ﺍﻟﻔﺼﻞ ﺍﻟﺮﺍﺑﻊ ﻭﺍﻟﺜﻼﺛﻮﻥ
ﻓﺰﻳﺖ ﻋﻠﻰ ﺻﻮﺕ ﺻﻴﺎﺡ ﺭﺝ ﺍﻟﺒﻴﺖ ﺭﺝ ﺑﺎﻭﻋﺖ ﺑﺼﻔﻲ ﻟﮕﻴﺖ ﻗﺎﺳﻢ ﻣﺎﻫﻮ ﻃﻔﺮﺕ ﻣﻦ ﻣﻜﺎﻧﻲ ﻭﻧﺰﻟﺖ ﺍﺭﻛﺾ ﺣﺘﻪ ﺣﺠﺎﺏ ﻣﺎ ﻟﺒﺴﺖ ﻣﻦ ﺍﻟﻬﺒﻄﺔ
ﺿﻠﻴﺖ ﺻﺎﻓﻨﻪ ﻭﻣﺼﺪﻭﻣﺔ ﻫﺎﻱ ﺷﺪﻳﺼﻴﺮ ﻳﺎﺭﺑﻲ ﻣﻌﻘﻮﻟﺔ ..
ﻫﻤﺴﺖ ﺑﺨﻔﻮﺕ ﻭﺍﻧﻲ ﻭﺍﮔﻔﺔ ﮔﺒﺎﻟﻬﻢ
_ ﻣﺴﺘﺤﻴﻞ !!!!
ﺟﻨﺎﻥ ﺑﺒﭽﻲ : ﻭﻟﻚ ﻟﻴﺸﺸﺶ ﻫﺎﺍﺍﺍ ﻟﻴﺸﺸﺶ ﺗﺨﻮﻧﻲ ﺑﺸﻨﻮ ﻣﻘﺼﺮﺓ ﻭﻳﺎﻙ ﻫﺎﺍﺍﺍ ﺑﺸﻨﻮﻭﻭﻭ !!!
ﻣﺮﺗﻀﻰ ﻣﻨﺰﻝ ﺭﺍﺳﻪ ﻭﺳﺎﻛﺖ ﻭﺟﻨﺎﻥ ﺗﻜﻤﻞ ﺑﺤﺮﮔﺔ : ﺗﺮﻭﺡ ﺗﺨﻮﻧﻲ ﻻﻥ ﺣﺎﻣﻞ ﻫﺎﺍﺍﺍ ﺗﺨﻮﻧﻲ ﺍﺍﺍﺍ ﻳﻤﻪ ﻭﻳﻨﺞ ﺗﻌﺎﻱ ﺷﻮﻓﻲ ﺑﺘﺞ ﺷﺼﺎﺭ ﺑﻴﻬﺔ
ﺍﻧﻲ ﻭﺍﮔﻔﺔ ﻭﻣﺼﺪﻭﻣﺔ ﻣﻌﻘﻮﻟﺔ ﻣﺮﺗﻀﻰ ﺧﺎﻥ ﺟﻨﺎﻥ ﺑﺲ ﻟﻴﺶ ﻫﻮ ﻳﺤﺒﻬﺎ
ﻣﺮﺗﻀﻰ : ﺟﻨﺎﻥ ﻟﺘﻌﺒﻴﻦ ﺭﻭﺣﭻ ﻫﺴﺘﻮﭺ ﻭﺍﻟﺪﺓ
ﺟﻨﺎﻥ ﺑﺤﺮﮔﺔ ﻭﺿﺤﻚ ﻣﻦ ﺑﻴﻦ ﺩﻣﻮﻋﻬﺔ : ﻫﻬﻬﻬﻬﻪ ﻭﺍﻟﻠﻪ ﺯﻳﻦ ﻣﻦ ﺗﺬﻛﺮﺕ ﺍﻧﻲ ﻫﺴﺘﻮﻧﻲ ﻭﺍﻟﺪﺓ !!
ﻗﺎﺳﻢ • ﺍﻟﺼﺮﺍﺣﺔ ﺍﻧﺼﺪﻣﺖ ﻣﻦ ﻋﺮﻓﺖ ﺟﻨﺎﻥ ﻋﺮﻓﺖ ﺑﻲ ﺍﻧﻮ ﺧﺎﻳﻨﻬﺔ ... ﺍﻋﺮﻑ ﺑﻲ ﻳﺨﻮﻥ ﻣﺮﺗﻪ ﺑﺲ ﻣﺮﺗﻪ ﺗﻌﺮﻑ ﻫﺎﻱ ﻣﺘﻮﻗﻌﺘﻬﺔ ﭼﻨﺖ ﻣﻨﺼﺪﻡ ﺣﺎﻟﻲ ﻣﻦ ﺣﺎﻟﻬﻢ ﺍﺷﻮﻑ ﺣﺮﮔﺔ ﻣﺮﺕ ﺍﺧﻮﻳﺔ ﻭﺷﻮﻃﺘﻬﺔ ﻭﻫﻲ ﻓﻮﮔﺎﻫﺔ ﺍﺭﺑﻌﻴﻨﻬﺔ ﻣﺎﻃﻠﻊ ﻭﻫﺴﺘﻮﺓ ﻭﺍﻟﺪﺓ ﻭﻫﻴﭻ ﻳﺼﺪﻣﻬﺔ ﻭﻳﺼﺪﻣﻨﻪ ﺧﻼﻫﺔ ﮔﺪﺍﻣﻨﻪ ﺍﻣﺎﻡ ﺍﻻﻣﺮ ﺍﻟﻮﺍﻗﻊ ﺍﻧﺘﺒﻬﺖ ﻟﺒﺤﺎﺭ ﻭﺍﮔﻔﺔ ﻭﻣﺘﺼﻨﻤﻪ ﻭﻣﻼﺑﺴﺔ ﺣﺠﺎﺏ ﻋﺼﺒﺖ ﻭﺭﺣﺖ ﻋﻠﻴﻬﺔ ﻟﺰﻣﺘﻬﺔ ﻣﻦ ﺍﻳﺪﻫﺔ ﻭﺻﻌﺪﺗﻬﺔ ﻓﻮﮒ : ﺷﻠﻮﻭﻥ ﺗﻄﻠﻌﻴﻦ ﻫﻴﭻ ﻫﺎﺍﺍ !
ﺑﺤﺎﺭ • ﻣﺎ ﺍﻋﺮﻑ ﺷﻨﻮ ﺍﺭﺩ ﻋﻠﻲ ﻣﻦ ﺻﺪﻣﺘﻲ ﻣﻨﺘﺒﻬﺖ ﺍﺻﻼ ﻣﻦ ﺳﺤﺒﻨﻲ ﺑﺎﻭﻋﺘﻠﺔ ﻭﺍﻧﻲ ﺳﺎﺭﺣﺔ ﺑﺨﻴﺎﻧﻪ ﻣﺮﺗﻀﻰ ﻟﻤﺮﺗﻪ : ﻣﻨﺘﺒﻬﺖ ﺍﺧﺘﺮﻋﺖ ﻋﺒﺎﻟﻲ ﺷﻮ ﺷﻨﻮ ﻭﻧﺰﻟﺖ ﻭﻧﺴﻴﺖ ﺑﻌﺪ
ﻗﺎﺳﻢ • ﺗﻨﻔﺴﺖ ﺑﻌﻤﻖ ﻻﻥ ﺍﻧﻲ ﻫﻢ ﻧﻔﺲ ﺣﺎﻟﻬﺔ ﺍﻭﻝ ﻣﻄﺒﻴﺖ ﻟﻠﺒﻴﺖ ﻧﺼﺪﻣﺖ ﺑﺎﻟﻬﻮﺳﺔ : ﺛﺎﻧﻲ ﻣﺮﺓ ﺍﻧﺘﺒﻬﻲ ﻣﻮ ﺗﭽﻴﺘﻴﻦ ﻫﻴﭻ
ﺑﺤﺎﺭ : ﺍﻭﻛﻲ ~ ﺿﻠﺖ ﺳﺎﻛﺖ ﺗﻔﻜﺮ ﺑﻌﺪﻳﻦ ﺣﭽﺖ ~ ﺻﺪﻭﮒ ﻟﻴﺶ ﺍﻟﺴﻴﺪ ﻳﺨﻮﻥ ﻣﺮﺗﻪ ﺧﻄﻴﺔ ﻟﻴﺶ ﻫﻴﭻ ﻳﺴﻮﻱ ﻭﻳﺎﻫﺔ
_ ﻣﺎﻋﺮﻑ ﻭﺍﻟﻠﻪ ﺍﻧﻲ ﻫﻢ ﻣﺜﻠﭻ
ﭼﺬﺑﺖ ﻋﻠﻴﻬﺔ ﻭﺍﻧﻲ ﺍﻋﺮﻑ ﺍﺳﺒﺎﺑﺔ ﻻﻥ ﺣﺎﻣﻞ ﻭﻣﺘﮕﺪﺭ ﺗﻨﻄﻲ ﺣﻘﻮﻗﺔ ﺍﻟﺰﻭﺟﻴﺔ ﻳﺮﻭﺡ ﻟﻐﻴﺮﻫﺔ ﺗﻨﻄﻲ ﺯﻓﺮﺕ ﺑﻌﺼﺒﻴﺔ ﻭﺍﻧﻲ ﮔﻮﺓ ﻣﺘﺤﻤﻞ ﺗﺼﺮﻑ ﺍﺧﻮﻳﺔ ﺍﻟﻤﺘﻬﻮﺭ ﺍﻟﻐﺒﻲ ﺧﺴﺮ ﻋﺎﺋﻠﺔ ﺑﻜﺎﻣﻠﻬﺔ ﺑﺴﺒﺐ ﺭﻏﺒﺎﺗﻪ ﻭﻃﻴﺸﺔ ﺩﺭﺕ ﺑﻌﻴﻮﻧﻲ ﺑﺘﻮﺗﺮ ﻭﻧﺰﻟﺖ ﺍﺭﻛﺾ ﺍﻟﻬﻢ ﺍﻓﺎﻛﻜﻬﻢ ﻭﺍﺳﻤﻊ ﻣﺮﺗﻪ ﺗﺸﻮﻁ ﻣﻦ ﺍﻟﻌﺼﺒﻴﺔ
ﺟﻨﺎﻥ ﺗﻠﻄﻢ ﻋﻠﻰ ﺻﺪﺭﻫﺔ ﻭﺗﺒﭽﻲ : ﺭﻳﺘﻚ ﻣﺘﺖ ﻳﺎﺍﺍ ﻣﺮﺗﻀﻰ ﻭﻻ ﻋﺮﻓﺖ ﺑﻬﺎﻟﺨﺒﺮ !!
ﻣﺮﺗﻀﻰ ﺑﺼﻮﺕ ﺻﺎﺭﻡ : ﻛﺎﺍﺍﻓﻲ ﺳﻮﻳﺘﻴﺔ ﻗﻀﻴﺔ ﻋﻠﻴﺔ ﻣﻮ ﺍﻭﻝ ﻭﺣﺪﺓ ﺭﺟﻠﻬﺔ ﻳﺨﻮﻧﻬﺔ ﻣﻮ ﻫﺎﻱ ﺍﻟﻨﺴﻮﺍﻥ ﻳﻌﺮﻓﻦ ﻭﻳﺴﻜﺘﻦ
ﺟﻨﺎﻥ ﺑﺼﻴﺎﺡ : ﻭﻟﻚ ﺷﻨﻮﻭﻭﻭ ﺣﺎﻟﻲ ﻣﻦ ﺣﺎﻟﻬﻦ ﻫﺎﺍﺍﺍ ﻟﻴﺶ ﻣﺘﺤﻂ ﺭﻭﺣﻚ ﺑﻤﻜﺎﻧﻲ ﺍﺧﻮﻧﻚ ﻭﻳﺔ ﻭﺍﺣﺪ ﻭﺍﻧﺖ ﺗﺴﻜﺖ
ﺷﺎﻁ ﻣﺮﺗﻀﻰ ﻭﺿﺮﺑﻬﺔ ﻭﻫﻲ ﺗﺼﻴﺢ ﺭﺣﺘﻠﺔ ﻭﺑﻌﺪﺗﻪ ﻋﻨﻬﺔ ﻭﺻﺤﺖ ﺑﻲ _ ﻛﺎﺍﺍﺍﻓﻲ ﻟﻚ ﻫﻮﺍﻱ ﺗﻤﺎﻳﺪﺕ ﻭﺍﻧﺘﻲ ﺍﻡ ﻣﺼﻄﻔﻰ ﻫﻢ ﻫﻮﺍﻱ ﺗﺠﺎﻭﺯﺗﻲ
ﺟﻨﺎﻥ : ﻭﺍﻧﺘﻮﺍ ﻣﻦ ﺗﺨﻮﻧﻮﻥ ﻣﺘﺘﺠﺎﻭﺯﻭﻥ ﻟﻮ ﻻﻥ ﺍﺣﻨﻪ ﻧﺴﻮﺍﻥ ﻭﺍﻧﺘﻮﺍ ﺯﻟﻢ ﻭﺣﺪ ﻋﻨﻪ
ﻧﻬﺎﺩ : ﺍﻱ ﻭﺍﻟﻠﻪ ﺣﻘﭻ ﺑﻬﺎﻱ ﻛﻮﻟﺸﻲ ﻭﺣﺪ ﻫﻤﺔ
ﺣﻴﺪﺭ : ﺍﻧﭽﺒﻲ ﺍﻧﺘﻲ ﻟﺘﺪﺧﻠﻴﻦ
ﻧﻬﺎﺩ : ﻭﻟﻴﺶ ﻣﻮ ﺻﺪﻭﮒ ﺣﭽﻴﻪ ﻟﻮ ﺍﻟﺤﻘﻴﻘﺔ ﺗﻀﺎﻳﻘﻮﻥ ﻣﻨﻬﺔ
ﺣﻴﺪﺭ ﻟﻄﻤﻬﺔ ﻋﻠﻰ ﺣﻠﮕﻬﺔ : ﮔﺘﻠﭻ ﺍﻧﭽﺒﻲ
ﺭﺍﺣﻦ ﻧﻬﺎﺩ ﻟﻐﺮﻓﺘﻬﺔ ﻭﺍﻧﻲ ﺣﺎﻳﺮ ﺑﻴﻨﺎﺗﻬﻢ ﻗﺮﺭﺕ ﺍﺗﺮﻛﻬﻢ ﻭﻣﺎ ﺍﺗﺪﺧﻞ ﺑﻤﺸﺎﻛﻠﻬﻢ ﻛﻠﻤﻦ ﻳﺤﻞ ﻣﺸﺎﻛﻠﺔ ﺗﺮﻛﺘﻬﻢ ﻭﺻﻌﺪﺕ ﻟﻐﺮﻓﺔ ﻭﻟﮕﻴﺖ ﺑﺤﺎﺭ ﺗﺪﻭﺭ ﺑﺎﻟﻐﺮﻓﺔ ﻭﺗﺮﻭﺡ ﻭﺗﺠﻲ ﻣﻦ ﺷﺎﻓﺘﻨﻲ ﭼﻴﺘﺖ ﻋﻠﻴﺔ : ﺷﺼﺎﺭ
ﺍﺑﺘﺴﻤﺖ ﻋﻠﻰ ﻓﻀﻮﻟﻬﺔ _ ﺧﻠﻴﻬﻢ ﻳﺤﻠﻮﻥ ﻣﺸﺎﻛﻠﻬﻢ ﺍﺣﺴﻦ
ﺑﺤﺎﺭ ﺑﺘﺄﻳﺪ : ﺍﻱ ﺍﻓﻀﻞ
ﺗﻨﻬﺪﺕ ﻭﺗﻤﺪﺩﺕ ﻋﻠﻰ ﺍﻟﭽﺮﺑﺎﻳﺔ ﻭﻓﺮﻛﺖ ﻋﻴﻮﻧﻲ _ ﺣﻀﺮﻳﻠﻲ ﻣﻼﺑﺴﻲ ﺍﺭﻳﺪ ﺍﻏﺴﻞ
: ﭐﺗﺪﻟﻞ
ﺭﺍﺣﺖ ﻫﻲ ﺗﺤﻀﺮ ﻣﻼﺑﺴﻲ ﻭﺍﻧﻲ ﺍﻓﻜﺮ ﺑﺎﺧﻮﻳﺔ ﻭﻋﺎﺋﻠﺘﻪ ﺍﻧﻘﻬﺮ ﻋﻠﻰ ﺯﻭﺟﺘﻪ ﺻﺤﻴﺢ ﻫﻮ ﻳﺤﺒﻬﺔ ﺑﺲ ﻣﻊ ﺍﻻﺳﻒ ﻳﺨﻮﻧﻬﺔ ﺻﺎﺣﺘﻠﻲ ﻭﺍﻧﻄﺘﻨﻲ ﺍﻟﻤﻨﺸﻔﺔ ﺍﺧﺬﺗﻬﺔ ﻭﻃﺒﻴﺖ ﺍﺳﺒﺢ ﻓﺮﻍ ﺗﻌﺒﻲ ﻭﻫﻤﻮﻣﻲ ﺑﺤﺎﺭ • ﺍﻧﻘﻬﺮﺕ ﻋﻠﻰ ﺟﻨﺎﻥ ﺣﻴﻞ ﺣﻠﻴﺖ ﺭﻭﺣﻲ ﺑﻤﻜﺎﻧﻬﺔ ﻭﺿﺠﺖ ﻋﺰﺯﺯﺓ ﻳﻌﻨﻲ ﻣﻌﻘﻮﻟﺔ ﺍﻟﺴﻴﺪ ﻳﺨﻮﻧﻲ؟؟ ﺍﻱ ﻟﻴﺶ ﻻ؟ ﻭﺍﻧﻲ ﻣﺎ ﺍﻧﻄﻲ ﺣﻘﻮﻗﺔ !! ﻳﻤﻪ ﺳﻤﺎﻟﻠﻪ ﻻ ﺍﻧﺸﺎﻟﻠﻪ ﻣﻴﺨﻮﻧﻲ ﺷﻔﺖ ﺗﻠﻔﻮﻧﻪ ﻋﻠﻰ ﺍﻟﭽﺮﺑﺎﻳﺔ ﺭﺕ ﺍﺧﺬﺗﻪ ﻭﺍﻓﺘﺶ ﺑﻲ ﻧﺪﺓ ﻛﻠﺔ ﺍﺭﻗﺎﻡ ﺗﺠﺎﺭ ﻭﺍﺳﻤﺎﺀ ﺯﻟﻢ ﻭﻛﻮﻣﺔ ﻳﺮﺑﻲ ﺷﻨﻮ ﻫﺎﻱ ﺷﻠﻮﻥ ﺍﻋﺮﻑ ﻳﺨﻮﻧﻲ ﺍﺣﺴﻦ ﺣﻞ ﺍﺭﻭﺡ ﻋﻠﻰ ﺍﻟﻮﺍﺗﺴﺎﺏ
ﺩﺧﻠﺖ ﻋﻠﻲ ﻭﺍﺷﻮﻑ ﺍﺷﻜﺎﻝ ﻭﺍﻟﻮﺍﻥ ﻛﻠﺔ ﮔﺮﻭﺑﺎﺕ ﻣﺎﻝ ﺍﻟﺒﺴﻪ ﻭﺗﺠﺎﺭﺓ ﺍﻭﻭﻭﻑ
ﺭﺣﺖ ﻋﻠﻰ ﺍﻟﻔﻴﺲ ﻭﻫﻢ ﻧﻔﺲ ﺍﻟﺤﺎﻟﺔ ﺗﻨﻔﺴﺖ ﺑﻀﻴﻖ ﺗﺬﻛﺮﺕ ﺑﻴﺪﺍﺀ ﺍﻱ ﺻﺢ ﺭﺟﺖ ﻟﻠﻮﺍﺗﺲ ﻭﺑﺤﺜﺖ
ﺏ
ﺑﺤﺮﻑ ﺍﻟﺒﺎﺀ ﻭﻃﻠﻌﺘﻠﻲ ﺩﺧﻠﺖ ﻋﻠﻲ ﻭﺍﻗﺮﺓ
ﻗﺎﺳﻢ ﺍﻧﻲ ﺍﺣﺒﻚ
ﻋﻔﻴﺔ ﺭﺩ ﻋﻠﻴﺔ
ﺣﺒﻴﺒﻲ ﻭﺍﻟﻠﻪ ﻣﺘﻨﺪﻣﺔ
ﻣﺮﺕ ﺍﺧﻮﻳﺔ ﻗﺮﺕ ﺑﺮﺍﺳﻲ ﻭﺍﻟﻠﻪ ﻣﺎ ﺑﻘﺼﺪﻱ ﺍﺗﺮﻛﻚ ......
ﻛﻮﻣﺔ ﺍﻗﺮﺓ ﻭﻣﺎ ﻣﻠﺤﮕﺔ ﺣﺴﻴﺖ ﺑﻀﻮﺟﺔ ﻛﺘﺒﺘﻠﻬﺔ
ﺑﻴﺪﺍﺀ ﺍﺫﺍ ﺑﻌﺪ ﺭﺍﺳﻠﺘﻴﻨﻲ ﺍﺣﻈﺮﭺ .
ﺩﺯﻳﺘﻬﺔ ﻭﺗﺄﻛﺪﺕ ﻣﻦ ﺍﻧﺮﺳﻠﺖ ﻣﺴﺤﺖ ﺍﻟﺮﺳﺎﻟﺔ ﻣﻦ ﻗﺎﺳﻢ ﺣﺘﻪ ﻣﺘﺒﻴﻦ ﺳﻤﻌﺖ ﺍﻟﺒﺎﺏ ﺍﻧﻔﺘﺤﺖ ﺗﻮﺗﺮﺕ ﻟﻐﻴﺖ ﺍﻟﺒﺮﺍﻣﺞ ﺍﻟﭽﻨﺖ ﻓﺎﺗﺤﺘﻬﻦ ﻛﻠﻬﻦ ﻭﺭﺟﻌﺘﻪ ﻟﻨﻔﺲ ﻣﻜﺎﻧﺔ ﻭﻟﺰﻣﺖ ﻓﻮﻧﻲ ﻭﺳﻮﻳﺖ ﺭﻭﺣﻲ ﺍﻟﻌﺐ ﺑﻲ
ﻃﻠﻊ ﻫﻮ ﻻﺑﺲ ﺟﺎﻥ ﺷﻮﺭﺕ ﻭﺧﺎﻭﻟﻲ ﻋﻠﻰ ﺭﮔﺒﺘﻪ ﺍﺭﺗﺒﻜﺖ ﻭﺩﺭﺕ ﻭﺟﻬﻲ ﻭﺣﺮﺍﺭﺓ ﺗﻄﻠﻊ ﻣﻨﻲ ﻣﻦ ﺍﻟﺨﺠﻞ ﺗﻨﺤﻨﺤﺖ ﺑﺨﻔﻮﺕ ﻭﺩﺭﺕ ﻭﺟﻬﻲ ﻋﻨﻪ ﻭﻫﻮ ﻣﺎ ﻣﻬﺘﻢ ﻳﻠﺒﺲ ﺑﺎﻟﻔﺎﻧﻴﻠﺔ ﻭﺍﻧﻲ ﺻﺎﻓﻨﻪ ﻋﻠﻲ ﺍﻧﺘﺒﻬﺖ ﻋﻠﻰ ﻧﻔﺴﻲ ﻭﻋﺎﺗﺒﺖ ﺭﻭﺣﻲ ﺑﺎﻟﻠﻪ ﻣﺎ ﺍﺳﺘﺤﻲ ﺍﺭﺍﻗﺐ ﺑﺨﻔﻴﺔ ﺍﻭﻭﻭﻑ ﮔﻤﺖ ﺍﻧﺠﺮﻑ ﻫﻮﺍﻱ ﺍﻟﺔ ﺷﻠﻮﻥ ﺑﻴﺔ ﻳﺮﺑﻲ
ﻗﺎﺳﻢ : ﻫﻬﻬﻪ ﻛﻤﻠﺖ ﻳﻤﻌﻮﺩ ﺑﺎﻭﻋﻲ ﻋﺎﺩﻱ
ﺧﺠﻠﺖ ﻭﺍﺑﺘﺴﻤﺖ ﺑﺨﻔﺔ _ ﺍﺣﻢ ﻻ ﺑﺲ ﻣﺸﻐﻮﻟﺔ ﺑﺎﻟﺘﻠﻔﻮﻥ ﻣﻨﺘﺒﻬﺖ ﺍﺻﻼً
ﻗﺎﺳﻢ ﺑﺮﻓﻌﺔ ﺣﺎﺟﺐ : ﺍﻫﺎ ؟ ﺍﻱ ﺻﺢ !
ﺗﻮﺗﺮﺕ ﻭﮔﻤﺖ ﻣﻦ ﻣﻜﺎﻧﻲ : ﺍﻧﻲ ﻧﺎﺯﻟﺔ
