الا بذكر الله تطمئن القلوب اذكرو الله ✨
اشرب شاهي منعنع وقرا روايتي وروق ☕ 🍃
....... المساء بيت ليث........
جالس بصاله الصغيره المتواضعه مع ديكوراتها الاسود والطوايل الخشبي وعيونه على ولده اسر إللي ياكل بصمت وهو يشاهد السنافر هتف بذات التنهيده وهو ياخذ جواله من الطاولة ويرد : هلا يالغاليه!
صمتت ام جاسم وتقول بنفسها ( هل قال ليث يالغاليه ؟ ولدي ليث حقاً قالي يالغاليه لم اسمع من فمه كلمه الغاليه من ست سنوات) فزت على صوت ليث اللي هتف وقال: ام جاسم ؟
ام جاسم بذات الفرحه إللي تشعل بداخله من كلمه يالغاليه نطقت وهي مبتسمه : ليث يمه وش عندك الباتسر ؟
قطب حاجبيه وقال : بدوامي وين بكون!
أم جاسم : يمه ياليث أن شاء الله توديني الديره باتسر بعد دوامك؟ .
ام جاسم إللي كانت تتكلم وليث عيونه على ولده إللي وقف وراح المطبخ ونطق : ابشري أن شاء الله بعد العصر اوديتس! بتروحين لحالس او بتاخذي جوري معس ؟
أم جاسم وهي ترد ضهرها للكنب : لا يمه بس لحالي.
ليث : طيب وسكر من امه ووقف راح ورا ولده إللي دخل المطبخ يشرب مويه.
........بيت سهيل.......
جالسين بصاله ويتعشون " سهيل وهو يحط الفجال من يده ويناظر وجود إللي تاكل وعيونه على الجوال إللي بيدها" قطب حاجبيه ويفكر لو تعرف في احد تكلمه وش بيقول لها ؟ وسع عيونه بستغراب ويفكر مين البنت إللي تحبه وليه هو بذات راسلته وتكلمه كذا معقوله يكون مقلب من وجود هز راسه وهو يشيل كل الفكار من راسه ويرد على وجود إللي ناظرت فيه وسالت وهي مبتسمه : كيف كان دوامك ؟
رفع حاجبيه وهتف بذات الهدوء : متعب بس أول مشوفتس يروح كل التعب.
بيتسمه نطقت : يابعد عمري لا خلا ولا عدم
وهو يمسك يدها إللي حاطتها على طاوله ويقبلها بدفى وقال : يبعدهم كلهم
.......بيت أبو التوام........
جالسين بغرفتهم المشتركه وكل واحد على سريره وعلى جواله رما جواله من يده وتربع بجلسته وناظر في سلمان إللي على جواله وقال : تؤامي ؟
سكر جواله وناظر فيه وقال : روح تؤامك!
هتف بذات الابتسامة وهو يقوم من سريره ويتوجه لسرير اخوه ويرتمي بجنبه " سلمان إللي ابتسم أول مشاف عبد الرحمن وهو يقوم من سريره ويتوجه لسريره فتح حضنه وقال عبد الرحمن وهو يضحك : تؤمي والله احبك.
ضحك سلمان وهو يقبل راس عبد الرحمن وينطق بقول : طلع تؤامي يحب وحنا متفقين ناخذ تؤام!
ضحك عبد الرحمن وهو يمسك شعر سلمان ويشده بخفه : ليكون تحس وش احس فيه وأنا ماحس بالي تحسه ؟
ضحك سلمان وهو يبعد عبد الرحمن من حضنه وجلس متربع بجلسته وهتف : اكيد احس بالي تحسه محنا تؤام!
عبد الرحمن بضحك وهو يضرب خشم سلمان بخفه : أنا ليه ماحس فيك ؟
سلمان بضحك وهو يشيل يد عبد الرحمن من خشمه : يدك بكسرها لك " وايه يلا اعترف مين إللي تحب بزوجك ولمهر علي!
ابتسم وهو يرد راسه لضهر السرير : بعدين وعلمك مين بنت الحلال " وعطاه نظره بطرف عينه وقال : ولا تنسى المهر عليك.
ضحك سلمان وقال : حلفت خلاص المهر علي.
.......الصباح........
ركب سيراته مع ولده وحرك بيت ابوه دقائق ووصل نزل من السياره
واخذ اسر بحضنه ومن باب الباب. : ياولد
ام جاسم إللي خرجت من المطبخ وخرجت لليث لباب البيت وكان واقف وولده بحضنه هتفت وقالت : هلا يمه
ليث وهو ينحني ويحط اسر من حظنه على الأرض ونطق : صبحس بالخير
أم جاسم وهو تمسك يد اسر إللي تقدم لها. : صبحك بنور يمه
ليث : وين ابوي
أم جاسم : من بعد مارجع من صلاه الفجر رقد
ليث هز راسه بطيب لتكمل أم جاسم كلامها بحرص وتقول : العصر لا تنسى توديني الديره
ليث وهو يخرج جواله من مخباه ويصمته : طيب أن شاء الله
ام جاسم بذات التنهيده على حال ولدها نطقت وقالت : ليث يمه تبي اكلم عمك عبدالله
ليث بذات المقاطعة لانه يعرف وش تبي بعمه عبدالله وقال : ام جاسم كم مره اقولس طاري الزواج ماتفتحيه عندي ؟ طالبتس ياام جاسم وإذا كان للي عندس مكانه مره ثانيه ماتفتحين سيره الزواج وإذا تقولين عشان ولدي فماني عاجز عن تربيته لحالي " ولا تنسين أنا اللي مربي اسر وهو بعمر الشهرين فماني عاجر عن تربيته وأنا اشوفه رجال قدام عيوني.
حست بنكسر وهي تسمع كلام ولدها وهتفت بذات الضيقه وصوتها المخنوق اللي شوي ويبكي : طيب يمك عساك بالقوه.
لليث إلي خرج وحرك دوامه وام جاسم إللي مسكت اسر ودخلون الصاله وشافت عاليه وبنتها وجوري يتقهووا جالست وبالها كله عند ليث.
أم ميس إللي كانت تناظرها من حين دخلت وهي ترشف من الفجال واللي بيدها وقالت : شفيس ؟
أم جاسم ناظرتها وبنبره هادئه : العافيه فيني
أم ميس وهي ترد راسه للتيفي : واضحه مافيس شي!
ميسه إللي ناظرت امها بقرصه وتكلمت وهي شاده على اسنانه : امه خلااص
جوري وهي تفتح حضنها ل اسر إللي مشى لعندها وبكل حب عمه هتفت : فطرت ياروحي ؟
اسر وهو يجلس على حضنها وهتف ببراءه : لا ياعمه أنا صحيت وجيت عندكم .
جوري وهي تبوس خد بقوه ووقفت ومسكت يده : تعال يروحي نفطر وراحون المطبخ .
.......بيت سهيل .......
اخذ جواله من على الطاولة بذات السرعة وهو يشوف رسائل مثل البارحة لف راسه بذات الخوف لجهه الباب يتاكد إذا وجود لساتها بالمطبخ ورد إللي الرسالة : أنتي بنت ماوراس اهل ماتستحين وحذف الرسائل وبلك البنت المجهوله " قطب حاجبيه وهو يقول : مين هذي ومين إللي جايب لها رقمي ؟ ليكون مقلب من وجود ؟ قطع كل فكره دخول وجود وهي تناديه : سهيل يلا افطر لا تتاخر على دوامك
سهيل هز راسه بطيب وأخذ ساعته وجواله وخرج.
........المغفر.........
دخل ليث مثل عادته وهو يصبح على الكل وجلس بمكتبه" دخل اسر وفي يده ملافات القضايا ناظر ليث وهتف وهو واقف : بعد نص ساعه بنحرك!
وهو يناظر فيه من حين دخل وقال : طيب خليكم مستعدين
....... الديرة.......
وهي تركب الشاص الابيض وتسكر الباب وشغلت وحركت وهي خارجه من حوشهم وقفها صوت ابو سلطان إللي شافها ونادا عليها : بنت عبدالله!!
نزلت الدريشة وهتفت : ارحب ياعم
أبو سلطان بستفسار وهو راد يداته ورا ظهره : على وين ؟
اريج وهي تخرج يدها من الدريشه : بروح لنياق
أبو سلطان رفع حاجبيه ونطق : نياق أبو سوير ؟
اريج : ايه وبروح مع سوير وسلمى
أبو سلطان باطمانينه : طيب الله وياش ولا تسرعين
اريج اللي سكرت الدريشه وحركت لبيت خوياتها وراحون العزبه.
أنت تقرأ
فرقتنا الظروف وجمعتنا منيفه
Actionمخيلتي الاولى ✨ لا احلل النقل او الاقتباس❌ مستمره ✍🏻 اقلطو حياكم الله بروايتي فرقتنا الظروف وجمعتنا منيفه ☕ نبذه عن روايتنا. الرواية فيها أكثر من بطل وبطله ولاكن البطال الرئيسيين ليث اسر اريج وعد وفي بطله بتكون مجهوله. قصه ليث واريج بتكون زواج اج...
