فرقتنا الظروف وجمعتنا منيفه

27

الحمدلله سبحان الله  واشهد ان لا اله الا الله
صلو عليه شفيع الأمة ذكرتك الروح حباً ، وعليك القلب صلى ✨
ابتسم لهدنيا واشرب شاهي بنعناع وقرا روايتي وسترخي وهدي وخليك طول الوقت مروق دامك تحب الشاهي وتحب روايتي
                               ________🍃☕_________

....المساء بيت ليث بعد ماوصل تميم اسر لبوه...
بعد ماروش اسر وغير لوه ملابسه ولبسه بجامه قطن بما ان الجو صاير مره بارد " واخذه بحضنه ونزل المطبخ حط اسر على الكرسي وزهب ل اسر حليب دافئ واعطاه يشربه ٫ جلس ليث بالكرسي اللي مقابل اسر وعيونه على ولده اللي يناظر الحليب بصمت ٬ قطب حاجبيه ليث ثواني وهو يناظر ولده اللي ماشال عيونه عن كوب الحليب وقال ليث : اسر يبوي ؟
رفع نظره من الحليب وناظر ابوه وقال بتنهيده طفل : ها بابا ؟
تمزق قلبه من تنهيده ولده وقال ليث وهو يمد يده ويحطها بشعر اسر : بسم الله على قلبك يبوي من اتفه الاسباب" شفيك يبوي ؟
بوز شفتيه ونزلين دموعه وقال وشفتيه الصغيره ترجف : بابا ليه أنا ماعندي أم مثلك ومثل ذيد وثميم وراكان؟
غمض عيونه وفتحهم وهتف وهو قاطب حاجبيه من قوه الكلمة اللي جته وقال وهو يوقف ويجلس بجنب كرسي ولده على ركبه ويمسك يد اسر ويبوسها : أنا امك يبوي وأنا ابوك ياسر.
انفجر اللي كاتمه وهو يرتمي بحضن ابوه ويطقوق رقبته وقال وشفتيه ترجف بكاء : شفت ماما اريج وماكلمتني ي بابا.
غمض عيونه ليث وهو يشد احتضان اسر وقال بحنان وهو يمسح على ظهره : شفت اريج يبوي ؟
شهق شهقات متواصله وقال بشهقه بكاء : ايه ي بابا مع خالو سلطان وماما ماحضنتني وباستني وأنا مره أحبها ي بابا أنا ليه محد يحبني ؟
ابعده من حضنه وهو يمسح على خده ويبوس عيونه وقال بنبره تنهيديه : بس أنا احبك يبوي وبكتفي فيك وانت اكتفي فيني بكون لك ابوك وكون لك امك وصديقك وانت كون لي ابوي وامي.
رفع كف يده وهو يمسح على دموعه وقال بشهقه وهو يناظر ابوه اللي يناظره بكسره : بابا " بابا نعني ( يعني) أنت بتقولي بابا وماما وأنا بقولك بابا ليث وماما ؟!
هز راسه ليث بايه وقال وهو يمسح على خد ولده : ايه ي بابا اسر.
ابتسم اسر وهو يرفع كف يده ويخليها على خد ابوه اللي مسك كف اسر وباسه وقال اسر بطفوله وعيونه على ابوه : عيوني يبوي .
ابتسم ليث ابتسامه بوجع من كلمه عيوني يبوي وخذ ولده بحضنه وقال وعيونه احمرت بدموع : فديت عيونك يبوي جعلني قبلك ياسر الله ياخذ من عمري ويعطيك.
باس رقبه ابوه وقال اسر بشهقه بكاء : بابا لا تقول كذا يبوي .
ابعد ولده من حضنه وناظره ثواني لين نزلت دمعه من عيونه وقال : افديك بروحي يبوي.
ابتسم اسر ودموعه بخده وقال وهو يمسح على خد ابوه وقال : بابا لا تبتسي يبوي " وقرب راسه وهو يبوس عيون ليث وقال : بابا ليث مره احبك أنا.
ابتسم ليث وقال وهو يمسك كفين يدين اسر الصغير وقال بنبره مهزوزه : متاكد يبوي تحب ليث اللي احرمك من اريج ومن كلمه ماما؟
هز راسه اسر بايه وقال : ايه يابابا احبك وماما اريج خلاص مارح اقول لها ماما مره ثانيه لانها ماتحبني.
هز راسه ليث وحاجبيه قاطبها وقال : لا يبوي اريج تحبك بس اللي جاها مني اوجعه وخلاها ماتكلمك.
رفع حاجبيه اسر وقال بطفوله : نعني ( يعني) ي بابا اقول ماما اريج ؟
هز راسه ليث ببتسامه وقال : ايه يبوي قولها ماما اريج بس اريج ماعد بترجع عندنا وبتظل عند ابوها.
هز راسه وقال وعيونه على ابوه : ماما اريج بتظل عند ابوها وأنا بظل معك ي بابا .
ابتسم ابتسامة خفيفة وقال : ايه يبوي بتظل عند ابوها وانت بتظل عندي.