ﺍﻟﻔﺼﻞ ﺍﻟﺴﺎﺑﻊ ﻋﺸﺮ
_______________
ﺑﺎﻭﻋﺖ ﻟﻠﺴﻴﺪ ﺍﻟﻠﻲ ﺍﺷﻮﻓﺔ ﻳﺒﺎﻭﻉ ﻟﻴﺎﺳﺮ ﺑﺠﻤﻮﺩ ﻋﺒﺎﻟﻚ ﻳﺎﺳﺮ ﺍﻟﺪﻳﺤﭽﻲ ﻣﻮ ﻣﺎﻫﺮ ﺧﻔﺖ ﻣﻦ ﻧﻈﺮﺍﺗﻪ ﻳﺎﺳﺎﺗﺮ ﻳﺎﺭﺏ ﺍﺫﺍ ﻫﻮ ﺑﺎﺑﺎ ﻣﺎﻫﺮ ﺍﻟﻠﻲ ﻳﻌﺮﻑ ﺑﻲ ﻫﻮ ﻣﺜﻞ ﺍﺑﻮﻳﺔ ﺑﺎﺱ ﺭﺍﺳﻲ ﻭﻫﻮ ﻋﺼﺐ ﻭﺿﺎﺝ ﻟﻌﺪ ﺍﺫﺍ ﻳﺎﺳﺮ ﮔﻠﻲ
( ﺑﺤﻮﺭﺓ ، ﺣﺒﻴﺒﺘﻲ ، ﻭﺍﺑﺘﺴﻤﻠﻲ ، ﻏﻤﺰﻟﻲ ) ﺷﻴﺴﻮﻱ ﺑﻲ ؟
ﻗﺎﺳﻢ : ﻳﺎﻟﻠﻪ ﺍﺣﻨﻪ ﺑﻌﺪ ﻧﺘﻮﻛﻞ !!
ﻣﺎﻫﺮ : ﺑﻌﺪ ﻭﻛﺖ ﺳﻴﺪﻧﻪ ﺍﮔﻌﺪﻭﺍ ﺷﻮﻳﺔ
ﻗﺎﺳﻢ ﻭﻫﻮ ﻳﺒﺎﻭﻉ ﻟﺸﺎﺷﺔ ﺗﻠﻔﻮﻧﻪ : ﻻ ﻭﺍﻟﻠﻪ ﺗﺎﺧﺮﺕ ﻭﻫﺴﺔ ﺍﻻﻫﻞ ﻣﻨﺘﻈﺮﻳﻨﻪ ﺣﺘﻪ ﻳﺴﻠﻤﻮﻥ ﻋﻠﻴﻨﻪ ﻭﺍﺣﻨﻪ ﺑﻌﺪ ﻧﻄﻠﻊ ﻟﻠﻨﺠﻒ
ﻳﺎﺳﺮ ﺑﻤﺮﺡ : ﺯﻳﻦ ﺧﻠﻲ ﺑﺤﺮ ﻳﻤﻨﻪ ﺷﻮﻳﺔ ﻭﺗﻌﺎﻝ ﺍﺧﺬﻫﺔ ﺑﻌﺪ ﻣﺘﺴﻠﻢ ﻋﻠﻰ ﺍﻻﻫﻞ
ﻗﺎﺳﻢ ﺑﺠﻤﻮﺩ : ﻻ ﺍﻋﺬﺭﻧﻲ ﻣﺎﻋﺪﻱ ﻭﻗﺖ ﻳﺎﻟﻠﻪ ﺑﺤﺎﺭ
ﮔﻤﺖ ﺍﻧﻲ ﻭﺍﺷﻮﻑ ﻳﺎﺳﺮ ﻭﻗﺎﺳﻢ ﺷﻮﻳﺔ ﻣﻮ ﺣﺒﺎﻳﺐ ﻣﺒﻴﻦ ﺫﺍﻙ ﻭﻳﻨﻪ ﻣﻊ ﺍﻟﻌﻠﻢ ﻳﺎﺳﺮ ﺣﻴﻞ ﺑﺸﻮﺵ ﻭﻓﻄﻴﺮ ﻭﻧﻴﺘﻪ ﻃﻴﺒﺔ ﻣﻴﺎﺧﺬ ﺍﻻﻣﻮﺭ ﺑﺠﺪﻳﺔ ﻛﻮﻟﺔ ﺑﺮﻭﺡ ﺭﻳﺎﺿﻴﺔ
ﻳﺎﺳﺮ ﺑﻀﺤﻜﺔ : ﻫﻬﻪ ﻫﺎﻱ ﺷﻨﻮ ﺑﻌﺪ ﻣﻨﺸﻮﻑ ﺍﻟﺨﺒﻠﺔ
ﺑﺎﻭﻋﺘﻠﺔ ﺑﺰﻋﻞ _ ﻣﻦ ﻭﺭﺓ ﺳﻮﺍﻟﻔﻚ ﺍﺑﻮ ﺍﻟﺨﺒﻠﺔ
ﺭﺻﻴﺖ ﻋﻠﺔ " ﺍﺑﻮ ﺍﻟﺨﺒﻠﺔ " ﺑﻐﻴﺾ ﻻﻥ ﻫﻮ ﺩﺍﺋﻤﺎ ﻳﺼﻴﺤﻠﻲ ﺧﺒﻠﺔ ﻣﻊ ﺍﻟﻌﻠﻢ ﺍﻧﻲ ﻣﻮ ﻫﻴﭻ ﺑﺲ ﺍﻭﻗﺎﺕ ﺗﺠﻴﻨﻲ ﺣﺎﻻﺕ ﺗﮕﺪﺭﻭﻥ ﺗﮕﻮﻟﻮﻥ ( ﻣﺮﺽ ﺍﻟﺜﻮﻝ ) ﻳﺠﻴﻨﻲ ﺑﺎﻱ ﻭﻗﺖ 😊
ﻗﺎﺳﻢ ﺑﺎﻧﺰﻋﺎﺝ ﻣﻜﺘﻮﻡ : ﻳﺎﻟﻠﻪ ﺑﺤﺮ
_ ﺍﻭﻛﻲ
ﻣﺎﻫﺮ : ﺩﻳﺮﺑﺎﻟﻚ ﻋﻠﻴﻬﺔ ﺳﻴﺪﻧﻪ ﻫﺎﻱ ﺑﻨﺘﻲ ﻭﺍﻋﺰ ﻣﻦ ﺭﻭﺣﻲ
ﻗﺎﺳﻢ ﺑﺎﺑﺘﺴﺎﻣﻪ ﻣﺠﺎﻣﻠﺔ : ﺍﻧﺸﺎﻟﻠﻪ
ﻭﺩﻋﺖ ﺧﻮﺍﺗﻲ ﻭﻃﻠﻌﺖ ﺭﻛﺒﺖ ﺍﻟﺴﻴﺎﺭﺓ ﻭﺍﺷﻮﻑ ﺍﻟﺴﻴﺪ ﺳﺎﻛﺖ ﻣﻴﺤﭽﻲ ﻭﻳﻨﺎﻓﺦ ﻋﺮﻓﺖ ﺿﺎﻳﺞ ﺑﺲ ﻣﻴﺤﭽﻲ ﻻﻥ ﻣﺴﻮﻳﺖ ﺷﻲ ﻏﻠﻂ ﻭﺍﻋﺘﻘﺪ ﻫﻮ ﻋﺮﻑ ﺷﻨﻮ ﻋﺎﺋﻠﺘﻲ ﻣﻦ ﮔﻌﺪ ﻭﻳﺎﻫﻢ ﻭﺷﺎﻑ ﻣﻴﺎﻧﺘﻨﻪ
ﻭﺻﻠﻨﻪ ﻭﺩﺧﻠﻨﻪ ﻟﻠﺒﻴﺖ ﻭﺳﻠﻤﺖ ﻋﻠﻴﻬﻢ ﻭﮔﻌﺪﺕ ﻻﻥ ﺑﻌﺪ ﺷﻮﻳﺔ ﻭﻧﻄﻠﻊ ﻟﻠﻨﺠﻒ
ﻣﺮﺗﻀﻰ : ﺷﻜﻢ ﻳﻮﻡ ﺗﺒﻘﻮﻥ ﻫﻨﺎﻙ ؟
ﻗﺎﺳﻢ ﺑﻌﺪﻡ ﺍﻫﺘﻤﺎﻡ : ﻣﺎﺩﺭﻱ ﻏﻴﺮ ﻣﺤﺪﺩ
ﺿﻠﻴﻨﻪ ﻧﺴﻮﻟﻒ ﻭﻧﺪﺭﺩﺵ ﺷﻮﻳﺔ ﻭﻭﺭﺓ ﻓﺘﺮﺓ ﺍﻧﺪﺍﺭ ﻗﺎﺳﻢ ﻋﻠﻴﺔ : ﻳﺎﻟﻠﻪ ﺑﺎﺑﺎ ﺑﺤﺎﺭ ﺗﺠﻬﺰﻱ
ﮔﻤﺖ ﺍﻧﻲ ﻭﺻﻌﺪﺕ ﻓﻮﮒ ﻭﺩﺧﻠﺖ ﻟﻠﻐﺮﻓﺔ ﻣﺎﻟﺘﻲ ﻭﺣﻀﺮﺕ ﻣﻼﺑﺴﻲ ﻭﻟﺒﺴﺖ ﺻﺎﻳﺔ ﺳﻮﺩﺓ ﺣﻠﻮﺓ ﻣﻄﺮﺯﺓ ﺑﻨﻘﺸﺔ ﺧﻠﻴﺠﻴﺔ ﻭﻳﺔ ﺷﺎﻝ ﻣﺎﺭﻭﻧﻲ ﻭﺟﻨﻄﺔ ﻭﻛﻌﺐ ﻣﻦ ﻧﻔﺲ ﺍﻟﻠﻮﻥ ﺑﺎﻭﻋﺖ ﻟﺮﻭﺣﻲ ﻭ ﻃﻠﻌﺖ ﺑﺮﺓ ﻭﺷﻔﺖ ﺍﻟﺴﻴﺪ ﻭﺍﮔﻒ ﻭﻳﺤﭽﻲ ﻭﻳﺔ ﺟﻌﻔﺮ ﻳﻮﺻﻲ ﻋﻠﺔ ﺍﻟﺒﻴﺖ ﻭﺍﻟﻤﺤﻼﺕ ﻣﻼﺗﻪ ﻭﺟﻌﻔﺮ ﻳﺴﺘﻘﺒﻠﺔ ﺑﺎﺑﺘﺴﺎﻣﻪ ﻭﻳﮕﻮﻟﺔ : ﻋﻠﺔ ﻋﻴﻨﻲ ﻭﺭﺍﺳﻲ ﻟﺘﺸﻴﻞ ﻫﻢ ﺧﻮﻳﺔ ﺗﺮﺟﻊ ﻭﺗﻠﮕﻪ ﻛﻮﻟﺸﻲ ﻧﻔﺲ ﻣﭽﺎﻥ ﻭﺍﻧﺖ ﺗﻮﻧﺲ
ﻗﺎﺳﻢ ﺍﺑﺘﺴﻤﻠﺔ ﺑﺮﺿﻰ ﻭﺗﺸﻜﺮﻩ ﻭﺭﺍﺡ ﻟﻠﻌﻠﻮﻳﺔ ﺍﻟﻠﻲ ﻋﻴﻮﻧﻬﺔ ﻣﺪﻣﻌﺔ : ﻳﻤﻪ ﻭﻟﻴﺪﻱ ﺩﻳﺮﺑﺎﻟﻚ ﻋﻠﺔ ﺭﻭﺣﻚ
ﻗﺎﺳﻢ : ﺍﻧﺸﺎﻟﻠﻪ ﻳﻤﻪ
ﺳﺎﺭﺓ ﺑﻬﻤﺲ : ﻭﻟﭻ ﻣﺘﺴﻠﻤﻴﻦ ﻋﻠﻴﺔ
ﻓﺰﻳﺖ ﻣﻦ ﻣﻜﺎﻧﻲ ﻭﺩﺭﺕ ﻭﺟﻬﻲ _ ﺧﺮﻋﺘﻴﻨﻲ
ﺳﺎﺭﺓ ﺑﺎﺑﺘﺴﺎﻣﻪ : ﻳﺎﻟﻠﻪ ﻭﻟﭻ ﺳﻠﻤﻲ ﻋﻠﻴﺔ ﻭﻭﺩﻋﻴﻨﻲ
ﺑﺴﺘﻬﺔ ﺑﺨﺪﻫﺔ _ ﺍﺣﻠﺔ ﺳﻼﻡ ﻭﺣﻀﻦ ﻭﺑﻮﺳﺔ ﻻﻡ ﻣﺤﻤﺪ ﻫﻬﻪ 😘
ﺳﺎﺭﺓ : ﺍﻧﺸﺎﻟﻠﻪ ﺗﺮﺟﻌﻴﻦ ﺑﺎﻟﺴﻼﻣﺔ ﻭﻳﺠﻴﻨﻪ ﺧﺒﺮ ﺣﻤﻠﭻ
ﺍﺑﺘﺴﻤﺖ ﺑﻤﺠﺎﻣﻠﺔ ﻭﻣﺎﻋﺮﻑ ﺷﺴﻮﻱ ﻭﺍﻧﻲ ﺑﺪﺍﺧﻠﻲ ﻳﺘﺎﻟﻢ ﺍﻟﻠﻪ ﻳﻌﻴﻨﻚ ﻳﺎ ﻗﺎﺳﻢ ﻋﺒﺎﻟﻬﻢ ﺍﻧﺖ ﺗﮕﺪﺭ ﺗﺠﻴﺐ ﺍﻃﻔﺎﻝ ﻭﺍﻧﺖ ﺍﺻﻼ ﻣﺘﮕﺪﺭ
_ ﺗﺤﺘﺎﺟﻴﻦ ﺷﻲ ﻣﻨﺎﻙ ﻟﺘﺴﺘﺤﻴﻦ ﻭ ﻻ ﺗﺨﺠﻠﻴﻦ ﻣﻨﻲ ﺍﺣﭽﻲ
ﺳﺎﺭﺓ : ﺑﺲ ﺍﺩﻋﻴﻠﻲ ﺍﺟﻴﺐ ﺑﺎﻟﺴﻼﻣﻪ ﺍﻧﻲ ﻭﻃﻔﻠﻲ ﻭﻫﺎﻱ ﻫﻴﺔ
_ ﺍﻧﺸﺎﻟﻠﻪ
ﺳﻠﻤﺖ ﻋﻠﻴﻬﺔ ﻭﺭﺣﺖ ﻟﻌﻠﻮﻳﺔ ﻭﻫﻲ ﺗﻮﺻﻲ ﺑﻴﺔ ﻭﺗﻬﻤﺴﻠﻲ : ﺩﻳﺮﺑﺎﻟﭻ ﻋﻠﻲ ﻭﺍﺣﺘﺮﻣﻲ ﻭﺩﻟﻠﻲ ﻭﻟﺒﺴﻴﻠﺔ ﻭﺗﺪﻟﻌﻲ ﻭﻭﻭﻭ ...
ﻛﻮﻣﺔ ﻭﺍﻧﻲ ﺍﺳﺘﻘﺒﻞ ﻛﻼﻣﻬﺔ ﺑﺼﺪﺭ ﺭﺣﺐ ﺑﺎﻟﺮﻏﻢ ﻣﻦ ﺍﻧﻮ ﻛﻼﻣﻬﺔ ﻛﻠﺔ ﻣﻴﺠﻴﺐ ﺍﻱ ﻧﺘﻴﺠﺔ ﻻﻥ ﺍﻧﻲ ﻣﺎ ﻣﺘﻘﺒﻠﺘﻪ ﻛﺰﻭﺝ .
ﻭﺩﻋﺘﻬﻢ ﻛﻠﻬﻢ ﻭﻃﺒﻌﺎ ﻋﺼﺎﺑﺔ ﺳﻨﺪﻱ ﺳﻠﻤﻦ ﻋﻠﻴﺔ ﻣﻦ ﻃﺮﻑ ﺧﺸﻤﻬﻦ ﺑﺲ ﻣﺎ ﺍﻫﺘﻤﻴﺖ ﺍﻟﻤﻬﻢ ﺍﻧﻲ ﺭﺿﻴﺖ ﺍﻟﺴﻴﺪ ﺍﻟﻠﻲ ﻳﺒﺎﻭﻋﻠﻲ ﺑﻨﻈﺮﺍﺗﻪ ﺍﺧﺬ ﺍﻟﺠﻨﻄﺔ ﻭﻃﻠﻌﻨﻪ ﺑﺮﺓ ﻟﮕﻴﻨﻪ ﺟﻌﻔﺮ ﻣﻨﺘﻈﺮﻧﻪ
ﻗﺎﺳﻢ ﺑﻬﺪﻭﺀ : ﻳﺎﻟﻠﻪ ﺻﻌﺪﻱ
ﺻﻌﺪﺕ ﻟﻴﻮﺭﺓ ﻭﻫﻮ ﻟﻴﮕﺪﺍﻡ ﺍﺷﻮﻑ ﺍﻟﺪﻧﻴﺎ ﺍﻟﻠﻴﻞ ﻭﺻﻨﻄﺔ ﻣﺎﻛﻮ ﺍﺣﺪ ﺑﺎﻟﺸﺎﺭﻉ ﻭﺍﻻﺟﻮﺍﺀ ﺣﻠﻮﺓ ﻭﻣﺮﻳﺤﺔ ﺭﻳﺤﺖ ﺭﺍﺳﻲ ﻋﻠﺔ ﺍﻟﺸﺒﺎﻙ ﻭﺍﺑﺎﻭﻉ ﻟﻠﻀﻼﻡ ﻭﺍﻟﺴﻤﺎ ﻭﺍﺳﻤﻊ ﺣﭽﻲ ﺟﻌﻔﺮ ﻭﻗﺎﺳﻢ ﻋﻦ ﺍﻻﻣﺎﻛﻦ ﺍﻟﻠﻲ ﺑﺎﻳﺮﺍﻥ
ﻭﻟﻮ ﺍﻧﻲ ﺭﺍﻳﺤﺘﻠﻬﺔ ﻻﻳﺮﺍﻥ ﺛﻼﺙ ﻣﺮﺍﺕ ﺑﺲ ﻣﺎ ﺍﺣﺒﻬﺔ ﺭﺣﺖ ﺍﻧﻲ ﻟﻘﻢ ﻭﻣﺸﻬﺪ ﻭﻃﻬﺮﺍﻥ ﺑﺲ ﻣﺮﺍﻳﺤﺔ ﻟﻠﺸﻤﺎﻝ ﻭﺍﺻﻔﻬﺎﻥ ﻻﻥ ﺍﺟﺎﺯﺓ ﺑﺎﺑﺎ ﻣﺎﻫﺮ ﻭﺍﺳﻮ ﻗﻠﻴﻠﺔ ﻓﻤﻨﻠﺤﮓ ﻧﻄﻮﻝ ﻣﺠﺮﺩ ﻋﺸﺮﺓ ﺍﻳﺎﻡ ﻭﻧﺮﺟﻊ ﻭﻣﺮﺍﺕ ﺍﺳﺒﻮﻉ ... ﻭ ﺷﻬﺮ ﻋﺴﻠﻲ ﻣﻦ ﺣﺴﻴﻦ ﭼﺎﻥ ﺑﺎﻟـ ﻟﺒﻨﺎﻥ ﻭﺷﮕﺪ ﺗﻮﻧﺴﺖ ﺑﻴﻬﺔ ﺍﻟﺴﻔﺮﺓ ﺍﺍﻩ ﺫﻛﺮﻯ ﺣﻠﻮﺓ ﻭﻣﺘﻨﺴﻲ
ﺍﺑﺎﻭﻉ ﻭﮔﻔﻨﻪ ﻋﻠﺔ ﺳﻴﻄﺮﺓ ﺍﻟﻠﻲ ﺗﺪﺧﻞ ﻟﻠﻤﻄﺎﺭ ﺍﺳﺘﻔﺴﺮﻭﺍ ﻋﻦ ﺟﻮﺍﺯﺍﺗﻨﻪ ﻭﺍﻟﭭﻴﺰ ﻭﺩﺧﻠﻮﻧﻪ ﺭﺣﻨﻪ ﻟﻠﺘﻔﺘﻴﺶ ﻭﺧﻠﻴﺖ ﺟﻨﻄﺘﻲ ﺍﻟﻴﺪﻭﻳﺔ ﺑﺎﻟﺴﻮﻧﺎﺭ ﻭﺍﻧﻲ ﻣﺸﻴﺖ ﻣﺴﺎﻓﺔ ﻭﺍﺷﻮﻑ ﺟﻌﻔﺮ ﺳﻠﻢ ﻋﻠﻰ ﻗﺎﺳﻢ ﻭﺭﺍﺡ ﺍﺑﺘﺴﻤﺖ ﺑﻬﺪﻭﺀ ﻭﺍﻧﻲ ﺍﻗﺮﺓ
ﻣـــﻄـــﺎﺭ ﺍﻟــــﻨــــﺠـــــﻒ ﺍﻟــﺪﻭﻟــــﻲ
ﺩﺧﻠﻨﻪ ﻭﻗﺎﺳﻢ ﺳﻠﻢ ﺍﻟﺠﻨﻄﺔ ﺍﻟﻬﻢ
ﻭ ﺳﻮﻳﻨﻪ ﺍﻻﺟﺮﺍﺀﺍﺕ ﺍﻟﻜﺎﻣﻠﺔ ﻭﺿﻠﻴﻨﻪ ﻧﻨﺘﻈﺮ ﺍﺑﺎﻭﻉ ﺍﻟﺴﺎﻋﺔ ﺑﺎﻻﺭﺑﻌﺔ ﻃﻴﺎﺭﺗﻨﻪ
ﺗﻨﻔﺴﺖ ﺑﻬﺪﻭﺀ ﻭﺍﺑﺎﻭﻉ ﻋﻠﺔ ﺍﻟﻨﺎﺱ ﺍﻟﻠﻲ ﻳﺘﺤﺮﻛﻮﻥ ﻣﻨﺎ ﻭﻣﻨﺎﻙ ﻧﺎﺩﻭﺍ ﻋﻠﻰ ﻃﻴﺎﺭﺗﻨﻪ ﻭﺭﺣﻨﻪ ﺳﻮﻳﻨﻪ ﺍﻻﺟﺮﺍﺀﺍﺕ ﻭﻃﺒﻌﺎ ﻛﻼﻡ ﺑﻴﻨﻲ ﻭﺑﻴﻦ ﺍﻟﺴﻴﺪ ﻗﻠﻴﻞ ﻭﺟﺪﺍ ﻃﺒﻴﻌﻲ ﺻﻌﺪﻧﻪ ﺑﺎﻟﺴﻴﺎﺭﺓ ﺣﺘﻪ ﺗﻮﺻﻠﻨﻪ ﻟﻠﻄﻴﺎﺭﺓ ﻭﺻﺪﻭﮒ ﻭﮔﻔﺖ ﻭﻧﺰﻟﺖ ﺍﻧﻲ ﻭﻗﺎﺳﻢ ﻭﺻﻌﺪﻧﻪ ﺑﺎﻟﻄﻴﺎﺭﺓ ﺩﻭﺭﻧﻪ ﻋﻠﺔ ﻣﻘﺎﻋﺪﻧﻪ ﻭﺷﻔﺖ ﻣﻘﻌﺪﻱ ﺻﺎﻳﺮ ﻳﻢ ﺍﻟﺸﺒﺎﻙ ﻭ ﻭﻟﺪ ﺷﺎﺏ ﺑﺼﻔﻲ ﻭﻗﺎﺳﻢ ﺻﺎﻳﺮ ﺑﺼﻒ ﺍﻟﻮﻟﺪ ﻳﻌﻨﻲ ﺍﻟﻮﻟﺪ ﺻﺎﺭ ﺑﻨﺼﻨﻪ ﺍﻧﻲ ﻭﻗﺎﺳﻢ
ﻗﺎﺳﻢ ﺑﺎﻭﻉ ﻟﻠﺸﺎﺏ : ﺑﻼ ﺯﺣﻤﺔ ﻋﻠﻴﻚ ﻣﻴﺨﺎﻟﻒ ﺗﮕﻌﺪ ﺍﻧﺖ ﺑﺎﻟﻄﺮﻑ ﻭﺍﻧﻲ ﺍﮔﻌﺪ ﻳﻢ ﺯﻭﺟﺘﻲ
ﭼﺎﻥ ﻳﺮﺹ ﻋﻠﺔ ﻛﻠﻤﺔ " ﺯﻭﺟﺘﻲ " ﻭﺍﻟﺸﺎﺏ ﺑﺎﻭﻋﻠﻨﻪ ﻭﻧﻮﻋﺎ ﻣﺎ ﺗﻔﺎﺟﺄ ﻟﻜﻦ ﺍﺑﺘﺴﻢ ﺑﻬﺪﻭﺀ : ﻋﺎﺩﻱ ﻣﺎﻛﻮ ﻣﺸﻜﻠﺔ ﺗﻔﻀﻠﻮﺍ
ﺩﺧﻠﺖ ﺍﻧﻲ ﻭﻗﺎﺳﻢ ﺻﺎﺭ ﺑﺎﻟﻨﺺ ﻭﺍﻟﺸﺎﺏ ﺻﺎﺭ ﺑﺎﻟﻄﺮﻑ ﻟﺒﺴﻨﻪ ﺍﻟﺤﺰﺍﻡ ﻭﺍﻧﻲ ﺍﺑﺎﻭﻉ ﻟﻠﺴﻴﺎﺭﺍﺕ ﺍﻟﺠﻮﺓ ﺍﻟﻠﻲ ﺗﺨﺺ ﺍﻟﺸﺮﻃﺔ ﻭﺍﻻﺳﻌﺎﻑ ﻭﺍﻟﺮﺍﻓﻌﺔ ﻣﺎﻝ ﺍﻟﺪﺭﺝ ﻛﻮﻟﻬﻦ ﺻﺎﻳﺮﺍﺕ ﺟﻮﺍﻳﺔ ﺷﻮﻳﺔ ﻭﺍﻋﻠﻦ ﺍﻟﻜﺎﺑﺘﻦ ﺑﺎﻧﻮ ﺭﺍﺡ ﻧﻄﻴﺮ ﻭﭼﺎﻥ ﺍﻟﻜﺎﺑﺘﻦ ﺍﻳﺮﺍﻧﻲ ﻭﺍﻟﻜﺎﺩﺭ ﻭﺍﻟﻄﺎﺋﺮﺓ ﻛﻠﻬﻢ ﺍﻳﺮﺍﻧﻴﻦ ﺑﺲ ﺍﻟﺮﻛﺎﺏ ﻋﺮﺍﻗﻴﻴﻦ ﻭﻧﺺ ﻣﻨﻬﻢ ﺍﻳﺮﺍﻧﻴﻴﻦ ﻫﻤﺎﺕ
