بارت32
ﺑﺤﺎﺭ • ﻃﻠﻌﺖ ﻣﻦ ﺍﻟﺤﻤﺎﻣﺎﺕ ﻭﺍﻧﻲ ﺍﻓﻮﺭ ﻣﺎﺩﺭﻱ ﺷﺒﻴﺔ ﻳﺎﻟﻠﻪ ﺍﻧﻲ ﻣﻦ ﻳﻤﺘﻪ ﻭﺟﺎﻱ ﺍﺟﺮﺡ ﻣﺸﺎﻋﺮ ﺍﻵﺧﺮﻳﻦ ﺑﺲ ﻻ ﺧﻠﻴﻬﺔ ﺗﺴﺘﺎﻫﻞ ﺷﻨﻮ ﺗﮕﻌﺪ ﺗﺒﺎﻭﻉ ﻋﻠﻰ ﻗﺎﺳﻢ ﺭﺣﺖ ﻟﻠﻄﺎﻭﻟﺔ ﻭﺭﺟﻌﺖ ﻳﻤﻬﻢ ﻭﺫﻧﻲ ﻧﻬﺎﺩ ﻭﺑﻴﺪﺍﺀ ﻟﺴﺔ ﺑﺎﻟﺤﻤﺎﻡ
ﻗﺎﺳﻢ : ﻛﻤﻠﺘﻮﺍ
ﺍﻟﻜﻞ : ﺍﻱ
ﻗﺎﺳﻢ : ﻟﻌﺪ ﮔﻮﻣﻦ ﻏﺴﻠﻦ ﺣﺘﻪ ﻧﻄﻠﻊ
ﮔﺎﻣﻦ ﻫﻨﺔ ﻭﺍﻧﻲ ﮔﺎﻋﺪﺓ ﻭﺣﺪﻱ ﺍﻧﺘﻈﺮ ﻻﻥ ﻗﺎﺳﻢ ﻫﻢ ﺭﺍﺡ ﺿﻠﻴﺖ ﺍﮔﻠﺐ ﺑﺘﻠﻔﻮﻧﻲ ﻭﻟﻬﻨﺎﻙ ﻭﺣﺴﻴﺖ ﺑﺎﺣﺪ ﻓﻮﮒ ﺭﺍﺳﻲ
ﻗﺎﺳﻢ : ﻫﺎ ﻣﺘﮕﻮﻣﻴﻦ
ﺍﺑﺘﺴﻤﺘﻠﺔ : ﺍﻱ ﮔﺎﻳﻤﺔ
ﺷﻔﺘﻬﻦ ﻃﻠﻌﻦ ﻭﺍﺣﻨﻪ ﺻﻌﺪﻧﻪ ﻟﻠﺴﻴﺎﺭﺓ _ ﻟﺘﻨﺴﺔ ﻧﺮﻭﺡ ﻟﻠﺴﻨﺎﺗﺮ
ﻗﺎﺳﻢ ﺑﻤﻠﻞ : ﻣﺎﺷﻲ
ﺑﻴﺪﺍﺀ • ﺑﺎﻭﻋﺘﻠﺔ ﻭﻫﻮ ﻳﺴﻮﻕ ﺑﻬﺪﻭﺀ ﻭﺍﻧﻈﺎﺭﺓ ﻣﺘﻮﺟﻬﺔ ﻟﻠﻄﺮﻳﻖ ﺷﻔﺖ ﻋﻴﻮﻧﻪ ﺗﺒﺎﻭﻉ ﻟﺒﺤﺎﺭ ﻣﺘﺖ ﺍﺣﺘﺮﮔﺖ ﺍﺣﺲ ﻭﺍﻟﻠﻪ ﺍﻟﻌﻈﻴﻢ ﻋﻄﺒﺖ ﻣﻦ ﺍﻟﻐﻴﺮﺓ ﺣﻤﺤﻤﺖ ﺑﻠﻜﻲ ﻳﻨﺘﺒﻪ ﻋﻠﻴﺔ ﺑﺎﻭﻋﻠﻲ ﻣﻦ ﻣﺮﺍﻳﺔ ﺍﻟﺴﻴﺮﺓ ﻭﻧﻈﺮﺍﺗﻪ ﻋﺒﺎﺭﺓ ﻋﻦ
ﺣﻘﺪ ﻋﺘﺎﺏ ﻏﻀﺐ ﻭﻓﺮﺍﻍ ﻭﻳﻤﻜﻦ ﺍﺳﺘﺸﻌﺮﺕ ﺷﻮﻳﺔ ﻣﻦ ﺣﺒﺔ <
ﺭﺟﻊ ﺍﻧﻈﺎﺭﺓ ﻟﻠﻄﺮﻳﻖ ﻭﻣﺎﻫﺘﻤﻠﻲ ﺍﺻﻼ ﻭﻻ ﻋﺒﺮﻧﻲ ﺩﺯﻳﺖ ﺭﺳﺎﻟﺔ ﻻﺧﻮﻳﺔ " ﻧﺠﻢ "
« ﻧﺠﻢ ﺧﻮﻳﺔ ﺍﻧﻲ ﺣﺘﺄﺧﺮ ﺍﺭﻳﺪ ﺍﺷﺘﺮﻳﻠﻲ ﻓﺪ ﻛﻢ ﺣﺎﺟﺔ ﻭﻟﺘﺨﺎﻑ ﻋﻠﻴﺔ ﺍﻧﺸﺎﻟﻠﻪ ﺳﺎﻋﺔ ﻭﺍﺟﻲ ﻭﺗﺮﺓ ﺍﻧﻲ ﻭﻳﺔ ﻋﻴﺎﻟﻲ ﺍﻟﻘﺪﻳﻤﻴﻦ »
ﺷﻮﻳﺔ ﻭﻗﺮﺓ ﺭﺳﺎﻟﺘﻲ ﻭﺩﺯﻟﻲ
« ﻟﺘﻄﻮﻟﻴﻦ ﺗﺮﺓ ﻣﻨﺘﻈﺮﭺ »
ﺳﺪﻳﺖ ﺗﻠﻔﻮﻧﻲ ﻭﺍﻧﻲ ﺍﺣﺲ ﺭﻭﺣﻲ ﻣﻴﺘﻪ ﻫﺎﻱ ﻫﻲ ﻗﺎﺳﻢ ﺑﻌﺪ ﻣﻴﺮﻳﺪﻧﻲ ﺍﻧﻤﺤﻴﺖ ﻣﻦ ﺣﻴﺎﺗﻪ ﺑﻌﺪ ﺣﺘﻪ ﺍﻟﺨﻄﺔ ﻣﺎﻟﺤﮕﺖ ﺗﺤﭽﻴﻠﻲ ﻳﺎﻫﺔ ﻧﻬﺎﺩ ﻻﻥ ﺍﺟﻦ ﺳﻤﻴﺮﺓ ﻭﺭﺟﺎﺀ ﻭﻏﺪﻳﺮ
ﻗﺎﺳﻢ : ﻳﺎﻟﻠﻪ ﻧﺰﻟﻮﺍ
ﺍﻧﺘﺒﻬﺖ ﻋﻠﻰ ﺻﻮﺕ ﻗﺎﺳﻢ ﻭﻧﺰﻟﻨﻪ ﻛﻠﻨﻪ ﻣﻦ ﺍﻟﺴﻴﺎﺭﺓ ﻭﺍﻧﻲ ﺍﺷﻮﻑ ﺑﺤﺎﺭ ﺗﻤﺸﻲ ﺑﺼﻒ ﻗﺎﺳﻢ ﻣﺘﺖ ﻣﻦ ﺍﻟﻘﻬﺮ ﺍﻱ ﻣﻘﻬﻮﺭﺓ ﻣﻦ ﻗﺎﺳﻢ ﻛﻮﻟﺶ ﻫﻮﺍﻱ ﺳﺒﻊ ﺳﻨﻴﻦ ﺍﻧﻲ ﻭﻳﺎ ﺳﻮﺓ ﻭﺑﺎﻟﻨﻬﺎﻳﺔ ﻳﺘﺨﻠﺔ ﻋﻨﻲ ﺗﻮﻗﻌﺘﻪ ﻳﺮﻓﺾ ﻭﻳﺘﻮﺳﻞ ﺑﻴﺔ ﺍﺑﻘﺔ ﻭﻳﺎ ﺑﺲ ﺍﻟﺼﺪﻣﻨﻲ ﻫﻮ ﺗﺨﻠﻰ ﻋﻨﻲ ﺑﺴﺮﻋﺔ ﺑﺲ ﺍﻧﻲ ﺍﺳﺘﺎﻫﻞ ﻫﻨﺖ ﺭﺟﻮﻟﺘﻪ ﻭﺣﭽﻴﺖ ﺣﭽﻲ ﻣﻮ ﺣﻠﻮ ﺑﺤﻘﺔ
ﺿﻠﻴﻨﻪ ﻧﻔﺘﺮ ﻭﻫﺎﻱ ﺍﻟﺼﻔﺮﺓ ﺗﺸﺘﺮﻱ ﻭﻫﻮ ﻳﺒﺘﺴﻤﻠﻬﺔ ﻭﻳﺒﺎﻭﻋﻠﻬﺔ ﻭﻫﻲ ﻣﻜﻴﻔﺔ ﺗﺘﻤﺎﻭﻋﻠﺔ ﻭﺗﺪﻟﻞ ﻋﻠﻲ ﻭﻫﻮ ﺑﺲ ﻳﺒﺎﻭﻉ ﺍﻟﻬﺔ ﺑﺸﻐﻒ
ﺩﺭﺕ ﻭﺟﻬﻲ ﻋﻨﻬﻢ ﻣﺎ ﺍﺗﺤﻤﻞ ﺑﻌﺪ ﻭﺍﻟﻠﻪ ﺗﻌﺒﺖ ﻣﻮ ﺣﺎﻟﺔ ﻫﺎﻱ ﺻﺎﺭﺍﻱ ﺍﺭﺑﻊ ﺳﻨﻴﻦ ﺍﻧﻲ ﺍﺭﻛﺾ ﻭﺭﺓ ﻗﺎﺳﻢ ﻭﻫﻮ ﻣﺎ ﻣﻌﺒﺮﻧﻲ ﻭﻓﻮﮔﺎﻫﺔ ﺗﺰﻭﺝ ﻭﻋﺎﻳﺶ ﺣﻴﺎﺗﻪ ﻭﺍﻧﻲ ﻣﺮﻛﻮﻧﻪ ﺑﺎﻟﺰﻭﺍﻳﺔ ﻣﺎﻟﻲ ﺩﻭﺭ ﺑﺲ ﺍﺻﺒﺮﻟﻲ ﻳﺎ ﻗﺎﺳﻢ ﻣﺎ ﺍﺗﺮﻛﻚ ﻟﻮ ﻫﺴﺔ ﻣﺪﺭﻱ ﺷﻴﺼﻴﺮ ﺿﻴﻌﺖ ﻋﻤﺮﻱ ﻟﺨﺎﻃﺮﻙ ﻭﻫﻴﭻ ﺗﺠﺎﺯﻳﻨﻲ
ﺑﺤﺎﺭ • ﻧﺰﻟﻨﻪ ﻭﻧﺎﺱ ﺭﺍﺣﺖ ﻟﻤﺤﻼﺕ ﻧﺴﺎﺋﻴﺔ ﻭﻧﺎﺱ ﻣﺎﻝ ﻋﻄﻮﺭ ﻭﺍﻟﺒﻨﺎﺕ ﻟﻼﻛﺴﺴﻮﺍﺭﺍﺕ ﻛﻞ ﻭﺍﺣﺪ ﺷﻜﻞ ﻭﺍﻧﻲ ﺩﺧﻠﺖ ﻻﺑﻮ ﺍﻟﺠﺒﺐ ﻭﺍﻟﺼﺎﻳﺎﺕ ﺍﺧﺘﺎﺭ ﻣﻼﺑﺲ ﺍﻟﻲ ﻟﻠﺪﻭﺍﻡ
ﺍﺧﺘﺎﺭﻳﺖ ﺻﺎﻳﺔ ﻭﺩﺧﻠﺖ ﻟﻠﻤﻨﺰﻉ ﻭﻃﻠﻌﺖ ﺷﻮﻓﺘﻬﺔ ﻟﻘﺎﺳﻢ ﻗﺎﺳﻢ : ﺍﺧﺘﺎﺭﻱ ﻟﺒﺲ ﺍﻋﺮﺽ ﻫﺬﺍ ﻳﻄﻠﻊ ﺿﻴﻖ ﻋﻠﻴﭻ
ﺑﺮﻃﻤﺖ ﻭﺑﺎﻭﻋﺘﻠﺔ : ﺳﻴﺪ ﺣﺒﺎﺏ ﺷﻨﻮ ﺍﻋﺮﺽ ﺩﺷﻮﻑ ﺍﻟﺼﺎﻳﺔ ﺷﻠﻮﻥ ﺷﺮﻋﻴﺔ ﻋﻠﻴﺔ
ﻗﺎﺳﻢ : ﺗﺆ ﮔﺘﻠﭻ ﺍﻋﺮﺽ ﻫﺎﻱ ﻳﺒﻴﻦ ﺟﺴﻤﭻ ﺑﻴﻬﺔ
ﺩﺧﻠﺖ ﻟﻠﻤﻨﺰﻉ ﻭﺍﺑﺎﻭﻉ ﻟﻠﻤﺮﺍﻳﺔ ﻳﺮﺑﻲ ﺍﺻﻼ ﺷﺮﻋﻴﺔ ﺑﻌﺪ ﺷﻨﻮ ﺑﺲ ﻫﻮ ﻣﺎﺩﺭﻱ ﺷﺒﻲ ﺯﻓﺮﺕ ﺑﻀﻴﻖ ﻭﺑﺎﻭﻋﺘﻠﺔ ﺑﺘﻮﺳﻞ ﻭﻫﻮ ﺍﺻﻼ ﭼﺎﻥ ﻳﺒﻮﻋﻠﻲ ﻻﻥ ﺍﻟﺒﺎﺏ ﭼﻨﺖ ﻓﺎﺗﺤﺘﻬﺔ
ﻗﺎﺳﻢ ﺑﺘﻨﻬﻴﺪﺓ : ﻣﺎﺷﻲ ﺍﺧﺬﻳﻬﺔ
ﺍﺑﺘﺴﻤﺖ ﺑﻔﺮﺡ ﺍﻱ ﺍﻟﺤﻤﺪﻟﻠﻪ ﺭﺍﺡ ﻗﺎﺳﻢ ﺣﺎﺳﺐ ﺍﺑﻮ ﺍﻟﻤﺤﻞ ﻭﻃﻠﻌﻨﻪ ﻟﻐﻴﺮﺓ ﺿﻠﻴﺖ ﺍﺧﺘﺎﺭ ﻟﺒﺲ ﻭﻗﺎﺳﻢ ﻳﻌﺘﺮﺽ ﺍﻟﺒﺴﻲ ﺍﻋﺮﺽ ﻟﻮ ﺍﻃﻮﻝ ﻣﻮﺗﻨﻲ ﺍﺧﺮ ﺷﻲ
_ ﺳﻴﺪ ﻣﻮ ﺣﺎﻟﺔ ﻫﺎﻱ ﺭﺍﺑﻊ ﻣﺤﻞ ﺍﻃﺒﻠﺔ ﻭﺍﻧﺖ ﻣﺘﺮﺿﻰ ﺑﺎﻟﻤﻼﺑﺲ
ﻗﺎﺳﻢ : ﺍﻱ ﺍﺫﺍ ﺿﻴﻘﺎﺕ ﻋﻠﻴﭻ ﺷﺴﻮﻱ
ﺑﺎﻭﻋﺘﻠﺔ ﺑﻀﻴﻖ : ﻻ ﻭﺍﻟﻠﻪ ﺍﺻﻼ ﻛﻮﻟﻬﻦ ﺯﻳﻨﺎﺕ ﻭﺷﺮﻋﻴﺎﺕ ﻋﻠﻴﺔ ﺑﺲ ﺍﻧﺘﻪ ﻣﺎﺩﺭﻱ ﺷﺒﻴﻚ ﻣﺘﻘﺒﻞ ﺍﻟﺔ ﺍﻟﻜﺒﺎﺭ ﻋﻠﻴﺔ
ﻗﺎﺳﻢ : ﺑﺤﺮ ﻣﻼﺑﺴﭻ ﺗﺠﺬﺏ ﺍﻻﻧﻈﺎﺭ ﻭﻫﺬﺍ ﺣﺮﺍﻡ ﻻﺯﻡ ﺗﺎﺧﺬﻳﻦ ﺷﻲ ﻣﺴﺘﻮﺭ ﻭﻣﻴﺠﺬﺏ ﺍﻻﻧﻈﺎﺭ
_ ﻟﻌﺪ ﺍﺧﺬ ﻗﻴﺎﺱ ﻧﻔﺲ ﻣﺎﻝ ﺧﺎﻟﺔ ﺳﻤﻴﺮﺓ ﺻﺪﻭﮒ ﺗﺤﭽﻲ ﺩﺷﻮﻑ ﺷﻜﺒﺮﻫﺔ ﻋﻠﻴﺔ ﻟﺨﺎﻃﺮ ﺍﻟﻠﻪ
ﺑﺎﻭﻋﻠﻲ ﻭﺿﺤﻚ : ﻫﻬﻬﻪ ﺍﻧﺘﻲ ﻧﺎﻋﻤﺔ ﺷﺴﻮﻳﻠﭻ
ﺍﺑﺘﺴﻤﺖ ﺑﻤﻜﺮ : ﻫﺎﻩ ﺍﻧﺘﻪ ﮔﻠﺖ ﻧﺎﻋﻤﺔ ﻳﻌﻨﻲ ﻣﻴﺒﻴﻦ ﺷﻲ
ﺳﻜﺖ ﻗﺎﺳﻢ ﻭﺩﺍﺭ ﻭﺟﻬﺔ ﻳﺒﺎﻭﻉ ﻟﻠﺠﺒﺐ ﻭﺍﻧﻲ ﻭﺍﮔﻔﺔ ﺍﺑﺎﻭﻋﻠﻪ ﻳﺎﺍﺍ ﻭﻳﺎﻣﻦ ﺍﺣﭽﻲ ﺍﻧﻲ ﺍﻭﻭﻑ ﺍﺳﺘﻐﻔﺮﺍﻟﻠﻪ
ﺷﻔﺖ ﺟﺒﺔ ﺣﻴﻞ ﻋﺠﺒﺘﻨﻲ ﺍﺧﺬﺗﻬﺔ ﻭﺩﺧﻠﺖ ﻟﻠﻤﻨﺰﻉ ﻟﺒﺴﺘﻪ ﻭﺍﺑﺎﻭﻉ ﻳﺮﺑﻲ ﺗﺠﻨﻦ ﻋﻠﻴﺔ
_ ﺍﻱ ﻫﺎﻱ ﺣﻠﻮﺓ ﻭﺍﻟﻠﻪ ﺳﻴﺪ ~ ﻃﻠﻌﺖ ﻣﻦ ﺍﻟﻤﻨﺰﻉ ﻭﻭﮔﻔﺖ ﮔﺒﺎﻟﺔ ~ ﺷﻮﻑ ﻣﻮ ﺑﺎﻟﻠﻪ ﺣﻠﻮﺓ
ﻗﺎﺳﻢ ﺑﺎﻫﺘﻤﺎﻡ : ﺍﻱ ﺣﻠﻮﺓ ﺑﺲ ﺍﺣﻤﻤﻢ ﺍﺧﺬﻱ ﺍﻻﻛﺒﺮ ﻣﻨﻬﺔ ﺍﺣﺴﻦ
ﻧﻔﺨﺖ ﺑﻀﻴﻖ : ﺳﻴﺪ ﺍﺫﺍ ﺍﻧﺖ ﮔﻠﺖ ﺍﻧﻲ ﻧﺎﻋﻤﺔ ﻳﻌﻨﻲ ﻣﻴﺒﻴﻦ ﺷﻲ ﺑﻌﺪ ﺷﻜﻮ ﻟﻴﺶ ﺍﺧﺬ ﺍﻻﻛﺒﺮ ﻣﻨﻬﺔ
ﻗﺎﺳﻢ ﻭﻫﻮ ﻳﺘﻔﺤﺺ ﺟﺴﻤﻲ ﺑﻨﻈﺮﺍﺕ ﻏﺮﻳﺒﺔ : ﺑﺤﺮ ﺻﺤﻴﺢ ﺍﻧﺘﻲ ﻧﺎﻋﻤﺔ ﺑﺲ ﺍﺣﻤﻢ ﻳﻌﻨﻲ ~ ﺣﻚ ﺣﺎﺟﺒﺔ ﺑﺘﻮﺗﺮ ~ ﻳﻌﻨﻲ ﻣﻔﺎﺗﻨﭻ ﻭﺍﺿﺤﺔ
ﺣﻠﮕﻲ ﻭﮔﻊ ﺑﺎﻟﮕﺎﻉ ﻣﻦ ﻫﻴﭻ ﮔﺎﻝ ﻋﺰﺯﺓ ﺷﻠﻮﻥ ﻓﺸﻠﺔ ﻏﻄﻴﺖ ﻭﺟﻬﻲ ﺑﺎﺩﻳﻪ ﻭﻣﺒﺎﻭﻋﺘﻠﺔ ﻣﻦ ﺍﻟﺨﺠﻞ : ﺻﺪﻭﮒ ؟ﻗﺎﺳﻢ : ﻫﻬﻬﻬﻪ ﺍﻱ ﻭﺍﻟﻠﻪ ﻗﺎﺑﻞ ﺍﭼﺬﺏ ﺑﺲ ﻏﻴﺮ ﺍﻧﻲ ﺍﺭﻳﺪﻟﭻ ﺍﻟﺸﻲ ﺯﻳﻦ
ﺍﺣﺲ ﻋﺮﮔﺖ ﻣﻦ ﺍﻟﺨﺠﻞ ﺩﺭﺕ ﻭﺟﻬﻲ ﻭﺩﺧﻠﺖ ﻟﻠﻤﻨﺰﻉ ﻣﺮﺓ ﺛﺎﻧﻴﺔ ﻭﻧﺰﻋﺖ ﺍﻟﺠﺒﺔ ﻭﻟﺒﺴﺖ ﻋﺒﺎﺗﻲ ﻭﻃﻠﻌﺖ ﺳﻠﻤﺖ ﺭﺟﻌﺖ ﺍﻟﺠﺒﺔ ﻧﻔﺲ ﻣﻜﺎﻧﻬﺔ
ﻗﺎﺳﻢ : ﻫﺎﻱ ﺷﻨﻮ ﺷﻮ ﺭﺟﻌﺘﻴﻬﺔ
ﺟﺎﻭﺑﺖ ﻭﻣﺒﺎﻭﻋﺘﻠﺔ ﻣﻦ ﺍﻟﺨﺠﻞ : ﻣﺎﺭﻳﺪ ﺑﻌﺪ
ﻗﺎﺳﻢ : ﺑﺤﺮ ﺑﺎﺑﺎﺗﻲ ﺍﺫﺍ ﺗﺮﺩﻳﻬﺔ ﺍﺧﺬﻳﻬﺔ ﻋﺎﺩﻱ ﺑﺲ ﺍﻧﻲ ﻏﻴﺮ ﺍﺧﺎﻑ ﻋﻠﻴﭻ ﻣﻦ ﺍﻟﻨﺎﺱ ﻫﺎﻟﺰﻣﻦ ﻣﻴﺘﺄﻣﻦ ﻳﺎ ﻋﻴﻨﻲ
ﻧﺰﻟﺖ ﺭﺍﺳﻲ : ﻻ ﺍﺻﻼ ﺑﻌﺪ ﻣﺎﺭﻳﺪ ﻭﺍﻟﻠﻪ ﻭﺻﺪﻭﮒ ﻫﻲ ﺷﻮﻳﺔ ﺿﻴﻘﺔ ﻋﻠﻴﺔ
ﻗﺎﺳﻢ : ﺍﻱ ﻋﺎﺩﻱ ﺍﺧﺬﻟﭻ ﻗﻴﺎﺱ ﺍﻛﺒﺮ ﻣﺎﻛﻮ ﻣﺸﻜﻠﺔ
_ ﺍﺣﻢ ﻻ ﺷﻜﺮﺍً
ﻗﺎﺳﻢ ﺑﺠﺪﻳﺔ : ﺑﺤﺎﺭﺭﺭ ﻟﺘﻌﺎﻧﺪﻳﻨﻲ
ﻧﻔﺨﺖ ﺑﻀﻴﻖ ﻭﺭﺣﺖ ﺍﺧﺬﺕ ﺍﻟﻘﻴﺎﺱ ﺍﻻﻛﺒﺮ ﻭﻗﺎﺳﻢ ﺣﺎﺳﺐ ﺍﺑﻮ ﺍﻟﻤﺤﻞ ﻭﺍﻧﻲ ﻣﺤﭽﻴﺖ ﺷﻲ ﻃﻠﻌﻨﻪ ﻭﻫﻮ ﺑﺎﻭﻋﻠﻲ
ﻗﺎﺳﻢ : ﺷﺒﻴﭻ ﺷﻮ ﺍﺣﺴﭻ ﻣﻮ ﻃﺒﻴﻌﻴﺔ
ﺑﻠﻌﺖ ﺭﻳﮕﻲ ﻭﺟﺎﻭﺑﺖ ﺑﺘﻮﺗﺮ ﻭﺍﺣﺲ ﺣﺮﺍﺭﺓ ﺗﻄﻠﻊ ﻣﻦ ﻭﺟﻬﻲ : ﻫﺎﺍ ﻻ ﺍﺣﻢ ﺍﺻﻼ ﺍﻧﻲ ﻛﻮﻟﺶ ﻃﺒﻴﻌﻴﺔ ﻫﻪ ﻣﺘﺸﻮﻓﻨﻲ ﻋﺎﺩﻱ ﻳﻌﻨﻲ
