلهم تزوجوا وهمة صغار وحته نسوانهم بعمر براء او اكبر
باوعتلة بفضول: يعني سيد حيدر حينطي براء لهذا الولد
قاسم: اي اعتقد هو ميهتم لهيچ شكليات بس على العمر بالبداية اعترض بس هسة تلگين مرته مخليته مقتنع وبالة مرتاح
عرفت قصدة انو نهاد تعبي براسة لحد ميوافق _ زين انته اذا عدك بنية عادي تزوجهة بعمر صغير
قاسم: لا طبعاً صغيرة وعقلهة جاهل متفهم بهذني السوالف
_ اني هم هيچ اگول خطية تنظلم يعني مثلاً براء اذا تزوجت هسة اكيد راح تحمل ومراهقتهة تروح وشبابهة همات وراح تكون ام بعمر صغير... وهي اصلاً تحتاج ام حته تربيهة لتفهمني غلط قصدي انو يعني دور الام هي تحتاجة مو هي تصير
قاسم بتأيد: هم صح بس شسوي لاخوية اللي مبين حيقتنع بارادته.. وحتلو وافق ماعليهة شي براء جمال ولد زين اعرف ابو سابقاً الله يرحمة خوش رجل
زفرت بارتياح واني افكر بسالفة براء
نغم • اخلي مكياج لوجهي ودخلت علية امي
ام ياس: ولچ نغيمة سدي الاغاني صوتهن ليمي واصلات
_ اوكي ماما
باوعتلي وضلت تتفرج علية: ولچ وين رايحة عرس متگوليلي
_ لا هاي دا اجرب لعقد ياس حته اضبطه اكثر
