فرقتنا الظروف وجمعتنا منيفه

8

الا بذكر الله تطمئن القلوب اذكرو الله ✨
اشرب شاهي منعنع وقرا روايتي وروق ☕ 🍃

جاه صوت أم جاسم إلي تبكي وقالت. : لييييث وين بنت اختي ياليث؟؟.
سكر الخط بوجه ابوه وهو يلبس ثوبه وياخذ اسر ولده من السرير ويتوجه لبيت ابوه" ماهي إلى دقائق ووصل" أخذ اسر ولده من المرتبه الثانية وكان نايم " طق الباب بذات القوه لتفتح له جوري إلي كانت تبكي.ناظر فيها كيف تبكي ودخل الصاله وكان فيها ام جاسم وابو جاسم إلي واقفين ورايحين جايين وام ميس جالسه وماسكه على خدها" شافت ولدها وقالت وهي تقرب منه بصوت باكي : ووووين بنت اختي ياليث وين ؟!
حط ولده على الكنب وقال وهو يناظر في ابوه : وش تقولون انتم ؟ يمكن عند خوياتها ؟!
أبو جاسم بذات الحده ؛ ويييين عند خوياتها ياليث ؟ أنت متاكد بنك وصلتها لبيتها ؟!
مسح على شنبه وقال : بدق على الشرطه وبروح الديره ' وهو خارج قال لجوري : جوري خلي عوينتس على اسر وخرج.
اخذ جواله برجفه ودق على جاسم وزياد يروحون الديره ورا اخوهم.

....... الديرة........
جالسات عنده إلي كان منهار ويبكي ' هتفت سوير وهي تمسك يد أبو اريج : عم تكفى لا يصير فيك شي " بنتك بترجع لك والله بترجع
قال أبو اريج وهو يبكي : وين بنتي ؟! اريج بنتي حيه ؟؟
قالت سلمى وهي تبكي : عم اريج بترجع بترجع تكفى لا يصير فيك شي.
أبو سوير الي دخل مع أبو سلمى وحريمهم أول ماتصلت لهم سلمى وهي تبكي " هتف أبو سوير وهو يقرب من أبو اريج ويمسك يده : عبدالله ليه ياعبدالله تبكي ؟
هتف وقال : اخذو مني اريج يابو سوير" بلع ريقه وقال أبو سلمى ؛ تعوذ من الشيطان يبو اريج ' الان بخلي الديره كلها تدرو عليها.

عند ليث الي دق على الشرطه وحركون الديره " وصلون على الفجر „ وكان رجال الديره كلهم يدرون على اريج" وقف ونزل من سيارته بذات السرعة دخل حوش أبو اريج ' وقف بصدمه وهو يشوف الحريم إلي يبكون وابو اريج إلي كان جالس على كرسيه المتحرك ويبكي " بلع ريقه وتقدم من أبو اريج ' جلس على ركبه ومسك يده وقال : أبو اريج!
هتف أبو اريج وقال وهو يمسك يد ليث : وين بنتي يابو اسر اريج وين ؟
قال وهو يوقف ويلف راسه للرجال الي واقفين وضباط بكل ثبات : ماتخلون مكان الى ودورتم فيه.
الكل إلي سمع كلامه وصارو يدورون عليها " لف راسه ل ابو اريج وقال : بنتك ياعم بترجع لك ' وقبل يتكلم أبو اريج خرج ليث مع الضباط ورجال الديره يدورون عليها.

مره ساعه ساعتين ثلاثة اربعه خمسه سته سبعه وهم يدورون على اريج" مسح على وجهه برهاق وهو يشوف الساعة الثامنة صباحا " لف راسه لصوت اسر إلي قال بتعب : وين بتختفي ؟
قال بتنهيده وهو يمسح شنبه : كله بسببي ليت وصلتها كان ماصر فيها شي!!
مسك كتفه وقال اسر : لا تلوم نفسك على شي ' وبترجع.
الضباط الكل إلي اجتمعون لليث وكانو عاجزين يشوفون اريج" قال احد الشرطه لليث الي واقف برهاق : بكل مكان بحثنا بس ولا لها أثر.
مسح على شنبه وكان بيتكلم بس وقفه صوت صرخه سوير ' الكل لف راسه لها بخوف.
عند سوير إلي كانت تدور حوالي البيت لعل وعسى تشوف لها اثر مسكت على خصرها وكانت بتدخل بس وقفها نعال اريج إلي كانت لابسته ومليان طين" صرخت بخوف وهي تقرب وتاخذ النعال.
الكل إلي راح لها وكانت تبكي وبيدها نعال اريج.
بلع ريقه بخوف وهو يشوف النعال ناظر في الضباط وقال بصوت عالي : بلغون كل الدوريات.
فهم عليه اسر وقال : محد يقرب المكان " هتف ليث بصوت عالي وبحده : حمد طلعوه لي من تحد الأرض.
الكل إلي كان يبحث على اريج بالبر وبالجبال وماخلون مكان مابحثون فيه.
وصلت ام جاسم مع احلام وجاسم وزياد وابو جاسم الديره وراحون بيت ابو اريج إلي كان فيه حريم الديره.
عند ليث الي وصل بيت حمد وهتف بذات النبره الحاده والصوت العالي ؛ حممممممممد "كل الدوريات إلي وقفت بحوش حمد.
وكانو ينتظرون امر من ليث ويداهمون البيت
هتف بصوت عالي وحاد للمره الثانيه ؛ حمممددد اخرج عندك دقيقة إذا مافتحت بكسر الباب براسك يالحقير اخررررررج.
عم الصمت والكل يناظر الباب الي يفتتح " رفع حاجب وهو يضحك بسخريه وقال بحده : وين الحقيرررر حمد!؟
بلع ريقه بخوف وهو يشوف الشرطه ورجال الديره قدامه وهتف بنبره طفوليه : جدي راقد
قرب له ليث وقال بحده وبصوته العالي ؛ صح جدككككك أحسن مدخل له وتكون نومته الأخيرة.
هز راسه وهو يدخل" دقائق وخرج حمد وهو يمسح على وجهه وقال وهو يناظر ليث : وش الزعاج هاه ؟!
تقدم له ليث ومسكه من جيبه بعنف وهتف من بين اسنانه : بنت عبدالله وين ؟!
قطب حاجبيه بصدمة وقال : اريج ؟!
هاتف بحده وقال : ايييه ارييييج وييين " بلع ريقه حمد وقال وهو يناظر ليث الي ماسكه بعنفه : ليكون هجت من الديره ؟
قطب حاجبيه ليث وفك يده من حمد وقال ؛ وش تقول ؟!
هتف حمد وهو يناظر الديره وهتف بصوت عالي ؛ البنت إلي تدورون عليها يمكن هربت ؟! حط يده بعنقه وقال بنفسه ( معقوله اريج تسوي مثل ميس وهربت مع ولد ؟! )
هتف احد رجال الديره وقال : ليكون هرب مع أحد ؟!
لف ليث راسه لرجال الديره الي صارو يتكلمون بشرف اريج وبنها هربت. ناظر أبو سوير وابو سلمى ببعض وقال أبو سوير بحده : لا اسمع صووت منكم إذا ماتبون تدورون على بنت عبدالله لا تفتحون فمكم بحرف يمسها او يمس شرفها وبنت عبدالله اشرف من أي احد يتكلم عليها.
مشى ليث لابو سوير وقال بصوت واطي ؛ يمكن صدز هرب مع أحد!!
هتف أبو سوير من بين اسنانه ؛ لا سمع لك صوت وكيف بتهرب ماشفت نعالها مرميه ؟!
قال بنفس الصوت وهو يتكلم من بين اسنانه : يمكن لعبه منها ؟!
قال أبو سلمى بصوت واطي : ليث الزم حدودك وإذا تشك فيها ظف وجه من الديره وحنا بندور عليها " لفو روسهم لصوت ضحكه حمد إلي تكلم وهو يضحك : بنت عبدالله المحترمه هربت ومع مين ؟! قلت لكم البنت مو متربيه.
تقد له ليث وناظر عيونه بحده وقال : لسانك بقصها لك.
هتف حمد وقال : ماقلت الا الحقيقة " ومشى بيت اخوه عبدالله
والكل راح وراه مع ولد ولده بحر عمره ٩ سنوات.