بارت37
ﺑﻴﺪﺍﺀ • ﺧﻠﺼﺖ ﺩﻭﺍﻣﻲ ﻭﺭﺣﺖ ﻟﻠﻌﻴﺎﺩﺓ ﻣﺎﻝ ﺍﺧﻮﻳﺔ ﻗﺮﻳﺐ ﻋﻠﻴﺔ ﻫﻮ ﺩﺧﻠﺖ ﻟﻠﻌﻴﺎﺩﺓ ﻭﺍﻟﺴﻜﺮﺗﻴﺮﺓ ﻋﺮﻓﺘﻨﻲ ﻭﺭﺣﺒﺖ ﺑﻴﺔ ﺍﺳﺘﻘﺒﻠﻨﻲ ﺍﺧﻮﻳﺔ ﺑﻤﻜﺘﺒﺔ
ﻳﺴﺎﺭ : ﻫﻠﺔ ﺑﺨﻴﺘﻲ
ﮔﻌﺪﺕ ﮔﺒﺎﻟﺔ ﻭﺑﺎﻭﻋﺘﻠﺔ ﺑﺎﻫﺘﻤﺎﻡ _ ﻫﻼ ﺑﻴﻚ ﺷﻨﻮ ﺍﻟﻤﻮﺿﻮﻉ ﺍﻟﺮﺩﺗﻨﻲ ﺑﻲ
ﻳﺴﺎﺭﺑﺎﺭﺗﺒﺎﻙ ﻋﺪﻝ ﮔﻌﺪﺗﻪ ﻭﺗﻨﻔﺲ ﺑﻌﻤﻖ ﺑﻌﺪﻳﻦ ﺳﻨﺪ ﻇﻬﺮﺓ ﻋﻠﻰ ﺍﻟﻜﺮﺳﻲ : ﺍﺣﻢ ﺑﻴﺪﺍﺀ ﺗﻌﺮﻓﻴﻦ ﺍﻧﺘﻲ ﻛﺒﺮﺗﻲ ﻭﺗﺮﺩﻳﻦ ﺗﺄﺳﺴﻴﻦ ﺍﺳﺮﺓ ، ﻓﺎﻟﺒﺎﺭﺣﺔ ﺍﺟﺎﻧﻲ ﺭﺋﻴﺲ ﺍﻻﻃﺒﺎﺀ ﻣﺎﻻﻧﻪ ﻭﻋﺮﻑ ﺍﻧﺘﻲ ﺍﺧﺘﻲ ﻭﺻﻴﺪﻻﻧﻴﺔ ﻭﻣﻄﻠﮕﺔ ﻭﺧﻄﺒﭻ ﻣﻨﻲ ﻣﻦ ﻫﺴﺔ ﺍﮔﻮﻟﭽﻴﺎﻫﺔ ﻣﺮﺍﺡ ﺗﻠﮕﻴﻦ ﻭﺍﺣﺪ ﻣﺜﻠﺔ ﺻﺪﮔﻴﻨﻲ ﺣﻴﺴﻌﺪﭺ ﻭﻫﻮ ﺷﺎﻓﭻ ﻣﺮﺓ ﺍﺷﺘﺮﺓ ﻣﻦ ﺍﻟﺼﻴﺪﻟﻴﺔ ﻣﺎﻟﺘﭻ ﻭﺍﻧﻌﺠﺐ ﺑﻴﭻ ﻭﺭﺍﺩﭺ ﻭﺍﻧﻄﻴﺘﻪ ﺍﻟﻤﻮﺍﻓﻘﺔ ﻻﻥ ﺍﺧﺎﻑ ﻳﺘﻔﻮﺕ ﻭﻣﺘﻠﮕﻴﻦ ﻣﺜﻠﺔ ﺑﻌﺪ
ﻫﻮ ﻳﺤﭽﻲ ﻭﻳﺎﻳﺔ ﻭﺍﻧﻲ ﻣﻨﺼﺪﻣﺔ ﺷﺪﻳﺼﻴﺮ ﻳﺎﺭﺑﻲ ﺩﺧﻠﻴﻚ ﺍﺧﻮﻳﺔ ﻫﻴﭻ ﻳﺘﺼﺮﻑ ﻣﻦ ﺩﻭﻥ ﻋﻠﻤﻲ
_ ﺻﺪﻭﮒ ﺗﺤﭽﻲ ﻳﺴﺎﺭ
ﻳﺴﺎﺭ : ﺍﻱ ﺍﻧﻲ ﺍﻋﺮﻓﻪ ﻫﺎﻟﺮﺟﺎﻝ ﺯﻳﻦ ﻭﺧﻮﺵ ﻭﺍﺣﺪ ﻭﻟﭻ ﺭﺋﻴﺲ ﺍﻃﺒﺎﺀ ﻫﺬﺍ ﺗﺪﺭﻳﻦ ﺷﻨﻮ ﻳﻌﻨﻲ ﺭﺋﻴﺲ ﻳﻌﻨﻲ ﻣﺴﺆﻝ ﻋﻦ ﺍﻟﺪﻛﺎﺗﺮﺓ ﻛﻮﻟﻬﻢ ﻭﻟﭻ ﻳﻌﻴﺸﭻ ﻣﻠﻜﺔ ﻭﻫﻮ ﻫﺴﺔ ﻋﻠﻰ ﻭﺻﻮﻝ
ﺳﻤﻌﺖ ﺻﻮﺕ ﺍﻟﺒﺎﺏ ﺗﻨﺪﮒ ﺩﺧﻞ ﺭﺟﺎﻝ ﺷﻌﺮﻩ ﻣﺸﻴﺐ ﻭﻃﻮﻳﻞ ﻭﺟﻨﺪﻟﺔ ﻭﺷﻜﻠﺔ ﺣﻠﻮ ﻭﻭﺳﻴﻢ ﺑﺎﻟﻤﺨﺘﺼﺮ # ﺭﺟﺎﻝ ﺟﻨﺘﻞ # ﻓﺘﺤﺖ ﺣﻠﮕﻲ ﺑﺼﺪﻣﺔ ﻻ ﻳﺎﺭﺑﻲ ﻣﺎﻣﻌﻘﻮﻟﺔ ﺍﺧﻮﻳﺔ ﺍﻧﻄﺎﻧﻲ ﻟﻬﺬﺍ ﺳﻤﻌﺖ ﺻﻮﺗﻪ ﺍﻟﺮﺟﻮﻟﻲ : ﺳﻼﻡ ﻋﻠﻴﻜﻢ
ﻳﺴﺎﺭ : ﻭﻋﻠﻴﻜﻢ ﺍﻟﺴﻼﻡ ﺗﻔﻀﻞ ﺩﻛﺘﻮﺭ
ﮔﻌﺪ ﻫﻮ ﮔﺒﺎﻟﻲ ﻭﺍﻧﻲ ﻣﺎﻣﺴﺘﻮﻋﺒﺔ ﺍﻟﺪﻳﺼﻴﺮ ﺍﻟﺔ ﺷﻮﻳﺔ ﻭﺍﺑﭽﻲ ﺿﻞ ﺍﻟﺮﺟﺎﻝ ﻳﺤﭽﻲ ﻭﻳﺔ ﻳﺴﺎﺭ ﻭﺍﻧﻲ ﻣﺮﻛﻮﻧﻪ ﺑﺎﻟﺰﺍﻭﻳﺔ ﻳﺤﭽﻮﻥ ﻭﺣﺘﻪ ﺣﭽﻴﻬﻢ ﻣﺎ ﺍﺳﻤﻌﺔ ﺍﻧﺘﺒﻬﺖ ﻋﻠﻰ ﺻﻮﺕ ﻳﺴﺎﺭ
: ﺣﺒﻴﺒﺘﻲ ﺗﺮﺓ ﺩﻛﺘﻮﺭ " ﻣﻌﺘﺰ " ﻳﺤﭽﻲ ﻭﻳﺎﭺ ﻳﻌﺮﻑ ﻋﻦ ﻧﻔﺴﺔ
ﺍﻟﺮﺟﺎﻝ : ﺍﻧﻲ ﻣﻌﺘﺰ ﻋﻨﺪﻱ ﺑﻴﺖ ﻭﺍﻣﻼﻙ ﺧﻴﺮ ﻣﻦ ﺍﻟﻠﻪ ﻭﺭﺟﺎﻝ ﻣﻄﻠﻖ ﻣﺮﻳﺖ ﻟﻼﺳﻒ ﺑﺘﺠﺮﺑﺔ ﻓﺎﺷﻠﺔ ﻭﻣﺎﺗﺰﻭﺟﺖ ﺑﻌﺪ ﻭﻋﺮﻓﺖ ﺍﻧﻮ ﺍﻟﺪﻛﺘﻮﺭ ﻳﺴﺎﺭ ﻋﻨﺪﺓ ﺍﺧﺖ ﻣﻄﻠﻘﺔ ﻭﺍﺳﺘﻔﺴﺮﺕ ﻋﻨﭻ ﻭﺍﻟﺘﻘﻴﺖ ﺑﻴﭻ ﺑﺎﻟﺼﻴﺪﻟﻴﺔ ﺍﺫﺍ ﺗﺬﻛﺮﻳﻦ ﺷﻜﻠﻲ ﻣﺮﺓ ﺍﺷﺘﺮﻳﺖ ﻣﻨﭻ ﺣﺐ ﻣﺎﻝ ﺍﻟﻨﻔﻠﻮﻧﺰﺍ ﻭﺷﻔﺘﭻ ﻭﺭﺩﺗﭻ ﻳﺎﺑﻨﺖ ﺍﻟﻨﺎﺱ .. ﻭﺍﺫﺍ ﻋﻠﻰ ﻭﻇﻴﻔﺘﭻ ﻣﺎﻋﻨﺪﻱ ﻣﺎﻧﻊ ﺗﺪﺍﻭﻣﻴﻦ ﻳﻌﺠﺒﻨﻲ ﺍﻟﻤﺮﺓ ﺍﻟﻌﺪﻫﺔ ﺷﻬﺎﺩﺓ ﻭﻣﺜﻘﻔﺔ ...
ﺍﺳﻤﻌﻪ ﻭﺍﺣﺲ ﻓﺼﻠﺖ ﻋﻦ ﺍﻟﻌﺎﻟﻢ ﺍﺟﻤﻊ ﺗﺮﻛﺘﻬﻢ ﻭﻃﻠﻌﺖ ﺍﺑﭽﻲ ﻣﺎﻣﻌﻘﻮﻟﺔ ﻳﺴﺎﺭ ﻫﻴﭻ ﺳﻮﺓ ﺑﻴﺔ ﻳﺒﻴﻌﻨﻲ ﻟﻬﺬﺍ ﺭﺣﺖ ﻟﻔﺮﻉ ﺑﻴﺘﻨﻪ ﻭﺍﻧﻲ ﺍﺑﭽﻲ ﺩﺧﻠﺖ ﻟﻠﺒﻴﺖ ﻭﮔﺒﻞ ﻟﻐﺮﻓﺘﻲ
_ ﻟﻴﺶ ﻫﻴﭻ ﺧﻮﻳﺔ ﺗﺮﻳﺪ ﺗﺸﻤﺮﻧﻲ ﺑﺎﻟﻨﺎﺭ ﻟﻴﺸﺸﺸﺶ؟؟؟
'°'°'°'°'°'°'°'°'°'°'°'
ﺑﺮﺍﺀ • ﺍﻟﺨﻄﺎﺭ ﻛﻮﻣﺔ ﺍﻛﻮ ﻳﺎﺭﺑﻲ ﻧﺎﺱ ﺭﺍﻳﺤﺔ ﻭﻧﺎﺱ ﺟﺎﻳﺔ ﻋﻠﻤﻮﺩ ﺳﻼﻣﻪ ﻋﻤﻮ ﻣﻦ ﺍﻟﺴﻔﺮ ﻭﺑﺤﺎﺭ ﻣﺨﺒﻮﺻﺔ ﺗﺄﺩﻱ ﺍﻟﻀﻴﺎﻓﺔ ﻭﺗﺠﺎﻣﻞ ﻭﺗﺮﺣﺐ ﺑﺎﻟﺨﻄﺎﺭ ﻋﺠﺒﻨﻲ ﺍﺳﻠﻮﺑﻬﺔ ﻛﻮﻟﺶ ﺣﻠﻮ ﺑﺸﻮﺷﺔ ﻭﻣﺮﻳﺤﺔ ﺑﺎﻟﮕﻌﺪﺓ ﻣﺘﺘﻘﻴﺪ ﻭﻳﺔ ﺍﻟﻤﻘﺎﺑﻞ ﺑﺴﺮﻋﺔ ﺗﻜﺴﺐ ﺍﻟﻨﺎﺱ ﺍﻟﻬﺔ ﺿﻠﻴﻨﻪ ﻳﻮﻣﻴﻦ ﻫﻴﭻ ﻭﺧﻠﺼﺖ ﻋﻄﻠﺘﻲ 😒 ﺩﺍﻭﻣﺖ ﻭﺍﻧﻲ ﻣﻌﺎﺟﺒﻨﻲ ﺑﺲ ﺷﺴﻮﻱ ﻣﻀﻄﺮﺓ ﺍﺩﺍﻭﻡ ﻋﻠﻤﻮﺩ ﻣﺴﺘﻘﺒﻠﻲ
ﻧﺰﻟﺖ ﻣﻦ ﺍﻟﺴﻴﺎﺭﺓ ﻭﺩﺍ ﺍﺭﻳﺪ ﺍﺩﺧﻞ ﻟﻠﻤﺪﺭﺳﺔ ﻭﻭﮔﻔﻨﻲ ﺻﻮﺗﻪ ﺍﻱ ﻫﻮ ﻫﺬﺍ ﺍﻟﻴﺘﺤﺎﺭﺵ ﺑﻴﺔ ﻋﻠﻰ ﮔﻮﻟﺔ ﺩﺍﻧﻴﺔ " ﺍﻟﺼﺎﻙ " ﻭﻫﻮ ﻓﻌﻼً ﻭﺳﻴﻢ ﻭﺣﻠﻮ ﺷﻜﻠﺔ ﺑﺲ ﺍﻧﻲ ﻣﺎﺣﺒﺔ ﻭﺍﺭﻏﺒﺔ
ﺑﺎﻭﻋﺘﻠﺔ ﺑﻄﺮﻑ ﻋﻴﻨﻲ _ ﺷﺘﺮﻳﺪ
ﺍﺑﺘﺴﻢ ﺑﻮﺟﻬﻲ : ﺳﻼﻣﺘﭻ ﻣﻦ ﺍﻟﻤﺮﺽ ﮔﺎﻟﺖ ﺻﺪﻳﻘﺘﭻ ﻣﺎﻟﭻ ﺧﻠﮓ ﻳﻮﻡ ﺍﻟﺨﻤﻴﺲ ﻟﻬﻴﭻ ﻣﺎ ﺍﺟﻴﺘﻲ
ﺍﻱ ﻧﻌﻢ ﺻﺢ .. ﻭﻫﺴﺔ ﺷﺮﺍﻳﺪ ﻣﻨﻲ ﻣﻮﮔﻔﻨﻲ
ﺿﺤﻚ ﺑﺨﻔﺔ ﻭﮔﻠﺐ ﺷﻌﺮﺓ ﻟﻴﻮﺭﺓ ﺑﺤﺮﻛﺔ ﺣﻠﻮﺓ : ﺣﺒﻴﺖ ﺍﺗﻄﻤﻦ ﻋﻠﻴﭻ
_ ﻭﻫﺴﺔ ﺗﻄﻤﻨﺖ !!
ﻋﻔﺖ ﻭﺩﺧﻠﺖ ﻟﻠﻤﺪﺭﺳﺔ ﺩﺭﺕ ﻭﺟﻬﻲ ﻭﺷﻔﺘﺔ ﻳﺒﺎﻭﻉ ﻟﻠﺒﺎﺏ ﻣﻦ ﺷﺎﻓﻨﻲ ﺍﺑﺎﻭﻋﻠﺔ ﻏﻤﺰﻟﻲ ﺑﻌﻴﻮﻧﻪ ﺍﻟﺼﻔﺮ ﺧﺠﻠﺖ ﻭﻋﻀﺒﺖ ﺑﻨﻔﺲ ﺍﻟﻮﻗﺖ ﻳﺮﺑﻲ ﻫﺎﻟﻮﻟﺪ ﺣﻴﺨﺒﻠﻨﻲ
ﺗﻠﮕﺘﻨﻲ ﺩﺍﻧﻴﺔ : ﻫﻼﺍﺍﺍ ﺑﺒﺮﻭﻭﻭ ﺷﻮﻧﭻ ﺑﻌﺪ ﮔﻠﺒﻲ
ﺑﻮﺳﺘﻬﺔ : ﻳﺎ ﻋﻤﺮﻱ ﺍﻧﺘﻲ
ﺩﺍﻧﻴﺔ ﺑﺨﺒﺚ : ﻫﺎ ﺷﻔﺘﻲ ﺍﻟﺼﺎﻙ ؟ ﻣﻮ ﺍﻧﻲ ﻗﺒﻞ ﻻ ﺍﺟﻲ ﺷﻔﺘﻪ ﻭﺍﮔﻒ ﻳﻨﺘﻈﺮﭺ
ﺿﺮﺑﺘﻬﺔ ﺑﺨﻔﺔ : ﺍﻧﻲ ﺍﻋﻠﻤﭻ ﺍﺩﺏ ﺳﺰ
ﻧﺰﻋﺖ ﻋﺒﺎﺗﻲ ﻭﺧﻠﻴﺖ ﺍﻟﺠﻨﻄﺔ ﻋﻠﻰ ﺍﻟﺮﺣﻠﺔ ﻭﮔﻌﺪﺕ ﺍﺭﺗﺐ ﺑﻨﻔﺴﻲ
ﺩﺍﻧﻴﺔ : ﻫﻬﻬﻪ ﺷﺒﻴﭻ ﻭﻟﭻ ﺣﻤﺪﻱ ﺭﺑﭻ ﻋﻠﻰ ﻧﻌﻤﺘﭻ ﺷﺎﺏ ﻳﺨﺒﻞ ﻭﻫﻴﺒﺔ ﻭﺯﻧﮕﻴﻦ ﺷﺘﺮﺩﻳﻦ ﺑﻌﺪ
ﺑﺎﻭﻋﺘﻠﺔ ﺻﻔﺢ _ ﺍﻧﻲ ﺍﻋﺮﻑ ﺷﻨﻮ ﻏﺎﻳﺘﻪ ﻗﺎﺑﻞ ﻣﺎ ﺍﻋﺮﻑ
ﺩﺍﻧﻴﺔ : ﻳﻴﻴﻲ ﺑﻮﻣﻪ ﺻﺪﻭﮒ ﺑﻮﻭﻭﻣﺔ
ﺩﮒ ﺍﻟﺠﺮﺱ ﻃﻠﻌﻨﻪ ﺍﻟﻜﺘﺐ ﻭﺩﺧﻠﺖ ﺍﻟﻤﺪﺭﺳﺔ ﻭﺑﺪﺓ ﻳﻮﻣﻲ ﺑﺎﻟﺪﺭﻭﺱ ...
'°'°'°'°'°'°'°'°'
ﺟﻤﺎﻝ • ﺗﻨﻬﺪﺕ ﺑﺤﺴﺮﺓ ﻫﺎﻟﺒﻨﻴﺔ ﻣﺘﻨﻄﻴﻨﻲ ﻣﺠﺎﻝ ﻣﺴﻮﺩﻧﺘﻨﻲ ﺻﺎﺭﻟﻬﺔ ﺍﻛﺜﺮ ﻣﻦ ﺷﻬﺮﻳﻦ ﻛﻞ ﻣﺮﺓ ﺗﺠﻲ ﺍﺑﺎﻟﻲ ﻋﻴﻮﻧﻬﺔ ﺍﻟﺴﻮﺩ ﻳﺎ ﻳﻤﻪ ﻳﺨﺒﻠﻦ ﻭﺳﺎﻉ ﻭﻛﺒﺎﺭ ﻭﺭﻣﻮﺷﻬﺔ ﺍﻟﻜﺜﻴﻔﺎﺕ ﻣﻦ ﺗﺮﻣﺶ ﻟﺘﮕﻮﻝ ﻣﻜﻨﺎﺳﺔ ﻣﻮ ﺭﻣﻮﺵ ﺣﺒﻴﺖ ﺿﺤﻜﺘﻬﺔ ﺍﻟﺨﺠﻮﻟﺔ ﻭﺷﻠﻮﻥ ﺗﺘﺨﻄﻒ ﻣﻦ ﺑﻴﻦ ﺻﺪﻳﻘﺎﺗﻬﺔ ﻭﺣﺒﻴﺖ ﺟﺮﺃﺗﻬﺔ ﻣﻦ ﻭﺍﺟﻬﺘﻨﻲ ﺑﺎﻟﺤﺎﺩﺙ ﻭﺧﻤﻨﺖ ﻋﻤﺮﻫﺔ 17 ﺳﻨﺔ ﻳﻤﻜﻦ ﻃﺎﻟﺒﺔ ﺳﺎﺩﺱ ﺍﻱ ﺍﻋﺘﻘﺪ ﻓﻜﺮﺕ ﺍﺧﻄﺒﻬﺔ ﻻﻥ ﺍﻟﻔﺮﻕ ﺍﻟﺒﻴﻨﻲ ﻭﺑﻴﻨﻬﺔ ﺯﻳﻦ ﻭﺣﻠﻮ ﺍﻧﻲ 27 ﻭﻫﻲ 17 ﺍﻱ ﺯﻳﻦ
ﺻﻌﺪﺕ ﺑﺴﻴﺎﺭﺗﻲ ﻭﺳﺪﻳﺖ ﺍﻟﺒﺎﺏ ﻭﻟﺒﺴﺖ ﻧﻈﺎﺭﺍﺗﻲ ﻭﺍﺗﺼﻠﺖ ﺑﺎﻣﻲ : ﻫﻠﻮ ﻣﺎﻣﺎ
ﺍﻡ ﺟﻤﺎﻝ : ﻫﻠﺔ ﺑﺤﺒﻴﺐ ﺍﻣﻪ ﻭﻳﻨﻚ ﻳﺎ ﻣﺎﻣﺎﺗﻲ ﻣﺘﺎﻧﻴﻚ ﻋﻠﻰ ﺍﻟﻐﺪﺓ
ﺍﺑﺘﺴﻤﺖ ﺑﺨﻔﺔ _ ﺟﺎﻳﭻ ﺣﺒﻴﺒﻲ ﺑﺎﻟﻄﺮﻳﻖ ﺍﻧﻲ، ﻣﺤﺘﺎﺟﺔ ﺷﻲ ﺍﺟﻴﺒﺔ ﻭﻳﺎﻱ ﺑﻄﺮﻳﻘﻲ؟
ﺍﻡ ﺟﻤﺎﻝ : ﻻ ﺣﺒﻴﺒﻲ ﻣﻤﺤﺘﺎﺟﺔ ﺷﻲ ﺳﻼﻣﺘﻚ ﺩﻳﺮ ﺑﺎﻟﻚ ﻋﻠﻰ ﻧﻔﺴﻚ ﺣﻴﺎﺗﻲ ﻣﺎﻣﺎﺗﻲ ﺍﻧﺘﻪ
_ ﺍﻧﺸﺎﻟﻠﻪ ﺣﺒﻲ
ﺳﺪﻳﺖ ﺍﻟﺨﻂ ﻭﻳﺎﻫﺔ ﻭﺭﻛﺰﺕ ﺑﺎﻟﻄﺮﻳﻖ ﻭﺗﺠﻲ ﺑﺒﺎﻟﻲ ﻫﺎﻟﺒﺮﺍﺀ ﺍﻟﻠﻲ ﻋﻘﻞ ﻣﺎﺧﻠﺖ ﺑﻴﺔ
ﻭﮔﻔﺖ ﮔﺒﺎﻝ ﺍﻟﺒﻴﺖ ﻭﺩﺧﻠﺖ ﻭﺗﻠﮕﺘﻨﻲ ﺍﻣﻲ ﻭﺍﺧﻮﻳﺔ ﺑﺎﻟﺘﺮﺣﻴﺐ
ﺑﺴﺖ ﺭﺍﺱ ﺍﻣﻲ _ ﺷﻮﻧﭻ ﻳﺎﻟﺤﻨﻴﻨﻪ
ﺍﻡ ﺟﻤﺎﻝ ﺑﺎﺑﺘﺴﺎﻣﻪ : ﺑﺨﻴﺮ ﻣﺎﻃﻮﻝ ﺷﻔﺘﻚ ﻳﺎﺑﻌﺪ ﻋﺎﻓﻴﺘﻲ ﺍﻧﺘﻪ
