ﺍﻟﻔﺼﻞ ﺍﻟﻌﺸﺮﻭﻥ
____________
_ ﺻﺪﻭﮒ ﻭﺍﻟﻠﻪ
ﺍﻟﺒﻨﻴﺔ ﺍﻻﻭﻟﻰ : ﺧﺘﻮﻟﻲ ﻟﺘﺼﺪﮔﻴﻬﺔ ﻣﺘﻌﻠﻤﺘﻠﻬﺔ
( ﺑﻠﻲ ، ﻧﻲ ، ﺁﺏ ، ﺩﺳﺘﺸﻮﺋﻲ ، ﭼﻢ ﻗﻴﻤﺖ ) ﻭﺳﺎﺑﻴﺘﻨﻲ ﺑﻴﻬﻦ ~ ﻭﻫﻲ ﺗﻘﻠﺪ ﻋﻠﻴﻬﺔ ~ ﺍﻋﺮﻑ ﺍﺣﭽﻲ ﺍﻳﺮﺍﻧﻲ
_ ﻫﻬﻬﻬﻪ ﺗﺼﺪﮔﻴﻦ ﺍﻧﻲ ﻫﻢ ﺍﻋﺮﻑ ﺑﺲ ﻣﻔﺮﺩﺍﺕ
ﺍﻟﺒﻨﻴﺔ ﺍﻟﺜﺎﻧﻴﺔ : ﺍﻧﺘﻲ ﻣﻦ ﻭﻳﻦ ﻳﺎ ﻣﺤﺎﻓﻈﺔ
_ ﻣﻦ ﻛﺮﺑﻼﺀ ﻭﺍﻧﺘﻦ
ﺍﻟﺒﻨﺎﺕ : ﺍﺣﻨﻪ ﻣﻦ ﺑﻐﺪﺍﺩ
ﺍﺑﺘﺴﻤﺖ ﺑﻮﺟﻬﻦ _ ﺗﺸﺮﻓﺖ
ﺍﻟﺒﻨﺎﺕ : ﺍﻟﻨﺔ ﺍﻟﺸﺮﻑ
ﺍﻟﺒﻨﻴﺔ ﺍﻻﻭﻟﻰ : ﺍﻧﻲ ﺍﺳﻤﻲ ﺩﻳﺎﻧﺎ
ﺍﻟﺒﻨﻴﺔ ﺍﻟﺜﺎﻧﻴﺔ : ﻭﺍﻧﻲ ﺍﺳﻤﻲ ﺁﻳﺎﺕ
_ ﻭﺍﻧﻲ ﺑﺤﺎﺭ
ﺍﻟﺒﻨﺎﺕ ﺑﺘﻌﺠﺐ : ﺷﻨﻮﻭ
_ ﺍﺳﻤﻲ ﺑﺤﺎﺭ
ﺩﻳﺎﻧﺎ : ﻭﺍﺍﺍﻭ ﺷﻠﻮﻥ ﺍﺳﻢ ﺣﻠﻮ ﻳﻠﻮﮔﻠﭻ ﺣﻴﻞ
ﺁﻳﺎﺕ : ﺍﻱ ﻻﻥ ﻋﻴﻮﻧﭻ ﺯﺭﻭﮒ ﻣﺎﺷﺎﺀﺍﻟﻠﻪ ﻳﺨﺒﻠﻦ ﭼﻨﻬﻦ ﺳﺎﻋﺎﺕ
_ ﺷﻜﺮﺍ ﻛﻮﻟﭽﻦ ﺫﻭﻕ
ﺁﻳﺎﺕ : ﺍﻟﺔ ﻣﺎﮔﺘﻴﻠﻲ ﻳﺎﻃﻴﺎﺭﺓ ﺍﻧﺘﻲ ﻭﺳﺎﻋﺔ ﺑﻴﺶ
_ ﺍﻧﻲ ﺑﻄﻴﺎﺭﺓ ﻣﺎﻫﺎﻥ ﺍﻟﺴﺎﻋﺔ ﺑﺎﻟـ 9 ﺍﻟﺼﺒﺢ ﺑﻌﺪ ﺷﻮﻳﺔ ﻳﻨﺎﺩﻭﻥ
ﺍﻟﺒﻨﺎﺕ : ﻻ ﺍﺣﻨﻪ ﻃﻴﺎﺭﺗﻨﻪ ﺑﺎﻟﺪﻋﺶ ﻻﻥ ﺍﺣﻨﻪ ﻃﻴﺎﺭﺗﻨﻪ ﻣﺘﻮﺟﻬﺔ ﻟﻤﻄﺎﺭ ﺑﻐﺪﺍﺩ
_ ﻻ ﺍﻧﻲ ﻟﻠﻨﺠﻒ
ﺩﻳﺎﻧﺎ : ﻳﺎﻟﻠﻪ ﺃﻳﻮ ~ ﺑﺎﻭﻋﺖ ﻋﻠﻴﻪ ~ ﺗﺸﺮﻓﻨﻪ ﺑﻤﻌﺮﻓﺘﭻ ﺣﺒﻴﺒﺘﻲ ﺍﻧﺸﺎﻟﻠﻪ ﻧﻠﺘﻘﻲ ﺑﻔﺪ ﻳﻮﻡ
ﺁﻳﺎﺕ : ﺍﻱ ﻭﺍﻟﻠﻪ ﺑﻠﻜﺖ ﻧﻠﺘﻘﻲ ﻫﻬﻬﻪ
_ ﺍﻧﺸﺎﻟﻠﻪ ﻓﺮﺻﺔ ﺳﻌﻴﺪﺓ
ﺍﻟﺒﻨﺎﺕ : ﻳﺎﻟﻠﻪ ﻣﻊ ﺍﻟﺴﻼﻣﺔ
ﺳﻮﻳﺘﻠﻬﻦ ﺑﺎﻱ ﻭﻫﻨﺔ ﺭﺍﺣﻦ
ﺍﺟﺔ ﻗﺎﺳﻢ : ﻫﺎ ﺑﺤﺎﺭ
ﺑﺎﻭﻋﺖ ﻟﻘﺎﺳﻢ ﺍﻟﻠﻲ ﻳﺒﺎﻭﻋﻠﻲ ﺑﻨﻈﺮﺍﺕ ﻛﻮﻟﻬﺔ ﺍﺳﺘﻐﺮﺍﺏ
ﺿﺤﻜﺖ _ ﺫﻧﻲ ﺑﻨﺎﺕ ﺗﻌﺮﻓﺖ ﻋﻠﻴﻬﻦ ﻭﻃﻠﻌﻦ ﻋﺮﺍﻗﻴﺎﺕ
ﻫﻮ ﺭﻓﻊ ﺣﺎﺟﺒﺔ ﺑﺘﻔﻬﻢ : ﻫﻤﻢ ~ ﺣﭽﺔ ﺑﺎﻫﺘﻤﺎﻡ ~ ﺑﺲ ﻻ ﻃﻮﻟﺖ ﻋﻠﻴﭻ
_ ﻳﻌﻨﻲ
ﻗﺎﺳﻢ : ﺗﺮﻳﮕﺘﻲ ﻟﻮ ﻻ
_ ﻻ
ﻗﺎﺳﻢ ﺑﻌﺘﺎﺏ : ﻟﻴﺶ ﻣﺎ ﺍﻛﻠﺘﻲ ﻣﻮ ﮔﺘﻠﭻ ﻗﺒﻞ ﻟﻨﻄﻠﻊ ﺍﻛﻠﻲ
_ ﻣﭽﻨﺖ ﺍﺷﺘﻬﻲ
ﻗﺎﺳﻢ : ﺩﻣﺸﻲ ﻧﺮﻭﺡ ﻟﻬﺬﺍ ﺍﻟﻤﻄﻌﻢ ﺑﺴﺮﻋﻪ ﻗﺒﻞ ﻟﻴﻨﺎﺩﻭﻥ ﻋﻠﻴﻨﻪ
_ ﻭﺍﻟﻠﻪ ﻣﻴﺤﺘﺎﺝ ﺍﻟﻄﻴﺎﺭﺓ ﺑﻴﻬﺔ ﻭﺟﺒﺔ
ﻗﺎﺳﻢ ﺑﺘﻔﻜﻴﺮ : ﻳﻌﻨﻲ ﻣﺘﺮﺩﻳﻦ
ﻫﺰﻳﺖ ﺭﺍﺳﻲ ﺑﻼ _ ﻻ ﻣﻴﺤﺘﺎﺝ
ﮔﻌﺪﻧﻪ ﺷﻮﻳﺔ ﻧﻨﺘﻈﺮ ﻭﺑﻌﺪﻫﺔ ﻧﺎﺩﻭﺍ ﻋﻠﻴﻨﻪ ﮔﻤﻨﻪ ﻭﺳﻮﻳﻨﻪ ﺍﻻﺟﺮﺍﺀﺍﺕ ﻭﺻﻌﺪﻧﻪ ﻟﻠﻄﻴﺎﺭﺓ ﻭﻫﺎﻟﻤﺮﺓ ﺑﺲ ﻛﺮﺍﺳﻲ ﺛﻨﻴﻦ ﺍﻛﻮ ﻗﺎﺳﻢ ﻣﻦ ﺻﻔﺤﺔ ﺍﻟﺸﺒﺎﻙ ﻭﺍﻧﻲ ﮔﺎﻋﺪﺓ ﺑﺎﻟﻄﺮﻑ
ﺍﻟﻄﺮﻳﻖ ﻛﻠﺔ ﺍﻧﻲ ﺍﺻﻔﻦ ﻣﻨﺎ ﻭﻣﻨﺎﻙ ﻭﺍﺑﺎﻭﻉ ﻭﻳﺔ ﻗﺎﺳﻢ ﺑﺎﻟﺠﺎﻣﺔ ﻻﻥ ﺍﻟﻤﻨﻈﺮ ﺣﻠﻮ ﻛﻠﺔ ﻏﻴﻮﻡ ﻭﺍﻟﺠﻮ ﻣﺸﻤﺲ ﻭﺍﻟﺨﻀﺎﺭ ﻭﺍﻟﺠﺒﺎﻝ ﺍﺷﻮﻓﻬﻦ ﺑﺲ ﻣﻦ ﺻﻌﺪﻧﻪ ﻛﻮﻟﺶ ﻣﺎ ﺍﺧﺘﻔﻦ
ﻭﺻﻠﻨﻪ ﻭﺍﺧﻴﺮﺍ ﻭﻧﺰﻟﻨﻪ ﻭﻫﻢ ﺳﻮﻳﻨﻪ ﺍﻻﺟﺮﺍﺀﺍﺕ ﻭﺍﺧﺬﻧﻪ ﺍﻟﺠﻨﻂ ﺑﻮﻛﺘﻬﺔ ﭼﺎﻧﻦ ﺍﺭﺑﻊ ﺟﻨﻂ ﻭﺣﺪﺓ ﻟﻠﺼﻮﻏﺎﺕ ﻭﻭﺣﺪﺓ ﺑﺲ ﺍﻟﻠﻲ ﻭﺍﻟﺜﺎﻟﺜﺔ ﺟﻨﻄﺘﻨﻪ ﺍﻻﺟﻴﻨﻪ ﺑﻴﻬﺔ ﻧﻔﺴﻬﺔ
ﺷﻔﻨﻪ ﺟﻌﻔﺮ ﻳﺎﺷﺮﻟﻨﻪ ﻋﺎﺩ ﺭﺣﻨﺎﻟﺔ
ﺟﻌﻔﺮ ﺑﺎﺑﺘﺴﺎﻣﺔ : ﺣﻤﺪﻟﻠﻪ ﻋﻠﻰ ﺳﻼﻣﺘﻜﻢ
ﺍﻧﻲ ﻭﻗﺎﺳﻢ : ﺍﻟﻠﻪ ﻳﺴﻠﻤﻚ
ﺳﻠﻢ ﻋﻠﻰ ﻗﺎﺳﻢ ﻭﺣﻈﻨﻪ ﻭﺍﻧﻲ ﺍﺑﺎﻭﻋﻠﻬﻢ ﻭﻣﺒﺘﺴﻤﺔ ﺍﻧﺪﺍﺭ ﻋﻠﻴﺔ ﺟﻌﻔﺮ : ﻫﺎ ﺗﻮﻧﺴﺘﻲ
_ ﺍﻱ
ﺟﻌﻔﺮ : ﻳﺎﻟﻠﻪ ﺑﺎﻟﻌﺎﻓﻴﺔ ~ ﺑﺎﻭﻉ ﻟﻠﺠﻨﻂ ~ ﻫﻬﻬﻬﻪ ﻫﺎﻱ ﺷﻨﻮ ﺍﻛﻴﺪ ﺍﻟﭻ ﻻﻥ ﻣﺎﺷﺎﺀﺍﻟﻠﻪ ﺍﻟﻨﺴﻮﺍﻥ ﻣﻴﮕﻌﺪﻥ ﺭﺍﺣﺔ ﺍﻟﻪ ﻳﺸﺘﺮﻥ ﻫﻮﺍﻱ
ﺍﺑﺘﺴﻤﺖ ﺑﺨﺠﻞ _ ﺷﻤﻌﺮﻓﻚ
ﻗﺎﺳﻢ : ﻳﺎﻟﻠﻪ ﻳﻤﻌﻮﺩﻳﻦ
ﺭﺣﺖ ﺍﻧﻲ ﮔﻌﺪﺕ ﻟﻴﻮﺭﺓ ﻭﻗﺎﺳﻢ ﻭﺟﻌﻔﺮ ﻳﺼﻌﺪﻭﻥ ﺍﻟﺠﻨﻂ ﺑﺎﻟﺴﻴﺎﺭﺓ ﻃﻠﻌﺖ ﺗﻠﻔﻮﻧﻲ ﻣﻦ ﺟﻨﻄﺘﻲ ﻭﻃﻠﻌﺖ ﺍﻟﺨﻂ ﺍﻻﻳﺮﺍﻧﻲ ﻭﺧﻠﻴﺖ ﺍﻟﺨﻂ ﺍﻟﻌﺮﺍﻗﻲ ﻭﺍﺗﺼﻠﺖ ﺑﺎﺳﻮ
_ ﺍﻟﻮ ﻫﻠﻮ
ﺍﺳﻮ : ﻫﺎﻱ ﺷﻨﻮ ﻭﺻﻠﺘﻲ ﺣﻤﺪﻟﻠﻪ ﻋﻠﻰ ﺳﻼﻣﺘﭻ
_ ﺍﻟﻠﻪ ﻳﺴﻠﻤﭻ ﺍﻱ ﻣﺼﺎﺭﻟﻲ ﻫﻮﺍﻱ ﺗﻘﺮﻳﺒﺎ ﺳﺎﻋﺘﻴﻦ
ﺍﺳﻮ : ﺣﻴﻴﻴﻞ ﻫﺎﻱ ﻛﻠﺔ ﻭﻣﻮ ﻫﻮﺍﻱ
_ ﺍﻱ ﻣﻮ ﺗﺄﺧﺮﻧﻪ ﺑﺨﺘﻢ ﺍﻟﺠﻮﺍﺯﺍﺕ ﺗﻌﺮﻓﻴﻦ ﺍﻧﺘﻲ ﻛﻞ ﻣﺮﺓ ﻧﺘﺄﺧﺮ ﺑﺎﻟﺪﺧﻮﻟﻴﺔ ﻭﺍﻟﻤﺸﻜﻠﺔ ﺍﻟﺴﺮﺓ ﺍﻟﻌﺮﺍﻗﻲ ﻣﻘﺒﻂ
ﺍﺳﻮ : ﺍﻱ ﺻﺤﻴﺢ ﺍﺗﺬﻛﺮ ﭼﻨﻪ ﻧﻀﻞ ﻭﺍﮔﻔﻴﻦ ﺛﻼﺙ ﺳﺎﻋﺎﺕ
_ ﻻ ﻭﺍﻟﻤﺸﻜﻠﺔ ﺍﻟﺴﺮﺓ ﺍﻻﺟﻨﺒﻲ ﻓﺎﺭﻍ ﻫﺴﺔ ﻏﻴﺮ ﻳﻔﺘﺤﻮﻟﻨﻴﺎ ﺷﮕﺪ ﺍﻛﺮﻩ ﻫﺎﻱ ﺍﻟﺤﺎﻟﺔ ﺗﺨﻠﻲ ﺍﻟﻤﺴﺎﻓﺮ ﺗﻄﻠﻊ ﺍﻟﺴﻔﺮﺓ ﻣﻦ ﻋﻴﻨﻪ
ﺍﺳﻮ : ﻫﻬﻬﻬﻪ ﻫﺎﻱ ﻛﻠﺔ ﻻﻥ ﺍﻧﺘﻈﺮﺗﻲ ﺷﻮﻳﺔ
_ ﻫﺴﺔ ﺍﻧﻲ ﻣﻮ ﻫﻨﺎ ﻣﻌﺼﺒﺔ ﺍﻟﻤﺸﻜﻠﺔ ﺑﺎﻟﺴﻴﺪ ﻋﻨﺪﺓ ﻫﻨﺎﻙ ﻣﻌﺎﺭﻑ ﻭﮔﻠﻮﻟﺔ ﺗﻌﺎﻝ ﻧﺪﺧﻠﻚ ﺑﺴﺮﻋﻪ ﺑﺲ ﻫﻮ ﻣﺎﻗﺒﻞ ﻋﻠﺒﻮ ﺣﺎﻟﻨﻪ ﺣﺎﻝ ﺍﻟﻨﺎﺱ
ﺍﺳﻮ : ﺍﮔﻮﻟﭻ ﺻﺤﻴﺢ ﻛﻼﻣﻪ ﻟﻌﺪ ﺷﻨﻮ ﺫﻧﺒﻬﻢ ﺍﻟﻨﺎﺱ ﺍﻧﺘﻮ ﺗﺎﺧﺬﻭﻥ ﺳﺮﺍﻫﻢ
ﺍﻧﻔﺘﺢ ﺍﻟﺒﺎﺏ ﻭﺩﺧﻠﻮﺍ ﻗﺎﺳﻢ ﻭﺟﻌﻔﺮ _ ﻳﺎﻟﻠﻪ ﺭﺍﺡ ﻧﺘﺤﺮﻙ ﻟﻠﻜﺮﺑﻠﺔ ﺑﺎﻳﺒﺎﻱ
ﺍﺳﻮ : ﺗﻮﺻﻠﻮﻥ ﺑﺎﻟﺴﻼﻣﻪ
_ ﺍﻟﻠﻪ ﻳﺴﻠﻤﭻ
ﺳﺪﻳﺖ ﺍﻟﺨﻂ ﻭﺍﻟﺘﻔﺖ ﻗﺎﺳﻢ ﻋﻠﻴﺔ : ﺗﺮﺩﻳﻦ ﻣﻲ
_ ﺍﻱ ﻭﺍﻟﻠﻪ ﻋﻄﺸﺎﻧﻪ
ﻧﻄﺎﻧﻲ ﺑﻄﻞ ﺍﺧﺬﺗﻪ ﻣﻨﻪ ﻭﺷﻜﺮﺗﻪ ﻭﮔﻌﺪﺕ ﺍﺷﺮﺏ ﻣﻨﻪ ﻭﺍﺳﻤﻊ ﻟﺤﺪﻳﺜﻬﻢ
ﺟﻌﻔﺮ : ﺍﻱ ﺑﺎﻟﻠﻪ ﺷﻨﻮ ﺍﺧﺒﺎﺭ ﺍﻳﺮﺍﻥ
ﻗﺎﺳﻢ : ﻭﺍﻟﻠﻪ ﺍﻟﺤﻤﺪﻟﻠﻪ ﺑﺲ ﺍﻛﻮ ﻓﺪ ﺷﻜﻮﻻﺕ ﺍﺳﺘﻐﻔﺮﺍﻟﻠﻪ ﻭﺩﻙ ﺗﺨﻨﮕﻬﻢ
ﺟﻌﻔﺮ : ﻟﻴﺶ
ﻗﺎﺳﻢ : ﺗﺼﻮﺭ ﺍﻧﻲ ﻣﺘﻔﻖ ﻭﻳﺔ ﺳﺎﻳﻖ ﺍﻟﺘﻜﺴﻲ ﻳﻮﺻﻠﻨﻪ ﺑﻌﺸﺮ ﺗﻮﻣﺎﻧﺎﺕ ﻭﻣﻦ ﻳﻮﺻﻠﻨﻪ ﻳﺮﻳﺪ ﺧﻤﺴﻄﻌﺶ ﺑﺎﻟﻠﻪ ﻫﺬﺍ ﻫﻢ ﺣﻖ ﻭﻓﻮﮔﺎﻫﺔ ﻳﺘﻌﺎﺭﻙ ﻭﻳﺎﻱ ﻭﻳﻠﻢ ﺍﻟﻨﺎﺱ ﻋﻠﻴﺔ
ﺟﻌﻔﺮ ﻭﻫﻮ ﻳﻔﺮ ﺑﺮﺍﺳﻪ ﺑﻴﺄﺱ ﻭﻣﺮﻛﺰ ﺑﺎﻟﻄﺮﻳﻖ : ﺗﺆ ﺗﺆ ﻃﺒﻌﺎ ﺩﺍﺋﻤﺎ ﺗﺼﻴﺮ ﺑﻴﻪ ﻫﺎﻱ ﺍﻟﺤﺎﻟﺔ ﻣﻮ ﺑﺲ ﺍﻧﻲ ﺣﺘﻪ ﺍﺻﺪﻗﺎﺋﻲ ﺻﺎﻳﺮﺓ ﺑﻴﻬﻢ ﻭﺍﻋﺘﻘﺪ ﻛﻞ ﻋﺮﺍﻗﻲ ﻳﺴﻮﻥ ﻫﻴﭻ ﺑﻲ ... ﻻ ﻭﺍﻟﻴﺬﺑﺢ ﻧﮕﻠﻬﻢ ﻟﻴﺶ ﻫﻴﭻ ﺗﺨﻮﻧﻮﻥ ﺍﻟﻮﻋﺪ ﻳﮕﻠﻮﻥ ﻭﺍﻟﻠﻪ " ﻋﺮﺍﻗﻲ ﻏﻨﻲ " ﻣﻴﺪﺭﻭﻥ ﺍﻟﻌﺮﺍﻗﻲ ﻣﻄﻴﺤﻴﻦ ﺣﻈﻪ ﺑﺒﻠﺪﻩ ﻭﻫﻮ ﺟﺎﻱ ﻋﻠﻴﻨﻪ ﻫﻤﺎﺕ
ﻗﺎﺳﻢ : ﺑﺤﻴﺚ ﻣﻦ ﺍﺭﻳﺪ ﺍﺷﺘﺮﻱ ﺷﻐﻠﺔ ﻣﻨﻬﻢ ﺍﺣﭽﻲ ﻭﻳﺎﻫﻢ ﺍﻳﺮﺍﻧﻲ ﻳﺘﻌﺎﻣﻠﻮﻥ ﻭﻳﺎﻳﺔ ﻃﺒﻴﻌﻲ ﻭﺑﺲ ﺑﺤﺎﺭ ﺗﺤﭽﻲ ﻭﻳﺎﻱ ﻳﻌﺮﻓﻮﻥ ﻋﺮﺍﻗﻴﻴﻦ ﮔﺒﻞ ﻳﮕﻠﺒﻮﻥ ﻋﻠﻴﻨﻪ ﻳﺘﻠﻮﮔﻮﻥ ﻭﻳﺼﻌﺪﻭﻟﻨﻪ ﻣﻦ ﺍﻻﺳﻌﺎﺭﺟﻌﻔﺮ : ﻭﭼﻤﺎﻟﺔ ﻳﺤﭽﻮﻥ ﻋﻠﻴﻨﻪ
ﻗﺎﺳﻢ : ﻃﺒﻌﺎ ﻣﻮ ﻛﻮﻟﻬﻢ ﻫﻴﭻ ﻻ ﻭﺍﻟﻠﻪ ﺍﻛﻮ ﺍﻳﺮﺍﻧﻴﻴﻦ ﻳﻨﺤﻄﻮﻥ ﺑﺎﻟﮕﻠﺐ
ﺟﻌﻔﺮ : ﺍﻱ ﻭﺍﻟﻠﻪ ﺻﺪﻭﮒ ﺍﻛﻮ ﻣﻨﻬﻢ ﺯﻳﻨﻴﻦ ﺑﺲ ﺑﻘﻠﺔ ﻣﻮ ﻫﻮﺍﻱ ﺍﻛﻮ
ﻗﺎﺳﻢ : ﺍﻧﻲ ﻭﺍﻟﻠﻪ ﻣﺎ ﺍﻫﺘﻢ ﻟﻠﻔﻠﺲ ﻭﻣﻮ ﺑﺤﺎﻟﺔ ﺑﺲ ﺍﻧﻲ ﻳﺤﺘﺮﮒ ﮔﻠﺒﻲ ﻋﻠﺔ ﺍﻟﺜﻘﺔ ﻭﺍﻟﻮﻋﺪ ﻳﻌﻨﻲ ﻟﻼﺳﻒ ﻫﻮﺍﻱ ﺍﻛﻮ ﻃﻤﺎﻋﻴﻦ ﺑﺎﻟﻔﻠﺲ ﻣﻴﺪﺭﻭﻥ ﺍﻟﺘﻮﻣﺎﻥ ﻣﻴﺴﻮﺓ ﺍﺻﻼ ﻭﻫﻤﺔ ﻳﺘﻜﺎﺗﻠﻮﻥ ﻋﻠﻲ
