ﺍﻟﻔﺼﻞ ﺍﻟﺴﺎﺩﺱ ﻭﺍﻟﻌﺸﺮﻭﻥ
ﺑﺎﻭﻋﺖ ﻟﺒﺤﺎﺭ ﻻ ﻣﺎﻣﻌﻘﻮﻟﺔ ﺭﺟﻌﺖ ﺍﻧﻈﺎﺭﻱ ﻟﻠﺮﺳﺎﻟﺔ ﺍﻟﻮﺻﻠﺘﻠﻬﺔ ﻭﻗﺮﻳﺘﻬﺔ ﻣﻦ ﺟﺪﻳﺪ
« ﺑﺤﺎﺭ ﻟﺘﺤﺎﻭﻟﻴﻦ ﺗﺤﻈﺮﻳﻨﻲ ﺍﺿﻞ ﺍﺩﺧﻠﭻ ﻣﻦ ﻏﻴﺮ ﺭﻗﻢ »
« ﻣﺎﺷﻲ ﺑﺎﭼﺮ ﺑﺎﻟﺪﻭﺍﻡ ﻋﻮﺩ ﻧﻠﺘﻘﻲ ﺑﺎﻟﻄﻠﻌﺔ ﻭﻧﺘﻔﺎﻫﻢ ﻋﻠﻰ ﺍﻟﺸﺮﻁ ﻭﺍﺫ ﻣﺎ ﺭﺿﻴﺘﻲ ﻣﺎ ﺍﻫﺪﭺ ﻟﻮ ﺍﻟﺴﻤﺎ ﺗﻨﻄﺒﮓ ﻋﻠﻰ ﺍﻻﺭﺽ »
ﺍﺣﺲ ﺩﻣﻲ ﻓﺎﺭ ﻣﻦ ﻫﺎﻟﻜﻼﻡ ﻳﺎ ﺷﺮﻁ ﻣﺘﻔﻘﻴﻦ ﻋﻠﻲ ﻣﻌﻘﻮﻟﺔ ﺑﺤﺎﺭ ﺗﺨﻮﻧﻲ ﺻﻔﻨﺖ ﺑﻤﻼﻣﺤﻬﺔ ﺍﺷﻮﻑ ﻭﺟﻬﺔ ﺍﻟﺒﺮﻱﺀ ﻣﺴﺘﺤﻴﻞ ﺗﻄﻠﻊ ﻣﻦ ﻫﺎﻟﺒﺮﺍﺋﺔ ﻭﺍﻟﻄﻔﻮﻟﺔ ﺧﻴﺎﻧﻪ
ﻓﺮﻛﺖ ﺟﺒﻴﻨﻲ ﺑﺤﻴﺮﺓ ﻭﺍﺣﺲ ﺗﺸﻌﻮﻃﺖ ﻧﺎﺭ ﻣﻦ ﺍﻟﺼﺎﺭ ﺿﻠﺖ ﺍﻻﻓﻜﺎﺭ ﺗﺮﺍﻭﺩﻧﻲ ﻣﻌﻘﻮﻟﺔ ﺣﺒﻴﺒﻬﺔ ... ﻻ ﻣﺴﺘﺤﻴﻞ ﺑﺤﺎﺭ ﺷﺮﻳﻔﺔ ﻭﻣﺎﻋﺪﻫﺔ ﻫﻴﭻ ﺳﻮﺍﻟﻒ
ﺍﻻﻓﻜﺎﺭ ﺳﻄﺮﻧﻲ ﺳﻄﺮ ﺿﻠﻴﺖ ﻟﻠﻔﺠﺮ ﺍﻧﻲ ﺍﻓﻜﺮ ﺍﺧﺮ ﺷﻲ ﻗﺮﺭﺕ ﺍﺭﺍﻗﺒﻬﺔ ﺍﺫﺍ ﺻﺪﻭﮒ ﺗﺨﻮﻧﻲ ﻟﻮ ﻻ
ﺻﻠﻴﺖ ﺍﻟﻔﺠﺮ ﻭﺍﻧﻲ ﺍﻧﺘﻈﺮﻫﺔ ﺗﮕﻌﺪ ﻭﺍﻟﻠﻪ ﻭﺷﻮﻳﺔ ﻭﺩﮒ ﺍﻟﻤﻨﺒﻪ ﻣﺎﻟﺘﻬﺔ ﺣﺴﻴﺘﻬﺔ ﮔﺎﻣﺖ ﻭﺣﻈﺮﺕ ﻧﻔﺴﻬﺔ ﻟﻠﺪﻭﺍﻡ ﻭﻃﻠﻌﺖ ﻣﻦ ﺍﻟﻐﺮﻓﺔ ﮔﻤﺖ ﺑﺴﺮﻋﺔ ﻟﺒﺴﺖ ﻣﻼﺑﺴﻲ ﻭﻃﻠﻌﺖ ﻭﺭﺍﻫﺔ ﺷﻔﺖ ﺍﻟﺴﺎﻳﻖ ﺍﺟﺎﻫﺔ ﻭﺻﻌﺪﺕ ﺭﻛﺒﺖ ﺳﻴﺎﺭﺗﻲ ﻭﺍﻧﻲ ﻭﺭﺍﻫﺔ ﻭﺭﺍﻫﺔ ﻣﺎ ﺍﺻﺪﮒ ﺍﻟﻠﻲ ﺩﺍ ﺍﺳﻮﻱ ﻣﻌﻘﻮﻟﺔ ﻫﻴﭻ ﺍﻧﻲ ﻣﺎ ﺍﺛﻖ ﺑﺎﻟﻨﺴﻮﺍﻥ ﻟﻬﺎﻟﺪﺭﺟﺔ
ﺷﻔﺘﻬﺔ ﻧﺰﻟﺖ ﻭﺩﺧﻠﺖ ﻟﻠﺪﻭﺍﻡ ﺭﺣﺖ ﻭﺭﺍﻫﺔ ﻭﺩﺧﻠﺖ ﻋﻨﺪﻱ ﺻﺪﻳﻖ ﺍﻟﻲ ﺩﺧﻠﻨﻲ
ﺿﻠﻴﺖ ﺍﺭﺍﻗﺐ ﺑﻤﻜﺘﺒﻬﺔ ﻭﻟﻬﻨﺎﻙ ﻭﺗﻠﻔﻮﻧﻲ ﺩﮒ
_ ﺍﻟﻮ
ﺑﺮﺍﺀ : ﻋﻤﻮ ﺍﻧﺖ ﻣﻮ ﮔﻠﺖ ﺣﺘﻮﺩﻳﻨﻲ ﻟﻠﻤﺪﺭﺳﺔ
ﺿﺮﺑﺖ ﺭﺍﺳﻲ ﺑﺨﻔﺔ : ﺍﻭﻭﻑ ﻧﺴﻴﺖ ﻫﺴﺔ ﻋﻤﻮ ﺍﺩﺯﻟﭻ ﻭﺍﺣﺪ ﻳﻮﺻﻠﭻ ﻟﻠﺒﻴﺖ
ﺑﺮﺍﺀ : ﺍﻭﻛﻲ ﺍﻧﻲ ﺍﻧﺘﻈﺮ
ﺳﺪﻳﺖ ﺍﻻﺗﺼﺎﻝ ﻭﺍﺗﺼﻠﺖ ﺑـ " ﻣﻨﺘﻈﺮ " ﺻﺎﻧﻊ ﻭﻳﺎﻱ ﺑﺎﻟﻤﺤﻞ ﺧﻮﺵ ﻭﻟﺪ ﺍﻋﺘﺒﺮﺓ ﻣﺜﻞ ﺍﺑﻨﻲ ﻻﻥ ﺍﻧﻲ ﺍﻟﺮﺑﻴﺘﻪ
_ ﺍﻟﻮ ﻣﻨﺘﻈﺮ ﻳﺎﺑﺔ ﺍﺭﻳﺪﻙ ﺑﺨﺪﻣﺔ ... ﺗﺴﻠﻢ ﻋﻴﻮﻧﻲ ... ﺷﻮﻑ ﺣﺒﻴﺒﻲ ﺍﺭﻳﺪﻙ ﺗﺮﻭﺡ ﻟﻠﺒﻴﺖ ﻣﺎﻟﺘﻲ ﺧﻮ ﺍﻧﺖ ﺗﻨﺪﻟﺔ ... ﺍﻱ ... ﺍﺧﺬ ﺗﻜﺴﻲ ﻭﺭﻭﺡ ﻟﺒﻴﺘﻲ ﻭﺭﺍﺡ ﺗﺸﻮﻑ ﺑﻨﻴﺔ ﻃﺎﻟﻌﺔ ﻣﻦ ﺍﻟﺒﻴﺖ ﺗﻨﺘﻈﺮ ﺍﻧﺖ ﮔﻮﻟﻠﻬﺔ ﺍﻧﻲ ﻣﻦ ﻃﺮﻑ ﻋﻤﭻ ﻗﺎﺳﻢ ﻫﻮ ﺩﺯﻧﻲ ﻋﻠﻴﭻ .... ﺭﺣﻤﺔ ﺍﻟﻠﻪ ﻭﺍﻟﺪﻳﻚ .... ﺍﻟﻠﻪ ﻭﻳﺎﻙ
ﺳﺪﻳﺖ ﺍﻟﺨﻂ ﻭﺍﻧﻲ ﺍﻧﺘﻈﺮ ﺗﻄﻠﻊ ﻣﻦ ﻣﻜﺘﺒﻬﺔ ﺍﻭ ﺭﺟﺎﻝ ﻳﺪﺧﻞ ﻟﻠﻤﻜﺘﺐ ﺣﺘﻪ ﺍﺗﺄﻛﺪ
ﺭﺣﺖ ﻟﻤﻜﺘﺐ ﺍﻟﻤﺪﻳﺮ ﻳﺼﻴﺮ ﺯﻣﻴﻞ ﻭﻳﺎﻱ ﺑﺎﻟﻜﻠﻴﺔ ﺿﻠﻴﻨﻪ ﻧﺴﻮﻟﻒ ﻋﻦ ﺍﻻﻗﺘﺼﺎﺩ ﻭﺍﻟﺴﻴﺎﺳﺔ ﻭﻧﺸﺮﺏ ﭼﺎﻱ
ﻭﺍﻧﻲ ﺑﺎﻟﻲ ﻳﻤﻬﺔ ﻣﻌﻘﻮﻟﺔ ﺗﻠﺘﻘﻲ ﺑﻲ
_ ﺍﺑﻮ ﺳﺮﻣﺪ ﺷﻮﻛﺖ ﻳﺨﻠﺺ ﺩﻭﺍﻣﻜﻢ
ﺍﻟﻤﺪﻳﺮ : ﺑﻌﺪ ﺧﻤﺲ ﺳﺎﻋﺎﺕ
_ ﺍﺣﻤﻢ
ﺿﻠﻴﺖ ﺍﺻﻔﻦ ﻭﻣﺎﻋﺮﻑ ﺷﺴﻮﻱ _ ﻳﺎﻟﻞ ﺍﻧﻲ ﺭﺍﻳﺢ ﻣﻊ ﺍﻟﺴﻼﻣﻪ
ﺍﺑﻮ ﺳﺮﻣﺪ : ﺍﻟﻠﻪ ﻭﻳﺎﻙ
ﻃﻠﻌﺖ ﻣﻦ ﺍﻟﺸﻐﻞ ﻣﺎﻟﺘﻬﺔ ﻭﺭﺣﺖ ﺟﺒﺖ ﻣﺴﻮﺍﮒ ﻟﻠﺒﻴﺖ ﻭﺑﻌﺪﻳﻦ ﺿﻠﻴﺖ ﺍﻓﺘﺮ ﺟﺒﺖ ﺍﺑﻮ ﺍﻟﺒﻮﺍﺭﻱ ﻻﻥ ﺍﻟﺤﻤﺎﻡ ﺍﻟﺠﻮﺓ ﺍﻟﺒﻮﺍﺭﻱ ﻣﺎﻟﺘﻪ ﺧﺮﺑﺎﻧﺎﺕ ﻭﻣﻴﺘﺼﻠﺤﻦ ﺷﮕﺪ ﺣﺎﻭﻟﺖ ﻣﺎﮔﺪﺭﺕ ﺻﻠﺤﻬﻦ ﻭﺣﺎﺳﺒﺘﻪ ﻭﻫﻮ ﻃﻠﻊ ﺻﺎﺭ ﺍﻻﺫﺍﻥ ﺻﻠﻴﺖ ﻭ ﺭﺣﺖ ﻏﺴﻠﺖ ﻭﺑﺪﻟﺖ ﻣﻼﺑﺴﻲ ﻭﻃﻠﻌﺖ ﻟﺸﻐﻞ ﺑﺤﺎﺭ ﻻﻥ ﻗﺮﺏ ﻣﻮﻋﺪ ﻃﻠﻌﺘﻪ ﺿﻠﻲ ﺻﺎﻑ ﺳﻴﺎﺭﺗﻲ ﻗﺮﻳﺐ ﻋﻠﻰ ﺍﻟﻤﻜﺎﻥ
ﻭﺍﻧﻲ ﺍﻧﺘﻈﺮ ﺷﻔﺖ ﺍﻟﻤﻮﺿﻔﻴﻦ ﺑﺪﻭﺍ ﻳﻄﻠﻌﻮﻥ ﻭﺷﻔﺘﻬﺔ ﻫﻲ ﻃﺎﻟﻌﺔ ﻻﺑﺴﺔ ﻋﺒﺎﻳﺘﻬﺔ ﻭﺗﻌﺪﻝ ﺑﻴﻬﺔ ﺍﻇﺎﻫﺮ ﺗﻨﺰﻋﻬﺔ ﺑﺎﻟﻤﻜﺘﺐ ﻭﻣﻦ ﺗﻄﻠﻊ ﺗﻠﺒﺴﻬﺔ ﻣﺎ ﺍﻫﺘﻤﻴﺖ ﻻﻥ ﻣﺒﻴﻦ ﺻﺪﻭﮒ ﻣﺘﺨﺘﻠﻂ ﺑﺎﻟﺮﺟﺎﻝ ﺑﺲ ﺑﺸﻲ ﻗﻠﻴﻞ ﺿﻠﻴﺖ ﺍﺗﺎﺑﻌﻬﺔ ﻭﺍﻧﻲ ﺍﺷﻮﻓﻬﺔ ﺗﻨﺘﻈﺮ ﺍﻟﺴﺎﻳﻖ ﻟﻬﻨﺎﻙ ﻭﺷﻔﺖ ﻭﺍﺣﺪ ﺟﺎﻱ ﻳﻤﻬﺔ ﻃﻠﻌﺖ ﻣﻦ ﺳﻴﺎﺭﺗﻲ ﻭﺭﺣﺖ ﻭﮔﻔﺖ ﻗﺮﻳﺐ ﻋﻠﻴﻬﻢ ﺍﺗﺴﻤﻌﻠﻬﻢ ﺍﺭﻳﺪ ﺍﻋﺮﻑ ﺷﻨﻮ ﺳﺎﻟﻔﺘﻪ ﻭﻳﺎﻫﺔ
ﺍﻣﺠﺪ : ﻫﺎ ﺣﺒﻴﺒﺘﻲ ﺷﻮﻧﭻ 😉
ﺑﺤﺎﺭ ﺑﻌﺼﺒﻴﺔ : ﺣﺒﺘﻚ ﺣﻴﺔ ﺍﻧﺸﺎﻟﻠﻪ
ﺍﻣﺠﺪ : ﺗﺆ ﺗﺆ ﻟﻴﺶ ﻫﻴﭻ ﺣﺐ ﻛﺴﺮﺗﻲ ﮔﻠﺒﻲ 💔
ﺑﺤﺎﺭ ﻭﻫﻲ ﺗﻨﻔﺦ ﺑﻀﺠﺮ ﻭﺗﺎﺷﺮ ﺑﺴﺒﺎﺑﺔ ﺍﻳﺪﻫﺔ ﺑﺘﻬﺪﻳﺪ : ﺍﻣﺠﺪ ﺗﻮﻟﻲ ﻋﻦ ﺧﻠﻘﺘﻲ ﻟﻮ ﻫﺴﻪ ﺍﺣﻴﺮ ﺷﺴﻮﻱ ﺑﻴﻚ ﻟﺘﺨﻠﻴﻨﻲ ﺍﻓﻀﺤﻚ ﮔﺪﺍﻡ ﺍﻣﺔ ﻣﺤﻤﺪ ﻭﺍﮔﻮﻟﻠﻬﻢ ﺗﺘﺤﺎﺭﺵ ﺑﻴﺔ
ﺍﻣﺠﺪ : ﺑﻌﺪ ﺍﺣﺴﻦ ﺣﺘﻪ ﻳﺰﻭﺟﻮﭺ ﺍﻟﻲ ﻣﺜﻞ ﻣﺎ ﺯﻭﺟﻮﭺ ﻟﻠﺸﺎﻳﺐ
ﺑﺤﺎﺭ ﺑﻐﻀﺐ : ﺷﺎﻳﺐ ﺑﻌﻴﻨﻚ ﻛﻮﻥ ﺷﮕﺪ ﻗﻠﻴﻞ ﺍﺩﺏ
ﺍﻣﺠﺪ ﺑﻌﺼﺒﻴﺔ ﻭﻏﻴﺮﺓ : ﻭﺷﻜﻮ ﺗﺪﺍﻓﻌﻴﻠﺔ ﻫﺎﺍ ﻟﻴﻜﻮﻥ ﺣﺒﻴﺘﻲ
ﺑﺤﺎﺭ ﻭﻫﻲ ﺩﻳﺮ ﻋﻴﻮﻧﻬﺔ ﺑﻀﺠﺮ : ﺷﻮﻑ ﻋﻤﺮﻱ ﺍﻧﺖ ﻣﺪﺧﻠﻚ ﺑﺤﻴﺎﺗﻲ ﻓﻬﻤﺖ ﺷﻨﻮ
ﻳﻌﻨﻲ ﻣـ ﺩ ﺧـ ﻟـ ﻙ
ﺍﻣﺠﺪ : ﻻ ﺍﺗﺪﺧﻞ ﻭﻧﺺ ﺑﺤﺎﺭ ﻟﺘﺨﻠﻴﻨﻲ ﺍﺧﻄﻔﭻ ﻭﺍﺧﻠﻲ ﺍﻟﻨﺎﺱ ﻋﺒﺎﻟﻬﻢ ﺷﺎﺭﺩﺓ ﻭﻳﺎﻳﺔ
ﺑﺤﺎﺭ ﺑﺎﺳﺘﻬﺰﺍﺀ : ﻫﻬﻪ ﺍﻧﻲ ﺍﺷﺮﺩ ﻭﻫﻢ ﻭﻳﺔ ﻣﻨﻮ ﻭﻳﺎﻙ ﻻ ﻋﻴﻨﻲ ﻻ ﺍﻧﻲ ﻣﺎ ﺍﻋﺮﻑ ﻫﻴﭻ ﻧﺎﺱ ﺣﺜﺎﻟﺔ ﻣﺜﻠﻚ
ﺍﻣﺠﺪ ﻭﻫﻮ ﻳﻠﺰﻡ ﺯﻧﺪ ﺑﺤﺎﺭ ﻭﻫﺰﻫﺔ ﺑﻌﻨﻒ : ﺧﻠﻴﻨﻲ ﺍﺷﻮﻓﭻ ﻫﺬﺍ ﺍﻟﺤﺜﺎﻟﺔ ﺷﻴﺴﻮﻱ
ﺑﺤﺎﺭ • ﺳﺤﺒﻨﻲ ﻣﻦ ﺍﻳﺪﻱ ﻭﺍﻧﻲ ﺍﻭﺧﺮﺓ ﻋﻨﻲ
_ ﻭﺧﺮ ﺣﻴﻮﺍﻥ ﺍﺩﺏ ﺳﺰ ﻭﻟﻚ ﻭﺧﺮﺭﺭ
ﺍﻣﺠﺪ ﺑﺤﺪﺓ : ﻣﺎﻛﻮ ﺍﺣﺪ ﻳﻨﺠﺪﭺ ﻣﻨﻲ ﮔﺘﻠﭻ ﻟﻴﻠﺔ ﺗﮕﻀﻴﻬﺔ ﻭﻳﺎﻱ ﻭﻧﺨﻠﺺ ﻟﻴﺶ ﺗﻀﻠﻴﻦ ﺗﻌﺎﻧﺪﻳﻦ
ﺿﺮﺑﺘﻪ ﺑﻤﻨﻄﻘﺘﻪ ﺑﺎﻟﻜﻌﺐ ﻭﺻﺤﺖ ﺑﻲ : ﺍﺫﺍ ﺗﻠﻤﺴﻨﻲ ﺑﻌﺪ ﺍﻃﻴﺤﺔ ﻟﺤﻈﻚ ﺳﻤﻌﺘﻨﻲ ﻟﺘﺨﻠﻴﻨﻲ ﺍﺷﺘﻜﻲ ﻋﻠﻴﻚ ﺑﺎﻟﻤﺮﻛﺰ ﺑﻘﻀﻴﺔ ﺧﻄﻒ ~ ﺑﺎﻭﻋﺘﻠﺔ ﺑﺎﺷﻤﺌﺰﺍﺯ ~ ﺗﻔﻮﻭﻭ ﻋﻠﻴﻚ ﻭﻋﻠﻰ ﺷﻜﻮﻟﻚ ﺍﻱ ﻭﺍﻟﻠﻪ ﻭﺍﺫﺍ ﻣﻌﺎﺟﺒﻚ ﺭﺟﻠﻲ ﻓﺎﻧﻲ ﺍﮔﻮﻟﻚ ﺭﺟﻠﻲ ﻳﺸﺮﻓﻚ ﻭﻳﺸﺮﻑ ﺭﺍﺳﻚ
ﺍﻧﺪﺍﺭﻳﺖ ﻭﺷﻔﺖ ﺍﻟﺴﺎﻳﻖ ﺍﺟﺔ ﺻﻌﺪﺕ ﻭﺍﻧﻲ ﻓﺎﻳﺮﺓ ﻣﻦ ﺍﻻﻋﺼﺎﺏ ﺍﻟﺤﻘﻴﺮ ﺷﻠﻮﻥ ﻳﻠﻤﺴﻨﻲ
ﻗﺎﺳﻢ • ﻣﻦ ﺗﻘﺮﺑﻠﻬﺔ ﺷﻄﺖ ﻭﺗﻘﺪﻣﺖ ﻳﻤﻬﻢ ﺑﺲ ﺗﻔﺎﺟﺄﺕ ﻣﻦ ﺑﺤﺎﺭ ﺿﺮﺑﺘﻪ ﻭﻧﺰﻟﺖ ﺑﻲ ﺭﺯﺍﻟﺔ ﻋﺠﺒﺘﻨﻲ ﻗﻮﺗﻬﺔ ﺭﺍﺣﺖ ﻫﻲ ﻭﺻﻌﺪﺕ ﻭﺍﻧﻲ ﺗﻮﺟﻬﺖ ﻟﻬﺬﺍ ﺍﻝ **** ﺍﻟﻴﺘﺤﺎﺭﺵ ﺑﻴﻬﺔ ﺷﻔﺘﻪ ﻳﺘﻠﻮﺓ
ﻣﺪﻳﺘﻠﺔ ﺍﻳﺪﻱ ﻭﺍﻧﻲ ﺑﺒﺎﻟﻲ ﺷﻐﻠﺔ : ﺷﻮﻧﻚ ﻳﺎﺑﺔ ﻫﺎﻱ ﺷﺼﺎﻳﺮﻟﻚ
ﺍﻣﺠﺪ ﺑﺎﻟﻢ : ﻫﻴﭻ ﺣﺎﺩﺙ ﺑﺴﻴﻂ
_ ﺗﻌﺎﻝ ﺍﺻﻌﺪ ﺑﺴﻴﺎﺭﺗﻲ ﺍﻭﺻﻠﻚ ﻟﺒﻴﺘﻚ ﺷﻜﻠﻚ ﺗﺤﺘﺎﺝ ﻣﺴﺎﻋﺪﺓ
ﺍﻣﺠﺪ : ﻻ ﻣﺸﻜﻮﺭ ﻋﻨﺪﻱ ﺳﻴﺎﺭﺓ
ﺯﻓﺮﺕ ﺑﻐﻀﺐ ﺍﻧﻲ ﺑﺲ ﺍﺭﻳﺪ ﺍﺳﺘﻔﺮﺩ ﺑﻲ ﻭﺍﻃﻠﻊ ﻃﺎﻗﺔ ﻋﺼﺒﻴﺘﻲ ﺑﻲ
_ ﻻ ﻣﺎﻛﻮ ﺗﺼﻌﺪ ﻳﻤﻲ ﺷﻮﻑ ﻧﻔﺴﻚ ﺷﺤﺎﻟﻚ ﻳﺎﺑﺔ ﻫﺎﻱ ﺷﻤﻠﻌﻮﺏ ﺑﻴﻚ
ﺍﻣﺠﺪ ﻭﻫﻮ ﻳﻠﺰﻡ ﻣﻨﻄﻘﺘﻪ ﺑﺎﻟﻢ : ﺭﺣﻤﺔ ﻟﻮﺍﻟﺪﻳﻚ
ﺻﻌﺪﺗﻪ ﺑﺴﻴﺎﺭﺗﻲ ﻭﺍﻧﻲ ﺑﺎﻭﻋﺘﻠﺔ ﺻﻔﺢ ﺷﻐﻠﺖ ﺍﻟﺴﻴﺎﺭﺓ ﻭﻃﺮﺕ ﺑﻲ ﻟﻠﻤﺮﻛﺰ ﻣﺎﻝ ﺍﻟﺸﺮﻃﺔ ﺍﻟﻠﻲ ﻣﺮﺗﻀﻰ ﻳﺸﺘﻐﻞ ﺑﻲ
