ﺍﻟﻔﺼﻞ ﺍﻟﺜﺎﻧﻲ ﻭﺍﻟﻌﺸﺮﻭﻥ
_____________
ﺗﺮﻛﺘﻪ ﻭﺭﺣﺖ ﻃﺒﻌﺎ ﺷﮕﺪ ﺍﻛﺮﻩ ﺍﻣﺠﺪ ﻣﻦ ﻗﺒﻞ ﭼﺎﻥ ﻣﻠﻌﺐ ﻣﻦ ﺷﻔﺘﺔ ﻋﺮﻓﺖ ﺷﻨﻮ ﻣﻦ ﻧﻤﻮﺫﺝ ﺍﻟﻠﻲ ﻳﻬﻤﺔ ﺑﺲ ﻏﺮﻳﺰﺗﻪ ﻭﻛﻢ ﻣﺮﺓ ﻳﻜﻮﻟﻬﺔ ﺑﻮﺟﻬﻲ " ﺍﻧﻲ ﺍﺷﺘﻬﻴﺘﭻ " ﻭ " ﺍﺭﻳﺪﭺ " ﻭ " ﻣﺎ ﺍﺳﻴﻄﺮ ﻋﻠﻰ ﻧﻔﺴﻲ ﻣﻦ ﺍﺷﻮﻓﭻ " ﻭﺣﺘﻪ ﻫﻢ ﻣﺮﺍﺕ ﻳﮕﻮﻝ ﻛﻠﻤﺎﺕ ﻣﺎﻝ 18+ ﺑﻮﺟﻬﻲ ﻭﻳﺘﻐﺰﻝ ﺑﺠﺴﻤﻲ ﻭﺑﺠﻤﺎﻟﻲ ﻭﭼﻨﺖ ﺩﺍﺋﻤﺎ ﺍﺗﺤﺎﺷﻰ
ﺻﻌﺪﺕ ﺍﻟﺴﻴﺎﺭﺓ ﻭﻛﻼﻣﻪ ﻳﺪﻭﺭ ﺑﺒﺎﻟﻲ ﺷﮕﺪ ﻧﺬﻝ ﺗﺰﻭﺟﺖ ﻭﻣﺨﻠﺼﺖ ﻣﻨﻪ ﻭﺻﻠﺖ ﻟﻠﺒﻴﺖ ﻭﺍﻧﻲ ﻃﺎﻟﻌﺔ ﺭﻭﺣﻲ ﻣﻦ ﻭﺭﺍ
ﺩﺧﻠﺖ ﻟﻠﺒﻴﺖ ﻭﻟﮕﻴﺘﻬﻢ ﺩﻳﺘﻐﺪﻭﻥ _ ﺍﻟﺴﻼﻡ ﻋﻠﻴﻜﻢ
ﺍﻟﻜﻞ : ﻭﻋﻠﻴﻜﻢ ﺍﻟﺴﻼﻡ
ﺍﻟﻌﻠﻮﻳﺔ : ﺗﻌﺎﻱ ﻋﻤﺔ ﺗﻐﺪﻱ
ﺍﺑﺘﺴﻤﺖ ﺑﺘﻜﻠﻒ _ ﻻ ﻭﺍﻟﻠﻪ ﻣﺎ ﺍﺷﺘﻬﻲ ﺑﺎﻟﻌﺎﻓﻴﺔ ﻋﻠﻴﻜﻢ
ﺻﻌﺪﺕ ﻓﻮﮒ ﻭﺍﻧﻲ ﻓﻜﺮﻱ ﻣﺸﻮﺵ ﺑﺴﺒﺐ ﺍﻣﺠﺪ ﺍﻟﺴﺎﻗﻂ
ﺑﺪﻟﺖ ﻣﻼﺑﺴﻲ ﻭﺗﻤﺪﺩﺕ ﻭﻧﻤﺖ ﻣﻦ ﺍﻟﺘﻌﺐ ﮔﻌﺪﺕ ﺍﻟﻌﺼﺮ ﮔﻤﺖ ﻭﺑﺪﻟﺖ ﻣﻼﺑﺴﻲ ﻭﻧﺰﻟﺖ ﺟﻮﺓ ﺻﺒﻴﺘﻠﻲ ﻏﺪﺓ ﭼﺎﻧﻮﺍ ﻣﺴﻮﻳﻦ ﻣﻲ ﺩﺟﺎﺝ ﻭﺑﺮﻳﺎﻧﻲ ﺍﻛﻠﺖ ﻭﻏﺴﻠﺖ ﻣﺎﻋﻴﻨﻲ ﻭﻃﻠﻌﺖ ﻣﻦ ﺍﻟﻤﻄﺒﺦ ﺷﻔﺖ ﺟﻨﺎﻥ ﺗﻤﺸﻲ ﻭﻻﺯﻣﺔ ﺑﻄﻨﻬﺔ
_ ﻫﺎ ﺍﻡ ﻣﺼﻄﻔﻰ ﺷﺒﻴﭻ
ﺟﻨﺎﻥ ﺑﺎﻟﻢ : ﺍﺧﺨﺦ ﻳﻤﻪ ﻟﺤﮕﻴﻠﻲ ﺩﺧﻴﻠﭻ
ﺭﺣﺖ ﻳﻤﻬﺔ ﺑﻘﻠﻖ _ ﺷﻨﻮ ﻋﻨﺪﭺ ﻭﻻﺩﺓ
ﺟﻨﺎﻥ ﺑﺎﻟﻢ : ﺍﻱ ﺍﺍﺍﺍﺍﺍﻩ ﻳﻤﻪ ﺍﺍﺍﺍﺍﺥ ﺑﻌﺪ ﻣﺎ ﺍﺗﺤﻤﻞ
ﺍﻟﻜﻞ ﺍﺟﺔ ﻋﻠﻰ ﺻﻮﺗﻬﺔ ﻭﺍﻧﺴﺒﻴﻨﻪ ﺳﻨﺪﺱ ﺣﻈﺮ ﺟﻨﻄﺔ ﺍﻟﻄﻔﻠﺔ ﻭﺭﺍﺣﺖ ﻭﻳﺎﻫﺔ ﻭﻣﺮﺗﻀﻰ ﺑﺲ ﻳﺮﻛﺾ ﻣﻨﺎ ﻭﻣﻨﺎﻙ ﻭﻣﺘﻮﺗﺮ ﻭﺟﻨﺎﻥ ﺗﺼﻴﺢ ﻣﻦ ﺍﻻﻟﻢ
ﺿﻠﻴﺖ ﺍﻛﻞ ﺑﺎﻇﻔﻴﺮﻱ ﻳﻤﻪ ﺍﻟﻠﻪ ﻳﺴﺎﻋﺪﻫﺔ ﻋﻠﻰ ﻫﺎﻻﻟﻢ ﮔﻌﺪﺕ ﻭﺍﻧﻲ ﺍﺩﻋﻴﻠﻬﺔ ﺑﺎﻟﺴﻼﻣﻪ ﺧﻄﻴﺔ ﺍﻛﻴﺪ ﺣﺘﺘﺎﺫﺓ
ﺳﺎﺭﺓ : ﻫﺎ ﺷﺒﻴﭻ
_ ﻳﻤﻌﻮﺩﺓ ﺍﻟﻮﻻﺩﺓ ﺗﺨﻮﻑ ﻭﺍﻟﻠﻪ
ﺳﺎﺭﺓ ﺑﺘﻨﻬﻴﺪﺓ ﺣﺎﺭﺓ : ﺍﻳﻴﻪ ﻭﺍﻟﻠﻪ ﺗﻤﻮﺕ ﺑﺲ ﻣﻦ ﺗﺸﻮﻓﻴﻦ ﻃﻔﻠﭻ ﻛﻮﻟﺸﻲ ﻳﻬﻮﻥ ﺑﺠﻴﺘﻪ
ﺍﺑﺘﺴﻤﺖ _ ﻳﻌﻨﻲ ﺍﻧﺘﻲ ﻣﻦ ﻭﻟﺪﺗﻲ ﻣﺤﻤﺪ ﻭﻧﻮﺭ ﻭﻻﺩﺗﭻ ﻣﺆﺫﻳﺔ ﻟﻮ ﻻ
ﺳﺎﺭﺓ : ﻣﺤﻤﺪ ﻣﺎ ﺗﻮﺟﻌﺖ ﺑﻲ ﻫﻮﺍﻱ ﺑﺲ ﻧﻮﺭ ﺗﺄﺫﻳﺖ ﺍﻱ ﺑﻌﺪ ﺍﻟﻠﻪ ﺍﻟﻴﻌﻠﻢ ﻫﺬﺍ ﺍﻟﺠﺎﻱ ﺑﺎﻟﻄﺮﻳﻖ ﺷﻴﺴﻮﻱ ﺑﻴﺔ
_ ﺍﻧﺸﺎﻟﻠﻪ ﺗﮕﻮﻣﻴﻦ ﺑﺎﻟﺴﻼﻣﻪ ﺍﻧﺘﻲ ﻭﺍﻟﺒﻴﺒﻲ
ﺳﺎﺭﺓ : ﺍﻧﺸﺎﻟﻠﻪ
ﺭﺣﺖ ﻓﻮﮒ ﻭﮔﻌﺪﺕ ﺍﻗﺮﺓ ﺳﻮﺭﺓ ﺍﻻﻧﺸﻘﺎﻕ ﺣﺘﻪ ﺗﺴﻬﻞ ﻋﻠﻴﻬﺔ ﻭﻻﺩﺗﻬﺔ ﻻﻥ ﻫﺎﻱ ﺍﻟﺴﻮﺭﺓ ﻣﺠﺮﺑﺔ ﻣﺴﻮﻳﺘﻬﺔ ﺑﺪﻋﺎﺀ ﻭﻣﺮﻳﻢ
ﻗﺮﻳﺘﻠﻬﻴﺎ ﺛﻼﺙ ﻣﺮﺍﺕ ﻭﺩﻋﻴﺘﻠﻬﺔ ﻫﻲ ﻭﺍﻟﻄﻔﻠﺔ ﺑﺎﻟﺴﻼﻣﺔ
ﺳﻤﻌﺖ ﺍﺫﻥ ﮔﻤﺖ ﻭﺿﻴﺖ ﻭﺻﻠﻴﺖ ﻛﻤﻠﺖ ﻭﻧﺰﻟﺖ ﺟﻮﺓ ﺍﺗﺴﺎﻋﺪ ﻭﻳﺔ ﻧﻬﺎﺩ ﺑﺎﻟﻌﺸﺔ
ﻟﻬﻨﺎﻙ ﻭﺍﺟﺘﻨﻪ ﺳﺎﺭﺓ ﺗﺮﻛﺾ : ﺍﻟﺤﻤﺪﻟﻠﻪ ﺟﺎﺑﺖ ﺑﻨﻴﺔ
ﺑﺎﻭﻋﺘﻠﻬﺔ ﺑﻠﻬﻔﺔ _ ﺻﺪﻭﮒ ﺑﺎﻟﻠﻪ ﺷﻠﻮﻧﻬﺔ ﻫﻲ ﻭﺍﻟﻄﻔﻠﺔ
ﺳﺎﺭﺓ ﺑﻠﻬﺎﺙ ﻣﻦ ﺍﻟﺮﻛﺾ : ﻻ ﺍﻟﺤﻤﺪﻟﻠﻪ ﮔﺎﻟﻮﺍ ﺣﻴﻄﻠﻌﻮﻫﺔ ﺑﻌﺪ ﺷﻮﻳﺔ .. ﻳﺎﻟﻠﻪ ﻫﻤﻦ ﺍﻳﺪﭼﻦ ﺟﻬﺰﻥ ﺍﻟﻌﺸﺔ ﺟﺎﻳﻴﻦ ﺧﻄﺎﺭ ﻛﻮﻣﺔ
ﮔﻤﻨﻪ ﻣﻨﻨﺪﻝ ﺭﺍﺳﻨﻪ ﻣﻦ ﺭﺟﻠﻴﻨﻪ ﻭﺣﺪﺓ ﺗﺘﻼﻃﺦ ﻭﻳﺔ ﺍﻟﺜﺎﻧﻴﺔ ﻣﻦ ﺍﻻﺳﺘﻌﺠﺎﻝ ﺳﻤﻴﺮﺓ ﻭﺳﺎﺭﺓ ﻭﻧﻬﺎﺩ ﻭﻏﺪﻳﺮ ﻭﺑﺮﺍﺀ ﻭﻧﻮﺭ ﻭﺍﻧﻲ ﻛﻮﻟﻨﻪ ﻧﺸﺘﻐﻞ ﻭﻧﻄﺒﺦ ﻧﺎﺱ ﺗﻐﺴﻞ ﻣﻮﺍﻋﻴﻦ ﻭﻧﺎﺱ ﺗﺮﺗﺐ ﻭﻭﻭ .... ﻋﻠﻰ ﻫﺎﻟﺤﺎﻝ
ﺣﺴﻴﺖ ﺭﺟﻠﻴﺔ ﺧﻴﻮﻁ ﺻﺎﺭﻥ ﻣﻦ ﺍﻟﺘﻌﺐ ﺭﺣﺖ ﻓﻮﮒ ﺍﻏﺴﻞ ﻭﺍﺑﺪﻝ ﻻﻥ ﻛﻤﻠﻨﻪ ﻭﺭﺍﺡ ﻳﺠﻴﺒﻮﻥ ﺟﻨﺎﻥ ﻭﺍﻫﻠﻬﺔ ﻭﻣﻌﺎﺭﻓﻬﻢ ﻏﺴﻠﺖ ﻋﺎﻟﺴﺮﻳﻊ ﻭﻟﺒﺴﺖ ﻓﺴﺘﺎﻥ ﻟﻮﻧﻪ ﻣﺎﺭﻭﻧﻲ ﻃﻮﻳﻞ ﻭﺑﻲ ﺭﺩﺍﻧﺎﺕ ﺑﺲ ﻣﺨﺼﺮ ﻋﻠﻰ ﺟﺴﻤﻲ
ﻟﻔﻴﺖ ﺷﺎﻝ ﺍﺳﻮﺩ ﻭﺍﺑﻴﺾ ﻭﺑﻲ ﺯﺧﺎﺭﻑ ﺑﺎﻟﻠﻮﻥ ﺍﻟﻤﺎﺭﻭﻧﻲ ﻭﺭﺗﺒﺖ ﻧﻔﺴﻲ ﻭﺣﻄﻴﺖ ﻋﻄﺮ ﻭﺣﻤﺮﺓ ﺧﻔﻴﻔﺔ ﻭﻣﺴﻜﺎﺭﺓ ﺳﻮﺩﺓ ﻭﺧﻴﻂ ﻛﺤﻠﺔ
ﺑﺎﻭﻋﺖ ﻟﻨﻔﺴﻲ
_ ﺍﻱ ﻫﻴﭻ ﺍﻭﻛﻲ
ﻃﻠﻌﺖ ﺑﺴﺮﻋﺔ ﻭﺷﻠﺖ ﻓﻮﻧﻲ ﻭﻳﺎﻱ ﺧﺎﻑ ﺍﺣﺪ ﻳﺘﺼﻞ ﺑﻴﻪ ﻭﻣﺤﺎﺳﺔ
ﺳﺎﺭﺓ : ﺍﻟﻠﻪ ﺷﻬﺎﻟﺠﻤﺎﻝ ﻭﺍﻻﻧﺎﻗﺔ
_ ﺗﺴﻠﻤﻴﻦ ﺣﻴﺎﺗﻲ ﺍﻧﺘﻲ ﺍﻟﺠﻤﺎﻝ ﻛﻮﻟﺔ
ﺳﺎﺭﺓ : ﻫﻬﻬﻪ ﻭﻟﭻ ﻳﺎﺟﻤﺎﻝ ﻭﺍﻧﻲ ﺷﻴﺒﺖ ﺷﻮﻓﻲ ﻧﻔﺴﭻ ﻣﺎﺷﺎﺀﺍﻟﻠﻪ ﻋﻠﻴﭻ ﺍﻟﻠﻬﻢ ﺻﻞ ﻋﻠﻰ ﻣﺤﻤﺪ ﺗﻌﺎﻱ ﺍﻗﺮﻱ ﻋﻠﻴﭻ ﺧﺎﻑ ﻳﺤﺴﺪﻧﭻ ﺗﻌﺮﻓﻴﻦ ﻋﻴﻮﻧﻬﻦ ﺣﺎﺭﺓ 😉
_ ﻫﻬﻬﻪ ﻭﺍﻟﻠﻪ ﻋﻠﻴﭻ ﺳﻮﺍﻟﻒ
ﻭﮔﻔﺖ ﻭﻫﻲ ﺗﻘﺮﺓ ﻭﺗﻨﻔﺦ ﻋﻠﻴﺔ : ﺍﻧﺸﺎﻟﻠﻪ ﺍﺑﺘﻌﺪ ﻛﻞ ﻋﻴﻦ ﺣﺎﺭﺓ ﻭﻛﻞ ﺍﻟﺸﺮ ﻋﻨﭻ
_ ﺍﻧﺸﺎﻟﻠﻪ
ﺷﻔﺖ ﺩﺧﻠﻮﺍ ﻧﺎﺱ ﻣﺎ ﺍﻋﺮﻓﻬﻢ ﻭﺷﻔﺖ ﻣﺮﺗﻀﻰ ﺳﺎﻧﺪ ﺟﻨﺎﻥ ﻭﺳﻨﺪﺱ ﺷﺎﻳﻠﺔ ﺍﻟﻄﻔﻠﺔ ﺑﻴﺪﻫﺔ
ﺗﺤﻤﺪﻧﺎﻟﻬﺔ ﻋﻠﻰ ﺍﻟﺴﻼﻣﺔ ﻭﺑﺎﺭﻛﻨﻪ ﻟﻤﺮﺗﻀﻰ ﻭﻫﻮ ﻓﺮﺣﺎﻥ ﺑﺎﻟﻄﻔﻠﺔ ﺷﺎﻳﻠﺔ ﻭﻳﺒﻮﺱ ﺑﻴﻬﺔ
ﺭﺣﺖ ﻟﻠﻤﻄﺒﺦ ﺻﺒﻴﺖ ﻟﺠﻨﺎﻥ ﻣﻲ ﺩﺟﺎﺝ ﻭﺣﻤﻴﺘﻪ ﻭﺭﺣﺖ ﻳﻤﻬﺔ
_ ﺗﻔﻀﻠﻲ ﻳﺴﻨﺪ ﻧﻔﺴﭻ ﻫﺴﺘﻮﭺ ﻃﺎﻟﻌﺔ ﻣﻦ ﺍﻟﻮﻻﺩﺓ
ﺑﺎﻭﻋﺘﻠﻲ ﺑﺘﻌﺐ : ﺷﻜﺮﺍ ﺭﺣﻤﺔ ﺍﻟﻠﻪ ﻭﺍﻟﺪﻳﭻ
ﮔﻌﺪﺕ ﺑﺼﻔﻬﺔ ﺍﻭﻛﻠﻬﺔ ﺧﻄﻴﺔ ﻣﺎﻋﺪﻫﺔ ﺍﻱ ﻃﺎﻗﺔ ﻭﻓﻮﮔﺎﻫﺔ ﻫﻲ ﭼﺒﻴﺮﺓ ﻋﻠﻰ ﺍﻟﺤﻤﻞ 38 ﺳﻨﺔ ﺍﻟﻠﻪ ﻳﻌﻴﻨﻬﺔ
ﺍﺑﺘﺴﻤﺘﻠﻲ ﺑﺎﻣﺘﻨﺎﻥ : ﺭﺣﻤﺔ ﺍﻟﻠﻪ ﻭﺍﻟﺪﻳﭻ ﻣﺎﺭﻳﺪ ﺑﻌﺪ ﺷﺒﻌﺖ
ﺣﭽﺖ ﻭﺣﺪﺓ ﻣﻦ ﺍﻟﺨﻄﺎﺭ ﺍﻋﺘﻘﺪ ﺗﺼﻴﺮ ﺍﺧﺖ ﺟﻨﺎﻥ ﻻﻥ ﺗﺸﺒﻬﺔ : ﺍﻧﺘﻲ ﻣﻮ ﻣﺮﺕ ﺳﻴﺪ ﻗﺎﺳﻢ
_ ﺍﻱ ﺧﺎﻟﺔ
ﺍﺧﺖ ﺟﻨﺎﻥ : ﻳﺎ ﻣﺎﺷﺎﺀﺍﻟﻠﻪ ﻭﻳﻦ ﻟﮕﺎﭺ ﺗﺨﺒﻠﻴﻦ ﺯﻳﻦ ﻋﻨﺪﭺ ﺧﻮﺍﺕ
ﺍﺑﺘﺴﻤﺖ ﺑﺨﺠﻞ _ ﺍﻱ ﺧﺎﻟﺔ ﺛﻼﺛﺔ
ﺍﺧﺖ ﺟﻨﺎﻥ ﺑﻔﺮﺡ : ﺍﻱ ﺑﺎﻟﻠﻪ ﻣﺘﺰﻭﺟﺎﺕ ﻻ
_ ﺍﻱ ﻛﻮﻟﻬﻦ ﻭﻋﺪﻫﻦ ﺍﻃﻔﺎﻝ
ﺷﻔﺘﻬﺔ ﻋﺒﺴﺖ ﻋﺎﺩ ﺣﭽﺖ ﻭﺣﺪﺓ ﻋﺠﻮﺯ : ﻳﺎ ﺧﺎﻳﺒﺔ ﺗﺮﺩﻳﻦ ﻟﺤﻤﺎﭺ ﻭﺣﺪﺓ ﻣﺜﻞ ﺑﺤﺮ ﻭﻳﻦ ﺗﻠﮕﻴﻦ ﻣﻨﻬﺔ ﺍﺻﻼ ﻣﻮ ﺯﻳﻦ ﻟﮕﻪ ﻭﺣﺪﺓ ﻣﺜﻠﻬﺔ ﺍﻟﺴﻴﺪ
ﺍﺧﺖ ﺟﻨﺎﻥ : ﻳﺎﺍﺍ ﻳﻤﻪ ﺷﺠﺎﭺ ﺍﻛﻠﺘﻴﻨﻲ ﻭﺷﺮﺑﺘﻴﻨﻲ
ﺳﻨﺪﺱ : ﺍﺻﻼ ﻣﺎﻛﻮ ﺑﻨﺎﺕ ﺍﻟﺤﻠﻮﺍﺕ ﻳﻨﺄﺧﺬﻥ ﺑﺴﺮﻋﺔ ﻭﺍﻟﺠﮕﻤﺎﺕ ﻳﺨﻴﺴﻦ ﺑﻴﺖ ﺍﻫﻠﻬﻦ
ﺿﻠﻴﺖ ﺻﺎﻓﻨﻪ ﻋﻠﻰ ﺍﻟﻤﺜﺎﻝ ﺍﻻﺧﺬﺗﻪ ﻋﻠﻰ ﺍﻟﺒﻨﺎﺕ ﻋﺎﺑﺖ ﺷﻠﻮﻥ ﺗﻤﺜﻴﻞ
ﺳﻤﻌﺖ ﺻﻮﺕ ﺍﻟﻔﻮﻥ ﻳﺪﮒ ﺍﺧﺬﺗﻪ ﻣﻦ ﺍﻟﻘﻨﻔﺔ ﻭﺷﻔﺖ ﻗﺎﺳﻢ ﺩﺍﮒ ﻋﻠﻴﺔ
_ ﺍﻟﻮ
ﻗﺎﺳﻢ : ﺍﺣﻤﻤﻢ ﺑﺤﺎﺭ ﺳﻮﻳﻠﻲ ﻃﺮﻳﻖ ﺍﺭﻳﺪ ﺍﺻﻌﺪ ﺍﺑﺪﻝ ﻣﺎﮔﺪﺭ ﺍﺩﺧﻞ ﻛﻠﺔ ﺑﻨﺎﺕ ﻏﺮﻳﺒﺎﺕ
_ ﺍﻭﻛﻲ ﻫﺴﺔ ﺟﺎﻳﺔ
ﺳﺪﻳﺖ ﺍﻻﺗﺼﺎﻝ ﻭﺑﺎﻭﻋﺖ ﻟﻠﺒﻨﺎﺕ _ ﺑﻼﺯﺣﻤﺔ ﻋﻠﻴﭽﻦ ﺍﻟﺴﻴﺪ ﻳﺮﻳﺪ ﺍﺳﻮﻳﻠﺔ ﻃﺮﻳﻖ ﺍﻟﺒﺴﻦ ﺣﺠﺎﺑﭽﻦ
ﻫﻨﺔ ﻛﻮﻟﻬﻦ ﻟﺒﺴﻦ ﻭﺍﻧﻲ ﺭﺣﺖ ﻟﻘﺎﺳﻢ ﭼﺎﻥ ﺑﺎﻟﻤﻄﺒﺦ
_ ﻳﺎﻟﻠﻪ ﺳﻮﻳﺘﻠﻚ ﻃﺮﻳﻘﻚ ﺷﺘﺮﻳﺪ ﺑﻌﺪ 😉
ﻗﺎﺳﻢ ﺑﺎﺻﺮﺍﺭ : ﻣﺘﺄﻛﺪﺓ ﻻﺑﺴﺎﺕ ﺣﺠﺎﺑﻬﻦ ﻭﻣﺘﺴﺘﺮﺍﺕ
_ ﺍﻣﻤﻢ ﺍﻱ ﺑﺲ ﺍﻛﻮ ﻛﻢ ﻭﺣﺪﺓ ﺍﻋﺘﻘﺪ ﻫﻨﺔ ﺣﺠﺎﺑﻬﻦ ﻣﻮﺷﻲ ﻻﻥ ﻣﺎﻫﺘﻤﻦﺑﺎﻭﻋﻠﻲ ﺑﻨﻈﺮﺓ ﻫﺎﺩﺋﺔ : ﻣﻮ ﻣﺸﻜﻠﺔ
ﺑﻌﺪﻳﻦ ﺿﻞ ﺻﺎﻓﻦ ﻋﻠﻰ ﻣﻼﺑﺴﻲ ﻭﺍﺷﺮ ﻋﻠﻴﺔ : ﻫﺎﻱ ﺍﻧﺸﺎﻟﻠﻪ ﻫﻴﭻ ﺗﻔﺘﺮﻳﻦ ﺑﺎﻟﺒﻴﺖ
_ ﺍﻱ ﻋﺎﺩﻱ
ﻗﺎﺳﻢ : ﺷﻨﻮ ﻋﺎﺩﻱ ﻡ ﺯﻟﻤﻄﺎﺑﺔ ﻭﻃﺎﻟﻌﺔ
_ ﻻ ﺍﻧﻲ ﻣﺎﺧﺬﺓ ﻣﺤﺬﺭﻱ ﻣﺎﻛﻮ ﺍﺣﺪ ﺍﺻﻼ ﺷﺎﻓﻨﻲ ﻟﺤﺪ ﻫﺴﺔ
~ ﻧﺰﻝ ﺭﺍﺳﺔ ﻭﻃﻠﻊ ﻣﻦ ﺍﻟﻤﻄﺒﺦ ﺻﺎﺡ ﺣﺘﻪ ﻳﻌﺮﻓﻮﻥ ﺑﻮﺟﻮﺩﺓ ~ ﻳﺎﻟﻠﻪ ﻳﺎﻟﻠﻪ
ﺻﻌﺪ ﻟﻠﻐﺮﻓﺔ ﻭﺍﻧﻲ ﻭﺭﺍ ﺩﺧﻠﺖ ﻭﺳﺪﻳﺖ ﺍﻟﺒﺎﺏ
ﻗﺎﺳﻢ : ﺑﺴﺮﻋﺔ ﺣﻈﺮﻳﻠﻲ ﻣﻼﺑﺴﻲ ﻃﻠﻌﻴﻠﻲ ﺩﺷﺪﺍﺷﺔ
ﺩﺧﻞ ﻫﻮ ﻟﻠﺤﻤﺎﻡ ﻳﻐﺴﻞ ﻭﺍﻧﻲ ﺣﻈﺮﺗﻠﺔ ﺩﺷﺪﺍﺷﺔ ﻛﺮﻳﻤﻴﺔ ﻭﺩﺍﺧﻠﻴﺎﺕ
ﺿﻠﻴﺖ ﮔﺎﻋﺪﺓ ﻭﺗﺬﻛﺮﺕ ﺧﻠﻴﺖ ﻧﻬﺎﺩ ﻭﺳﻤﻴﺮﺓ ﻭﺣﺪﻫﻦ ﺑﺎﻟﻤﻄﺒﺦ ﻳﺒﻮﻭﻭ ﻫﺴﺔ ﻳﺴﺒﻨﻲ
ﻃﻠﻌﺖ ﺑﺴﺮﻋﺔ ﺍﺭﻛﺾ ﻭﻧﺰﻟﺖ ﺟﻮﺓ ﺍﻟﺤﻤﺪﻟﻠﻪ ﻣﺎ ﻣﻼﺣﻈﺎﺕ ﺍﻓﺘﻘﺎﺩﻱ ﺑﺪﻳﻨﻪ ﻧﻨﻘﻞ ﺍﻟﻤﺎﻋﻴﻦ ﻟﻠﺴﻔﺮﺓ ﻭﺍﻧﻲ ﺣﻈﺮﺕ ﺻﻴﻨﻴﺔ ﻟﺠﻨﺎﻥ ﺷﻮﺭﺑﺔ ﻭﻋﺼﻴﺮ ﺑﺮﺗﻘﺎﻝ ﻭﺻﻤﻮﻥ ﻭﻛﺒﺎﺏ ﺷﻮﻱ ﻭﻣﻘﺒﻼﺕ ﻭﻧﺺ ﺩﺟﺎﺟﺔ ﻣﺸﻮﻳﺔ ﺣﻈﺮﺗﻪ ﻭﺭﺗﺒﺘﻪ ﻭﺍﺧﺬﺗﻪ ﺍﻟﻬﺔ
ﺩﺧﻠﺖ ﻭﺷﻔﺘﻬﺔ ﻣﺘﻤﺪﺩﺓ ﻭﻭﺟﻬﺔ ﺍﺻﻔﺮ ﻭﺑﺘﻬﺔ ﻧﺎﻳﻤﻪ ﺑﺎﻟﻜﺎﺭﻭﻙ
_ ﺷﻠﻮﻥ ﺻﺮﺗﻲ
ﺣﭽﺖ ﺑﺘﻌﺐ : ﺍﻟﺤﻤﺪﻟﻠﻪ ﺑﺲ ﺍﻻﻟﻢ ﻳﺮﻭﺡ ﻭﻳﺠﻴﻨﻲ
_ ﺍﻟﻠﻪ ﺍﻧﺸﺎﻟﻠﻪ ﺗﺼﻴﺮ ﺳﻮﺍﻟﻒ ﺍﻭﻛﻠﭻ ﻟﻮ ﺗﮕﺪﺭﻳﻦ ﺗﺎﻛﻠﻴﻦ
ﺟﻨﺎﻥ : ﻻ ﺍﻧﻲ ﺍﻛﻞ
ﻗﺮﺑﺖ ﺍﻟﺼﻴﻨﻴﺔ ﻋﻠﻴﻬﺔ ﻭﻫﻲ ﻣﺪﺕ ﺍﻳﺪﻫﺔ ﻭﺗﺮﻋﺶ ﻣﺎﻋﺪﻫﺔ ﺍﻋﺼﺎﺏ
_ ﻋﻮﻓﻲ ﺍﻧﻲ ﺍﻭﻛﻠﭻ
ﺑﺪﻳﺖ ﺍﺳﻮﻳﻠﻬﺔ ﻟﮕﻢ ﻭﻫﻴﺔ ﺗﺎﻛﻞ ﻭﺗﺒﺎﻭﻋﻠﻲ ﺑﻨﻈﺮﺓ ﻧﺪﻡ ﻣﺪﺭﻱ ﺣﺰﻥ ﻣﻌﺮﻓﺖ ﺷﻨﻮ ﻧﻈﺮﺗﻬﺔ
_ ﻳﺎﻟﻠﻪ ﺍﻟﺤﻤﺪﻟﻠﻪ ~ ﺷﻠﺖ ﺍﻟﺼﻴﻨﻴﺔ ~ ﻫﺴﺔ ﺍﺟﻴﭻ ﺍﻏﺴﻞ ﻭﺍﻭﺩﻱ ﺍﻟﺼﻴﻨﻴﺔ
ﻫﺰﺗﻠﻲ ﺑﺮﺍﺳﻬﺔ ﻭﺍﻧﻲ ﺭﺣﺖ ﻏﺴﻠﺖ ﻣﻮﺍﻋﻴﻦ ﺍﻟﺼﻴﻨﻴﺔ ﺣﺘﻪ ﻣﻴﺘﻜﻮﻣﻦ ﻫﻮﺍﻳﺔ ﻏﺴﻠﺖ ﺍﻳﺪﻱ ﻭﺭﺟﻌﺘﻠﻬﺔ ﺷﻠﺖ ﺍﻟﻄﻔﻠﺔ ﻣﻦ ﺍﻟﻜﺎﺭﻭﻙ ﻭﺑﺴﺘﻬﺔ ﺑﺨﺪﻫﺔ _ ﺍﻭﻭﻭﻱ ﺷﻬﺎﻟﺠﻤﺎﻝ ﺑﻨﻮﺗﺎﺕ ﺍﻧﺘﻲ ﻓﺪﺩﺩﻭﺓ
ﺑﺎﻭﻋﺖ ﻟﺠﻨﺎﻥ : ﺷﻨﻮ ﺳﻤﻴﺘﻴﻬﺔ
ﺟﻨﺎﻥ ﺑﺎﺑﺘﺴﺎﻣﻪ ﻣﺘﻌﺒﺔ : ﻫﺪﻳﻞ
_ ﺍﻣﻤﻤﻢ ﻫﺪﻳﻞ ﺣﻠﻮ ﻳﻤﻪ ﻓﺪﻭﺓ ﻟﻠﺒُﻨﻴﺎﺕ ﺍﻟﻜﺘﻜﻮﺗﺎﺕ
ﺭﺣﺖ ﻳﻢ ﺟﻨﺎﻥ _ ﻳﺎﻟﻠﻪ ﺭﺿﻌﻴﻬﺔ ﺧﻄﻴﺔ ﺗﻠﮕﻴﻬﺔ ﺟﺎﻋﺖ
ﻃﻠﻌﺖ ﺻﺪﺭﻫﺔ ﻭﺍﺧﺬﺗﻬﺔ ﻣﻨﻲ ﻭﻫﺪﻳﻞ ﺑﺴﺮﻋﺔ ﺗﻘﺒﻠﺖ ﺣﻠﻴﺐ ﺍﻣﻬﺔ ﺍﺑﺘﺴﻤﺖ ﺑﺤﺰﻥ
ﻭﺍﻧﻲ ﺑﺒﺎﻟﻲ ﻳﻌﻨﻲ ﺍﻧﻲ ﺣﺘﻪ ﻣﺮﺿﻌﺖ ﻣﻦ ﺣﻠﻴﺐ ﻣﺎﻣﺎ ﺭﺿﻌﺘﻨﻲ ﻣﺮﺕ ﺧﺎﻟﻲ ﻭﺍﻧﻲ ﺭﺿﻴﻌﺔ
ﺗﻨﻬﺪﺕ ﺑﺤﺴﺮﺓ ﻭﺗﺮﻛﺘﻬﻦ ﻭﻃﻠﻌﺖ ﻭﺭﺣﺖ ﺗﻌﺸﻴﺖ ﻟﮕﻴﺘﻬﻢ ﺍﺧﺮ ﺷﻲ ﺩﻳﮕﻮﻣﻮﻥ ﺳﻮﻳﺘﻠﻲ ﻟﻔﺔ ﺑﺴﺮﻋﺔ ﻭﮔﻤﺖ ﺍﻛﻞ ﺑﻴﻬﺔ ﻭﻫﻤﺔ ﺷﺎﻟﻮﺍ ﺍﻟﺴﻔﺮﺓ
ﭼﺎﻧﺖ ﺍﻟﺴﻔﺮﺓ ﺑﺲ ﻟﻠﻨﺴﻮﺍﻥ ﻣﺎﻝ ﺍﻟﺰﻟﻢ ﺑﺎﻻﺳﺘﻘﺒﺎﻝ ﭼﺎﻧﺖ
ﻧﻬﺎﺩ : ﮔﻮﻣﻲ ﻇﻬﺮﻧﻪ ﻧﻜﺴﺮ ﻣﻦ ﺍﻟﺸﻐﻞ ﮔﻮﻣﻲ ﺳﺎﻋﺪﻳﻨﻪ
_ ﻫﺴﺔ ﺑﺲ ﺍﻛﻤﻞ ﻟﻔﺘﻲ ﻭﺍﺟﻲ
ﻧﻬﺎﺩ ﺑﺴﺨﺮﻳﺔ : ﻟﻴﺶ ﻭﻳﻦ ﭼﻨﺘﻲ ﻣﺎ ﺗﻌﺸﻴﺘﻲ ﻭﻳﺎﻧﻪ
_ ﭼﻨﺖ ﻳﻢ ﺍﻡ ﻣﺼﻄﻔﻰ ﺍﻭﻛﻠﻬﺔ ﺧﻄﻴﺔ ﺗﻌﺒﺎﻧﻪ
ﻟﻮﺕ ﺷﻔﺎﻳﻔﺔ ﺑﺎﻧﺰﻋﺎﺝ : ﻋﻤﻮﻣﺎ ﻣﻦ ﺗﻜﻤﻠﻴﻦ ﺗﻌﺎﻟﻲ ﻋﻮﺩ
ﺣﭽﻴﺖ ﺑﻌﺪﻡ ﺍﻫﺘﻤﺎﻡ ﻭﺍﻟﻠﮕﻤﺔ ﺑﺤﻠﮕﻲ _ ﻣﻴﺨﺎﻟﻒ
ﺑﺎﻭﻋﺘﻠﻲ ﺑﻘﺮﻑ ﻭﺭﺍﺣﺖ ﻇﻠﻴﺖ ﺻﺎﻓﻨﻪ ﺷﺒﻴﻬﺔ ﻫﺎﻳﺔ ﺣﺘﻪ ﻃﺮﻳﻘﺘﻲ ﻳﺎﻻﻛﻞ ﻣﺮﺗﺒﺔ ﻭﻧﻈﻴﻔﺔ ﺑﻌﺪ ﺷﻨﻮ ﻫﺎﻟﻨﻈﺮﺍﺕ ﺍﻭﻭﻱ
ﻛﻤﻠﺖ ﻟﻔﺘﻲ ﻭﺭﺣﺖ ﻭﻳﺎﻫﻦ ﻭﻏﺴﻞ ﻭﺷﻐﻞ ﻣﺎ ﺧﻠﺼﻨﻪ ﻟﺤﺪ ﻣﻄﻠﻌﻮﺍ ﺍﻟﺨﻄﺎﺭ
ﺻﻌﺪﺕ ﻓﻮﮒ ﻭﺍﻧﻲ ﻇﻬﺮﻱ ﻣﻨﻜﺴﺮ ﺩﺧﻠﺖ ﻟﻐﺮﻓﺘﻲ ﻭﺷﻔﺖ ﻗﺎﺳﻢ ﻣﺘﻤﺪﺩ
ﻧﻤﺖ ﻋﻞ ﺍﻟﻔﺮﺍﺵ ﻭﺍﺣﺲ ﻇﻬﺮﻱ ﮔﺎﻡ ﻳﻄﮕﻄﮓ
_ ﺁﺁﺁﺁﺁﺁﺁﻱ ﻳﻤﺎﻱ ﻇﻬﺮﻱ ﺩﻳﻤﻮﺗﻨﻲ
ﻗﺎﺳﻢ : ﺍﻟﻠﻪ ﻳﺴﺎﻋﺪﭺ ٌ
_ ﺍﻱ ﻭﺍﻟﻠﻪ ﺣﻴﻞ ﺗﻌﺒﺖ ﻣﻦ ﺍﻟﻌﺼﺮ ﻟﺴﺔ
ﻗﺎﺳﻢ : ﺑﺤﺎﺭ
ﺣﭽﻴﺖ ﺑﻨﻌﺎﺱ _ ﺍﻣﻤﻢ
: ﮔﻮﻣﻲ ﺑﺪﻟﻲ ﻳﺎﻟﻠﻪ ﺗﻨﺎﻣﻴﻦ
ﮔﻤﺖ ﺑﺘﻌﺐ ﺍﺧﺬﺕ ﺑﺠﺎﻣﺔ ﻟﻮﻧﻬﺔ ﻧﻴﻠﻴﺔ ﻭﺩﺧﻠﺖ ﻟﻠﺤﻤﺎﻡ ﺑﺪﻟﺖ ﻭﻃﻠﻌﺖ ﻣﺸﻄﺖ ﺷﻌﺮﻱ ﻭﺧﻠﻴﺖ ﺍﻟﻌﻄﺮ ﻭﻭﻗﺘﺖ ﺗﻠﻔﻮﻧﻲ ﻭﻏﻤﻀﺖ ﻋﻴﻮﻧﻲ
ﻗﺎﺳﻢ : ﺑﺤﺎﺭ ﺑﻌﺪﭺ ﮔﺎﻋﺪﺓ
ﺍﺣﺲ ﻋﻴﻮﻧﻲ ﻣﻴﻨﻔﺘﺤﻦ ﻣﻦ ﺍﻟﻨﻌﺎﺱ : ﻣﻤﻢ
ﻗﺎﺳﻢ : ﻧﺎﻳﻤﺔ ﻟﻮ ﮔﺎﻋﺪﺓ
ﻣﺠﺎﻭﺑﺘﺔ ﻣﺎﻟﻲ ﺧﻠﮓ ﺍﺣﺴﺔ ﺑﺲ ﻳﺘﮕﻠﺐ ﻭ ﻳﻨﺎﻓﺦ ﻭﺍﻧﻲ ﺑﻴﻦ ﺍﻟﻮﻋﻲ ﻭﺍﻟﻼﻭﻋﻲ
ﺣﺴﻴﺖ ﺍﻧﻔﺎﺳﺔ ﻳﻢ ﺍﺫﻧﻲ ﻭﻫﻤﺲ ﺻﻮﺕ ﻧﺎﺻﻲ : ﺑﺤﺎﺭ ﮔﺎﻋﺪﺓ
ﻣﺠﺎﻭﺑﺘﻪ ﻫﻮ ﺍﻧﻲ ﺑﻴﺎ ﺣﺎﻟﺔ ﻣﻴﺘﻪ ﺗﻌﺐ ﺍﻟﻠﻲ ﺧﻠﮓ ﺍﺟﺎﻭﺏ
ﺣﺴﻴﺘﻪ ﺣﺎﻭﻃﻨﻲ ﻣﻦ ﺧﺼﺮﻱ ﻭﺩﻓﻦ ﻭﺟﻬﺔ ﺑﺮﮔﺒﺘﻲ ﺟﺴﻤﻲ ﺗﻘﺸﻌﺮ ﻣﻦ ﻫﻴﭻ ﺳﻮﺓ ﻭﺍﺣﺲ ﺩﮔﺎﺕ ﮔﻠﺒﻲ ﺳﺮﻳﻌﺔ ﻭﺗﻨﻔﺴﻲ ﻏﻴﺮ ﻣﻨﺘﻈﻢ
ﺣﺴﻴﺖ ﺑﺎﻧﻔﺎﺳﺔ ﺍﻧﺘﻈﻤﺖ ﻇﻤﻴﺖ ﺭﺍﺳﻲ ﺑﺼﺪﺭﺓ ﻭﻏﻤﺼﺖ ﻋﻴﻮﻧﻲ ﺷﻌﻮﺭ ﺍﻻﻣﺎﻥ ﻭﺍﻟﻄﻤﺌﻨﻴﻨﻪ ﺑﺲ ﻣﻮﺟﻮﺩﺓ ﺑﺤﻈﻨﻪ ﻋﻄﺮﺓ ﺩﺧﻞ ﻟﺠﻴﻮﺏ ﺍﻧﻔﻲ ﺍﺳﺘﻨﺸﻘﺖ ﻭﺭﻳﺤﺘﻪ ﻃﻴﺒﺔ ﻋﻄﺮﺓ ﺻﻴﺐ ﻭﻳﺔ ﺭﻳﺤﺔ ﻧﺮﮔﻴﻠﺔ ﻭﻋﻄﺮ ﺟﺴﻤﻪ ﺻﺎﻳﺮ ﺍﻟﺮﻳﺤﺔ ﻓﺪﺷﻲ
ﺍﺑﺘﺴﻤﺖ ﺑﺮﺍﺣﺔ ﺷﻌﻮﺭ ﺍﻭﻝ ﻣﺮﺓ ﺍﺣﺴﺔ ﻭﻣﺤﺎﺳﺘﻪ ﺑﺲ ﻳﻤﻪ ﺣﺘﻰ ﺣﺴﻴﻦ ﺍﻟﻤﺮﺣﻮﻡ ﻣﻮ ﻫﻴﭻ ﻻ ﻣﺸﺎﻋﺮ ﺍﻭﻝ ﻣﺮﺓ ﺍﺧﻮﺿﻬﺔ
ﺣﺴﻴﺘﻪ ﻗﺮﺑﻨﻲ ﺍﻟﺔ ﺍﻛﺜﺮ ﺑﺤﻴﺚ ﺻﺮﺕ ﻗﺮﻳﺒﺔ ﺣﻴﻞ ﻣﻴﻔﺼﻠﻨﻪ ﻭﻻﺷﻲ ﻭﺭﺣﺖ ﺑﻌﺎﻟﻢ ﺍﻻﺣﻼﻡ
ﺳﻤﻌﺖ ﺗﻠﻔﻮﻧﻲ ﻳﺮﻥ ﻓﺘﺤﺖ ﺗﻚ ﻋﻴﻦ ﻭﺳﺪﻳﺖ ﺍﻟﻤﻨﺒﻪ ﺑﻌﺪﺕ ﺍﻳﺪﺓ ﻋﻦ ﺧﺼﺮﻱ ﻭﮔﻤﺖ ﺑﺪﻟﺖ ﺑﺴﺮﻋﺔ ﻭﻧﺰﻟﺖ ﺟﻮﺓ ﺳﻮﻳﺘﻠﻲ ﮔﻬﻮﺓ ﻭﺷﺮﺑﺘﻬﺔ ﺭﻣﺸﻠﻲ ﺍﻟﺴﺎﻳﻖ ﻭﺍﻧﻲ ﻃﻠﻌﺘﻠﺔ ﻭﺩﺍﻭﻣﺖ ﻳﻮﻣﻲ ﺍﻟﻤﻌﺘﺎﺩ ﻣﺎﻛﻮ ﺷﻲ ﺟﺪﻳﺪ ﻭﺍﻣﺠﺪ ﻣﺎ ﺍﺷﻮﻓﺔ ﻻﻥ ﻫﻮ ﺑﻐﻴﺮ ﻣﻜﺎﻥ ﺍﺻﻼ ﻧﻠﺘﻘﻲ ﺑﺲ ﺍﻟﻄﺒﺔ ﻭﺍﻟﻄﻠﻌﺔ ﻓﻘﻂ ﻭﺣﭽﻴﺖ ﻭﻳﺔ ﺍﻟﺒﻨﺎﺕ ﻭﺳﻮﻟﻔﻨﻪ ﺳﻮﺍﻟﻒ ﻋﺎﺩﻳﺔ ﻭﺗﻤﺎﺭﺓ ﻣﺘﺤﻤﺴﺔ ﻟﺨﻄﻮﺑﺘﻬﺔ ﻭﺍﺣﻨﻪ ﻓﺮﺣﺎﻧﺎﺕ ﺍﻟﻬﺔ
ﺧﻠﺺ ﺩﻭﺍﻣﻲ ﻭﺭﺟﻌﺖ ﻟﻠﺒﻴﺖ ﻭﺍﻧﻲ ﻣﻴﺘﻪ ﺗﻌﺐ ﺍﻟﺘﻔﻜﻴﺮ ﻧﺨﺮ ﺭﺍﺳﻲ ﻧﺨﺮ ﺗﻌﺎﻱ ﺍﺣﺴﺒﻲ ﻭﻗﺴﻤﻲ ﻭﺳﻮﻱ ﻭﺍﻧﻲ ﻣﻨﺎ ﻋﻘﻠﻲ ﺷﻠﻮﻧﻪ ﻣﻮ ﺍﻧﻮﺏ ﺭﻳﺎﺿﻴﺎﺕ
ﺳﻠﻤﺖ ﻋﻠﻴﻬﻢ ﻭﻫﻢ ﭼﺎﻧﻮﺍ ﻳﺘﻐﺪﻭﻥ ﺻﻌﺪﺕ ﻓﻮﮒ ﻭﺑﺪﻟﺖ ﻭﻧﻤﺖ ﻣﻴﺘﻪ ﺗﻌﺐ ﻣﺎﺭﻳﺪ ﺷﻲ ﻏﻴﺮ ﺍﻟﻨﻮﻡ
ﮔﻌﺪﺕ ﺑﺎﻟﻠﻴﻞ ﻭﺍﻧﺼﺪﻣﺖ ﻋﺰﺯﺯﺓ ﺻﺎﺭﺕ ﺑﺎﻟﺜﻤﺎﻧﻴﺔ ﻭﺍﻧﻲ ﺑﻌﺪﻧﻲ ﻧﺎﻳﻤﻪ
ﺿﻠﻴﺖ ﻣﺘﻤﺪﺩﺓ ﺑﺎﻟﻔﺮﺍﺵ ﻭﻋﻠﻰ ﺳﺎﻋﺔ ﺍﺟﺘﻨﻲ ﺫﻛﺮﻯ ﻣﻦ ﻗﺎﺳﻢ ﻣﻦ ﺑﺎﺳﻨﻲ ﺑﺎﻟﺤﺪﻳﻘﺔ ﺩﮔﺎﺕ ﮔﻠﺒﻲ ﻏﻴﺮ ﻣﻨﺘﻈﻤﺔ ﻭﺍﻟﺨﺠﻞ ﻣﺼﺎﺣﺒﻨﻲ
ﻏﻄﻴﺖ ﻭﺟﻬﻲ ﺑﺎﻳﺪﻱ ﻣﻦ ﺍﻟﺬﻛﺮﻯ
ﮔﻤﺖ ﺧﻠﻴﺖ ﺍﻟﺸﻴﺮﺓ ﺑﺎﻟﺜﻼﺟﺔ ﻧﺺ ﺳﺎﻋﺔ ﻭﻃﻠﻌﺘﻬﺔ ﺭﺣﺖ ﻗﻔﻠﺖ ﺍﻟﺒﺎﺏ ﻭﺷﻴﺮﺕ ﺟﺴﻤﻲ ﻛﻮﻟﺔ ﺗﻘﺮﻳﺒﺎ ﺻﺎﺭﺕ ﺑﺎﻟﺪﻋﺶ ﻭﻧﺺ ﻭﺣﺴﻴﺖ ﺑﻴﺪﺓ ﺍﻟﺒﺎﺏ ﺗﺘﺤﺮﻙ ﮔﻤﺖ ﻣﺜﻞ ﺍﻟﻤﺨﺒﻠﺔ ﺿﻤﻴﺖ ﺍﻟﺸﻴﺮﺓ ﻭﻟﺒﺴﺖ ﻣﻼﺑﺴﻲ ﺑﺴﺮﻋﺔ ﻭﻓﺘﺤﺖ ﺍﻟﺒﺎﺏ ﻭﺭﻛﻀﺖ ﻟﻠﺤﻤﺎﻡ ﺩﺧﻞ ﻗﺎﺳﻢ ﻟﻠﻐﺮﻓﺔ ﻭﺍﻧﻲ ﻧﺰﻋﺖ ﻫﺪﻭﻣﻲ ﺑﺪﺍﺧﻞ ﺍﻟﺤﻤﺎﻡ ﻭﺑﺪﻳﺖ ﺍﻏﺴﻞ ﺟﺴﻤﻲ ﻛﻤﻠﺖ ﻭﺍﻧﺼﺪﻣﺖ ﺻﺪﻣﺔ ﻋﻤﺮﻱ_ 😱😱 ﻧﺴﻴﺖ ﺍﺟﻴﺐ ﺍﻟﺨﺎﻭﻟﻲ ﻋﺰﺯﺯﺓ ﺷﻠﻮﻭﻥ ﻓﺸﻠﺔ
ﻓﺘﺤﺖ ﺍﻟﺒﺎﺏ ﻭﻣﺪﻳﺖ ﺭﺍﺳﻲ ﻭﺑﺲ ﺷﻔﺖ ﻗﺎﺳﻢ ﺗﻮﺗﺮﺕ ﻭﺧﺠﻠﺖ
_ ﺍﻧﻄﻴﻨﻲ ﺧﺎﻭﻟﻲ ﺣﺒﺎﺏ
ﮔﺎﻡ ﻫﻮ ﺍﻧﻄﺎﻧﻲ ﻳﺎ ﻭﺍﻧﻲ ﺍﺧﺬﺗﻪ ﻭﻃﺒﮕﺖ ﺍﻟﺒﺎﺏ ﺑﻮﺟﻬﺔ ﺑﺪﻭﻥ ﻣﺎ ﺍﺷﻜﺮﺓ
ﺿﺮﺑﺖ ﻋﻠﻰ ﺧﺪﻱ ﺑﺨﻔﺔ ﺷﻮﻥ ﻓﺸﻠﺔ ﻫﺲ ﺷﻴﮕﻮﻝ ﻋﻠﻴﺔ
ﻣﺪﻱ ﺭﺍﺳﻲ ﻭﺍﻧﻲ ﭼﺎﻥ ﻧﻴﺘﻲ ﺍﮔﻮﻟﺔ ﻳﻄﻠﻊ ﺣﺘﻪ ﺍﺑﺪﻝ ﺑﺲ ﺷﻔﺘﻪ ﭼﺎﻥ ﻳﺼﻠﻲ ﺻﻼﺓ ﺍﻟﻠﻴﻞ ﻳﺒﻮﻭﻭ ﺷﻠﻮﻥ ﺑﻴﺔ
ﻃﻠﻌﺖ ﻣﻦ ﺍﻟﺤﻤﺎﻡ ﻭﺍﻧﻲ ﺧﺠﻼﻧﻪ ﻻﻥ ﺍﻟﻐﺒﻴﺔ ﻧﺴﻴﺖ ﻫﺪﻭﻣﻲ ﻓﺘﺤﺖ ﺍﻟﻜﻨﺘﻮﺭ ﻭﻃﻠﻌﺘﻠﻲ ﺩﺍﺧﻠﻴﺎﺕ ﻭﺑﺠﺎﻣﺔ ﺗﺮﻛﻮﺍﺯﻳﺔ
ﺷﻔﺖ ﺑﻌﺪﺓ ﻳﺼﻠﻲ ﺗﺨﺒﻴﺖ ﻭﺭﺓ ﺍﻟﻜﻨﺘﻮﺭ ﻭﺑﺪﻳﺖ ﺍﻟﺒﺲ ﻛﻤﻠﺖ ﺑﺴﺮﻋﻪ ﻭﺍﻧﻲ ﺑﺲ ﺍﺑﺎﻭﻉ ﺧﺎﻑ ﻳﻜﻤﻞ ﻭﺍﻟﺤﻤﺪﻟﻠﻪ ﻛﻤﻠﺖ ﺭﺣﺖ ﺷﺴﻮﺭﺕ ﺷﻌﺮﻱ ﺑﺴﺮﻋﺔ ﻭﻣﺸﻄﺘﻪ ﻭﺧﻠﻴﺖ ﻋﻄﺮ 😍
ﻓﺘﺤﺖ ﺍﻟﺜﻼﺟﺔ ﺍﻟﺼﻐﻴﺮﺓ ﻭﻃﻠﻌﺖ ﻣﻨﻬﺔ ﻧﺴﺎﺗﻞ ﻭﮔﻌﺪﺕ ﺍﻛﻞ ﺑﻴﻬﻦ ﻻﻥ ﻣﻤﺎﻛﻠﺔ ﻣﻦ ﺍﻟﺒﺎﺭﺣﺔ ﻭﺍﻧﻲ ﺑﺲ ﺷﺮﺑﺖ ﮔﻬﻮﺓ ﺍﻟﺼﺒﺢ
ﺍﻛﻞ ﻭﺍﺑﺎﻭﻉ ﻟﻘﺎﺳﻢ ﻳﻘﺮﺍ ﻗﺮﺁﻥ ﺿﻠﻴﺖ ﺍﺗﻤﺎﻳﺰﺓ ﻭﺍﻧﻲ ﺳﺮﺣﺎﻧﻪ ﺑﻲ
ﻗﺎﺳﻢ ﻭﻫﻮ ﻳﺴﺪ ﺍﻟﻜﺘﺎﺏ ﻭﺍﺑﺘﺴﺎﻣﻪ ﺟﺎﻧﺒﻴﺔ ﻋﻠﻰ ﺷﻔﺘﻪ : ﻭﻳﻦ ﺳﺮﺣﺘﻲ ﺑﺤﺮ
ﺑﻔﻬﺎﻭﺓ _ ﻫﺎ ... ﺷﻨﻮ ... ﺷﮕﻠﺖ
ﻗﺎﺳﻢ : ﻫﻬﻬﻪ ﺳﻼﻣﺘﭻ ﻣﺎﻛﻮ ﺷﻲ ﺑﺲ ﺍﻛﻮ ﺧﻄﺄ ﺑﺎﻻﺭﺳﺎﻝ
ﻋﮕﺪﺕ ﺣﻮﺍﺟﺒﻲ ﺑﻌﺪﻡ ﻓﻬﻢ _ ﺷﻨﻮ
ﺑﺎﻭﻋﻠﻲ ﺑﺎﺑﺘﺴﺎﻣﺔ : ﻫﻴﭻ ﻟﺘﻬﺘﻤﻴﻦ
ﺷﺎﻝ ﺳﺠﺎﺩﺗﻪ ﻭﺗﻤﺪﺩ ﻳﻤﻲ ﻭﺍﻧﻲ ﻣﺘﺮﺑﻌﺔ ﻋﻠﻰ ﺍﻟﻔﺮﺍﺵ ﻭﺍﻟﻨﺴﺘﻠﺔ ﺑﺤﻠﮕﻲ ﺁﻛﻞ ﺑﻴﻬﺔ
ﺗﻮﺗﺮﺕ ﻭﺣﺴﻴﺖ ﺑﺤﺮﺍﺭﺓ ﺟﺴﻤﻲ ﺍﺭﺗﻔﻌﺖ ﻭﮔﻠﺒﻲ ﺩﮔﺎﺗﻪ ﻣﺨﺮﺑﻄﺔ ﺿﻠﻴﺖ ﺍﺑﻠﻊ ﺑﺮﻳﮕﻲ ﺷﺠﺎﻳﺔﺍ ﻧﻲ ﻣﻦ ﺑﺎﺳﻨﻲ ﻟﺴﺔ ﺑﺲ ﺍﺗﻮﺗﺮ ﻭﺍﺭﺗﺒﻚ ﺷﮕﺎﻋﺪ ﻳﺼﻴﺮ ﺑﻴﺔ ﺭﺑﻲ
ﻧﺰﻟﺖ ﻧﻈﺮﺍﺗﻲ ﻭﺍﻧﻲ ﺍﺣﺎﻭﻝ ﻣﺎ ﺍﺑﺎﻭﻋﻠﺔ
ﻗﺎﺳﻢ ﺑﻬﺪﻭﺀ : ﺑﺤﺮ ﺍﻧﺘﻲ ﺷﻨﻮ ﺧﺘﺼﺎﺻﭻ
_ ﺗﺮﺑﻴﺔ ﺭﻳﺎﺿﻴﺎﺕ
ﺑﺘﻘﻜﻴﺮ : ﻫﻤﻤﻢ ﺯﻳﻦ ﻟﻴﺶ ﻣﺘﻘﺪﻣﻴﻦ ﻋﻠﻰ ﻣﺪﺭﺳﺔ ﻣﻮ ﺍﺣﺴﻠﭻ ﻋﻠﻰ ﺍﻻﻗﻞ ﻣﻜﺎﻥ ﺍﻗﺮﺏ ﻭﺍﻣﺎﻥ ﺍﻛﺜﺮ
ﺿﻠﻴﺖ ﺍﻓﻜﺮ ﺑﻜﻼﻣﻪ _ ﻻ ﻣﺎﺭﻳﺪ ﻣﺎﺣﺐ ﺍﺩﺭﺱ ﺍﻧﻲ ﺑﺲ ﻟﺤﺴﻦ ﺣﻈﻲ ﻃﻠﻌﻠﻲ ﺑﺎﻟﺤﺴﺎﺑﺎﺕ
ﻗﺎﺳﻢ : ﺑﻜﻴﻔﭻ
_ ﺍﺣﻢ ﺳﻴﺪ ﺍﺳﺄﻟﻚ ﺳﺆﺍﻝ
: ﺳﺄﻟﻲ
_ ﺍﻧﺖ ﻭﻳﻦ ﺗﺮﻭﺡ ﻳﻮﻣﻴﺔ ﻳﻌﻨﻲ ﺍﺣﻢ ﺷﻠﻮﻥ ﺗﻘﻀﻲ ﻳﻮﻣﻚ
ﻗﺎﺳﻢ ﺑﺘﻔﻜﻴﺮ : ﺍﺭﻭﺡ ﻟﻠﻤﺠﻤﻊ ﺍﺷﻮﻑ ﺷﻜﻮ ﻣﺎﻛﻮ ﻭﺑﻌﺪﻳﻦ ﺍﺭﻭﺡ ﻟﻠﻤﺤﻞ ﻣﺎﻝ ﺍﻟﻔﻀﻴﺎﺕ ﻭﺍﺑﻘﺔ ﺑﻲ ﻭﻣﺮﺍﺕ ﺍﻯﻮﺡ ﻟﻠﺰﻳﺎﺭﺓ ﻟﻮ ﺍﺭﻭﺡ ﻟﻠﻌﺰﺍﻳﻢ ﻭﺍﻟﻮﺍﺟﺒﺎﺕ ﻭﺍﻟﻤﺸﻴﺎﺕ ﻭﻫﻴﭻ ﺣﻴﺎﺗﻲ ﺗﻤﻀﻲ
_ ﺍﻣﻤﻢ
ﺑﺮﻓﻌﺔ ﺣﺎﺟﺐ : ﺑﺲ ﻟﻴﺶ ﺗﺴﺄﻟﻴﻦ ﻳﻌﻨﻲ
ﺍﺭﺗﺒﻜﺖ ﻭﻣﺎﻋﺮﻑ ﺷﺠﺎﻭﺏ _ ﻫﺎﺍ ﻫﻴﭻ ﻓﻀﻮﻝ ﻻ ﺍﻛﺜﺮ
ﻗﺎﺳﻢ : ﻫﻤﻤﻢ ﻓﻀﻮﻭﻝ ، ﺷﻮﻛﺖ ﺗﻨﺎﻣﻴﻦ
_ ﻣﺮﺍﺡ ﺍﻧﺎﻡ ﺍﻧﻲ
ﻋﮕﺪ ﺣﻮﺍﺟﺒﺔ ﺑﺎﺳﺘﻐﺮﺍﺏ : ﻟﻴﺶ
ﺣﭽﻴﺖ ﻭﺍﻧﻲ ﺁﻛﻞ _ ﻟﻌﺪ ﻣﻮ ﻧﺎﻳﻤﺔ ﻣﻦ ﺍﻟﻈﻬﺮ ﻟﺤﺪ ﻗﺒﻞ ﺷﻮﻳﺔ ﻃﻼﺑﺔ ﺑﻌﺪ ~ ﺗﺬﻛﺮﺕ ﺻﺪﻭﮒ ﻋﻮﺩ ﺷﻌﺠﺐ ﻭﻻ ﻭﺣﺪﺓ ﺻﺎﺣﺘﻠﻲ ﻋﻠﻰ ﺍﻟﺘﻨﻈﻴﻒ ﺑﺎﻭﻋﺖ ﻟﻠﺴﻴﺪ ~ ﺍﮔﻮﻟﻚ ﺷﻌﺠﺐ ﻣﮕﻌﺪﻭﻧﻲ
ﻗﺎﺱ ﻭﻫﻮ ﻳﺘﻤﻄﻰ : ﺍﻧﻲ ﮔﺘﻠﻬﻢ ﻣﻤﻨﻮﻉ ﺍﺣﺪ ﻳﺪﺧﻠﭻ ﻭﻳﮕﻌﺪﺝ
_ ﺍﻱ ﺍﻟﺤﻤﺪﻟﻠﻪ ﻭﺍﻧﻲ ﺍﮔﻮﻝ ﺷﻌﺠﺐ ﻧﻬﺎﺩ ﻣﺼﻴﺤﺖ ﻋﻠﻴﺔ
ﻗﺎﺳﻢ : ﻧﺎﻣﻲ ﺑﺎﭼﺮ ﻋﻨﺪﭺ ﺩﻭﺍﻡ ﻭﻳﻦ ﺗﻨﺎﻣﻴﻦ ﺑﻌﺪ
_ ﻣﻮﻧﻌﺴﺎﻧﺔ ﻭﺍﻟﻠﻪ ﺍﺻﻼ ﻣﺠﺎﻳﻨﻲ ﻧﻮﻡ ﺯﻳﻦ ﻟﻴﺶ ﺍﻧﺖ ﻣﺘﻨﺎﻡ ﻫﻢ ﻭﺭﺍﻙ ﮔﻌﺪﺓ ﻣﻦ ﺍﻟﺼﺒﺢ 😐
ﻗﺎﺳﻢ ﺑﺘﺜﺎﻭﺏ : ﺍﻱ ﺣﻨﺎﻡ ﻃﻔﻲ ﺍﻟﻀﻮﺓ
ﻃﻔﻴﺖ ﺍﻟﺘﻴﺒﻼﻡ ﻭﺫﺑﻴﺖ ﺍﻟﭽﻴﺲ ﻣﺎﻝ ﺍﻟﻨﺴﺘﻠﺔ ﺭﺣﺖ ﻓﺘﺤﺖ ﺗﻠﻔﻮﻧﻲ ﻭﮔﻌﺪﺕ ﺍﺣﭽﻲ ﻭﻳﺔ ﺍﻟﺒﻨﺎﺕ
ﻧﻐﻢ : ﺷﺮﺍﺡ ﺗﻠﺒﺴﻦ ﺑﻨﺎﺕ
ﺍﺳﺮﺍﺭ : ﺍﻧﻲ ﺣﻠﺒﺲ ﺑﺪﻟﺔ ﻧﻴﻠﻴﺔ ﺗﺠﻨﻦ
_ ﻭﺍﻧﻲ ﺍﺷﻮﻓﻠﻲ ﻓﺪ ﻟﺒﺲ ﺣﻠﻮ
ﺗﻤﺎﺭﺓ : ﺑﻨﺎﺕ ﺷﻮ ﺭﺍﻳﭽﻦ ﺗﻠﺒﺴﻦ ﻛﻮﻟﭽﻦ ﻧﻔﺲ ﺍﻟﺒﺪﻻﺕ ﺣﺘﻪ ﺗﺒﻴﻨﻦ ﺍﻧﺘﻦ ﺻﺪﻳﻘﺎﺗﻲ ﻻﻥ ﺍﺭﻳﺪ ﺍﺳﻮﻱ ﻓﻌﺎﻟﻴﺎﺕ ﺑﺤﻔﻠﺘﻲ
ﻧﻐﻢ : 😍 ﺍﻱ ﺧﻮﺵ ﻓﻜﺮﺓ
_ ﺍﻧﻲ ﻣﺎﻋﻨﺪﻱ ﻣﺎﻧﻊ
ﺍﺳﺮﺍﺭ : ﺍﻧﻲ ﻫﻢ
ﺗﻤﺎﺭﺓ : ﺍﻭﻛﻲ ﺍﻧﻲ ﺣﺪﺯ ﺍﻟﭽﻦ ﺻﻮﺭ ﺑﺪﻻﺕ ﻭﺍﻧﺘﻦ ﺣﺪﺩﻥ ﻳﺎﻫﻴﺔ ﺗﺮﺩﻥ
ﺍﻟﻜﻞ : ﺍﻭﻛﻲ
ﻋﺎﺩ ﺩﺯﺕ ﺻﻮﺭ ﺑﺪﻻﺕ ﺛﻼﺛﺔ ﻭﺣﺪﺓ ﻃﻮﻳﻠﺔ ﻭﻛﻠﺔ ﺷﻐﻞ ﻟﻮﻧﻬﺔ ﻓﺴﺘﻘﻴﺔ ﻭﺍﻟﺜﺎﻧﻲ ﻗﺼﻴﺮﺓ ﻭﺻﻠﻮﺥ ﻟﻮﻧﻬﺔ ﺗﺮﻛﻮﺍﺯﻳﺔ ﻭﺍﻟﺜﺎﻟﺜﺔ ﻣﻨﻔﻮﺷﺔ ﻭﻗﺼﻴﺮﺓ ﺑﺲ ﻣﺸﻠﺘﺤﺔ ﻓﺪ ﻣﺮﺓ ﻭﻟﻮﻧﻬﺔ ﺣﻤﺮﺓ
ﻧﻐﻢ : ﺍﻧﻲ ﺣﺒﻴﺖ ﺍﻟﺤﻤﺮﺓ
ﺍﺳﺮﺍﺭ : ﻭﺍﻧﻲ ﻫﻢ
_ ﺍﻧﻲ ﺍﻟﺘﺮﻛﻮﺍﺯﻳﺔ
ﺗﻤﺎﺭﺓ : ﺍﻱ ﺍﻟﺤﻤﺮﺓ ﺻﺪﻭﮒ ﺣﻠﻮﺓ ﻫﻨﺔ ﻛﻮﻟﻬﻦ ﺣﻠﻮﺍﺕ
_ ﻋﺰﺯﺓ ﺑﻌﻴﻨﭽﻦ ﺷﻨﻮ ﻫﺎﻱ ﻓﺪ ﻣﺮﺓ ﻣﺸﻠﺘﺤﺔ 😨
ﻧﻐﻢ : ﺍﺣﻠﺔ ﺣﻮﻭﺑﻲ ﺑﻠﻜﺖ ﻭﺣﺪﺓ ﺗﺨﻄﺒﻨﻲ 😉
ﺍﺳﺮﺍﺭ : ﺍﻱ ﻭﺍﻟﻠﻪ ﺍﻧﻲ ﻫﻢ ﺑﻠﻜﻲ ﻳﺨﻄﺒﻨﻲ 😂
_ ﻭﺍﻧﻲ ﺷﻜﻮ ﻟﻌﺪ ﻣﺎ ﻗﺒﻞ ﺍﻟﺒﺲ ﻫﺎﻳﺔ ﺍﻟﺒﺪﻟﺔ ﻭﻟﭽﻦ ﺗﻔﺸﻞ
ﺗﻤﺎﺭﺓ : ﻋﻔﻴﺔ ﺑﺤﻮﺭﺓ ﻟﺘﻜﺴﺮﻳﻦ ﺑﺨﺎﻃﺮﻱ ﻭﺍﻓﻘﻲ ﻓﺪﻭﺓ 😔
ﺍﻧﻘﻬﺮﺕ ﻋﻠﻰ ﺗﻤﺎﺭﺓ _ ﺍﻭﻛﻲ ﻣﻮﺍﻓﻘﺔ
ﺍﻟﺒﻨﺎﺕ : 😘💋👍👍
_ ﺍﻧﻲ ﺍﻋﻠﻤﭽﻦ 😒
ﻧﻐﻢ : ﻫﻬﻬﻪ ﺑﺤﺎﺭ ﻓﺪﻭﺓ ﻟﺘﺨﺮﺑﻴﻦ ﻭﺍﻫﺴﻨﻪ
ﺗﻤﺎﺭﺓ : ﻳﺎﻟﻠﻪ ﻟﻌﺪ ﺍﻧﻲ ﺭﺍﺡ ﺍﺭﻭﺡ ﺍﺷﺘﺮﻱ ﺍﻟﺒﺪﻻﺕ ﺍﻟﭽﻦ ﺑﺎﭼﺮ
ﻋﺎﺩ ﺩﺯﻳﺘﻠﺔ ﻗﻴﺎﺳﻲ ﻭﻛﻮﻟﺤﻨﻪ
ﺗﻤﺎﺭﺓ : ﻭﻟﭽﻦ ﺑﺎﭼﺮ ﺑﺎﻟﺪﻭﺍﻡ ﺗﻨﻄﻨﻲ ﻋﻮﺩ ﻓﻠﻮﺱ ﺍﻟﺒﺪﻟﺔ ﻣﻮ ﺍﺷﺘﺮﻳﻠﭽﻦ ﺍﻧﻲ
ﺍﻟﻜﻞ : 😒😶😶
ﻧﻐﻢ : ﻳﺎﻟﻠﻪ ﺍﻧﻲ ﻧﻌﺴﺎﻧﻪ ﺭﺍﺡ ﺍﻧﺎﻡ
ﺍﺳﺮﺍﺭ : ﺗﺼﺒﺤﻮﻥ ﻋﻠﻰ ﺧﻴﺮ
ﺍﻟﻜﻞ : ﻭﺍﻧﺘﻲ ﺑﺨﻴﺮ
ﺳﺪﻳﺖ ﺍﻟﺘﻔﻠﻮﻥ ﻭﮔﻤﺖ ﻟﺒﺴﺖ ﺣﺠﺎﺏ ﻭﺻﺎﻳﺔ ﻭ ﻧﺰﻟﺖ ﺟﻮﺓ ﺍﺷﻮﻑ ﺍﻟﺒﻴﺖ ﺍﻇﻠﻢ ﺑﻲ ﺑﺲ ﺿﻮﺓ ﺧﻔﻴﻒ ﺩﺍ ﺍﻧﺰﻝ ﺍﻟﺪﺭﺝ ﻭﺍﺳﻤﻊ ﺻﻮﺕ ﻣﻦ ﻏﺮﻓﺔ ﻧﻬﺎﺩ ﺗﻘﺮﻓﺖ ﺻﻮﺗﺔ ﺷﻌﻼﺗﻪ ﻧﺰﻟﺖ ﺟﻮﺓ ﻭﺿﻠﻴﺖ ﮔﺎﻋﺪﺓ ﺍﺻﻔﻦ ﺍﺧﺮ ﺷﻲ ﮔﻤﺖ ﻣﺴﺤﺖ ﺍﻟﺒﻴﺖ ﺍﻟﻬﻲ ﻧﻔﺴﻲ ﻭﻧﻈﻔﺘﻪ ﻭﺭﺗﺒﺘﻪ ﺍﺷﻮﻑ ﺍﻟﺴﺎﻋﺔ ﺻﺎﺭﺕ ﺑﺎﻟﺨﻤﺴﺔ ﺍﻟﻔﺠﺮ ﺣﻴﻞ ﻫﺎﻳﺔ ﺷﮕﺪ ﭼﻨﺖ ﺍﻧﻈﻒ ﻟﻌﺪ ﺻﻌﺪﺕ ﻟﻐﺮﻓﺘﻲ ﺍﺧﺬﺕ ﺑﺨﻮﺭ ﻣﻦ ﻛﻨﺘﻮﺭﻱ ﻭﻧﺰﻟﺖ ﺟﻮﺓ ﺷﻐﻠﺖ ﺍﻟﻤﺒﺨﺮﺓ ﻭﺑﺨﺮﺕ ﺍﻟﺒﻴﺖ ﻛﻠﺔ ﺻﺎﺭ ﺭﻳﺤﺘﻪ ﺗﺠﻨﻦ
ﻋﺎﺩ ﻃﻔﻴﺖ ﺍﻟﻤﺒﺨﺮﺓ ﻭﺭﺣﺖ ﻟﻐﺮﻓﺘﻲ ﮔﻌﺪﺕ ﺍﺧﻠﻲ ﻣﺎﺳﻜﺎﺕ ﻟﻮﺟﻬﻲ ﻭﻟﺠﺴﻤﻲ ﻭﺗﻤﺪﺩﺕ ﻧﺺ ﺳﺎﻋﺔ ﻭﮔﻤﺖ ﻏﺴﻠﺖ ﻭﺟﻬﻲ ﻭﺟﺴﻤﻲ ﻃﻠﻌﺖ ﺍﺧﺬﺕ ﻣﻼﺑﺲ ﺍﻟﻲ ﻭﺩﺧﻠﺖ ﻟﻠﺤﻤﺎﻡ ﺑﺪﻟﺖ ﻟﻤﻼﺑﺲ ﺍﻟﺪﻭﺍﻡ ﻭﺭﺗﺒﺖ ﻧﻔﺴﻲ ﻭﻃﻠﻌﺖ ﺭﺷﻴﺖ ﻋﻄﺮ ﻭﺍﺑﺎﻭﻉ ﻟﻠﺴﺎﻋﺔ ﺻﺎﺭﺕ ﺳﺘﻪ ﻭﻧﺺ ﺭﻣﺸﻠﻲ ﺍﻟﺴﺎﻳﻖ ﻃﻠﻌﺖ ﻣﻦ ﺍﻟﺒﻴﺖ ﺑﺴﺮﻋﺔ ﻭﺭﻛﺒﺖ ﺍﻟﺴﻴﺎﺭﺓ ﺭﺣﺖ ﻟﻠﺪﻭﺍﻡﻧﺰﻟﺖ ﺻﺒﺤﺖ ﻋﻠﻰ ﺍﻟﺒﻨﺎﺕ ﻭﺍﻧﻄﻴﻴﺖ ﺳﻌﺮ ﺍﻟﺒﺪﻟﺔ ﻟﺘﻤﺎﺭﺓ ﻭﻣﺸﺔ ﻳﻮﻣﻲ ﻃﺒﻴﻌﻲ ﺑﺲ ﺷﻨﻮ ﮔﺎﻋﺪﺓ ﻭﺍﻏﻔﻲ ﺑﺎﻟﺪﻭﺍﻡ ﻣﻦ ﺍﻟﻨﻌﺎﺱ
ﻛﻤﻠﺖ ﺩﻭﺍﻣﻲ ﻭﺭﺟﻌﺖ ﻟﻠﺒﻴﺖ ﺷﻔﺘﻬﻢ ﺩﻳﺘﻐﺪﻭﻥ
_ ﺳﻼﻡ ﻋﻠﻴﻜﻢ
ﺍﻟﻜﻞ : ﻭﻋﻠﻴﻜﻢ ﺍﻟﺴﻼﻡ
ﺍﻟﻌﻠﻮﻳﺔ : ﻫﺎ ﺷﻮﻧﻪ ﺩﻭﺍﻣﭻ
ﺣﭽﻴﺖ ﺑﺘﻌﺐ ﻭﻧﻌﺎﺱ _ ﺍﻟﺤﻤﺪﻟﻠﻪ
ﺳﻨﺪﺱ : ﺷﻠﭻ ﺑﺎﻟﺪﻭﺍﻡ ﺑﺲ ﺗﻌﺐ ﻭﺍﺫﻳﺔ 😑
ﺳﻤﻴﺮﺓ : ﻭﺍﻟﻠﻪ ﻳﻤﻪ ﻣﺎ ﺍﻋﺮﻑ ﻫﻴﺔ ﺍﻟﻤﺮﺓ ﻏﻴﺮ ﮔﻌﺪﺗﻬﺔ ﺑﺎﻟﺒﻴﺖ ﻫﻲ ﺷﻨﻮ ﻭﺍﻟﺸﻐﻞ ﺷﻨﻮ
ﺟﻌﻔﺮ : ﻟﻴﺶ ﺍﻟﺸﻐﻞ ﺣﻠﻮ ﻭﻳﺒﻨﻲ ﻛﻴﺎﻥ ﻟﻠﻤﺮﺍﺀﺓ ﺑﺲ ﺍﻧﺘﻦ ﻣﺎﺩﺭﻱ ﺷﻮﻧﭽﻦ ﻣﺘﻜﻤﻠﻦ ﺩﺭﺍﺳﺔ
ﻧﻬﺎﺩ : ﻭﺍﻟﻠﻪ ﺍﻧﻲ ﻣﻜﻤﻠﺔ ﺑﺲ ﺍﻟﺴﻴﺪ ( ﺣﻴﺪﺭ ) ﻣﻴﻘﺒﻞ ﺍﺷﺘﻐﻞ
ﺣﻴﺪﺭ : ﺍﻱ ﻟﻌﺪ ﺷﻨﻮ ﺗﺮﺩﻳﻨﻲ ﺍﺧﻠﻴﭻ ﺗﺸﺘﻐﻠﻴﻦ ﻣﻮ ﻋﻴﺐ ﺍﻧﻲ ﺍﻟﻤﺴﺆﻝ ﻋﻨﻜﻢ ﻣﻮ ﺍﻧﺘﻲ
ﻧﻬﺎﺩ ﻋﻮﺟﺖ ﺣﻠﮕﻬﺔ ﻭﻣﻌﺎﺟﺒﻬﺔ
ﻏﺪﻳﺮ : ﻭﺍﻟﻠﻪ ﺍﻧﻲ ﺍﻟﺠﺎﻣﻌﺔ ﻭﮔﻮﺓ ﺍﺭﻭﺣﻠﻬﺔ ﻭ ﺍﻧﻮﺏ ﺷﻐﻞ
ﺣﻴﺪﺭ : ﺍﻱ ﺑﻄﻠﻲ ﺷﻌﻨﺪﭺ ﺗﺪﺍﻭﻣﻴﻦ ﻟﻌﺪ
ﻗﺎﺳﻢ : ﻻ ﺷﻨﻮ ﺗﺒﻄﻞ ﺻﺎﺭﻟﻬﺔ ١٥ ﺳﻨﻪ ﺑﺲ ﺗﺪﺭﺱ ﺑﻘﺖ ﻫﺎﻳﺔ ﺍﻟﺴﻨﻪ ﻭﺍﻟﻮﺭﺍﻫﺔ
ﻣﺮﺗﻀﻰ : ﻳﻤﻌﻮﺩﻳﻦ ﻫﻲ ﺍﻟﺪﺭﺍﺳﺔ ﻓﺎﺷﻠﺔ ﻭﻳﻦ ﺍﻟﺘﻌﻴﻴﻦ ﻟﻌﺪ ﺷﻮ ﺍﻧﻲ ﺷﻬﺎﺩﺗﻲ ﻣﺮﻛﻮﻧﺔ ﻋﻠﻰ ﺻﻔﺤﺔ ﻋﻮﺩ ﻣﻦ ﺩﺧﻠﺖ ﻛﻠﻴﺔ ﻋﺴﻜﺮﻳﺔ ﻳﺎﻟﻠﺔ ﺧﻠﻮﻧﻲ ﺿﺎﺑﻂ
ﮔﻌﺪﺕ ﻋﻠﻰ ﺍﻟﻘﻨﻔﺔ ﻭﺍﻧﻲ ﺍﺳﻤﻌﻬﻢ ﺑﺲ ﻳﺤﭽﻮﻥ ﺑﺎﻟﺸﻐﻞ ﻭﺍﻟﺪﺭﺍﺳﺔ ﻭﻓﻮﮔﺎﻫﺔ ﺍﻧﻲ ﻣﺎﻟﻲ ﺧﻠﮓ ﺍﮔﻮﻡ ﺍﺻﻌﺪ ﻣﻦ ﺍﻟﺘﻌﺐ ﺳﻨﺪﺕ ﺭﺍﺳﻲ ﻋﻠﻰ ﺍﻟﻴﺪﺓ ﻭﻧﻤﺖ ﻭﻣﺎﺣﺴﻴﺖ ﺍﻟﺔ ﺑﺎﺣﺪ ﻳﺪﻏﻨﻲ ﺑﺨﻔﺔ
ﻗﺎﺳﻢ : ﺑﺤﺎﺭ ... ﺑﺤﺎﺭ ﻳﺎ ﻋﻴﻨﻲ ﮔﻮﻣﻲ ﻧﺎﻣﻲ ﻓﻮﮒ
ﺣﺴﻴﺘﻪ ﻳﮕﻌﺪﻧﻲ ﻓﺘﺤﺖ ﻋﻴﻮﻧﻲ ﺷﻮﻳﺔ ﻭﺍﺷﻮﻑ ﺍﻟﻜﻞ ﻳﺒﺎﻭﻋﻠﻲ ﻏﻤﻀﺖ ﻋﻴﻮﻧﻲ ﻭﮔﻤﺖ ﻭﻗﺎﺳﻢ ﻳﺪﻟﻴﻨﻲ ﻋﻠﻰ ﺍﻟﻤﻜﺎﻥ ﺷﮕﺪ ﻣﺎ ﻣﻄﻔﻴﺔ ﻭﻣﺤﺎﺳﺔ ﻧﻴﻤﻨﻲ ﻋﻠﻰ ﺍﻟﻔﺮﺍﺵ ﻭﻧﺰﻋﻨﻲ ﺍﻟﺸﺎﻝ ﻭﺍﻟﺠﺒﺔ ﻭﻏﻄﺎﻧﻲ ﻭﺣﺴﻴﺘﻪ ﺗﻤﺪﺩ ﺑﺼﻔﻲ ﺑﻌﺪ ﻫﻨﺎ ﻭﻣﺤﺴﻴﺖ ﺑﺸﻲ ...
ﮔﻌﺪﺕ ﻋﻠﻰ ﺻﻮﺕ ﻗﺎﺳﻢ : ﺑﺤﺎﺭ ﺷﻮ ﮔﻌﺪﻱ ﺑﺤﺎﺭ ﺗﺆ ﺗﺆ ﺍﺳﺘﻐﻔﺮﺍﻟﻠﻪ ﺑﺤﺎﺭ
_ ﺍﻣﻤﻢ ﻧﻌﺴﺎﻧﻪ ﻋﻮﻓﻮﻧﻲ
: ﮔﻮﻣﻲ ﻳﺎﻋﻴﻨﻲ ﺗﺮﺩﻳﻦ ﻣﺜﻞ ﺍﻟﻠﻴﻞ ﻣﻨﺎﻳﻤﺔ ﮔﻮﻣﻲ ﺣﻴﺼﻴﺮ ﺍﻟﻤﻐﺮﺏ ﻣﻮﺯﻳﻦ ﺍﻟﻨﻮﻣﺔ ﺑﻬﻴﭻ ﻭﻗﺖ
ﮔﻤﺖ ﻭﺍﻧﻲ ﺍﺣﺲ ﻧﻔﺴﻲ ﻣﻜﺒﺴﻠﺔ : ﺷﻨﻮ ﺍﺭﻳﺪ ﺍﻧﺎﻡ ﻧﻌﺴﺎﻧﻪ ﻭﺍﻟﻠﻪ ﺗﻌﺒﺎﻧﻪ
ﻗﺎﺳﻢ ﺑﻘﻠﺔ ﺻﺒﺮ : ﮔﻮﻣﻲ ﻟﺘﺮﺟﻌﻴﻦ ﺗﻨﺎﻣﻴﻦ ﺻﺎﺭﻟﻲ ﻣﻦ ﺍﻻﺭﺑﻌﺔ ﺍﮔﻌﺪ ﺑﻴﭻ ﻭﻣﺎﻛﻮ
ﺭﺗﺒﺖ ﺷﻌﺮﻱ ﻭﮔﻤﺖ ﻟﻠﺤﻤﺎﻡ ﺩﺧﻠﺖ ﻏﺴﻠﺖ ﻭﺟﻬﻲ ﻭﺗﻮﺿﻴﺖ ﺑﺎﻭﻋﺖ ﺑﺎﻟﻤﺮﺍﻳﺔ ﻣﻠﻌﻮﺏ ﻟﻌﺐ ﺑﺨﻠﻘﺘﻲ ﻋﻴﻮﻧﻲ ﻣﻮﺭﻣﺔ ﻭﺷﺤﺎﻟﻨﻲ ﺍﻧﺘﺒﻬﺖ ﻋﻠﻰ ﺭﮔﺒﺘﻲ ﺍﻛﻮ ﺍﺛﺮ ﻋﻠﻴﻬﺔ
ﺗﻘﺮﺑﺖ ﻣﻦ ﺍﻟﻤﺮﺍﻳﺔ ﻭﺑﻌﺪﺕ ﺗﺸﻴﺮﺗﻲ ﻋﻨﻲ ﻭﺍﺷﻮﻑ ﺩﻭﺍﺋﺮ ﺣﻤﺮ ﻭﻭﺭﺩﻳﺔ
ﺍﺟﺔ ﺑﺒﺎﻟﻲ ﻗﺎﺳﻢ ﻣﻌﻘﻮﻟﺔ ﻫﻴﭻ ﺳﻮﺓ ﻟﻮ ﺷﻨﻮ
ﺍﻧﺘﺒﻬﺖ ﺣﺘﻪ ﺷﻔﺘﻲ ﻣﻮﺭﻣﺔ ﻋﺰﺯﺯﺓ ﻣﺒﻴﻦ ﻣﺘﻘﺮﺑﻠﻲ ﺑﺲ ﻣﺎ ﻣﺘﻌﻤﻖ 😱
ﻋﺰﺯﺓ ﺑﻌﻴﻨﭻ ﻳﺎ ﺑﺤﺮ ﺍﻧﻮﺏ ﮔﺎﻡ ﻳﺘﻤﺎﺩﻯ ﻭﻳﺎﻱ ﺍﺣﺲ ﺣﺮﺍﺭﺗﻲ ﺻﻌﺪﺕ ﻭﺧﺠﻠﺖ ﻛﻮﻟﺶ ﺑﺲ ﺷﻮﻛﺖ ﺳﻮﺍﻟﻲ ﻫﺬﻧﻲ ﻣﺎﺩﺭﻱ ﻣﻌﻘﻮﻟﺔ ﻣﻦ ﺷﺎﻓﻨﻲ ﻣﺤﺎﺳﺔ ﺑﺎﻟﺪﻧﻴﺎ ﻫﻴﭻ ﺳﻮﺓ ﻭﻓﻮﮔﺎﻫﺔ ﺍﻧﻲ ﻧﻮﻣﻲ ﻣﻮ ﺧﻔﻴﻒ ﺣﺘﻪ ﺍﺣﺲ ﻋﻠﻲ ﺑﻠﻌﺖ ﺭﻳﮕﻲ ﻭﻃﻠﻌﺖ ﻣﻦ ﺍﻟﺤﻤﺎﻡ ﻭﺍﻧﻲ ﺍﺑﺎﻭﻋﻠﺔ ﺍﺭﻳﺪ ﺍﺷﻮﻑ ﻫﻮ ﺳﻮﺓ ﻫﻴﭻ ﻣﺜﻼ ﻳﺘﻮﺗﺮ ﻣﺮﺗﺒﻚ ﻫﻴﭻ ﻳﻌﻨﻲ
ﺑﺎﻭﻋﻠﻲ ﻫﻮ ﮔﺒﻞ ﺗﻮﺗﺮ ﻭﻃﻠﻊ
ﻳﻌﻨﻲ ﻫﻮ ﺻﺪﻭﮒ ﺑﺎﻳﺴﻨﻲ ﺑﺲ ﻟﻴﺶ ﻣﺎﻋﺮﻑ
ﻟﮕﻴﺖ ﻗﻤﻴﺼﺔ ﺷﺎﻣﺮﺓ ﻋﻠﻰ ﺍﻟﻔﺮﺍﺵ ﺍﺧﺬﺗﻪ ﺍﺭﻳﺪ ﺍﻋﻠﮕﻪ ﻭﺟﺬﺑﻨﻲ ﻋﻄﺮﺓ ﻗﺮﺑﺘﻪ ﻟﺨﺸﻤﻲ
_ ﺍﻣﻤﻢ ﻃﻴﺒﺔ
ﺍﻟﺼﺮﺍﺣﺔ ﻋﻄﺮﺓ ﻃﻴﺐ ﺣﻴﻞ ﺑﺤﻴﺚ ﮔﻌﺪﺕ ﻭﻧﻲ ﺍﺳﺘﻨﺸﻖ ﻗﻤﻴﺼﺔ ﺣﺴﻴﺖ ﻳﺪﺓ ﺍﻟﺒﺎﻱ ﺗﺤﺮﻛﺖ ﺑﺴﺮﻋﺔ ﺧﻠﻴﺖ ﺍﻟﻘﻤﻴﺺ ﻋﻠﻰ ﺍﻟﺘﻌﻼﮔﺔ ﻭﺷﻔﺘﻪ ﻃﺐ ﻭﺍﻧﻲ ﻫﻨﺎ ﺳﻮﻳﺖ ﻧﻔﺴﻲ ﺍﺭﺗﺐ ﺑﺎﻟﻐﺮﻓﺔ
ﺗﻨﻬﺪﺕ ﺑﺎﺭﺗﻴﺎﺡ ﺍﻟﺤﻤﺪﻟﻠﻪ ﻣﺎﺷﺎﻓﻨﻲ ﻭﮔﻔﺖ ﻋﻦ ﺗﺮﺗﻴﺐ ﺍﻟﻐﺮﺍﺽ ﻭﺻﻔﻨﺖ ﺑﻴﻨﻲ ﻭﺑﻴﻦ ﻧﻔﺴﻲ ﻟﻴﺶ ﻫﻴﭻ ﺍﺷﺘﻤﻴﺖ ﻗﻤﻴﺼﺔ ﻳﺎﻟﻠﻪ ﺷﺠﺎﻳﺔ ﺍﻧﻲ
ﻗﺎﺳﻢ : ﺑﺤﺎﺭ ﺑﺎﭼﺮ ﺻﺪﻳﻘﻲ ﻋﺎﺯﻣﻨﻪ ﻋﻠﻰ ﺍﻟﻌﺸﺔ ﻋﻮﺩ ﺗﺤﻈﺮﻱ
ﺑﺎﻭﻋﺘﻠﺔ ﻭﺳﺮﺣﺖ ﭼﺎﻥ ﻻﺑﺲ ﻗﺎﻁ ﺑﺪﻭﻥ ﺭﺑﺎﻁ ﮔﺎﻋﺪ ﻋﻠﻲ ﻓﻴﺖ _ ﻭﻳﻦ ﺭﺍﻳﺢ
ﻗﺎﺳﻢ ﺑﻌﺪﻡ ﺍﻫﺘﻤﺎﻡ : ﻟﻠﻤﺸﻴﻪ
_ ﻳﺎ ﻣﺸﻴﺔ
ﻗﺎﺳﻢ ﻭﻫﻮ ﻳﻌﺪﻝ ﺑﻴﺎﻗﺔ ﻗﻤﻴﺼﺔ : ﻭﺍﺣﺪ ﻣﻦ ﻣﻌﺎﺭﻓﻲ
ﺷﻔﺘﻪ ﺭﺵ ﺍﻟﻌﻄﺮ ﻭﺍﻧﻲ ﻫﻨﺎ ﻣﺜﻞ ﺍﻟﺜﻮﻟﺔ ﺗﻘﺮﺑﺖ ﻋﻠﻲ ﺣﺘﻪ ﺍﺷﺘﻢ ﺍﻟﻌﻄﺮ
ﻗﺎﺳﻢ ﺑﺎﺳﺘﻐﺮﺍﺏ : ﺷﺒﻴﭻ
ﺻﺨﻨﺖ ﻣﻦ ﺍﻟﻔﺸﻠﺔ ﻣﺎﻋﺮﻑ ﺷﻠﻮﻥ ﺭﺍﺡ ﺍﺿﻴﻊ ﺍﻟﺴﺎﻟﻔﺔ _ ﻫﺎ
ﻗﺎﺳﻢ : ﺷﻮ ﺳﺮﺣﺎﻧﻪ
ﺗﻘﺮﺑﺖ ﻋﻠﻲ ﻭﺗﻨﻔﺴﺖ ﻋﻄﺮﺓ ﺍﻟﻠﻪ ﺷﮕﺪ ﻃﻴﺐ ﻣﺪﻳﺖ ﺍﻳﺪﻱ ﻋﻠﻰ ﺍﻟﻤﺸﻂ ﺍﺧﺬﺗﻪ
_ ﻻ ﺑﺲ ﺭﺩﺕ ﺍﻟﻤﺸﻂ
ﺷﻔﺘﻪ ﺗﻮﺗﺮ ﻭﮔﺎﻡ ﻳﺒﻠﻊ ﺑﺮﻳﮕﻪ ﻣﻦ ﺗﻘﺮﺑﺖ : ﺍﺣﻤﻤﻢ ﻟﻴﺶ ﻣﮕﺘﻴﻠﻲ ﭼﺎﻥ ﺍﻧﻄﻴﺘﭻ ﻳﺎ
ﺑﺎﻭﻋﺖ ﻋﻰ ﺍﺛﺎﺙ ﺍﻟﻐﺮﻓﺔ ﻭﺣﭽﻴﺖ _ ﻻ ﺍﻧﺖ ﻣﺸﻐﻮﻝ ﻫﻪ ﺍﺣﻢ 😅
ﻗﺎﺳﻢ : ﻳﺎﻟﻠﻪ ﺍﻧﻲ ﻃﺎﻟﻊ
_ ﺍﻟﻠﻪ ﻭﻳﺎﻙ
ﺳﺪﻳﺖ ﺍﻟﺒﺎﺏ ﻭﺭﺍ ﻭﮔﻌﺪﺕ ﻋﻠﻰ ﺍﻟﻔﺮﺍﺵ ﻭﻟﺰﻣﺖ ﺻﺪﺭﻱ _ ﺷﺒﻲ ﮔﻠﺒﻲ ﺍﻫﺪﺍ ﻳﻤﻌﻮﺩ ﻣﺮﺍﺡ ﺗﻤﻮﺕ
ﺭﺣﺖ ﻟﻤﻴﺰ ﺍﻟﺘﻮﺍﻟﻴﺖ ﻭﺗﺤﺴﺴﺖ ﺍﻻﺛﺎﺭ ﺍﻟﻠﻲ ﺑﺮﮔﺒﺘﻲ ﻭﺍﻧﻲ ﻣﺒﺘﺴﻤﻪ ﻣﻌﻘﻮﻟﺔ ﻫﻮ ﺍﻧﺘﺒﻬﺖ ﻋﻠﻰ ﻧﻔﺴﻲ
_ ﻫﺎﻱ ﺷﺪﺍ ﺍﺳﻮﻱ ﺍﻧﻲ ﻋﺰﺯﺓ ﺻﺎﻳﺮﺓ ﻣﺎ ﺍﺳﺘﺤﻲ
ﺿﻠﻴﺖ ﺍﻫﺪﻱ ﺑﻨﻔﺴﻲ ﻭﺍﻧﻲ ﺑﺲ ﺍﺗﺬﻛﺮ ﺣﻈﻨﻪ ﺍﻟﻲ ﻭﺑﻮﺳﺘﻪ ﺍﻟﻠﻲ ﺑﺎﻟﺤﺪﻳﻘﺔ ﻭﺍﻻﺛﺎﺭ ﺗﻨﻬﺪﺕ ﺑﺤﺮﺍﺭﺓ
_ ﺍﻭﻭﻭﻑ ﻣﺎ ﺍﻃﻠﻌﻚ ﻣﻦ ﺭﺍﺳﻲ ﺍﻭﻭﻭﻑ
ﺣﺎﻭﻟﺖ ﺍﻃﺮﺩﺓ ﻣﻦ ﺗﻔﻜﻴﺮﻱ ﻟﺒﺴﺖ ﺷﺎﻟﻲ ﻭﺻﺎﻳﺘﻲ ﻭﻧﺰﻟﺖ ﺟﻮﺓ ﻳﻢ ﺟﻨﺎﻥ ﻟﮕﻴﺘﻬﺔ ﺍﺣﺴﻦ ﺻﺎﻳﺮﺓ ﺍﺧﺬﺕ ﻫﺪﻳﻞ ﻭﻧﻴﻤﺘﻬﺔ ﺑﺤﻈﻨﻲ ﺷﮕﺪ ﺣﻠﻮﺓ ﻣﻼﻣﺤﻬﺔ ﺗﺨﺒﻞ ...
ﻟﻬﻨﺎﻙ ﻭﺳﻤﻌﺖ ﺻﻮﺕ ﻣﻦ ﺍﻟﺪﺭﺝ ﻭﺍﺣﺪ ﻳﺼﻴﺢ ..
ﻭﻃﻠﻊ ﻫﺬﺍ ﺍﻟﺼﻮﺕ .. ﺻﻮﺕ ﺳﺎﺭﺓ
ﻓﺰﻳﺖ ﻣﻦ ﻣﻜﺎﻧﻲ ﻭﺍﻧﻄﻴﺖ ﻫﺪﻳﻞ ﻟﺠﻨﺎﻥ
ﺟﻨﺎﻥ ﺑﻘﻠﻖ : ﺷﻜﻮ ﺷﺼﺎﻳﺮ
_ ﻣﺎﺩﺭﻱ ﻫﻮ ﺍﻧﻲ ﺣﺮﻭﺡ ﺍﺷﻮﻑ ﺷﻜﻮ
ﻃﻠﻌﺖ ﻣﻦ ﻏﺮﻓﺔ ﻭﺷﻬﮕﺖ ﻭﺧﻠﻴﺖ ﺍﻳﺪﻱ ﻋﻠﻰ ﺣﻠﮕﻲ ﻭﺍﺷﻮﻑ ﺳﺎﺭﺓ ﻭﺍﮔﻌﺔ ﻣﻦ ﺍﻟﺪﺭﺝ ﻭﻻﺯﻣﺔ ﺑﻄﻨﻬﺔ ﻭﺍﻟﮕﺎﻉ ﻣﻠﻴﺎﻧﻪ ﺩﻡ ...
..........
