الا بذكر الله تطمئن القلوب اذكرو الله ✨
اشرب شاهي منعنع وقرا روايتي وروق ☕ 🍃
....بيت أبو جاسم وعلى صلاه العشاء......
الرجال الي خروج المسجد يصلون والحريم صلين بالبيت وبعد الصلاه دخلت جوري وحور وهتان وديمه وديم المطبخ يزهبين العشاء للحريم ورجال.
......وبمجلس الرجال....
الاباء اللي يسولفون عن مشاريع والى اخر ' وشباب الي جالسين على جوالاتهم وينزلون استوريات ومتفاعلين بسوشل.
أبو التؤام هتف لزياد الي جالس بجنب ابوه وليث وقال بنبره حانيه : وانا عمك يزياد كم بتطول بهل الدوله اللي بتروح لها؟!
ابتسم زياد ورد بكل احترام لعمه وقصه بصوته : بطول ياعم بايطاليا وكله على حسب علاجي.
ناظره ليث نظره انكسار وهتف وهو يحط يده على كتف زياد وهو يدري وش كثر يحب زياد الاطفال وقال : توكل على ربك ياخوك وتاكد الله ما بلاك الا لانه يحبك ومبتلى الله عبده الا لانه يحبه.
ابتسم زياد وهو يناظر ليث الي يتكلم بصوت هادئ وقال : ونعم بالله وانا متوكل ومسلم امري للذي خلقني والحمدالله انا راضي وبنت سعد راضيه بما كتبه الله لنا ( بنت سعد الي تكون ساره زوجته)
تنهد جاسم وهو يناظر اخوانه وهتف ويبي يخرجهم من الجو اللي هم فيه وقال وهو يرد نظره لتميم وزيد الي على جوالاتهم وقال : زيد تميم روحون شوفو ليه تاخر العشاء.
وقف زيد وتميم وقبل مايخرجون تقدم لهم اسر وقال بطفوله : عادي اروح معكم ؟
ضحكون وهتف تميم وهو يشيل اسر بحظنه ويبوس خده وقال : عادي
وخرجون ومن باب الباب هتف زيد وقال بصوت عالي ومسموع للحريم : سننه عبال ميخلص العشاء.
عند الحريم بالصاله الي سمعون ' وهتفت ام جاسم للبنات بصوت عالي : جوري يلا الرجال يحتروكم " ولفت نظرها ل اريج الي اخذت عبايتها ولبستها وغطت وجها بشال وكانت بتخرج بس وقفها صوت أم جاسم الي نطقت : على وين ؟
لفت لها اريج وتكلمت ببتسامه متفشله وقالت : بشوف الشباب شوي وارجع.
وسعت عيونها أم ميس وقالت : ياقليلت الحيا وش تشوفين الشباب ؟! ماتعرفين الحيا أنتي ؟!
كانت اريج بترد عليها بحده بس وقفها صوت ام جاسم الي تكلمت وهي تناظر عاليه : على الاقل واثقه بنفسها وتعرف وش تسوي ولا مثل بنات الله لا يبلى بناتنا مثلهم.
ابتسمت اريج وهي ترمي بوسه علجو لخالتها وخرجت.
وجود ناظرت عمتها وقالت : عمه لو سمحتي الا اريج ماتغلطين عليها.
فتح فمها ام ميس وقالت : حتى أنتي صايره ضدي ؟؟
تنهدت وجود من تعب الحمل ومن الشك الي صايره تشك بسهيل وقالت بضيقه وهي تناظر احلام : لو سمحتي اعطيني مويا بارده ' احلام الي وقفت وراحت المطبخ وشافت البنات يزهبين العشاء ويسولفين.
ميسه الي اعطه نظره قويه لوجود الي اخذت جوالها وبدات تطقطق فيها وقالت بنفسها ( الأيام بينا وأنا الي بعرف ابعدتس عن سهيل )
..........عند اريج........
الي خرجت الحوش وشافت زيد وتميم جالسين بالارض ويضحكون مع اسر الي يضحكهم بحركاته الطفوليه ' ابتسمت وقالت بنبره هادئه : وش تسوون مع ولدي ؟!
لف زيد وتميم روسهم ل اريج الي واقفه وراهم وقال تميم وهو يوقف : حيا الله عمتي البطلة ' وولدتس قاعدين نسولف معه.
ضحك اسر وهو يقرب ويحظن ارجول اريج وقال وهو يناظر زيد وتميم الي نزلون نظرهم له : هاذي ماما.
ضحكون وقال زيد بضحك : لا وأول من عنده امه!!
قطبت حاجبيها اريج وقالت بنبره هادئه حاده : زيدد لا تخلني اوريك الوجه الثاني.
ضحك تميم وقال وهو يناظر زيد الي ضحك : لا وفوقها عمتي تتعامل بوجهين.
ضحكت اريج على ضحكهم وقالت : طلع دمكم خفيف مرره
ضحك زيد بحماس وضرب اريج بكتفها وقال : بالله بصي كيف ؟!
ضحكت اريج وكانت بترد بس وقفها صوت بكاء اسر الي مسك بطراف ثوبه وركض لمجلس الرجال.
زيد وتميم واريج الي ناظرون بعض بصدمة وقالت بخوف : شفيه ؟
تميم وزيد الي بلعون ريقهم خوفاً من ليث وقال تميم : ادخلين بسرعة قبل عمي يجي ويشوفتس.
هتفت اريج بصدمة وقالت : ليه مسوين شي انتم؟
هز راسه تميم ب لا وقال وهو ياشر لها تدخل : لا ادخلين قبل يجي.
اريج الي خافت يجي ويشوفها وفعلا دخلت ' وجلست عند الحريم بصمت.
عند اسر الي دخل مجلس الرجال وهو يبكي ' صرخ ببكاء وهو يركض ويرتمي بحضن ابوه الي ضمه لصدره وقال وهو يمسح على شعره بحنان : شفيك يبوي ليه تبكي ؟
مسح على عيونه بكف يدينه وقال وهو يشهق بكاء : ثميم ( تميم)
ابتسم ليث وقال وهو يرفع وجه اسر من حظنه ويناظره : وش فيه تميم ؟
بلل شفتيه اسر بطفوله وقال : ثميم ضرب ماما.
الكل الي بالمجلس كان خايف وش فيه يبكي كذا واول ماقال اسر ثميم ضرب ماما الكل ضحك.
رفع حاجبيه وهتف ليث : امك وين ؟
اسر رفع اصبعه واشر على الحوش وقال بصوت باكي : وذيد ( زيد) يضحك مع ماما.
تنهد ليث وقال وهو يمسح الدموع من خد اسر ويرجع يبوس عيونه : تبي يبوي تاخذ حق امك وتكفخ زيد وتميم ؟
هز راسه اسر وقال بضحك : ايوه.
ابتسم ليث وهو يوقف ويمسك بيد ولده وخرجون للحوش' زيد وتميم أول مشافون ليث واسر بجنبه ضحكون ضحكه الخوف.
تقدم ليث لهم وقال : اسر يبوي سو الي تبي فيهم.
ضحك اسر وهو يقرب من تميم ويشده بطرف ثوبه بيجلس ' جلس تميم وقال : اسر ' ماكمل كلامه الى واسر يضربه بكف ' ومشى لجنب زيد وكان يشده بطرف ثوبه وقول : بابا شووف ذيد.
هتف ليث بحده وقال : زيد اجلس ' جلس زيد واسر لجمه بكف.
ضحك تميم وقال : وطلعت مهايط بس برويك
تنحنح ليث وقال : بسوي نفسي ماسمعتك يتميم' وقرب مسك يد اسر ورجعون مجلس الرجال.
أنت تقرأ
فرقتنا الظروف وجمعتنا منيفه
Actionمخيلتي الاولى ✨ لا احلل النقل او الاقتباس❌ مستمره ✍🏻 اقلطو حياكم الله بروايتي فرقتنا الظروف وجمعتنا منيفه ☕ نبذه عن روايتنا. الرواية فيها أكثر من بطل وبطله ولاكن البطال الرئيسيين ليث اسر اريج وعد وفي بطله بتكون مجهوله. قصه ليث واريج بتكون زواج اج...
