الا بذكر الله تطمئن القلوب اذكرو الله ✨
اشرب شاهي منعنع وقرا روايتي وروق ☕ 🍃
.......بيت أبو جاسم.......
جالسات بصاله ويتقهوين وسوالف تدور بينهم ' وقفوا سوالف أول ماسمعوا صوت ليث الرجولي من باب الباب : ياولد!
ميسه إللي وقفت بذات العجله وراحت غرفه جوري ' بعد انفصال ابوها وامها بعد السالف إللي صارت من سبب ميس صارو يعيشوا بيت أبو جاسم بما انه الأخ الاكبر ' ام جاسم شافتها وقفت وراحت غرفه بنتها نادت ليث بصوت عالي : ادخل يمك " دخل ليث وشاف امه وعمته وجوري حط اسر على الأرض من حضنه وهتف : صبحكم الله بالخير
الكل إللي رد وهم يناضرون فيه : صبحك بنور.
ام جاسم بذات الحنون ؛ تعال يمك اشرب قهوه
ليث بذات النبره الهادئه : لا بخذ من برا.
أم ميس بطرف عينها تناضره وقالت : ولا ليكون ماتبي تتقهوا لاني موجوده ياولد اخوي؟!
ناضرها وهتف بذات النبره الحاده وصوته الرجولي : لو كنت عشانتس كان تكلمت .
ام جاسم إللي كانت تناضر ولدها لفت راسها لام ميس إللي تكلمت بصوت عالي : هذا بيت اخوي يابو اسر لو كنت عايشه عندك كان يعلم الله وش بتسوي فيني!
ليث بذات النبره الحاده : صوتس يامره لا يرتفع وحترمي البيت إللي جالسه فيه!
ام جاسم بتصريف لا تكبر المشكله بينهم وعيونها لليث إللي عاقد حاجبيه بذات الحده : ليث يمك روح دوامك لا تتاخر.
أبو جاسم إللي خرج من غرفته على صوت اخته وقف باب الصاله ثواني وهو يناظرهم بتنهيده ورفع نظره لليث وقال : اخرج دوامك " ورد النضر لخته عاليه وقال : عاليه ياخوس البيت بيتس.
ليث الي خرج بذات الصمت لان عمته من حين تطلقت وسكنت عندهم صارت تعاير ليث بكل شي.
ام جاسم شافت ولدها خرج وناضرت عاليه ونطقت بهدوء : عاليه شفيس صلي على نبيس
ما مد ام جاسم تكمل كلاهما الى وام ميس تنفجر بكاء وتناضر اخوها : اذا ماتبوني اجلس عندكم بخرج من بيتكم وروح أنا وبنتي نعيش بشوارع.
أبو جاسم وهو يتقدم بخطواته ويناضرها ويهتف بذات الحنان : ياعاليه محد قالس مايبيس معنى وهذا البيت بيتس ونتي الجالسه وحنا الطالعين.
ام جاسم اعطته نظره بمعنى وش تقول هاذي عاليه اختك والله لا تطردنا من البيت صدز " أبو جاسم شاف نظرات زوجته وعطاها نظرها هدي وكمل كلامه وهو خارج الحوش : جوري يابوي زهبين لي شاهي وجيبه للحوش.
جوري وقفت وهتفت وهي تشوف ابوها إللي خارج : ابشر من عيوني يبه .
........بيت سهيل.......
واقف امام المرايه يلبس ثوبه يروح دوامه ووجود بجنبه وبيدها الشماغ وتناظره وهي مبتسمه شاف ابتسامتها من عاكس المرايه ابتسم ولف راسه لها وضحك بذات الضحكه العذبه " اختفت ملامح ابتسامتها وقطبت حاجبيها وهتفت وهي تضرب كتفه : سهيل شفيك ؟ سهيل بذات الضحكه العذبه وهو يمسك وجها بكفيه ويقبل حاجبيها : أنا إلي لزوم اسالتس شفيس؟
وجود وهي تحط كفيها على يد سهيل إللي ماسك وجها وهتفت وهي مبتسمه : أبو سلاف وصمتت
عقد حاجبيه وبعد يده من وجها ونطق : وش ابو سلاف ؟
وجود ابتسمت وهي تشوف الصدمه بوجهه اخذت يده وحطتها ببطنها ولزمت الصمت ليرتفع صوت سهيل بضحك ويهتف : لا تقوليها
وجود بضحك وهي ترفع حاجب : وش إللي لا اقولها ؟
سهيل اختفت ضحكته تدريجيا وكتفى ببتسامه وهو يمسك كف يدها وشد عليها : حامل ؟
وجود ضحكت وهي تهز راسها بايه ليرتفع صوت سهيل بضحك بكل انحا الغرفه وهو يضمها لصدره ويقبل راسها : احلفين ياوجودي
وجود وهي تضحك وتبادله الحضنه : من دون حلف وايه .
أنت تقرأ
فرقتنا الظروف وجمعتنا منيفه
Actionمخيلتي الاولى ✨ لا احلل النقل او الاقتباس❌ مستمره ✍🏻 اقلطو حياكم الله بروايتي فرقتنا الظروف وجمعتنا منيفه ☕ نبذه عن روايتنا. الرواية فيها أكثر من بطل وبطله ولاكن البطال الرئيسيين ليث اسر اريج وعد وفي بطله بتكون مجهوله. قصه ليث واريج بتكون زواج اج...
