بارت36
ﻓُُُﺰﻳﺖ ﻣﻦ ﻣﻜﺎﻧﻲ _ ﻭﻟﭻ ﺑﺮﺍﺀ ﺷﻜﻮ ﺷﺼﺎﻳﺮ
ﺑﺮﺍﺀ ﺑﺒﭽﻲ : ﺑﺤﺎﺭ ﺗﻌﺎﻱ ﺣﺒﺎﺑﺔ ..
ﮔﻤﺖ ﺍﻓﺘﺮ ﺑﻐﺮﻓﺘﻲ ﺑﺘﻮﺗﺮ : ﺍﻱ ﺟﺎﻳﺔ ﺑﺲ ﮔﻮﻟﻴﻠﻲ ﺷﻜﻮ ﺷﺼﺎﻳﺮ
ﺑﺮﺍﺀ ﺑﺸﻬﮕﺔ : ﺑﻴﺒﻲ ﺑﺤﺎﺭ ﺑﻴﺒﻲ
ﺿﻠﻴﺖ ﺻﺎﻓﻨﻪ ﻭﻣﺎﻣﺴﺘﻮﻋﺒﺔ : ﻣﻨﻮ ﺑﻴﻬﻦ ﺑﻴﺒﻲ ﺳﻨﺪﺱ ﻟﻮ ﺍﻟﻌﻠﻮﻳﺔ
ﺑﺮﺍﺀ : ﻻ ﺍﻟﻌﻠﻮﻳﺔ
_ ﺷﻨﻮﻭﻭ ﻟﻴﺶ ﺷﺒﻴﻬﺔ
ﺑﺮﺍﺀ ﺑﻌﺒﺮﺓ : ﺗﻌﺎﻱ ﻭﺍﻧﻲ ﺍﮔﻮﻟﭻ
_ ﺍﻭﻛﻲ ﺟﺎﻳﺔ ﺑﺲ ﮔﻮﻟﻴﻠﻲ ﻋﻤﭻ ﺍﺟﺔ ﻣﻦ ﺍﻟﺴﻔﺮ ﻟﻮ ﻻ
ﺑﺮﺍﺀ : ﻻ ﺑﻌﺪﺓ
_ ﺍﻭﻛﻲ ﺑﺎﻱ
ﺳﺪﻳﺖ ﺍﻟﺨﻂ ﻭﺭﺣﺖ ﻟﺒﺴﺖ ﺣﺠﺎﺏ ﻭﻋﺒﺎﻳﺔ ﻓﻮﮒ ﻣﻼﺑﺴﻲ ﻭﺍﺧﺬﺕ ﻓﻮﻧﻲ ﻭﺟﺰﺩﺍﻧﻲ ﻭﻧﺰﻟﺖ ﺟﻮﺓ _ ﺑﺎﺍﺍﺍﺑﺎﺍﺍﺍ ﺑﺎﺍﺍﺑﺎﺍﺍﺍ ﻭﻳﻨﻚ
ﻣﺎﻫﺮ : ﻫﺎ ﺑﺎﺑﺎﺗﻲ ﺷﺒﻴﭻ
_ ﺑﺎﺑﺎ ﺍﺭﻳﺪ ﺍﺭﻭﺡ ﻟﺒﻴﺖ ﻋﻴﺎﻟﻲ ﺣﺒﺎﺏ
ﻣﺎﻫﺮ : ﻫﺴﺔ !!! ﻟﻴﺶ ﺷﻨﻮ ﺍﺟﺔ ﺍﻟﺴﻴﺪ؟
_ ﻻ ﺑﻌﺪﺓ ﺑﺲ ﻻﺯﻡ ﺍﺭﻭﺡ ﺿﺮﻭﺭﻱ
ﺍﺷﺮﻟﻲ ﻋﻠﻰ ﺍﻟﺴﻮﻳﭻ ﺭﺣﺖ ﺍﺧﺬﺗﻪ ﻣﻦ ﺍﻟﻄﺎﻭﻟﺔ ﻭﺍﻧﻄﻴﺘﻬﻴﺎ ﻭﻃﻠﻌﻨﻪ
ﻣﺎﻫﺮ : ﺷﻜﻮ ﺧﻴﺮﭺ ﻫﻴﭻ ﻣﺴﺘﻌﺠﻠﺔ ﺻﺎﻳﺮ ﺷﻲ ﻻ ﺳﻤﺢ ﺍﻟﻠﻪ
_ ﻣﺪﺭﻱ ﻭﺍﻟﻠﻪ ﺑﺲ ﻋﻤﺘﻲ ﻣﺪﺭﻱ ﺷﺒﻴﻬﺔ ﻭﻻﺯﻡ ﺍﺭﻭﺡ ﺍﺷﻮﻑ ﺷﺒﻴﻬﺔ
ﻣﺎﻫﺮ ﺑﺘﻌﺠﺐ : ﺍﻧﺘﻲ؟؟ ﻟﻴﺶ ﻣﻮ ﺍﻛﻮ ﻏﻴﺮﭺ ﺑﺎﻟﺒﻴﺖ؟
_ ﺍﻱ ﺍﻛﻮ ﺑﺲ ﻣﺎﺩﺭﻱ ﺑﺖ ﺣﻤﺎﻳﺔ ﺍﺗﺼﻠﺖ ﺑﻴﺔ ﻭﮔﻠﺘﻠﻲ ﺍﺟﻲ ﺍﺭﻳﺪ ﺍﺷﻮﻑ ﺷﺼﺎﻳﺮ
ﺳﻜﺖ ﻭﻫﻮ ﺿﻞ ﻳﺴﻮﻕ ﻭﺍﻧﻲ ﺍﻛﻞ ﺑﺎﺿﺎﻓﻴﺮﻱ ﻣﻦ ﺍﻟﺘﻮﺗﺮ ﺍﺑﺎﻭﻉ ﻟﻠﺴﺎﻋﺔ ﺑﺎﻝ 5 ﺍﻟﻤﻐﺮﺏ ..
ﻭﺻﻠﻨﻪ ﮔﺒﺎﻝ ﺍﻟﺒﻴﺖ ﻧﺰﻟﺖ ﻭﺳﻠﻤﺖ ﻋﻠﻰ ﺑﺎﺑﺎ ﻭﮔﺘﻠﺔ ﻟﺘﺠﻴﻨﻲ ﺧﻠﻴﻨﻲ ﻫﻨﺎ .. ﺩﺧﻠﺖ ﻟﻠﺒﻴﺖ ﻭﺷﻔﺖ ﺍﻟﺠﻬﺎﻝ ﻳﻠﻌﺒﻮﻥ ﺑﺎﻟﺤﺪﻳﻘﺔ ﻣﺎﻫﺘﻤﻴﺖ ﻭﻫﻤﺔ ﻳﺮﺣﺒﻮﻥ ﺑﻴﺔ ﺑﺲ ﺍﺑﺘﺴﻤﺘﻠﻬﻢ _ ﻫﻼﻭ ﺷﻮﻧﻜﻢ
ﻭﺗﺮﻛﺘﻬﻢ ﻭﺭﺣﺖ ﺣﺘﻪ ﺟﻮﺍﺏ ﻣﺎ ﺳﻤﻌﺖ ﻣﻨﻬﻢ
ﺩﺧﻠﺖ ﻭﻟﮕﻴﺖ ﺑﺮﺍﺀ ﺑﺎﻟﻤﻄﺒﺦ
_ ﺷﻜﻮ ﺷﺒﻴﭻ ﺧﺮﻋﺘﻴﻨﻲ ﺷﺒﻴﻬﺔ ﺍﻟﻌﻠﻮﻳﺔ
ﺑﺮﺍﺀ ﺑﺘﻮﺗﺮ : ﻭﻟﭻ ﺑﺤﺎﺭ ﺑﻴﺒﻲ ﺳﻜﺮﻫﺔ ﺻﺎﻋﺪ ﻭﺣﺮﺕ ﺑﻴﻬﺔ ﻭﻣﺤﺪ ﻣﻮﺟﻮﺩ ﺑﺎﻟﺒﻴﺖ ﻣﺎﻣﺎ ﺭﺍﻳﺤﺔ ﻟﺒﻴﺖ ﺟﺪﻭ
_ ﻟﻌﺪ ﺳﺎﺭﺓ ﻭﻳﻨﻬﺔ
ﺑﺮﺍﺀ : ﺑﺎﺟﻲ ﺣﺎﺑﺴﺔ ﺭﻭﺣﻬﺔ ﻭﻣﺘﻘﺒﻞ ﺗﻄﻠﻊ ﻣﻦ ﻏﺮﻓﺘﻬﺔ ﻻﻥ ﻋﻤﻮ ﺟﻌﻔﺮ ﺭﺍﺡ ﻟﺒﻐﺪﺍﺩ ﻋﻠﻤﻮﺩ ﺍﻟﻤﻌﺮﺽ ﻭﻫﻮ ﻟﻴﻬﺴﺔ ﻣﺎ ﺍﺟﺔ ﺻﺎﺭﻟﺔ ﻳﻮﻣﻴﻦ ﻭﻫﻮ ﺍﻟﻤﻔﺮﻭﺽ ﻳﺠﻲ ﻭﺭﺓ ﻳﻮﻡ ﻭﻫﻲ ﺗﮕﻮﻝ ﺻﺎﻳﺮﻟﺔ ﺷﻲ
ﺑﻠﻌﺖ ﺭﻳﮕﻲ _ ﺍﻱ ﻭﺑﻌﺪ
ﺑﺮﺍﺀ : ﻣﻮ ﺟﻬﺎﺯﺓ ﻣﻐﻠﻖ ﻭﺑﺎﺟﻲ ﺳﺎﺭﺓ ﻣﺘﺨﺒﻠﺔ ﻋﻔﻴﺔ ﺩﺧﻠﻲ ﺍﻧﺘﻲ ﻫﺪﺋﻴﻬﺔ ﻣﺘﻘﺒﻞ ﺗﺎﻛﻞ ﺍﻭ ﺗﻄﻠﻊ
_ ﻟﻌﺪ ﻭﻋﻤﺘﻲ
ﺑﺮﺍﺀ : ﻻ ﺑﻴﺒﻲ ﺻﺎﺭﺕ ﺯﻳﻨﻪ ﺍﻧﻄﻴﺘﻬﺔ ﺣﺒﺎﻳﺔ ﻭﻫﺴﺔ ﺻﺎﺭﺕ ﺍﺣﺴﻦ ﺑﺲ ﻭﺍﻟﻠﻪ ﻣﻦ ﺷﻔﺘﻬﺔ ﻫﻴﭻ ﻣﺘﺨﺮﺑﻄﺔ ﻭﻭﺟﻬﺔ ﻣﻮﺭﻡ ﺧﻔﺖ ﻭﺍﺗﺼﻠﺖ ﺑﻴﭻ
ﻋﻔﺘﻬﺔ ﻭﺭﺣﺖ ﻓﻮﮒ ﻟﻐﺮﻓﺔ ﺳﺎﺭﺓ ﺩﮔﻴﺖ ﺍﻟﺒﺎﺏ ﻋﻠﻴﻬﺔ ﻭﻣﺠﺎﻭﺑﺘﻨﻲ ﺩﮔﻴﺖ ﻣﺮﺓ ﺛﺎﻧﻴﺔ ﻭﺳﻤﻌﺖ ﺻﻮﺗﻬﺔ : ﻋﻮﻓﻮﻧﻲ ﺩﺧﻴﻠﻜﻢ
ﻓﺘﺤﺖ ﺍﻟﺒﺎﺏ ﺑﻬﺪﻭﺀ ﻭﺩﺧﻠﺖ : ﺷﻮﻧﭻ ﺳﺎﺭﺓ
ﺳﺎﺭﺓ ﺑﺘﻌﺠﺐ : ﺑﺤﺎﺭ ﺷﺠﺎﺑﭻ
_ ﻟﻴﺶ ﻣﺘﺮﺩﻳﻨﻲ ﺍﺟﻲ
ﮔﺎﻣﺖ ﻣﻦ ﺳﺮﻳﺮﻫﺔ ﻭﮔﻌﺪﺕ : ﻋﺬﺭﻳﻨﻲ ﺣﺒﻲ ﻣﺎﻣﺴﺘﻮﻋﺒﺔ ﻓﻜﺮﻱ ﻣﺸﻮﺵ
_ ﻣﻌﺬﻭﺭﺓ ﺣﻴﺎﺗﻲ ~ ﮔﻌﺪﺕ ﻋﻠﻰ ﺍﻟﺴﺮﻳﺮ ﺑﺼﻔﻬﺔ ~ ﺑﺎﻟﻠﻪ ﺷﻨﻮ ﻫﺎﻱ ﻫﻴﭻ ﺣﺎﻟﭻ ﻣﺘﮕﻮﻟﻴﻠﻲ
ﺳﺎﺭﺓ ﺑﺨﻨﮕﺔ ﻭﻟﻄﻢ : ﻭﻟﭻ ﺑﺤﺮ ﺟﻌﻔﺮ ﺍﺗﺼﻞ ﺑﻲ ﻭﻣﻐﻠﻖ ﻭﺻﺎﺭﻟﺔ ﻳﻮﻣﻴﻦ ﻣﻦ ﺭﺍﻳﺢ ﺧﺎﻳﻔﺔ ﺻﺎﻳﺮﻟﺔ ﺷﻲ ﻭﻣﻨﺪﺭﻱ
_ ﺯﻳﻦ ﻣﺘﻌﺮﻓﻴﻦ ﺍﺻﺪﻗﺎﺋﺔ ﺗﺴﺄﻟﻴﻦ ﻋﻠﻲ
ﺳﺎﺭﺓ ﺑﻴﺄﺱ : ﻻ ﺣﺘﻪ ﻣﺤﻤﺪ ﻃﺎﻟﻊ ﻟﺒﻐﺪﺍﺩ ﻟﻠﻤﻌﺮﺽ ﻣﺎﻝ ﺍﺑﻮ ﻳﺴﺄﻝ ﻋﻨﻪ ﻭﻫﺴﺔ ﺟﺎﻱ ﺍﻧﺘﻈﺮ ﺍﺗﺼﺎﻟﺔ
_ ﺍﻧﺸﺎﻟﻠﻪ ﻣﺎﺑﻲ ﺷﻲ ﻟﻴﺶ ﺗﻔﺎﻭﻟﻴﻠﺔ ﺑﺎﻟﺸﻴﻦ ﺧﻮ ﮔﻮﻟﻲ ﻳﻤﻜﻦ ﺍﻟﺸﺤﻦ ﺧﻠﺺ ﺍﻭ ﺍﻟﻔﻮﻥ ﺧﺮﺏ ﻭ ﻣﺸﻐﻮﻝ ﻭﻏﺎﻟﻖ ﺍﻟﻔﻮﻥ ﻭﻧﺎﺳﻲ ﻳﻔﺘﺤﺔ
ﺳﺎﺭﺓ ﺑﺎﻣﻞ : ﺍﻧﺸﺎﻟﻠﻪ ﺑﺲ ﺍﻧﻲ ﻓﻜﺮﺓ ﺍﻧﻮ ﻳﺘﺮﻛﻨﻲ ﻟﻮ ﻳﺼﻴﺮﻟﺔ ﺷﻲ ﺍﺗﺨﺒﻞ
ﺍﺑﺘﺴﻤﺖ ﺑﻤﻜﺮ : ﺍﻣﻤﻢ ﻳﻤﻪ ﺍﻟﺤﺐ ﻳﻤﻪ
ﺳﺎﺭﺓ : ﻛﺎﻓﻲ ﺧﺠﻠﺘﻴﻨﻲ ﻳﻤﻌﻮﺩﺓ
_ ﻫﻬﻪ ﺑﺲ ﺍﺭﻳﺪ ﺍﻓﺘﻬﻢ ﻣﻦ ﻳﺘﻐﺰﻝ ﺑﻴﭻ ﺍﻟﺴﻴﺪ ﺷﻮﻥ ﻳﺼﻴﺮ ﺷﻜﻠﭻ ﺍﺫﺍ ﺍﻧﺘﻲ ﻫﺴﺔ ﻃﻤﺎﻃﺔ ﻟﻌﺪ ﻟﻮ ...
ﻗﺎﻃﻌﺘﻨﻲ ﺳﺎﺭﺓ ﻣﻦ ﺿﺮﺑﺖ ﺍﻟﻤﺨﺪﺓ ﺑﻮﺟﻬﻲ : ﺍﻣﺸﻲ ﻭﻟﻲ ﺍﺩﺏ ﺳﺰ
_ ﻫﻬﻬﻬﻬﻪ ﺗﺴﺘﺎﻫﻠﻴﻦ .. ﻻ ﺍﻟﻠﻪ ﻋﻠﻴﭻ ﺷﻠﻮﻥ ﻳﺼﻴﺮ ﺷﻜﻠﭻ
ﺳﺮﺓ ﺑﺼﻴﺎﺡ : ﻭﻟﭻ ﺑﺤﺎﺍﺍﺭ ﺍﻡ ﺍﻟﻠﺴﺎﻥ ﺍﻟﻄﻮﻳﻞ ﻃﻠﻌﻲ ﻣﻮﺗﻴﻨﻲ
ﺗﺮﻛﺘﻬﺔ ﻭﺍﻧﻲ ﺍﺿﺤﻚ ﻋﻠﻴﻬﺔ ﻧﺰﻟﺖ ﻟﻠﻌﻠﻮﻳﺔ _ ﺷﻮﻧﭻ ﻋﻤﺔ ﮔﺎﻟﻮﺍ ﺳﻜﺮﭺ ﺻﺎﻋﺪ
ﺍﻟﻌﻠﻮﻳﺔ : ﺍﻱ ﻭﺍﻟﻠﻪ ﻏﻴﺮ ﻫﺎﻱ ﺳﻮﻳﺮﺓ ﻣﻬﺒﻄﺘﻨﻲ ﻋﻠﻰ ﻭﻟﻴﺪﻱ
_ ﻳﺎﺍﺍﺍ ﺷﺒﻴﻜﻢ ﺍﻧﺘﻮ ﻳﻌﻨﻲ ﺍﺫﺍ ﺗﺄﺧﺮ ﻭﺗﻠﻔﻮﻧﻪ ﻣﻐﻠﻖ ﻣﻌﻨﺎﻫﺔ ﺻﺎﻳﺮ ﺷﻲ ﻻ ﺳﺎﻣﺢ ﺍﻟﻠﻪ ﺧﻮ ﮔﻮﻟﻮﺍ ﻋﻨﺪﺓ ﻇﺮﻭﻑ
ﺍﻟﻌﻠﻮﻳﺔ : ﺍﻱ ﻭﺍﻟﻠﻪ ﻳﻤﻪ ﺑﺲ ﻫﺎﻱ ﺳﻮﻳﺮﺓ ﺍﻟﻒ ﻓﻜﺮﺓ ﺣﻄﺖ ﺑﺒﺎﻟﻲ
_ ﻫﻬﻪ ﻋﺎﺩ ﺳﺎﺭﺓ ﻭﺗﻔﻜﻴﺮﻫﺔ
ﺳﻤﻌﻨﻪ ﺻﻮﺕ ﺍﻟﺒﺎﺏ ﻣﺎﻝ ﺍﻟﺸﺎﺭﻉ ﺍﻧﻔﺘﺤﺖ ﻭﺻﻮﺕ ﺑﭽﻲ ﻣﺎﻝ ﻃﻔﻠﺔ ﺑﺎﻭﻋﺖ ﻟﻌﻤﺘﻲ ﺑﺎﺳﺘﻐﺮﺍﺏ
_ ﻫﺎﻱ ﻣﻨﻮ ﺍﺟﺔ
ﺍﻟﻌﻠﻮﻳﺔ : ﻭﺍﻟﻠﻪ ﻳﻤﻪ ﻣﺎﺩﺭﻱ ﺭﻭﺣﻲ ﺷﻮﻓﻲ
ﻃﻠﻌﺖ ﻣﻦ ﻏﺮﻓﺘﻬﺔ ﻭﺷﻔﺖ ﺟﻨﺎﻥ ﻭﺟﻬﺎﻟﻬﺔ ﺟﺎﻳﻴﻦ ﻭﻣﺮﺗﻀﻰ ﻣﻜﻴﻒ
ﺟﻨﺎﻥ : ﺳﻼﻡ ﻋﻠﻴﻜﻢ
ﺍﺑﺎﻭﻋﻠﻬﺔ ﻭﻣﺼﺪﻭﻣﺔ ﻣﻌﻘﻮﻟﺔ ﻫﺎﻱ ﺟﻨﺎﻥ ﻋﺰﺯﺯﺓ ﺻﺎﻳﺮﺓ ﺷﻀﻌﻔﻬﺔ ﻭﺭﺷﻴﻘﺔ ﻭﺟﺴﻤﻬﺔ ﺣﻠﻮ ﺯﻋﺖ ﻋﺒﺎﻳﺘﻬﺔ ﻭﮔﻌﺪﺕ ﻋﻠﻰ ﺍﻟﻘﻨﻔﺔ : ﺗﺮﺓ ﺍﻟﺴﻼﻡ ﻟﻠﻪ
ﺑﻠﻤﺖ ﻭﺟﺎﻭﺑﺖ : ﺍﺣﻢ ﻭﻋﻠﻴﻜﻢ ﺍﻟﺴﻼﻡ ﺍﻧﺘﻲ ﺷﻮﻧﭻ
ﺟﻨﺎﻥ : ﺑﺨﻴﺮ
ﺍﺑﺎﻭﻉ ﻟﻤﺮﺗﻀﻰ ﻋﻴﻮﻧﻪ ﻣﺸﺎﻟﻬﻦ ﻋﻨﻬﺔ ﻭﻫﻲ ﺣﺎﻃﺔ ﺑﺘﻬﺔ ﻫﺪﻳﻞ ﺑﺤﻀﻨﻬﺔ ﺻﺎﻳﺮﺓ ﺗﺨﺒﻞ ﺍﺻﻼ ﻣﺘﻐﻴﺮﺓ ﻣﻮ ﻧﻔﺴﻬﺔ ﻛﺒﺮﺍﻧﻪ ﻭﺑﻴﻀﺔ ﺣﻠﻮﺓ ﻭﺧﺪﻭﺩﻫﺔ ﺗﺠﻨﻦ
ﻃﻠﻌﺖ ﺍﻟﻌﻠﻮﻳﺔ ﻣﻦ ﻏﺮﻓﺘﻬﺔ : ﻳﺎﺍﺍ ﻫﻠﺔ ﺑﺎﻡ ﻣﺼﻄﻔﻰ ﻧﻮﺭﺗﻴﻨﻪ ﻳﺎ ﺍﻣﻲ ﻭﻳﻨﭻ ﺻﺎﺭﻟﭻ ﺷﻬﺮﻳﻦ ﻣﺎﻛﻮ
