بارت53
شفت عمو ماهر يطبب قاسم للبيت هلللة بدينه
تسمعت عليهم من باب الاستقبال
قاسم: اجيت اخذ بحار وياي وارجعهة لبيتهة هواي خليتهة ترتاح صارلهة ثلاثة اشهر يمكم خليتهة ترتاح بما فيه الكفاية
ماهر: اهلاً وسهلاً بيك سيدنه.. والله ماعرف انتو تفاهموا براحتكم.. اروح اسألهة واجي اذا تروح وياك او لا ؟؟؟؟
قاسم بحزم: گوللهة ترجع لان هواي بقت يمكم
_ هالشي قرارهة اترخص
طلع بابا ماهر وصار بوجهي رفعلي حاجبة وضحك.. خجلت ودنگت راسي
ماهر: هاا شو تتنصتين ههه
بدلال _ بابااااا
ماهر: تعاي احچي وياچ
هزيت راسي بأي وكعدت كبالة
ماهر: سمعي بنيتي رجلج رابع مرة ديجي عليج وانتي ترفضين وهاي من غير المكالمات يگولي شوكت يرجعج .. صارلج هواي عايفة بيتج ورجلج .. رجعي باباتي واحتظني رجلج لا صدگ يعوفج ويرجع ذيچ طليقته
_ لا سمالله الله يجيرنه انشالله بابا شبيك ليش تفاولي هيچ
ماهر: لان هاي الحقيقة اذا تظلين تماطلين هيچ يصير
ضليت ساكته وماعرف شسوي
_ بابا مامستعدة ارجعلة بعدني ما متقبلة فكرة جان متزوج علية خلي ابقى يمكم هالاسبوع وعود اقرر
ماهر: متأكدة
_ اي بابا
_ ماشي لعد
دخل للاستقبال مرة ثانية ورجعت اذاني على الباب
_ هاا حظرت روحهة
ماهر بحرج : والله اعذرني تكول مامستعدة خلي ينطيني اسبوع ارتاح و اقرر براحتي
قاسم: مو قرارهة طول؟؟؟ ترة صارلهة ثلت اشهر مرتاحة
ماهر: يلا سيد انطيهة مجال تعرف صغيرة وافكارهة مشوشة
عوجت حلكي.. صغيرة هه اني صغيرة
قاسم باستسلام:ماشي لعد راح اجي اسبوع الجاي
ماهر: شرفتنه سيد
وخرت عن الباب بضوجة ،، صعدت فوك اووف حرامات بعد احتاج وقت اكثر اريد اشوف دربي مضة هالاسبوع بين كر وفر قاسم يراسلني ويهدد موضوع اللبس وويا الرزالة غزل ورومانسية شلون صايرة هاي مادري؟؟؟ 😂
اسراء: بحار اني رايحة للصالون تجين وياي
_ تؤ ميحتاج
اسراء: ولو شعندج انتي شو ماشاءالله تبرگين برگ (تلمعين لمع )
_ اللهم صل على محمد وال محمد عين الباردة علية انشالله
