بارت52
براء • دا اگلب بالتمن وعمتي تحجي وياي
ام جمال: ماماتي براء نگعي التمن حته يتنظف
_ اي عمة حاظر
ام جمال: وهاا من تخلصين فوري على النار مي وخلي بي زيت و...
ضلت تشرحلي واني امشي بخطواتهة دتعلمني الطبخ 😂😂 على كولتهة خلص دلالج بعد هسة نشتغل اني وياج.. بس هي حبابة وسبورت تموت علية لان اني بنية.. هي طبيعتهة تحب البنات هواي
_ يلا هسة صفي التمن
صفيته بالمصفاة والبخار يتصاعد ليفوك
_ اي عفية...
قاطع كلامهة اتصال من تلفوني اخذته وشفت غدير متصلة
ام جمال: ردي حبيبتي واني اكمل الباقي
هزيت راسي بأي ورحت لغرفتي جاوبت
_ها غدير
غدير: ولج عزززة براء سمعي
_ شكو اكيد مهيب ماعندج غيرة
غدير: ولج يامهيب.. خالو قاسم تعارك وية بحار
_ ههه دتتشاقي اكيد قبل شوية طلعوا من يمنة ومابيهم شي ليش تفاوليلهم
غدير: والله ما اجذب طلع خالو قاسم متزوج بيداء بالسر ومحد يدري بهالشي وبحار عرفت وطلعت لبيت اهلهة
جمدت بمكاني معقولة مو قاسم متزوج على بحار
____________________
بحار • آكُل من علبة النوتيلا ودموعي ينزلن
اسراء: ولج بحار وتاليته وياج عوفي النوتيلا مو زين عليج هلكد تاكلين
_ عوفيني مقهورة من قاسم
_ عوفيني مقهورة من قاسم
_ لعد تاكلين نوتيلا شو دعوفي جيبي يلا جيبي
اخذته مني ، مسحت حلگي بالكنينس وگمت اشهگ
اسراء: تؤ تؤ يا عيني كافي على شنو هالبچي على واحد ميستاهل
_ مدا اگدر اتحمل ولچ اسو نام وياهة وشابع بيهة
اسراء: وشكو موته روحچ بالبچي انچبي وسكتي ما اسمعلچ حس واحد والله حلوة هاي هم ميجيب اطفال وخاينچ متزوج عليچ ...
تطلگين منه وانتي ساكته ادري بعدج بعمر الورد تدمرين روحج بسبب قاسم ليش بلا وهو هم شايب يعني مو شاب حته تگطعين روحچ علي
قوست شفايفي بعبرة وخنگة وهي تصيح وترزل بية: عوووفي شكو ضالة ويااا هاااا هيج رجال خاين مينراد
مسحت خشمي وعيوني: ماگدر انسى اسو احبة تدرين شنو يعني احبة بس هو حقير وحيوان
اسراء: انچبي ماااكو شي اسمه احبة تكرهي غصباً ما عليچ فهمتي ولج اهلة اللي هي اخته محاربتج وتنين علي ؟؟؟؟
