البارت هذا يجنن
............................
بارت48
قاسم • صرت نااار من عرفت بحار تاركيهة بالفندق اخذت تكسي للفندق ...
دخلت للاستقبال حاچيتهم كتلهم اريد مفتاح الغرفة وهمة ميقبلون لحد ما شافوا عقد زواجي وياهة وتأكدوا بهويتهة يله خلوني اصعدلهة
فتحت الباب وشفتهة رايحة بسابع نومة
هزيتهة: بحااارر بحااار كعدي
بحار بنعاس: امممم
_ شو گومي شنو ضالة هنا وحدچ كومي بابا گومي
اكوم بيهة وماكو استغفرت ربي هالبنية شگد نومهة ثگيل شلت الغطة عنهة وشلتهة وهي صاحت وفزت مرعوبة: ءاااااا هاي شنو
باوعتلهة صفح: شنو من نوم لو يوگع صاروخ متگومين
حاوطت رگبتي بخوف : نزلني حباب اخاف اوگع
باوعتلة وشفت الخوف بعيونة ابتسمت وهديتهة بچذب وهي صاحت وحاوطتني اكثر: لاااا لتعوفني هسة اوگع
_ هههه ديلا گومي بدلي حته نطلع
خليتهة على الچرباية وهي عدلت ملابسة چانت لابسة بلوز وبجامة والبلوز مالتهة مرفوع نزلته بخجل ودارت وجهة: ليش مو نعسانه
_ شنو نعسانه ماكو تگومين حالچ من حالهم ضالة وحدچ شنو معناتهة
فركت عيونهة باديهة : والله نعسانه مانمت زين
باوعتلهة جنهة بزونه ضحكت على شكلة: ديلا لمي عطوبچ وبدلي شنو هاللبس مال جهال
هي لزمت شعرهة وغطت وجهة وصاحت: وووف روح عود ابدل واجي
_ ههه تمام منتظرچ اني
طلعت وعفتهة تبدل
بحار • شكد فشلة اباوع لروحي لابسة بلوز وردي علي نجوم وبجامه نفس الشي وشعري مكفش ليگول مكهرب
كمت مشطت وغسلت وجهي ، استخدمت حمام وتوضيت تجهزت ، نزلت للاستقبال لگيت قاسم گاعد على القنفة مكنك بالتلفون
_ خلصت
باوعلي وسد الفون ضمة بجيبه و سلم المفاتيح للموظفة وطلعنه من الفندق
قاسم: تغديتي ؟؟
_ ههه ليش اني تريگت حته اتغدة
قاسم: لعد ليش مگلتي هسة اشوفلج مطعم واطلبلچ شنو تردين
_ جيبلي شاورما دجاج وبيبسي حباب
قاسم: يلا
طبينه للمطعم وصاهم وكعدنه ننتظر يكملون عشر دقايق ووصل طلبي اخذت البيسي والشاورما وطلعنه قاسم اخذ تكسي، صعدنه اني آكُل وقاسم يحچي وية السايق سوالف عادية
شفت رايحين للزوراء نزلنه وقاسم حاسب التكسي رحنه يم الشلة مجموعين كلهم حته منظرهم يجذب لان عدد چبير
مرتضى: هااي شنو رحت جبتهة ههه
قاسم: لعد اعوفهة ؟؟ !! طبعاً اجيبهة
جعفر بمكر : تؤ تؤ ميتحمل لازم يجيبهة گبال عينه
الكل: ههههه
كاموا يضحكون ويصنفون على قاسم وهو كلساع مرزل بواحد بيهم
خجلت وگعدت يم سارة ونور بتهة
سارة: ههه تاليهة اجيتي بس الله عليچ شلون سحلچ السيد من الفراش
_ شالني ههه
سارة: ههههه لا صدوگ
_ اي والله مادري عبالي براء تگعدني شو ما احس الة طايرة و قاسم بوجهي والله خفت 😂😂
سارة: هههههه لا هاي قوية خرب ببليسچ هههه
ضحكت على ضحكتهة والباقين يسألون شكو شصاير؟؟ سارة حجتلهم وهمة طگوهة بضحكة
غصباً حچي
اني وقاسم صرنه للتصنيف اليوم بحيث كل شوية ومحاجيني لومحاچي الزلم وهو يعصب ويرزل 😂
