اضطراب مشاعر

البارت الربع عشر

البارت 14

_ ﺻﺪﻭﮒ ﺗﺤﭽﻴﻦ ﻣﺮﻳﻢ
ﻣﺮﻳﻢ : ﺍﻱ ﻭﺍﻟﻠﻪ ﺍﻟﺒﺎﺭﺣﺔ ﻣﺎﺗﺖ
ﺩﺧﻠﺖ ﺍﺻﺎﺑﻌﻲ ﺑﺸﻌﺮﻱ _ ﺍﻟﻠﻪ ﻳﺮﺣﻤﻬﺔ ﻭﻟﻮ ﻫﻲ ﭼﺎﻧﺖ ﺷﺎﺩﺓ ﻭﻳﺎﻳﺔ ﻭﻣﺎ ﺍﺣﺒﻬﺔ ﺑﺲ ﺗﻀﻞ ﻋﻤﺘﻲ ﺍﻡ ﺯﻭﺟﻲ
ﻣﺮﻳﻢ : ﻫﻬﻬﻬﻪ ﺑﻌﺪ ﻭﻛﺖ ﻋﻴﻨﻲ ﺧﻠﻴﺘﻲ ﺷﻲ ﺍﻧﺘﻲ ﺑﻌﺪ ﻋﻴﻨﻲ ﺍﺫﻛﺮﻭﺍ ﻣﺤﺎﺳﻦ ﻣﻮﺗﺎﻛﻢ ﻭﺍﻧﺘﻲ ﺗﺬﻛﺮﻳﻦ ﺳﻴﺌﺎﺗﻬﺔ
ﺗﺜﺎﻭﺑﺖ _ ﺍﻟﻤﻬﻢ ﻫﻮ ﻫﺬﺍ ﺍﻟﺨﺒﺮ ﺍﻟﺠﺎﻳﺘﻨﻲ ﺑﻲ ﻣﻦ ﺍﻟﺼﺒﺢ
ﻣﺮﻳﻢ : ﺍﻱ ﻏﻴﺮ ﺍﮔﻮﻟﭻ ﺣﺘﻪ ﺗﺮﺣﻴﻦ ﻟﻠﻔﺎﺗﺤﻪ ﺷﺒﻴﭻ ﻳﺤﻈﻲ
_ ﻣﺎﺩﺭﻱ ﺍﺭﻭﺡ ﻟﻮ ﻻ ،،، ﺑﺲ ﻻ ﻳﻤﻜﻦ ﺍﺭﻭﺡ ﻻﻥ ﺗﻌﺘﺒﺮ ﺍﻡ ﺣﺴﻴﻦ ﻭﻻﺯﻡ ﺍﺭﻭﺡ ﻟﻔﺎﺗﺤﺘﻬﺔ ﻣﻬﻤﺎ ﻳﻜﻮﻥ ﻫﻤﺔ ﭼﺎﻧﻮﺍ ﻋﻴﺎﻟﻲ ﻭﻋﻴﺐ ﻭﻓﺸﻠﺔ ﺍﺫﺍ ﻣﺎ ﺭﺣﺖ
ﻣﺮﻳﻢ : ﻫﻤﻤﻢ .. ﻣﺎﺷﻲ ﻭﻫﺎ ﺗﺮﺓ ﺍﻟﻔﺎﺗﺤﺔ ﺳﻮﻭﻫﺔ ﺑﺒﻴﺖ ﻋﻢ ﺣﺴﻴﻦ
_ ﻫﺎ ﻳﻌﻨﻲ ﺑﺒﻴﺖ ﻋﻤﻬﻢ ﺍﻣﻤﻢ ﺍﻭﻛﻲ ﻳﺎﻟﻠﻪ ﺑﺎﻱ
ﺳﺪﻳﺖ ﺍﻟﺨﻂ ﻣﻨﻬﺔ ﻭﮔﻤﺖ ﻭﺭﺣﺖ ﺳﻮﻳﺖ ﺭﻭﺗﻴﻨﻲ ﺍﻟﻴﻮﻣﻲ ﻭﻧﺰﻟﺖ ﺟﻮﺓ ﻭﺍﺷﻮﻑ ﺑﺲ ﺟﻌﻔﺮ ﻭﻣﺮﺗﻪ ﻭﺟﻬﺎﻟﻬﻢ ﻭﻗﺎﺳﻢ ﻳﺘﺮﻳﮕﻮﻥ ﺗﻌﺠﺒﺖ ﻭﻳﻦ ﺍﻟﺒﺎﻗﻴﻦ ﻟﻌﺪ ﻭﺣﺘﻪ ﺍﻟﻌﻠﻮﻳﺔ ﺟﺎﻳﺔ ﺷﻮﻛﺖ ﺍﺟﺖ ﻣﻦ ﺍﻟﻨﺠﻒ ﻣﺎﺩﺭﻱ
_ ﺻﺒﺎﺡ ﺍﻟﺨﻴﺮ
ﺍﻟﻜﻞ : ﺻﺒﺎﺡ ﺍﻟﻨﻮﺭ
ﮔﻌﺪﺕ ﺑﺼﻒ ﺳﺎﺭﺓ ﻭﺣﭽﻴﺖ ﺑﻬﻤﺲ _ ﻭﻳﻨﻬﻢ ﻋﺼﺎﺑﺔ ﺳﻨﺪﻱ
ﺳﺎﺭﺓ : ﻋﻮﺩ ﺯﻋﻼﻧﻴﻦ ﻫﺴﺔ ﺗﺸﻮﻓﻴﻬﻢ ﻋﻠﻰ ﺍﻟﻐﺪﺓ ﻳﮕﻌﺪﻭﻥ ﻭﻻ ﻋﺒﺎﻟﻚ ﺻﺎﻳﺮ ﺷﻲ
ﺩﻧﮕﺖ ﺭﺍﺳﻲ ﻭﻣﺪﻳﺖ ﺍﻳﺪﻱ ﺍﻛﻞ ...
_ ﺷﻮﻛﺖ ﺍﺟﺖ ﻋﻤﺘﻲ
ﺳﺎﺭﺓ : ﺍﻟﻔﺠﺮ ﺍﺟﺘﻲ ﺍﺑﻦ ﺍﺧﺘﻬﺔ ﺟﺎﺑﻬﺔ
ﺑﻨﺺ ﺍﻻﻛﻞ ﻭﻗﺎﺳﻢ ﮔﺎﻡ : ﺍﻟﺤﻤﺪﻟﻠﻪ ﻭﺍﻟﺸﻜﺮ ﺍﻟﻠﻬﻢ ﺩﻳﻢ ﺍﻟﻨﻌﻤﻪ ﻭﺍﺣﻔﻈﻬﺎ ﻣﻦ ﺍﻟﺰﻭﺍﻝ ،،، ﻳﺎﻟﻠﻪ ﻳﻤﻪ ﺍﻧﻲ ﺭﺍﻳﺢ ﺗﺮﺩﻳﻦ ﺷﻲ
ﺍﻟﻌﻠﻮﻳﺔ : ﺭﻭﺡ ﻳﻤﻪ ﺩﺭﺏ ﺍﻟﺴﻼﻣﻪ
ﻗﺎﺳﻢ : ﺑﺤﺎﺭ ﺗﺤﺘﺎﺟﻴﻦ ﺷﻲ
_ ﻻ ﺗﺴﻠﻢ
ﻫﻮ ﺭﺍﺡ ﻭﺟﻌﻔﺮ ﻃﻠﻊ ﻭﺭﺍ ﻭﺳﺎﺭﺓ ﻟﺤﮕﺘﻪ ...
ﺩﺭﺕ ﻭﺟﻬﻲ ﻟﻌﻤﺘﻲ _ ﻗﺒﻞ ﺍﻟﻠﻪ ﺍﻟﺰﻳﺎﺭﺓ ﻋﻤﺔ
ﺍﻟﻌﻠﻮﻳﺔ ﺑﺎﺑﺘﺴﺎﻣﻪ : ﻣﻨﺎ ﻭﻣﻨﻜﻢ
ﺭﺟﻌﺖ ﺳﺎﺭﺓ ﺑﻌﺪ ﻣﺎ ﻃﻠﻊ ﺟﻌﻔﺮ
ﻭﺍﻟﻌﻠﻮﻳﺔ ﺣﭽﺖ : ﺑﺤﺎﺭ ﻏﻴﺮ ﺗﻠﺤﮕﻴﻦ ﻗﺎﺳﻢ ﺷﻮﻥ ﺗﺘﺮﻛﻲ ﻫﻴﭻ ﻳﺎ ﺍﻣﻲ ﻏﻴﺮ ﺍﻟﺰﻭﺟﺔ ﺗﺪﻟﻞ ﺯﻭﺟﻬﺔ ﺷﺠﺎﭺ
ﺗﻔﻬﻤﺖ ﻛﻼﻣﻬﺔ ﻭﺍﺑﺘﺴﻤﺖ _ ﻭﺍﻟﻠﻪ ﻋﻤﺔ ﻧﺴﻴﺖ
ﺍﻟﻌﻠﻮﻳﺔ : ﻳﺎﻟﻠﻪ ﺍﻧﺸﺎﻟﻠﻪ ﺗﺘﻌﻠﻤﻴﻦ ﺗﺮﺓ ﺍﻟﺰﻟﻢ ﻳﺤﺒﻮﻥ ﻫﻴﭻ ﺳﻮﺍﻟﻒ ﻣﺎﻝ ﺍﻟﻤﺮﺓ ﺗﺘﻠﮕﺎﻫﻢ ﺑﺎﻟﺒﺎﺏ ﻭﻣﻦ ﻳﻄﻠﻌﻮﻥ ﻫﻢ ﺗﻮﺻﻠﻬﻢ ﻟﻠﺒﺎﺏ
ﺳﺎﺭﺓ ﻭﻫﻲ ﺗﺎﺷﺮ ﺑﺎﻳﺪﻫﺔ : ﻳﺎﻟﻠﻪ ﮔﻮﻣﻮﺍ ﺍﻟﺴﺎﻳﻖ ﺭﺍﺡ ﻳﺠﻲ ﻋﻠﻴﻜﻢ
ﻣﺤﻤﺪ : ﻣﺎﻣﺎ ﻣﺎﺭﻳﺪ ﺍﺭﻭﺡ ﻟﻠﻤﺪﺭﺳﺔ ﺍﻟﻴﻮﻡ
ﺳﺎﺭﺓ ﺑﺼﺮﺍﻣﻪ : ﺷﻨﻮ ﻣﺘﺮﻭﺡ ﻟﻠﻤﺪﺭﺳﺔ ﺗﺴﻜﺖ ﻭﺗﺮﻭﺡ ﻏﺼﺒﺎ ﻣﺎ ﻋﻠﻴﻚ ﻳﺎﻟﻠﻪ ﮔﻮﻡ ﻭﺍﻧﺘﻲ ﺑﺮﺍﺀ ﻫﻢ ﮔﻮﻣﻲ ﻭﻳﺎ
ﮔﺎﻣﻮﺍ ﺟﻬﺎﻟﻬﺔ ﻟﻠﻤﺪﺭﺳﺔ ﻭﺳﺎﺭﺓ ﺗﻮﺻﻴﻬﻢ ﻭﺗﻨﻄﻴﻬﻢ ﻣﺼﺮﻭﻑ ﺍﺑﺘﺴﻤﺖ ﻟﻤﻨﻈﺮﻫﻢ ﺍﻟﻠﻄﻴﻒ ﺷﮕﺪ ﺣﻠﻮ ﺣﻨﺎﻥ ﻭﺧﻮﻑ ﺍﻻﻡ ﻻﻭﻻﺩﻫﺔ ﺍﺗﻤﻨﻪ ﺍﻣﻲ ﻫﻴﭻ ﭼﺎﻧﺖ ﺗﺴﻮﻱ ﻭﻳﺎﻳﺔ ﺑﺲ ﺍﺣﻤﺪ ﺭﺑﻲ ﺍﻟﻠﻪ ﻋﻮﺿﻨﻲ ﺑﺎﺧﺘﻲ ﺍﺳﺮﺍﺀ ﺍﻟﻠﻲ ﻛﺎﻧﺖ ﺍﻟﻲ ﺍﻡ ﻭﺻﺪﻳﻘﺔ ﺍﻛﺜﺮ ﻣﻦ ﺩﻭﺭ ﺍﻻﺧﺖ
ﺍﻟﻠﻪ ﻳﺤﻔﻈﻬﻢ ﻟﺒﻌﺾ ﺻﺎﻓﻨﻪ ﻋﻠﻴﻬﻢ ﻭﻗﺎﻃﻊ ﺷﺮﻭﺩﻱ ﻧﻬﺎﺩ ﻭﻫﻲ ﺗﻨﻄﻲ ﻻﻃﻔﺎﻟﻬﺔ ﻓﻄﺎﺋﺮ ﻣﺎﻝ ﻟﺤﻢ ﺑﻌﺠﻴﻦ ﻭﺗﻮﺻﻴﻬﻢ ﻭﻫﻤﺔ ﻃﻠﻌﻮﺍ
ﺳﺎﺭﺓ : ﻫﺎ ﻧﻬﺎﺩ ﺷﻌﺠﺐ ﮔﻌﺪﺗﻲ ﻣﻦ ﻣﺘﺎﺧﺮ ﺍﻟﻴﻮﻡ
ﻧﻬﺎﺩ ﺑﻀﻴﻖ : ﻭﻟﻴﺶ ﺍﮔﻌﺪ ﻣﻦ ﻭﻛﺖ ﺍﺫﺍ ﺍﻟﺮﻳﻮﮒ ﻣﻮ ﻋﻠﻴﺔ ﻫﺎﺍﺍ ﺑﻌﺪ ﺷﺘﺮﺩﻳﻦ ﺍﮔﻌﺪ ﺍﮔﺎﺑﻞ ﻭﺟﻬﭻ ﺍﻟﭽﻨﻪ ﻭﺣﺪﺓ ﻣﻄﻠﮕﺔ
ﺳﺎﺭﺓ ﺑﺤﺪﺓ : ﻟﺘﺘﺠﺎﻭﺯﻳﻦ ﺭﺟﺎﺀً ﺍﻧﻲ ﻣﺎ ﺣﭽﻴﺖ ﺷﻲ ﺣﺘﻪ ﺗﮕﻄﻴﻦ ﺍﻻﻛﻮ ﻭﺍﻟﻤﺎﻛﻮ
ﻧﻬﺎﺩ ﺑﻐﺮﻭﺭ : ﻭﺍﻟﻠﻪ ﺍﻧﻲ ﻣﺎ ﻣﺘﺠﺎﻭﺯﺓ ﺑﺲ ﺍﻧﺘﻲ ﻣﺎﺩﺭﻱ ﺷﻠﻮﻧﭻ
ﻃﻠﻌﺖ ﻧﻬﺎﺩ ﻣﻦ ﺍﻟﻤﻄﺒﺦ ﻭﻫﻲ ﺗﺘﻤﺨﻄﺮ ﺑﻤﺸﻴﺘﻬﺔ
ﺑﺎﻭﻋﺖ ﻟﺴﺎﺭﺓ ﺍﻟﻤﻌﺼﺒﺔ ﻭﺣﭽﻴﺖ ﺑﺤﺮﺝ ﻭﺍﻧﻲ ﺍﺷﻮﻓﻬﺔ ﺗﻐﺴﻞ ﺍﻟﻤﺎﻋﻴﻦ : ﻋﺬﺭﻳﻨﻲ ﺳﺎﺭﺓ ﻣﺎﮔﺪﺭ ﺍﺳﺎﻋﺪﭺ ﺑﺎﻟﻤﺎﻋﻴﻦ ~ ﻭﺭﻓﻌﺖ ﺍﻳﺪﻱ ﺍﻟﻤﺠﺒﺮﺓ ~ ﻣﺜﻞ ﻣﺘﻌﺮﻓﻴﻦ ﺍﻳﺪﻱ
ﺳﺎﺭﺓ ﺑﺎﻧﺰﻋﺎﺝ ﻣﺼﻄﻨﻊ : ﻭﻟﺞ ﺷﻨﻮ ﻋﺬﺭﻳﻨﻲ ﺍﺳﺘﺤﻲ ﻋﻠﺔ ﺩﻣﭻ ﺍﻧﺘﻲ ﻣﺜﻞ ﺍﺧﺘﻲ
ﺍﺑﺘﺴﻤﺖ ﻭﮔﺮﺻﺖ ﺧﺪﻫﺔ _ ﻓﺪﻭﺓ ﻟﻼﺧﺖ ﺍﻟﻌﻨﺪﻱ 😘
ﺳﺎﺭﺓ : ﻳﺎﻟﻠﻪ ﺭﻭﺣﻲ ﻟﻐﺮﻓﺘﺞ ﺍﺭﺗﺎﺣﻲ
ﺍﺑﺘﺴﻤﺘﻠﻬﺔ ﻭﺭﺣﺖ ﻟﻐﺮﻓﺘﻲ ﻃﻠﻌﺖ ﻣﻼﺑﺲ ﺳﻮﺩ ﻣﺎﻝ ﻃﻠﻌﺔ ﻋﻠﻤﻮﺩ ﻓﺎﺗﺤﺔ ﻋﻤﺘﻲ ﺟﻬﺰﺕ ﻣﻼﺑﺴﻲ ﻭﺷﻔﺖ ﺍﻟﺴﺎﻋﺔ ﺑﺎﻟﺜﻤﺎﻧﻴﺔ ﻭﻧﺺ ﺗﻨﻬﺪﺕ ﺑﺎﻧﺰﻋﺎﺝ ﻣﻠﻞ ﻣﻮ ﻃﺒﻴﻌﻲ ﺑﺤﻴﺎﺗﻲ
ﮔﻌﺪﺕ ﺍﻟﻌﺐ ﺑﺘﻠﻔﻮﻧﻲ ﻭﺍﺑﺎﻭﻉ ﻓﻠﻢ ﺑﻠﻜﻲ ﺍﮔﻀﻲ ﻭﻗﺖ ... ﻭﺻﺪﻭﮒ ﮔﻀﺔ ﺑﺎﻭﻋﺖ ﻟﮕﻴﺖ ﺻﺎﺭﺕ ﺑﺎﻟﺪﻋﺶ ﻧﺰﻟﺖ ﺟﻮﺓ ﺑﻌﺪ ﻣﺎ ﻟﺒﺴﺖ ﺻﺎﻳﺘﻲ ﻭﺣﺠﺎﺑﻲ ﻭﺍﻟﺒﻴﺖ ﻫﺪﻭﻭﻭﺀ ﺍﺳﺘﻐﺮﺑﺖ ﻣﻦ ﺍﻟﻬﺪﻭﺀ ﺍﻟﻤﺤﻴﻂ ﺑﺎﻟﺒﻴﺖ ﺭﺣﺖ ﻟﺴﺎﺭﺓ ﺍﻟﻠﻲ ﺩﺗﻄﺒﺦ ﺍﻟﻐﺪﺓ
_ ﺍﻟﻠﻪ ﻳﺴﺎﻋﺪﭺ
ﺳﺎﺭﺓ : ﻭﻳﺴﺎﻋﺪﭺ .. ﻫﺎ ﺷﻮ ﻧﺰﻟﺘﻲ
ﺣﭽﻴﺖ ﺑﺎﺳﺘﻔﺴﺎﺭ _ ﺳﺎﺭﺓ ﺑﺲ ﻋﻨﺪﻱ ﻓﻀﻮﻝ .. ﻟﻴﺶ ﺍﻟﺒﻴﺖ ﻫﺎﺩﺉ ﻛﻮﻟﺶ
ﺳﺎﺭﺓ : ﻫﻬﻬﻪ ﻏﻴﺮ ﺳﻨﺪﺱ ﻣﻮ ﻫﻨﺎ ﺭﺍﻳﺤﺔ ﻟﺒﻴﺖ ﺍﺧﻮﻫﺔ
_ ﻻ ﺻﺪﻭﮒ
ﺳﺎﺭﺓ : ﺍﻱ ﻭﺍﻟﻠﻪ ﺷﺒﻴﭻ ﻫﻮ ﻣﻦ ﺍﻟﺴﻴﺪ ﻳﺼﻴﺢ ﻭﻳﺘﻌﺎﺭﻙ ﻭﻳﺎﻫﻢ ﺍﻟﻜﻞ ﻳﺨﻨﺲ ﻭﺳﻨﺪﺱ ﺗﺮﻭﺡ ﻟﺒﻴﺖ ﺍﺧﺘﻬﺔ ﻟﻮ ﺍﺧﻮﻫﺔ ﻟﻮ ﺗﺒﻘﺔ ﻫﻨﺎ ﻭﺗﻌﺘﺰﻝ ﻋﻦ ﺍﻟﻜﻞ
ﻣﻄﻴﺖ ﺷﻔﺎﻳﻔﻲ ﺑﺘﻌﺠﺐ _ ﺍﻣﻤﻢ ﻏﺮﻳﺐ
ﺳﺎﺭﺓ : ﺍﻱ ﺷﻮ ﺍﻟﻴﻮﻡ ﻣﻮ ﻋﻠﺔ ﺑﻌﻀﭻ
_ ﻫﺎﺍ ﺷﻨﻮ ﻗﺼﺪﭺ
ﺳﺎﺭﺓ ﻭﻫﻲ ﺗﺮﻛﺰ ﺑﻌﻴﻮﻧﻲ : ﻣﺎﺩﺭﻱ ﺷﻮ ﺍﺣﺴﭻ ﻣﻘﻬﻮﺭﺓ ﻫﻴﭻ ﺷﻲ
ﺣﺮﻛﺖ ﺭﺍﺳﻲ ﺑﻨﻔﻲ _ ﻻ ﻣﺒﻴﺔ ﺷﻲ ﺑﺲ ﺷﻮﻳﺔ ﻧﻔﺴﻴﺘﻲ ﺗﻌﺒﺎﻧﻪ
ﺳﺎﺭﺓ ﺑﺘﻔﻬﻢ : ﻫﺎ
ﺿﻠﻴﺖ ﻳﻤﻬﺔ ﻭﺍﺗﺎﺑﻊ ﺷﻐﻠﻬﺔ ﻭﻫﻲ ﺗﺮﻭﺡ ﻣﻨﺎ ﻭﺗﺠﻲ ﻣﻨﺎﻙ ﻭﻻ ﻛﺎﻧﻤﺎ ﺣﺎﻣﻞ ... ﺻﺎﺭ ﺍﻻﺫﺍﻥ ﻭﺍﻧﻲ ﺻﻠﻴﺖ ﻭﺭﺟﻌﺖ ﻧﺰﻟﺖ ﻳﻤﻬﻢ ﻭﻫﻨﺔ ﺧﺎﻧﺴﺎﺕ ﺑﺲ ﺍﻟﻌﻠﻮﻳﺔ ﺑﻴﺪﻫﺔ ﻗﺮﺁﻥ ﻭﺗﻘﺮﺓ ﻭﺳﺎﺭﺓ ﺗﻔﺮﺵ ﺍﻟﺴﻔﺮﺓ ﻭﻋﺼﺎﺑﺔ ﺳﻨﺪﻱ ﻓﺮﺷﻮﺍ ﺑﺎﻻﺳﺘﻘﺒﺎﻝ ﻻﻥ ﺟﺎﻳﻴﻦ ﺍﻫﻞ ﻧﻬﺎﺩ ﺣﺴﺐ ﻣﺎ ﻓﻬﻤﺖ ﻓﺤﻴﺪﺭ ﺟﺎﻳﺐ ﺍﻛﻞ ﻣﻦ ﺑﺮﺓ ﺍﻣﺎ ﺍﺣﻨﻪ ﺍﻛﻠﻨﻪ ﻭﺳﻔﺮﺗﻨﻪ ﺗﺨﺘﻠﻒ ﻋﻨﻬﻢ ﻻﻥ ﻗﺎﺳﻢ ﻣﻴﺤﺐ ﻳﺨﺘﻠﻂ ﺑﺎﻫﻞ ﻧﻬﺎﺩ ﻻ ﻫﻮ ﻭﻻ ﺟﻌﻔﺮ
ﮔﻌﺪﻧﻪ ﻋﻠﺔ ﺍﻻﻛﻞ ﻧﻔﺲ ﻭﺿﻊ ﺍﻟﺮﻳﻮﮒ ... ﻭﺟﻌﻔﺮ ﻭﻗﺎﺳﻢ ﻳﺤﭽﻮﻥ ﺑﻤﻮﺍﺿﻴﻊ ﻋﺎﻣﺔ ﺭﻓﻌﺖ ﺭﺍﺳﻲ ﻭﺍﺷﻮﻓﻪ ﻣﺘﺮﺑﻊ ﻭﺧﺎﻝ ﺍﻳﺪﺓ ﺑﺤﻈﻨﻪ ﻭﺍﻟﺜﺎﻧﻴﺔ ﻳﺎﻛﻞ ﺑﻴﻬﺔ ﻭﻳﻬﺰ ﺑﺮﺍﺳﻪ ﻳﻮﺍﻓﻖ ﻛﻼﻡ ﺟﻌﻔﺮ ﺿﻠﻴﺖ ﺍﺑﺎﻭﻋﻠﺔ ﺑﺪﻭﻥ ﻣﺎ ﺍﺣﺲ .. ﺷﻔﺘﻪ ﺭﻓﻊ ﻋﻴﻮﻧﻪ ﻭﺑﺎﻭﻋﻠﻲ ﻭﺍﻧﻲ ﺩﻧﮕﺖ ﺭﺍﺳﻲ ﺑﺴﺮﻋﻪ ﻭﻣﺘﺎﻛﺪﺓ ﺧﺪﻭﺩﻱ ﺻﺎﺭﻥ ﺣﻤﺮ ﻣﻦ ﺍﻟﺨﺠﻞ ﺍﻧﺒﺖ ﻧﻔﺴﻲ ﻫﺴﺔ ﺷﻜﻮ ﺍﺑﺎﻭﻉ ﻋﻠﻲ ﻟﻴﺶ ﻫﻴﭻ ﺑﺲ ﺍﺭﺍﻗﺒﺔ ﻣﺎﺩﺭﻱ ﻳﻤﻜﻦ ﻓﻀﻮﻝ ﺣﺘﻪ ﺍﻛﺘﺸﻒ ﺷﺨﺼﻴﺘﻪ ...