بارت46
نغم • طلعت للحديقة وشفت الصناديگ اخذتهن وشلتهن ومن رفعت راسي شهگت شفت رجال مركز نظرة علية
_ عززززة بعيني
ركضت لداخل البيت وخليت الصناديگ مال الاكل رحت يم امي واني بس افكر يربي شجاية اني شبية مانتبهت اكو رجال اهمداية
شفت امي تحاجي مرة وتأشر علية
ام ياس: اي هاي بنتي
المرة: ماشاءالله عليهة حلوة.. زين بتچ متزوجة؟؟
ام ياس: هههه لا بعدهة
اني سمعت ريحة خطبة رحت لزگت يم امي وابتسم ومامصدگة طبعاً شمعرفني يمكن تطلع حماتي المستقبلية ومادري 😂
المرة تباوعلي وتلعب بشعري: ماشاء لله شعرچ يخبل
_ شكراً خالة كولج ذوق
گرصتني من خدي: ييمه فدوة للسان الينگط عسل
امي باوعتلي وتضحك وعرفت تستهزئ : ههه اي ينگط عسل
ابتسمت لماما وغمزتلهة بطرف عيني وهي تعضلي بشفتهة يعني اصبريلي 😂😂😂
غضمفر • طلعت گبل للبصرة واني ببالي ام الشعر
استقبلوني اهلي وانه فرحان لاستقبالهم ضلت فترة بس ببالي هالبنت ام شعر بعد مرور فترة عزمني ياس لحفلة خطوبته رحت وسوينه حفلة وكِلهم طلعوا وانه ردت اروحن بس ياس گلي انتظرني بس ادخل لخطيبتي ونطلع انه وياك انتظرته وبالصدفة
شفت بنية چانت شايلة صناديگ لابسة فستان احمر قصير وحلو عليهة وشعرهة اطول من فستانهة انسحرت بيهة وبجماله هي بس شافتني فزت وطبت جوة وصارت ببالي لام شعر وعرفت هاي نفسهة اي صح نفس الشعر ونفس الطول صحيح شفتهة خطف بس ضلت ببالي اريد اطلعهة وماگدر
بحر • گاعدة وگالبة خلقتي اليوم بيداء هانوم جايتنه اووف شگد اكرهة لان اعرف بيهة تحب قاسم وتتمنه نظرة وحدة منه
بيداء بضحك: ههه اي ماشاءالله محلوة براء وصايرة تخبل خصيصا من حفت
ابتسمت براء بخجل ودنگت راسهة وهي اندارتلي وباوعتلي باستصغار ورجعت انظارهة لنهاد اااه مال اكلهة بسنوني احد يگولي
ليش ؟؟؟؟
نهاد: هههههههاي والله ولا ادري اني
بيداء: اي والله وحته همات....
تركتهن يحچن مافهمت كولشي منهن مرة صوتهن يعلى ومرة ينصة طلعت للحديقة بغيض واني اكل باضافيري شفت محمد گاعد ويقرة بالكتاب رحت يمه
_ ها محمد دتراجع
محمد: اي وصلت لنهاية الكتاب الحمدلله مضل شي انشالله واخلص هاي المدة
_ الله يوفقك وانته هم استعجل ترة بعد شهرين ثلاثة يمتحنوك النهائي بعد
محمد بتوتر: اي انشالله
تركته قرة خطية هواي يقرة اخر سنه الة ويروح كلية گعدت ببعد عنه اباوع للسما الجو مغيم مبين حتمطر ومبينه مطرة قوية والله ماكو بس فكرت بهالشي صار صوت گراگيع (برق) ورعد گامت تنگط هواي تنفست بعمق وباوعت للمطر شگد احبة ارتاح من اباوع علي ضليت بالنص ساعة اني گاعدة والدنيا كلما جايهة تزيد بالمطر سمعت صوت طگة قوية عرفت انطفت الكهرباء اباوع المغرب صارت والدنيا بدت تظلم
_ اللهم صل على محمد وآل محمد
ماشالله المطر قوي وانوب گامت تذب حالوب
( برد )
