بارت مليئ بالحماس
.........................
البارت الاخير
قاسم • تعبت من بحار حيل تعبت وياهة اشهر واني احاول اراضيهة وهي ماكو عنودية وعدهة كبرياء وكرامه بشكل،، سبحان الله عكس بيداء ذيچ ساحلة روحهة سحل وهاي مامگلبتني ولا منطتني اهتمام
رحت لبيتي الجبير تعبان هلكان ظهري انكسر من ورة الشيل والترتيب
_ سلام عليكم
الكل: وعليكم السلام
حيدر: ها خوية كملت نقل بيتك لو لا
_ اي الحمدلله
مرتضى: قاسم رايدك بشغلة
هزيت راسي بتعب ورحت ورا فركت جبيني وعيوني وباوعتلة: كول مرتضى
مرتضى: خجلان منك وماعرف شلون اگلك
_ كول خوية مابينه هالسوالف
مرتضى: احم خوية محتاج فلوس
_ شكد تريد
_ فد خمس ملايين
_ خمس ملاييين؟؟؟؟ وشتسوي بيهن؟؟
مرتضى بتوتر: محتاجهن خوية قابل شنو
_ والله خوية اعذرني ماكدر انطيك هالمبلغ ، اولاً ماعندي فلوس و دين بالثلاثين مليون لازم اسدة
انصدم من هيج كتلة: ثلاثين مليووون؟؟؟ وشدعوة هلگد متداين
_ بعد متداين شسوي بعد، منين اثث بيتي قابل اكدي
مرتضى: يعني ماتنطيني فلوس
هزيت راسي بلا: ماكدر والله ماعندي
مرتضى بضيق: ها هي لعد اتداين من غيرك
هزيت راسي بأي وطلعت لفوگ دخلت للغرفة واختنگت ،، من طلعت بحار احس غرلتي صارت وحشة وانوب اخوية جعفر وامي همات طلعوا صار البيت موحش فد مرة احس اهلي بدوا يتفككون وهمة صدگ تفككوا اني وبحار حنعيش ببيت وحد وجعفر عايش وحدة صارلة شهر من منتقل لبيته الجديد
بدلت ملابسي وتمددت على الفراش سحبت مخدتهة وحضنتهة حته عطرهة الجان موجود قبل اشهر اختفه
غفيتلي شوية وگعدت على صوت موبايلي شفت ابو السبالت متصل بية جاوبته وكلي اليوم اسويلك السبالت مال البيت وافقت وكتلة جايك..
دليته على عنوان بيتي الجديد لان جنت انتظرة يسوي السبالت بكل الغرف هو اكو سبالت ثنين بالصالة وبغرفتنه اني وبحار.. بس باقي الغرف مايشتغلن لازم ابو السبالت يجي يسويهن
گمت بدلت ملابسي ونزلت جوة طلعت لسيارتي.. ركبتهة وتوجهت للبيت
دخلت للبيت انتظرته بالحديقة الى ان سمعت صوت سيارة،گمت استقبلته ودليته على الغرف الفوگ وهو ضل يفحص السبالت +
