بارت 9
ﺍﻟﻌﻠﻮﻳﺔ ﺑﻔﺮﺡ : ﺍﺟﺔ ﺍﺟﺔ ... ﻛﻠﻠﻠﻠﻠﻠﻠﻠﻠﻠﻠﻠﻮﻭﻭﻭﻭﻭﻭﻳﺶ
ﺑﻠﻌﺖ ﺭﻳﮕﻲ ﺑﺨﻮﻑ ﻭﻫﻮ ﺩﺧﻞ
ﺍﻡ ﺍﺳﻌﺪ " ﺩﻣﻮﻉ " : ﻛﻠﻠﻠﻠﻠﻠﻠﻠﻠﻠﻠﻠﻮﻭﻭﻭﻭﻭﻭﻳﺶ ﻣﺒﺎﺭﻛﻠﻚ ﻳﺮﺍﻋﻴﻬﺔ ﻣﺒﺎﺭﻛﻠﻚ ﻳﺮﺍﻋﻴﻬﺔ
ﺳﺎﺭﺓ : ﻫﻢ ﺳﻴﺪ ﻭﻫﻢ ﻋﺮﻳﺲ ﻭﻫﻢ ﺍﻫﻠﺔ ﻳﺰﻓﻮﻧﺔ ﻛﻠﻠﻠﻠﻠﻠﻠﻮﻭﻭﻭﺵ
ﻫﻮﺍﻱ ﻫﻮﺳﺎﺕ ﺳﻮﻭﻫﻦ ﻭﻳﺪﺑﭽﻦ ﻭﻳﺮﮔﺼﻦ ﻭﻳﻬﻠﻬﻠﻦ ﻭﻫﻮ ﻣﺪﻧﮓ ﺭﺍﺳﺔ ﻭﻭﮔﻒ ﻳﻤﻲ ﭼﺎﻥ ﻻﺑﺲ ﻗﺎﻁ ﺍﺳﻮﺩ ﻭﻗﻤﻴﺺ ﺍﺑﻴﺾ ﺑﺪﻭﻥ ﺭﺑﺎﻁ ﻓﺎﺗﺢ ﺍﻭﻝ ﺍﺯﺭﺍﺭ ﻣﻦ ﻗﻤﻴﺼﻪ ﻃﺒﻌﺎ ﺍﻧﺘﺒﻬﺖ ﻋﻠﻲ ﺑﺲ ﺍﻭﻝ ﻣﺎﻃﺐ ﺑﻌﺪﻫﺔ ﺩﺭﺕ ﻭﺟﻬﻲ ﻭﺧﺠﻼﻧﻪ ﻣﻨﻪ ﻻﻥ ﺑﺪﻟﺘﻲ ﺗﻔﺸﻞ
ﺍﻟﻌﻠﻮﻳﺔ : ﺯﻭﺍﺟﺔ ﺍﻟﺪﻫﺮ ﻳﻤﻪ ﻣﺒﺎﺭﻙ ﻋﻠﻴﻚ ﺍﻟﺤﻮﺭﻳﺔ
ﻗﺎﺳﻢ : ﺍﻟﻠﻪ ﻳﺒﺎﺭﻙ ﺑﻴﭻ ﻳﻤﻪ ... ﺑﺎﺱ ﺭﺍﺳﻬﺔ
ﺍﻧﻄﺘﻪ ﻋﻠﺒﺔ ﺍﻟﺬﻫﺐ ﻭﻫﻮ ﺍﺧﺬﻫﺔ ﻣﻨﻬﺔ ﻭﻓﺘﺤﻬﺔ ﺷﻔﺘﻪ ﺫﻫﺐ ﺛﮕﻴﻞ ﻭﻣﺒﻴﻦ ﻏﺎﻟﻲ ﻭ ﺣﻠﻮ ﺑﺲ ﺛﮕﻴﻞ ﺣﻴﻞ ... ﺍﺧﺬ ﺍﻟﺤﻠﻘﺔ ﻭﺍﻧﻲ ﻣﺪﻳﺘﻠﺔ ﺍﻳﺪﻱ ﻭﻫﻮ ﻟﺒﺴﻬﺔ ﺍﻟﻲ ﻭﻃﺒﻌﺎ ﺍﻳﺪﻱ ﺗﺮﺟﻒ ﻣﻦ ﺍﻟﺨﻮﻑ ﻣﺎﺩﺭﻱ ﻳﻤﻜﻦ ﺧﺠﻞ ﺍﻭ ﺧﻮﻑ
ﺍﺧﺬﺕ ﺣﻠﻘﺔ ﻓﻀﺔ ﺍﻧﻄﺘﻨﻲ ﻳﺎﻫﺔ ﺍﺳﻮ ﺍﻇﺎﻫﺮ ﭼﺎﻧﺖ ﺗﻌﺮﻑ ﺑﺎﻧﻮ ﻻﺯﻡ ﺍﺟﻴﺒﻠﺔ ﺣﻠﻘﺔ ﻫﻤﺰﻳﻦ ﺗﻘﺬﺗﻨﻲ ... ﻟﺒﺴﺘﻪ ﺣﻠﻘﺘﻪ ﺑﺪﻭﻥ ﻣﺎ ﺍﻟﺰﻣﺔ ﻣﺠﺮﺩ ﺩﺧﻠﺘﻬﺔ ﻭﻧﺰﻟﺖ ﺍﻳﺪﻱ ﻣﺮﺗﺒﻜﺔ
ﻫﻮ ﺍﺧﺬ ﺍﻟﮕﻼﺩﺓ ﻭﺭﻓﻊ ﺭﺍﺳﺔ ﻭﺑﺎﻭﻋﻠﻲ ﻭﺍﻧﺼﺪﻡ ﺍﺭﺗﺒﻜﺖ ﻣﻦ ﻧﻈﺮﺍﺗﻪ ﻭﺧﺠﻠﺖ ﻓﺘﺢ ﺍﻟﻤﻔﺘﺎﺡ ﻣﺎﻝ ﺍﻟﮕﻼﺩﺓ ﻭﺩﻳﻠﺒﺴﻨﻲ ﻳﺎﻫﺔ ﺍﺷﻮﻓﻪ ﮔﺎﻡ ﻳﻌﺮﮒ ﻭﺗﻮﺗﺮ ﻟﺒﺴﻬﺔ ﻫﻲ ﻭﺍﻟﺘﺮﺍﭼﻲ ﻭﺭﺍﻫﺔ ﺍﻟﺴﻮﺍﺭ ... ﻣﺘﺖ ﻣﻦ ﺍﻟﺨﺠﻞ ﺑﺎﺱ ﺟﺒﻴﻨﻲ ﻭﺭﺍﺩ ﻳﻄﻠﻊ
ﻗﺎﺳﻢ : ﻳﻤﻪ ﺳﻮﻳﻠﻲ ﻃﺮﻳﻖ
ﻃﻠﻊ ﺑﻌﺪ ﻣﺎ ﻛﻤﻠﻨﻪ ﺍﻟﻌﺎﺩﺍﺕ ﻭﺍﻟﻨﺴﻮﺍﻥ ﻓﺘﺤﻦ
ﺩﻱ ﺟﻲ ﻭﻧﺰﻋﻦ ﻋﺒﻴﻬﻦ ﻭﺑﺪﺓ ﺍﻟﺮﮔﺺ
ﺍﺟﺘﻲ ﻣﺮﻳﻢ ﻭﺍﺑﺘﺴﻤﺘﻠﻲ ﺑﺤﻤﺎﺱ : ﺗﺼﺪﮔﻴﻦ ﺗﻠﻮﮔﻮﻥ ﻟﺒﻌﺾ ﻣﺎ ﻣﺒﻴﻦ ﭼﺒﻴﺮ ﻫﻮﺍﻱ ﻣﺜﻞ ﻣﺘﻮﻗﻌﺖ ﻫﻬﻬﻪ
ﺍﺑﺘﺴﻤﺖ ﻭﺍﻧﻲ ﻣﻦ ﺩﺍﺧﻠﻲ ﺍﻏﻠﻲ ﻋﺰﺯﺯﺓ ﺷﻨﻮ ﺍﻟﻠﻮﮔﻠﺔ ﺍﻧﻲ ﺻﻐﻴﺮﺓ ﻭﻫﻮ ﭼﺒﻴﺮ ﻫﻮﺍﻱ
ﺍﺳﻮ ﺑﻀﺤﻜﺔ : ﺍﻳﻲ ﻣﺒﻴﻦ ﺍﻟﺴﻴﺪ ﺗﻌﺠﺐ ﻣﻦ ﺷﺎﻓﭻ ﻣﺎ ﺷﻔﺘﻲ ﺷﻠﻮﻥ ﻳﺘﻔﺤﺼﭻ ﻋﺒﺎﻟﻚ ﻣﺸﺎﻳﻒ ﻣﺮﺓ ﻣﻦ ﻗﺒﻞ
ﻭﺟﻬﻲ ﺻﺎﺭ ﺍﺣﻤﺮ ﻣﻦ ﺍﻟﺨﺠﻞ ﻳﺒﻮﻭﻭ ﺷﻴﺨﻠﺼﻨﻲ ﻫﺴﺔ
_ ﻻ ﻋﺎﺩﻱ ﺍﺻﻼ ﻧﻈﺮﺍﺗﻪ ﻃﺒﻴﻌﻴﺔ
ﺍﺳﻮ : ﻋﻠﻴﻨﻪ ﺑﺤﺮ ﻋﻠﻴﻨﻪ ... ﻋﻴﻨﻲ ﺍﻧﻲ ﺍﻋﺮﻑ ﻧﻈﺮﺍﺕ ﺍﻟﺰﻟﻢ ﻗﺎﺑﻞ ﻣﺎ ﺍﻋﺮﻓﻬﻢ
_ ﻟﻴﺶ ﻋﻴﻨﻲ ﻋﻨﺪﭺ ﺧﺒﺮﺓ ﻭﺍﻧﻲ ﻣﺎﺩﺭﻱ ﻫﻮ ﺑﺲ ﻣﺘﺰﻭﺟﺔ ﻭﺍﺣﺪ ﺍﻧﺘﻲ ﻫﻬﻬﻪ
ﺍﺳﻮ : ﻫﻬﻬﻬﻪ ﻃﺎﺣﻈﭻ ﻳﻌﻨﻲ ﻣﺎﻣﺒﻴﻦ ﻋﻠﻴﻬﻢ ﺍﺻﻼ ﻛﻮﻟﺶ ﻣﻔﻀﻮﺣﻴﻦ ﻫﻤﺔ
ﺩﻋﺎﺀ : ﻫﺎﭺ ﺑﺤﺮ ﺧﻠﻲ ﻓﻄﻮﻣﺔ ﺑﺤﻈﻨﭻ ﺑﻠﻜﺖ ﺍﻟﻠﻪ ﺗﺘﺰﻭﺝ ﻣﺜﻞ ﺯﻭﺟﭻ ﻭﻳﮕﻌﺪ ﺣﻈﻬﺔ
_ ﻟﻴﺶ ﻋﻴﻨﻲ ﺗﺨﻠﻴﻬﺔ ﺗﺎﺧﺬ ﻭﺍﺣﺪ ﺍﻛﺒﺮ ﻣﻨﻬﺔ ﺑﻬﻮﺍﻱ
ﺩﻋﺎﺀ : ﻭﻟﭻ ﺍﺣﻠﺔ ﻣﻌﻠﻴﺞ ﺍﻧﺘﻲ 😉 ﺍﺫﺍ ﻫﻮ ﻣﺎ ﻣﺒﻴﻦ ﭼﺒﻴﺮ ﻭﺣﻠﻮ ﺷﻜﻠﺔ ﻋﻠﺔ ﺷﻨﻮ ﻭﻫﻮ ﻛﻠﺔ ﺑﻌﻀﺔ ﻛﻢ ﺷﻴﺒﺎﻳﺔ ﻋﻨﺪﺓ ﻣﻮ ﻫﻮﺍﻱ ﻣﺜﻞ ﻣﺘﻮﻗﻌﻨﻪ ﺍﻧﻲ ﻭﻣﺮﻳﻢ ﻭﺣﺘﻠﻮ ﻣﺸﻴﺐ ﻫﺬﺍ ﻭﻗﺎﺭ ﻟﻠﺸﺨﺺ
ﻣﺮﻳﻢ : ﻫﻬﻬﻪ ﺍﻱ ﻭﺍﻟﻠﻪ ﺍﻧﻲ ﻋﺒﺎﻟﻲ ﻣﺜﻞ ﻣﺎﻫﺮ
ﺍﺳﻮ : ﻭﻟﭽﻦ ﻟﻴﺶ ﻣﺎﻫﺮ ﺷﺒﻲ ﺷﻮ ﻳﺨﺒﻞ
ﻣﺮﻳﻢ : ﻫﻬﻬﻬﻪ ﻻ ﺑﺲ ﺍﻟﺴﻴﺪ ﺷﻜﻠﺔ ﺍﺻﻐﺮ ﻣﻦ
ﻣﺎﻫﺮ ﻣﻊ ﺍﻟﻌﻠﻢ ﻫﻮ ﺍﻛﺒﺮ ﻣﻨﻪ ﺑﺴﻨﺘﻴﻦ
ﺩﻋﺎﺀ : ﺍﻱ ﺻﺢ
ﺍﺧﺬﺕ ﻓﻄﻮﻣﺔ ﻣﻦ ﺩﻋﺎﺀ ﻭﺧﻠﻴﺘﻬﺔ ﺑﺤﻈﻨﻲ ﻭﺍﺑﻮﺱ ﺑﻴﻬﺔ ﻓﺪﻭﺓ ﺗﺨﺒﻮﻝ ﻣﺪﻧﻔﺸﺔ ﻭﺑﻴﻀﺔ ﻭﻋﻴﻮﻧﻬﺔ ﺭﺻﺎﺻﻴﺎﺕ ﻋﻠﺔ ﺩﻋﺎﺀ
ﺍﺟﺘﻲ ﺳﺎﺭﺓ ﻋﻠﻴﺔ ﻭﺍﺑﺘﺴﻤﺖ : ﻫﺎ ﺷﻠﻮﻥ ﺍﻻﺟﻮﺍﺀ ﻣﺎﻝ ﺍﻟﺤﻔﻠﺔ ﻋﺠﺒﺘﭻ
_ ﺍﻱ ﻛﻮﻟﺶ ﺣﻠﻮﺓ ﻋﺎﺷﺖ ﺍﻳﺪﻛﻢ
ﺳﺎﺭﺓ ﺑﻐﻤﺰﺓ : ﻋﻴﻨﻲ ﻫﺎﻱ ﺍﻟﺴﻴﺪ ﻫﻮ ﺟﺎﺏ ﻋﻤﺎﻝ ﺧﺎﺻﻴﻦ ﻭﺳﻮﻫﺔ ﻭﻛﻮﻟﺸﻲ ﻫﻮ ﺗﻜﻔﻞ ﺑﻲ ﻳﮕﻮﻝ ﻣﺎﺳﻮﻳﺘﻠﻬﺔ ﻋﺮﺱ ﻭﺣﻔﻠﺔ ﺣﺎﻟﻬﺔ ﺣﺎﻝ ﺍﻟﺒﻨﺎﺕ ﺭﺍﺡ ﺍﺳﻮﻳﻠﻬﺔ ﺳﺒﻌﺔ ﺣﺘﻪ ﺍﻟﻜﻞ ﻳﻌﺮﻑ ﺍﻧﻮ ﺗﺰﻭﺟﺖ
_ ﻳﺎ ﺯﻳﻦ ﻭﺍﻟﻠﻪ
ﺳﺎﺭﺓ : ﻣﻮ ﻛﺘﻠﭻ ﺍﻟﺴﻴﺪ ﻃﺒﻴﻌﺘﻪ ﻳﺪﻟﻞ ﺍﻟﻤﺮﺓ 😉
ﻫﺰﻳﺖ ﺑﺮﺍﺳﻲ ﻭﺍﻧﻲ ﺳﺎﻛﺘﻪ ﻭﺑﺎﻭﻋﺖ ﻋﻠﺔ ﺍﻟﻨﺴﻮﺍﻥ ﺍﺷﻮﻑ ﺑﻴﺪﺍﺀ ﻻﺑﺴﺔ ﻟﺒﺲ ﻣﻔﻀﻮﺡ ﺑﺪﻟﺔ ﺳﻮﺩﺓ ﻗﺼﻴﺮﺓ ﻭﻣﻨﻔﻮﺷﺔ ﻭﺩﻟﻌﺘﻬﺔ ﺷﻜﺒﺮﻫﺔ ﻭﻣﻜﻴﺎﺝ ﻧﺎﺭﻱ ﻃﺎﻟﻌﺔ ﺣﻴﻞ ﺣﻠﻮﺓ ... ﺗﺒﺎﻭﻋﻠﻲ ﺑﻨﻈﺮﺓ ﺛﺎﻗﺒﺔ ﻣﻠﻴﺎﻧﻪ ﻏﻴﺮﺓ ﻭﺣﻘﺪ
ﺍﻟﺼﺮﺍﺣﺔ ﻗﺪﺭﺕ ﻣﺸﺎﻋﺮﻫﺔ ﻻﻥ ﺩﺗﺸﻮﻑ ﻃﻠﻴﻘﻬﺔ ﺍﻟﻠﻲ ﻣﺎ ﺯﺍﻟﺖ ﺗﺤﺒﻪ ﻳﺘﺰﻭﺝ ﻏﻴﺮﻫﺔ ... ﺑﺲ ﻣﻊ ﺫﻟﻚ ﻣﺎﻟﻬﺔ ﺣﻖ ﺑﻌﺪ ﻻﻥ ﻫﻲ ﻃﻠﻌﺖ ﻣﻦ ﺫﻣﺘﻪ ﻭﺍﻧﻲ ﺻﺮﺕ ﺑﺪﻻ ﻋﻨﻬﺔ ﻣﻊ ﺫﻟﻚ ﺭﺍﻋﻴﺖ ﻣﺸﺎﻋﺮﻫﺔ
ﺻﺎﺭ ﺍﺫﺍﻥ ﺍﻟﻤﻐﺮﺏ ﻭﺍﻟﻨﺴﻮﺍﻥ ﮔﺎﻣﻦ ﻳﺮﻭﺣﻦ ﻻﻥ ﺧﻠﺼﻨﻪ ﺍﻟﺤﻔﻠﺔ ﺻﺎﺭﻟﻬﺔ ﺑﺎﻝ 3 ﺳﺎﻋﺎﺕ ﺑﻘﻮﺍ ﺑﺲ ﺍﻻﻗﺎﺭﺏ ﻭﺧﻮﺍﺗﻲ ﺻﻌﺪﺕ ﻓﻮﮒ ﻭﺻﺤﺖ ﺍﻟﺨﻮﺍﺗﻲ ﻭ ﻫﻨﺔ ﻫﻢ ﺍﺟﻦ ﻭﻳﺎﻱ ﻭﺍﺭﻳﺘﻬﻦ ﺍﻟﻐﺮﻓﺔ
ﻣﺮﻳﻢ : ﺍﻱ ﺣﻠﻮﺓ ﻏﺮﻓﺘﺞ ﺣﻴﻞ
ﺍﺳﻮ : ﺣﻠﻮﺓ ﻭﺭﺍﻗﻴﺔ ﻭﻣﺮﺗﺒﺔ ﻣﺒﺮﻭﻙ ﻳﺮﻭﺣﻲ
ﺩﻋﺎﺀ : ﻭﺧﺮﻥ ﺧﻠﻲ ﺍﺧﻠﻲ ﻓﻄﻮﻣﺔ ﻋﻠﺔ ﺍﻟﭽﺮﺑﺎﻳﺔ ﺣﺘﻪ ﺑﻠﻜﺖ ﺗﺤﺼﻞ ﻏﺮﻓﺔ ﻧﻔﺴﻬﺔ
ﺍﻟﻜﻞ : ﻫﻬﻬﻬﻬﻪ
ﺍﺳﻮ : ﺩﻋﺎﺀ ﺑﻄﻠﻲ ﺳﻮﺍﻟﻔﭻ ﻣﻨﻴﻦ ﺟﺎﻳﺒﺘﻬﻦ ﺫﻧﻲ ﻫﻬﻬﻪ
ﺩﻋﺎﺀ : ﻭﺍﻧﻲ ﺷﻌﻠﻴﺔ ﻏﻴﺮ ﻋﻤﺘﻲ ﺗﮕﻮﻝ ﺧﻠﻲ ﺑﻨﺘﭻ ﻋﻠﺔ ﺍﻟﺸﻐﻠﺔ ﺍﻟﺰﻳﻨﻪ ﻓﺎﻝ ﺯﻳﻦ
ﺿﺤﻜﺖ ﻭﺣﭽﻴﺖ ﺑﺎﺳﺘﻬﺰﺍﺀ _ ﻭﻫﺎﻱ ﺍﻧﺘﻲ ﺗﺼﺪﮔﻴﻦ ﺑﺴﻮﺍﻟﻔﻬﺔ ﻳﺤﻈﻲ
ﺩﻋﺎﺀ : ﻫﻬﻬﻪ ﺷﺒﻴﭽﻦ ﺑﻠﻜﺖ ﻳﻄﻠﻊ ﺻﺤﻴﺢ 😉
ﺍﺑﺘﺴﻤﺖ ﻋﻠﺔ ﺳﻮﺍﻟﻔﻬﺔ ﻭﺭﺣﺖ ﺍﺧﺬﺕ ﻣﻼﺑﺴﻲ ﻭﺩﺧﻠﺖ ﻟﻠﺤﻤﺎﻡ ﺍﺑﺪﻝ ﻧﺰﻋﺖ ﺍﻟﺒﺪﻟﺔ ﻭﺳﻠﻤﺘﻬﺔ ﻻﺳﻮ ﻣﻦ ﺍﻟﺒﺎﺏ ﻭﻟﺒﺴﺖ ﻓﺴﺘﺎﻥ ﻧﻴﻠﻲ ﺿﻴﻖ ﺣﺼﺮ ﻳﺒﺮﺯ ﻣﻨﺤﻨﻴﺎﺕ ﺟﺴﻤﻲ ﻭﻣﻔﺎﺗﻨﻲ ﻭﻫﻮ ﻛﻮﻟﺔ ﺩﺍﻧﺘﻴﻞ ﻭﻛﻴﺒﻮﺭ ﻭﻟﻤﺎﻋﻴﺎﺕ ﻭﻛﺮﺳﺘﺎﻻﺕ ﻣﺎﺩﺭﻱ ﺑﺲ ﺷﻐﻠﺔ ﻳﺨﺒﻞ ﻭﺑﺴﻴﻂ
ﻃﻠﻌﺖ ﻭﺧﻮﺍﺗﻲ ﺷﺎﻓﻨﻪ : ﺍﻭﻭﻭﻭﻩ ﻳﺨﺒﻞ
ﻣﺮﻳﻢ : ﻭﻟﺞ ﻧﺰﻋﻲ ﺗﺠﻴﺒﻴﻦ ﻟﺮﻭﺣﭻ ﺍﻟﻌﻴﻦ
ﺍﺳﻮ : ﺍﻱ ﻭﺍﻟﻠﻪ ﻳﻤﻌﻮﺩﺓ ﻃﺎﻟﻌﺔ ﺗﺨﺒﻠﻴﻦ ﻭﻓﻮﮔﺎﻫﺔ ﺑﻴﺎﺽ ﺑﺸﺮﺗﭻ ﻭﺷﻌﺮﭺ ﻭﻋﻴﻮﻧﭻ ﺑﺮﺯﻥ ﻭﺧﺼﻴﺼﺎ ﻣﻔﺎﺗﻨﭻ
_ ﻻ ﻋﻮﻓﻨﻲ ﺍﻧﻲ ﺍﺭﻳﺪ ﺍﺣﺮﮒ ﻋﺼﺎﺑﺔ ﺳﻨﺪﻱ ﺍﻟﻴﻮﻡ
