فرقتنا الظروف وجمعتنا منيفه

29

الصلاة واظب عليها وحافظ على اذكار الصباح والمساء وشوف ربنا سبحانه وتعالى يطرح في حياتكك البركة.
صلو عليه شفيع الأمة ذكرتك الروح حباً ، وعليك القلب صلى.
🍃☕

...ديره أبو اريج تحديداً غرفه نوير وخوله ( أللي تكون خوخه) ..
صحت خوله ع صوت آذان الفجر قامت توضت ورجعت تصحي نوير اللي كانت صاحيه وموسعه عيونه ٫ ابتسمت خوله وهي تلبس جلال الصلاة وتهتف : زين صحيتين من نفسش ٬ لبست جلال الصلاة ومدت السجاده وناظرت نوير أللي لازالت على وضعها ' معطت اهميه وهي تصلي فرضها ٫ وبعد ماخلصت قرت اذكارها وقامت تغير لبس الصلاه وقالت لنوير اللي على وضعها : نوير عندش صلاه ؟
قطبت حاجبيها وهي تقرب وتجلس بجنب نوير اللي تناظر من دون رمش خافت وهي تحط يدها على عضد نوير وقالت : نوير شفيش ؟
ماردت نوير وهي تحرك عيونها وتبكي وكانها طفل ماتجاوز عمر السنه ٬ خافت خوله وهي توقف وتخرج تنادي على امها وبوها اللي دخلوا وشاوفوا نوير تبكي ٫ جلسوا عندها ويحاولواً يهدوها ويعرفوا وش فيها ٫ بس ماقدروا ونوير تصارخ وتبكي وكانها طفل .

.....عند سطام ونوره ووعد.....
خرجوا الكل من المستشفى بعد ماسوا اشاعه ليد وعد وطلعت سليمه بس عندها رضوض بسيطه ٬ ركبوا السيارة وحرك سطام لبيتهم وأول ماصول سطام سمع جواله يدق ٬ رفع الجوال وشافه اسر إلي يدق " نزل ونزلت وعد ونوره وقال : ادخلوا ومحد تخرج منكم .
دخلت نوره ووعد من دون رد ٬ شافهم سطام دخلوا ورد على اسر أللي فجر اذان سطام من صراخه وهو يقول : سنه عباااال مااااترد !!
رفع عيونه للكيمرات وقال سطام من بين اسنانه : ليه تبى مني ارد عند وعد وقولها بانك تذكرها بس تسوي كل هالحركات عشان تمسك صقر ؟!!
رفع حاجبيه ونزلهم بحرك سريعه وقال وهو يوقف ويخرج من المستشفى : افتح فمك بحرف وبتشوف شي مايسركك او تذكر ابن عمك الكلب قدامها .
مسح على شنبه سطام وعيونه على الكيمرات وقال : اظن داق تسأل على وعد اطمنك وقولك بخير بس عندها رضوض بسيطه.
رد اسر وهو يركب بجنب ليث أللي جا وياخذه من المستشفى ويرده البيت وقال : اي هذا الأهم وخلي بالكم وهتموا بوعد ومنيف وأنا برسل لكم فلوس لوعد ومنيف.
رص على اسنانه وكاد تكسرت وقال سطام : اسر لا تردنا رخامم ووعد اختنا وبنصرف عليها وعلى ولدها.
رفع نظره لليث أللي يناظره وقال بحده : ولو مثل ماتقول اخوانها كان مارميتوها يسطام انت وفارس ٬ ولا تنسى وعد ملكي وحقي لحالي وياويل للي يتعدا او يلمس ممتلكاتي وخلي ببالك أنت وخوك مو معنى آني سمحت وخليت وعد عندكم خلاص بتظلوا تشوفوها يحرم عليكم بس خلني امسكك ولد عمكك وبوك وبعدين بتشوفوا ً ( وسكر) وهو يسمع لليث الي قال بنبره هادئه : لا تكون متسلط لانكك بتندم وخذها من مجرب وإذا ظليت كذا بتندم صدزني وحتمال تخسر ام منيف مثل ماخسرت بنت عبدالله.
حرك رقبته وهو يمسح على عنقه وقال : هذا مو تسلط تملك أللي فيني.
ضحك بخفه وهو يحرك لبيت ابو اسر وقال بنبره حاده مجروحه : وش الفرق بين التسلط وتملك ؟ مافي فرق بينهم أذا تسلطت بيجي يوم وتحب غيرك وانت ميت فيها واذا تملك نفس شي بيجي هاليوم أللي تمل منكك وتخونكك وتخليكك مثل النار شابه وتاكل حطبها.
اعطه نظره وقال : افهم من كلامك بان بنت عبدالله خانتكك؟.
لف راسه ويناظر اسر بحده وقال وهو راص على اسنانه كيف يتجرا ويقول بنت عبدالله خانتك : شرايك تسكت احسن من ماردك لغيبوبتك مره ثانيه ؟!!
لف نظره لطريقه وقال اسر بهدوء : طيب بسكت وانت ركز على سواقتكك لا نموت ترا في ذمتي روحين منيف ووعد .
أخذ نفس وهو يهدي من نفسه ويركز بسواقته ٬ وماصار ينسمع منهم غير انفاسهم الحاده الملتهبه .