ﺍﻟﻔﺼﻞ ﺍﻟﺮﺍﺑﻊ ﻭﺍﻟﻌﺸﺮﻭﻥ
_______
( ﺣﻴﺎﺓ ﻗﺎﺳﻢ ﺍﻟﺠﺰﺀ ﺍﻟﺜﺎﻧﻲ )
ﺑﺎﻟﻮﺍﻗﻊ
ﺗﻨﻬﺪﺕ ﺑﺤﺴﺮﺓ ﻭﺣﺴﻴﺖ ﺩﻣﻮﻋﻲ ﺣﺮﮔﻨﻲ ﻣﻦ ﺗﺬﻛﺮﺕ ﻫﺎﻟﺬﻛﺮﻯ ﺍﻟﻠﻲ ﻟﺴﺔ ﺑﻌﺪﻫﺔ ﺣﺴﺮﺓ ﺑﮕﻠﺒﻲ ﻓﺮﻛﺖ ﻭﺟﻬﻲ ﻭﺍﻧﻲ ﺍﺑﺎﻭﻉ ﻟﻠﻨﻬﺮ ﻭﺍﻟﺒﻄﺎﺕ ﻭﺍﻟﻮﺯﺍﺕ ﺍﻟﻴﺴﺒﺤﻦ ﺑﺪﺍﺧﻞ ﺍﻟﻨﻬﺮ ﻭﺭﺟﻌﺖ ﺑﺬﻛﺮﻳﺎﺗﻲ
ﺍﻟﻤﺎﺿﻲ
ﺍﻟﺪﻛﺘﻮﺭ : ﺳﻴﺪ ﻗﺎﺳﻢ ﺍﻧﺖ ﺑﺨﻴﺮ
ﻓﺮﻛﺖ ﻭﺟﻬﻲ ﻭﺣﭽﻴﺖ ﺑﻐﺼﺔ : ﻳﻌﻨﻲ ﻣﺎ ﺍﺟﻴﺐ ﺍﻃﻔﺎﻝ !!!
ﺍﻟﺪﻛﺘﻮﺭ : ﻻ ﺍﻧﺸﺎﻟﻠﻪ ﺗﮕﺪﺭ ﻭﻃﺒﻌﺎ ﻣﻊ ﺍﻟﻌﻼﺝ ﺍﻧﻲ ﮔﺘﻠﻚ ﻋﻨﺪﻙ ﺿﻌﻒ ﻭﺗﺤﺘﺎﺝ ﻟﻠﻌﻼﺝ ﻭﺻﺒﺮ ﻭﺛﻘﺔ ﺑﺎﻟﻠﻪ ﻭﺍﻧﺸﺎﻟﻠﻪ ﻳﺎﺭﺏ ﺍﻧﻮ ﺳﺒﺤﺎﻧﻪ ﻭﺗﻌﺎﻟﻰ ﻳﺮﺯﻗﻚ ﺑﺎﻟﺬﺭﻳﺔ ﺑﺲ ﺍﻫﻢ ﺷﻲ ﻻﺗﻴﺄﺱ ﻛﻮﻟﺸﻲ ﻳﺮﺍﺩﻟﺔ ﻭﻗﺖ
ﺍﺧﺬﺕ ﻧﻔﺲ ﻭﺯﻓﺮﺗﻪ : ﻳﻌﻨﻲ ﺍﻻﻓﺘﻬﻤﺘﻪ ﻣﻨﻚ ﻻﺯﻡ ﺍﺗﻌﺎﻟﺞ ﺻﺢ
ﺍﻟﺪﻛﺘﻮﺭ : ﺍﻱ ﻧﻌﻢ ﺍﻧﺘﻪ ﺭﺍﺟﻊ ﻋﻨﺪﻱ ﻭﺍﻧﺸﺎﻟﻠﻪ ﺗﺘﻌﺎﻟﺞ
_ ﺗﺴﻠﻢ ﺩﻛﺘﻮﺭ ﻣﻊ ﺍﻟﺴﻼﻣﻪ
ﺍﻟﺪﻛﺘﻮﺭ : ﺍﻟﻠﻪ ﻭﻳﺎﻙ
ﻃﻠﻌﺖ ﻣﻦ ﺍﻟﻤﻜﺘﺐ ﻣﺎﻝ ﺍﻟﺪﻛﺘﻮﺭ ﻭﺍﻧﻲ ﻣﻜﺴﻮﺭ ﻭﻣﺨﺬﻭﻝ ﺑﺎﻭﻋﺖ ﻟﺒﻴﺪﺍﺀ ﺍﻟﻠﻲ ﺗﻨﺘﻈﺮ ﻣﻨﻲ ﺟﻮﺍﺏ
ﻣﺎﺣﭽﻴﺖ ﺷﻲ ﺍﻟﻬﺔ
ﺑﻴﺪﺍﺀ ﺑﻔﻀﻮﻝ ﻭﺗﺮﻗﺐ : ﻫﺎ ﺣﺒﻴﺒﻲ ﺷﮕﺎﻝ ﺍﻟﺪﻛﺘﻮﺭ
ﻧﺰﻟﺖ ﺭﺍﺳﻲ ﻭﺳﻜﺘﺖ
ﺑﻴﺪﺍﺀ : ﺷﺒﻴﻚ ﻋﻤﺮﻱ
_ ﻣﺎﺑﻴﺔ ﺑﺲ ﻧﺮﺟﻊ ﻟﻠﺒﻴﺖ ﻭﺍﮔﻮﻟﭻ
ﺑﻴﺪﺍﺀ : ﻣﺎﺷﻲ ﺣﺒﻴﺒﻲ
ﺭﺟﻌﻨﻪ ﻟﻠﺒﻴﺖ ﻭﺍﻧﻲ ﻣﺎ ﺍﺣﭽﻲ ﺷﻲ ﻭﻫﻲ ﺳﺎﻛﺘﻪ
ﺩﺧﻠﻨﻪ ﻟﻠﻐﺮﻓﺔ
ﻭﻫﻲ ﺍﺳﺘﻠﻤﺘﻨﻲ؛ ﺷﮕﺎﻟﻚ ﺍﻟﺪﻛﺘﻮﺭ ﻗﺎﺳﻢ ﻟﻴﺶ ﻣﺘﺤﭽﻲ
ﺗﻨﻔﺴﺖ ﺑﻌﻤﻖ : ﺑﻴﺪﺍﺀ ﻻﺯﻡ ﺍﺗﻌﺎﻟﺞ
ﺑﻴﺪﺍﺀ : ﻟﻴﺶ
_ ﻋﻨﺪﻱ ﺿﻌﻒ ﻭﺍﻟﺪﻛﺘﻮﺭ ﮔﺎﻝ ﻻﺯﻡ ﺍﺳﺘﻤﺮ ﺑﺎﻟﻌﻼﺝ ﻳﺎﻟﻠﻪ ﺍﻛﻮ ﻧﺘﻴﺠﺔ
ﺷﻬﮕﺖ ﻭﺧﻠﺖ ﺍﻳﺪﻫﺔ ﻋﻠﻰ ﺣﻠﮕﻬﺔ : ﻋﺰﺯﺯﺍ ﺻﺪﻭﮒ ﺗﺤﭽﻲ ﻗﺎﺳﻢ
ﻧﺰﻟﺖ ﺭﺍﺳﻲ ﺑﺎﻧﻜﺴﺎﺭ ﻭﺍﺣﺲ ﺍﻟﺪﻣﻮﻉ ﺗﺠﻤﻌﻮﺍ ﺑﻌﻴﻮﻧﻲ : ﻫﻴﭻ ﺍﻟﺪﻛﺘﻮﺭ ﮔﺎﻝ
ﺑﻴﺪﺍﺀ ﺑﺤﺰﻥ : ﻣﻴﺨﺎﻟﻒ ﺣﺒﻴﺒﻲ ﺗﻌﺎﻟﺞ ﻭﺍﻧﺸﺎﻟﻠﻪ ﺍﻟﻠﻪ ﺳﺒﺤﺎﻧﻪ ﻳﺮﺯﻗﻨﻪ ﺑﺎﻟﺬﺭﻳﺔ
ﻧﺰﻟﺖ ﺭﺍﺳﻲ ﻭﺣﭽﻴﺖ ﺑﻐﺼﺔ : ﺍﻧﺸﺎﻟﻠﻪ
ﻣﺮﻥ ﻳﻮﻣﻴﻦ ﻋﻠﻰ ﺭﻭﺣﺘﻨﻪ ﻟﻠﺪﻛﺘﻮﺭ ﻭﻣﺤﺪ ﻋﺮﻑ ﺑﻤﻮﺿﻮﻋﻲ ﺑﺲ ﺍﻣﻲ ﻭﺑﻴﺪﺍﺀ
ﮔﻤﺖ ﺍﻫﺘﻢ ﺑﺒﻴﺪﺍﺀ ﺍﻛﺜﺮ ﻻﻥ ﻣﺎﺭﻳﺪ ﺍﻗﺼﺮ ﻭﻳﺎﻫﺔ ﺑﺸﻲ ...
ﺑﺪﻳﺖ ﺍﺭﺍﺟﻊ ﻭﻳﺔ ﺍﻟﺪﻛﺘﻮﺭ ﻭﺍﻟﺘﺰﻣﺖ ﻭﻳﺎﺓ ﺍﺷﻬﺮ ﻭﻣﻦ ﺣﻠﻠﺖ ﻣﺮﺓ ﺛﺎﻧﻴﺔ
ﺍﻟﺪﻛﺘﻮﺭ ﺑﺎﺑﺘﺴﺎﻣﻪ : ﺳﻴﺪ ﻗﺎﺳﻢ ﺍﻟﺤﻤﺪﻟﻠﻪ ﺣﺎﻟﺘﻚ ﺗﺤﺴﻨﺖ ﻟﻼﻓﻀﻞ
ﻓﺮﺣﺖ ﺑﻬﺎﻟﺸﻲ : ﺻﺪﻭﮒ ﺩﻛﺘﻮﺭ
ﺍﻟﺪﻛﺘﻮﺭ : ﺍﻱ ﻏﻴﺮ ﺍﻟﺘﺤﺎﻟﻴﻞ ﻭﺣﺎﻟﺘﻚ ﻫﻴﭻ ﺗﻮﺿﺤﻠﻲ
ﻓﺮﺣﺖ ﺑﻬﺎﻟﺸﻲ ﻭﺧﺒﺮﺕ ﺑﻴﺪﺍﺀ ﻭﻫﻲ ﻓﺮﺣﺎﻧﻪ ﻫﻤﺎﺕ
ﮔﺎﻣﺖ ﺗﻤﺸﻲ ﺍﻻﻳﺎﻡ ﻭﺑﻌﺪ ﻣﺎ ﺭﺍﺟﻌﺖ ﺩﻛﺘﻮﺭ ﭼﻨﺖ ﺍﻧﺘﻈﺮ ﻳﺠﻲ ﺧﺒﺮ ﺍﻟﺤﻤﻞ ﻣﻦ ﺑﻴﺪﺍﺀ ﺑﺲ ﻣﺮ ﺷﻬﺮﻳﻦ ﻭﻣﺎﻛﻮ ﮔﻠﺖ ﺧﻞ ﺍﻧﺘﻈﺮ ﺍﻛﺜﺮ ﻭﻫﻢ ﻣﺎﻛﻮ
ﺑﻴﺪﺍﺀ ﺑﻀﻴﻖ : ﻗﺎﺳﻢ ﺻﺎﺭﻟﻨﻪ ﺛﻠﺜﺖ ﺍﺷﻬﺮ ﻭﻣﺼﺎﺭ ﺣﻤﻞ ﺷﻨﻮ ﺍﻟﺴﺎﻟﻔﺔ
ﺣﭽﻴﺖ ﺑﺤﻴﺮﺓ : ﻣﺎﻋﺮﻑ ﺑﻴﺪﺍﺀ ﺍﻧﻲ ﺗﻌﺎﻟﺠﺖ ﺑﺲ ﻟﻴﺶ ﻣﺎ ﺻﺎﺭ ﻣﺎﺩﺭﻱ ﺭﻭﺣﻲ ﺍﻧﺘﻲ ﺭﺍﺟﻌﻲ ﻭﻧﺸﻮﻑ
ﺑﻴﺪﺍﺀ ﺑﻌﺼﺒﻴﺔ : ﺍﻭﻭﻑ ﺍﻧﻲ ﻟﻌﺒﺖ ﻧﻔﺴﻲ ﺻﺎﺭﻟﻲ ﺧﻤﺲ ﺳﻨﻴﻦ ﺍﻧﺘﻈﺮ ﻭﻣﺎﻛﻮ ﺑﺲ ﻣﺎﺷﻲ ﺣﺮﻭﺡ ﻟﻠﺪﻛﺘﻮﺭﺓ
ﺭﺣﻨﻪ ﺍﻧﻲ ﻭﻳﺎﻫﺔ ﻟﻠﺪﻛﺘﻮﺭﺓ ﻭﺍﻧﻲ ﺍﻧﺘﻈﺮﻫﺔ ﻃﻠﻌﺖ ﻫﻲ ﻭﻣﺎﻋﺎﺟﺒﻬﺔ : ﻣﺎﺑﻴﺔ ﺷﻲ ﺍﻟﺪﻛﺘﻮﺭﺓ ﺗﮕﻮﻝ ﺣﺎﻟﺘﻲ ﺯﻳﻨﻪ ﺭﻭﺡ ﺍﻧﺖ ﺭﺍﺟﻊ ﻣﺮﺓ ﺛﺎﻧﻴﺔ ﻳﻤﻜﻦ ﺫﺍﻙ ﺍﻟﺪﻛﺘﻮﺭ ﻣﻮ ﺯﻳﻦ
ﺣﺠﻴﺖ ﺑﻌﺼﺒﻴﻪ : ﺍﻧﺘﻲ ﻟﻴﺶ ﺑﺲ ﺗﺬﺑﻴﻦ ﺍﻟﻌﻴﺐ ﺑﻴﺔ ﺍﻧﻲ ﺷﻜﻮ ﻫﺎﺍﺍ ﺻﺎﺭﻟﻲ 3 ﺍﺷﻬﺮ ﻣﻦ ﻣﺮﺍﺟﻊ ﻭﻫﻮ ﮔﻠﻲ ﺗﻌﺎﻟﺠﺖ ﺑﻌﺪ ﺷﻜﻮ
ﺑﻴﺪﺍﺀ ﺑﻌﻨﺎﺩ : ﻟﻌﺪ ﻟﻴﺶ ﻣﺼﺎﺭ ﺣﻤﻞ ﻋﻨﺪﻱ ﻫﺎ ﻭﺍﻧﻲ ﺣﺎﻟﺘﻲ ﺯﻳﻨﻪ
ﺗﻨﻔﺴﺖ ﺑﻌﺼﺒﻴﺔ ﻭﺍﻧﻲ ﻣﻦ ﺩﺍﺧﻠﻲ ﺑﺮﻛﺎﻥ ﻣﺎﺷﻲ ﻳﺎﺑﻴﺪﺍﺀ ﺍﻭﮔﻔﻴﻠﻲ
ﺑﻴﺪﺍﺀ : ﺍﻣﺸﻲ ﻫﺴﺔ ﻧﺮﻭﺡ ﻟﻐﻴﺮ ﺩﻛﺘﻮﺭ ﻭﻧﺸﻮﻑ
_ ﻛﺎﺍﺍﻓﻲ ﻣﻮﺗﻴﻨﻲ ﻛﻮﻟﺸﻲ ﺫﺍﺑﺘﻪ ﺑﺮﺍﺳﻲ ﺧﻮ ﮔﻮﻟﻲ ﺍﻟﻠﻪ ﻣﺎﺭﺯﻗﻨﻪ ﻗﺎﺑﻞ ﺑﻴﺪﻱ ﻫﺎﻟﺸﻲ
ﺑﻴﺪﺍﺀ ﺑﻀﺠﺮ : ﻗﺎﺳﻢ ﻣﻠﻴﺖ ﺍﺭﻳﺪ ﺑﺤﻈﻨﻲ ﻃﻔﻞ ﻣﺎ ﻃﻠﻌﺖ ﻫﺎﻱ ﺳﻨﻴﻦ ﺍﺭﻳﺪ ﻃﻔﻞ ﻭﻣﺎﻛﻮ
ﺭﺟﻌﻨﻪ ﻟﻠﺒﻴﺖ ﻭﺍﻧﻲ ﻣﻌﺼﺐ ﺣﻴﻞ ﻣﺮ ﺍﺳﺒﻮﻉ ﻭﺍﻧﻲ ﺑﺲ ﺍﻓﻜﺮ ﺍﺭﻭﺡ ﻟﺪﻛﺘﻮﺭ ﺛﺎﻧﻲ ﻟﻮ ﻻ ﺍﺧﺮ ﺷﻲ ﻗﺮﺭﺕ ﺍﺭﻭﺡ ﻟﻐﻴﺮ ﺩﻛﺘﻮﺭ ﺭﺣﺖ ﻳﻤﻪ ﻭﺭﺍﺟﻌﺖ ﻭﻫﻮ ﻳﻘﺮﺍﻟﻲ ﺍﻟﺘﺤﺎﻟﻴﻞ
ﺍﻟﺪﻛﺘﻮﺭ : ﺍﺳﺘﺎﺫ ﻗﺎﺳﻢ ﻋﻨﺪﻙ ﺿﻌﻒ
ﺗﺨﺒﻠﺖ ﻣﻦ ﻫﻴﭻ ﺳﻤﻌﺖ _ ﺩﻛﺘﻮﺭ ﻣﺴﺘﺤﻴﻞ ﺫﺍﻙ ﺍﻟﻴﻮﻡ ﺭﺣﺖ ﻟﺪﻛﺘﻮﺭ ××× ﻭﺭﺍﺟﻌﺖ ﻭﮔﻠﻲ ﺗﻌﺎﻟﺠﺖ
ﺍﻟﺪﻛﺘﻮﺭ : ﺟﺎﻳﺐ ﺍﻟﺘﺤﺎﻟﻴﻞ
ﺍﻧﻄﻴﺘﻪ ﺗﺤﺎﻟﻴﻠﻲ ﺍﻟﻘﺪﻳﻤﺔ : ﺍﻱ ﺟﺒﺘﻬﻦ ﺗﻔﻀﻞ
ﺿﻞ ﻫﻮ ﻳﻘﺮﺍﻫﻦ ﻭﻣﺮﻛﺰ ﺑﻴﻬﻦ ﻭﺑﺎﻭﻋﻠﻲ : ﺍﺳﺘﺎﺫ ﻋﺎﺩﻱ ﺗﻌﺎﻟﺠﺖ ﻭﺭﺟﻊ ﺻﺎﺭ ﻋﻨﺪﻙ ﺿﻌﻒ ﺍﻟﺘﺤﺎﻟﻴﻞ ﻣﻀﺒﻮﻃﺔ
ﺣﺠﻴﺖ ﻭﺍﻧﻲ ﻋﻠﻰ ﺳﺎﻋﺔ ﺍﻧﻔﺠﺮ _ ﻭﻫﺴﺔ ﺷﺴﻮﻱ
ﺍﻟﺪﻛﺘﻮﺭ : ﺗﺘﻌﺎﻟﺞ ﻣﺮﺓ ﺛﺎﻧﻴﺔ ﻣﺎﻋﻨﺪﻙ ﻏﻴﺮ ﺣﻞ
ﻓﺮﻛﺖ ﻭﺟﻬﻲ ﺑﺨﺒﺎﻝ ﻭﻗﻬﺮ : ﺩﻛﺘﻮﺭ ﻟﺨﺎﻃﺮ ﺍﻟﻠﻪ ﺻﺎﺭﻟﻲ ﺧﻤﺲ ﺳﻨﻴﻦ ﻣﺘﺰﻭﺝ ﻭﻣﺼﺎﺭ ﻋﻨﺪﻱ ﻃﻔﻞ ﻭﺯﻭﺟﺘﻲ ﺭﺍﺟﻌﺖ ﻭﺗﺤﺎﻟﻴﻠﻬﺔ ﻧﻈﻴﻔﺔ ﺍﻟﺔ ﺍﻧﻲ
ﺍﻟﺪﻛﺘﻮﺭ ﺑﺤﺰﻥ : ﺍﻟﻠﻪ ﻳﺴﺎﻋﺪﻙ ﺍﺳﺘﺎﺫ ﺑﺲ ﺍﻧﺖ ﺣﺎﻟﺘﻚ ﻳﺤﺘﺎﺟﻠﻬﺔ ﺻﺒﺮ ﻭﻣﺮﺍﺟﻌﻪ ﺛﻖ ﺑﺎﻟﻠﻪ ﻭﺍﺩﻋﻲ ﻭﺍﻧﺸﺎﻟﻠﻪ ﺍﻛﻮ ﻧﺘﻴﺠﺔ
ﻣﺘﺖ ﻗﻬﺮ ﻣﻦ ﻋﺮﻓﺖ ﺭﺟﻌﺖ ﺣﺎﻟﺘﻲ ﻟﻠﺼﻔﺮ ﺿﻠﻴﺖ ﺍﺗﻌﺎﻟﺞ ﻭﺑﻴﺪﺍﺀ ﺑﺪﺕ ﺗﻤﻞ ﻭﺗﺘﻀﺎﻳﻖ
ﻭﺍﻧﻲ ﺷﻨﻮ ﺗﺮﻳﺪ ﺍﺟﻴﺒﻠﻬﻴﺎ ﻣﺪﻧﺪﺷﺔ ﺗﺪﻧﺪﺵ ﺑﺎﻟﺬﻫﺐ ﻭﺷﻨﻮ ﺗﺮﻳﺪ ﻛﻮﻟﺸﻲ ﻣﻄﺎﻉ
ﺑﻴﺪﺍﺀ ﺑﺤﺰﻥ : ﻗﺎﺳﻢ ﻫﻢ ﻣﺎﺻﺎﺭ ﻋﻨﺪﻱ ﺣﻤﻞ
ﺗﻨﻬﺪﺕ ﺑﻘﻬﺮ ﻭﺍﺣﺲ ﺑﺎﻧﻜﺴﺎﺭ : ﺍﻧﺸﺎﻟﻠﻪ ﺑﻴﺪﺍﺀ ﺍﺻﺒﺮﻱ ﺍﻧﺸﺎﻟﻠﻪ ﺍﺣﺼﻞ ﻧﺘﻴﺠﺔ
ﺑﻴﺪﺍﺀ : ﻧﺼﺒﺮ ﻟﻴﺶ ﻟﻌﺪ ﻧﺼﺒﺮ ﺷﻌﺪﻧﻪ ﻗﺎﺑﻞ ﺑﺲ ﺍﻫﻠﻚ ﺩﻣﺮﻭﻧﻲ ﻳﺮﺩﻭﻧﻲ ﺍﺣﺒﻞ ﻣﺘﺖ ﻣﻨﻬﻢ
_ ﺣﺒﻴﺒﻲ ﺑﻴﺪﺍﺀ ﺷﻨﻮ ﺑﻴﺪﻱ ﻗﺎﺑﻞ ﺗﺤﻤﻠﻴﻬﻢ ﻭﻟﺘﻨﺴﻴﻦ ﻫﺬﺍ ﺍﻟﻤﻮﺿﻮﻉ ﺑﻴﻨﻲ ﻭ ﺑﻴﻨﭻ ﻣﺎﺭﻳﺪ ﺍﺣﺪ ﻳﻌﺮﻑ ﺑﻲ
ﺑﻴﺪﺍﺀ : ﻳﻌﻨﻲ ﺷﻠﻮﻥ ﻗﺎﺳﻢ ﺻﺪﻳﻘﺘﻲ ﻣﻴﺲ ﺗﺼﻴﺤﻠﻲ ﻋﺎﮔﺮ ﻟﻌﺒﺘﻬﺔ ﻟﻨﻔﺴﻲ ﻭﻓﻮﮔﺎﻫﺔ ﮔﺒﺎﻝ ﺍﻫﻠﻚ ﺗﮕﻮﻟﻲ ﻟﻴﺶ ﻣﺘﺤﻤﻠﻴﻦ ﻗﺎﺑﻞ ﺗﺮﻳﺪﻧﻲ ﺍﺳﻜﺖ ﻭﻳﺬﺑﻮﻥ ﺍﻟﺼﻮﭺ ﺑﻴﺔ
ﺟﺒﺖ ﺍﻟﻘﺮﺁﻥ ﻭﺧﻠﻴﺘﻪ ﮔﺒﺎﻟﻬﺔ : ﺑﻴﺪﺍﺀ ﺍﺣﻠﻔﻲ ﻋﻠﻰ ﺍﻟﻘﺮﺁﻥ ﻣﺘﮕﻮﻟﻴﻦ ﻻﺣﺪ ﻋﻠﻰ ﺣﺎﻟﺘﻲ
