فرقتنا الظروف وجمعتنا منيفه

31

الا بذكر الله تطمئن القلوب
صلو عليه شفيع الأمة ذكرتك الروح حباً ، وعليك القلب صلى.
☕🍃

*وكذا مرا على ابطالنا اسبوع وسته أيام وبقى يوم واحد لعرس عبد الرحمن بن محسن ال عقاب ل جوري بنت ثامر ال عقاب .

.... بيت أبو اسر المساء....
يوم هادئ ممطر المساء بيت أبو اسر ٫ كان اسر وابوه بالمسجد يصلوا العشاء ٫ ووعد بغرفتها مع منيف النايم ٫ ويقين ودانيه وام اسر جالسات بصاله ويشاهدين ٬ مر وقت وهن جالسات ويشاهدين لحد ماسمعين صوت اسر وبوه داخلين ويسولفوا باصواتهم المعتاده العاليه ٬ رفعين نظرهن ل اسر وابوه أللي دخلوا الصاله وردواً السلام وجلسواً ٬ يقين وامها ودانيه أللي ردين بسلام وعيونهم لابو اسر واسر أللي يتكلموا ٬ وبعد دقائق وكان صمت هتفت يقين وهي تقول بنبره هادئه : ازهب لكم العشاء ؟!
رفع نظره لابوه وقال اسر بنبرته الأخلاقية : بتعشى يبه الآن ؟
رفع يده ابوه اسر وهو يشيل النظاره من عيونه وقال وهو يحط النظاره الطبيه بجنبه ويمسح على عيونه بطرف شماغه : ايه ونادي زوجه اخوس تنزل تعشاء .
ابتسم اسر وهو يشوف يقين وقفت وصعدت تنادي وعد وسرعان ماكشر بضيقه وهو يسمع امه تقول بنبره مشحونه : كان خليتنا ناخذ لها العشاء لغرفتها المدام وصاحبت البيت .
رفع حاجبيه اسر وهو يقول بنبره هادئه وعيونه لامه : يمه يرحم اهلتس خلينا يوم من دون مشاكل ترا تعبت كل يوم على ذا الموال .
كشرت بوجها عنه وهي توقف وتقول لابو اسر : ناصر بنت اخوي سالم بتجينا بهالشهر عطيتك علم.
ابتسمت دانيه بخبث وهي توقف بجنب امها وقالت : صدز يمه شروق بتجينا ؟!
ابتسمت ام اسر وهي تناظر دانيه وقالت بنفس الخبث : ايه يمه وبشرتس بتقعد عندنا شهر .
توسعت عيونها وهي تناظر اسر أللي منزل نظره لجواله وقالت : ياويلي بعد شروق ماشاءالله زين وجمال وكمال .
ضحكت ام اسر بنكد وهي تروح للمطبخ وقالت : ايه ياحظ إلي بياخذها .
قطب حاجبيه وهو يرفع نظره لدانيه وهي تقول : اسر تسمع امي شتقول حبيبت الطفولة جايه بهالشهر؟؟
وقف اسر وهو يحد نظره بدانيه بحده ويهتف بصوت من بين اسنانه : منتي متربيه أي حبيبه تقولين!؟؟ حبيبتي أم منيف ماغيرها وزيد اسمعتس تقولين تبن بلعن خيرس .
وبعد وهو يصعد غرفته ٬ ابتسم أبو اسر وهو يأخذ نظارته ويوقف وهو يهتف وعيونه لدانيه : اثقلين وردين عقلتس لراستس ماتستحين تقولين حبيبه لرجال متزوج خليتس مثل اختس عقله !
بلعت ريقها بحرج وهي تقول وهاربه من ابوها : بروح اشوف امي إذا تبي مساعدة .
عند اسر أللي دخل غرفته وشاف يقين ووعد واقفات بجنب سرير منيف ويصحينه ٬ تقدم بخطواته لجنب سرير منيف وقف خلف وعد أللي لفت له وراحت عيونها لعيون اسر اللي هتف وهو يقول : وش تسوا ؟!
ابتسمت وعد وهي ترجع وتلف وتناظر منيف وقالت : نصحيه بس عيى يقوم .
ابتسم اسر وهو يحط يده اليسار بكتف وعد ويده الثانيه مسك بعمدان سرير منيف وهو ينحني ويقول : منيف يبوي مطول بنومتك ماتشبع نوم !!
ضحكت يقين وهي تمسك يد منيف أللي تحرك بنزعاج وقالت : ياروحي يشبه عمته حتى بنومته .
ابتسم اسر وهو يرفع نظره لها وقال : جعل لا خلا منتس ياطلق عمه شفتها .
ابتسمت وعد وعيونها ليقين اللي ابتسمت وهي تقول : ولا منكم .
وضحكوا وهم يلفوا نظرهم لمنيف اللي فتح عيونه وهو يفتح فمه الصغير بمتثاوبه ٬ اكتفى اسر ببتسامه وهو يأخذ منيف من سريره وقال وهو يتوجه للباب : وعد زهبي حليب لمنيف وتعالين نتعشاء .
هتفت وعد وقالت وهي تسوي حليب لمنيف : طيب , وخلصت تسوي رضاعت منيف ونزلت مع يقين يساعدين دانيه وام اسر .
ومر وقت لحد مازهب العشاء ٬ وحطوه عطاوله الطعام وجلسواً الكل وكانت وعد جالسه بجنب اسر أللي يشوفها تستحي تاخذ خبز ويقطع لها قطع صغيرة لجاها ٬ ابتسمت يقين وهي تشوف اسر احتدت نظرته لوعد وهو يقول : لا تستحين وكلين ؟!
ناظرته وعد وهي رافعة حاجبيها بصمت وتسمع لابو اسر وهو يقول : ليه تستحي البيت بيتها من منو تستحي وحنا اهلها !!
ابتسمت وعد وهي تشيل نظرها من نظرات اسر وقالت : يطول بعمرك ياعم ماستحي بس ولدك يالف كلام ويقول استحي ٬ ولفت نظرها ل اسر أللي هتف وهو يقول ببتسامه : لا والله أنا أللي صاير الف كلام ؟
ابتسمت وهي ترفع حاجبيها وتنزلهم وقالت : هاذا أللي اشوفه .
وكذا كملوا عشاهم واكيد وعد ماسلمت من كلام ام اسر واسر اللي يسكتها ويدافع على وعد ونظرات دانيه تجاه وعد اللي كلها حقد وكره .
وبعد دقائق والكل كان جالس وساكتين غير صوت أبو اسر واسر أللي يتكلموا بخصوص الشغل وعزيمه أبو التؤام ٬ وقف أبو اسر واسر سوالفهم وهم يشوفوا منيف أللي كان بالارض وعلى فراشة الصغير ٫ يرمي رضاعته أللي كانت بيده وينقلب على بطنه بثقل طفل وهو يصدر أصوات وصرخات ٫ وبين ما الكل عيونه عليه بصدمة لف راسه منيف وهو يدور على ابوه ٬ ابتسم منيف أول ماشاف اسر وقف من الكنب وهو يجلس بالارض على ركبه ويناظره بسعاده ٫ شهق منيف ببتسامه وهو يشوف اسر فتح يدينه ويهتف بحنون : تعال يبوي تعال ي منيف .
ابعد منيف راسه من ابوه وهو يلفه لجهت جده أللي فتح يدينه وهو جالس بالكنب ويقول : تعال ي ولد اسر .
لف منيف راسه لبوه اللي فاتح حضنه وهو صامت ورجع لفه لجده اللي يناظره ببتسامه وهو صامت ٬ شهق منيف وهو يهتف بنبره طفوليه غير مكتمله : بابا .
صرخت يقين وابو اسر بفرح ويناظرو اسر اللي هتف وهو يقول لهم برجفه فرح : لا تصارخوا بتخوفوه .
شافهم منيف كيف يناظروه بسعاده حط راسه بالفراش وهو يدخل يده فمه ويهتف بنبره الغير مكتمله بتكرار : بابا ' بابا ' بابا .
وقفت وعد وهي تجلس بجنب اسر أللي جالس على ركبه ويناظر منيف ٫ وقالت وهي تفتح يدينها : تعال ي ماما .
لف راسه اسر لها بضيقه من نبرت صوتها وقال وهو يرد نظره لمنيف اللي رفع رأسه من الأرض ويصارخ ويصدر أصوات مو مفهومه : ولدنا ي وعد يكبر .
رمش منيف وعيونه على والديه أللي يناظروه بنظرات فرح وهتف وهو يحرك رجلينه الصغيرة : بابا.
مشى اسر على ركبه لجنب منيف وهو ياخذه بحضنه ويقبل خده بقوه وهو يهتف بشعور متلخبط تجاه بشعور مايعرف يوصفه شعور مايدري وش هو بضبط بشعور حنيه بشعور فرح عميق وكانه ولده من لحمه ودمه وهو يقول : لبيه يبوي لبيه ي منيف ٬ ورفع نظره لوعد أللي تناظره بضيقه وهتف وهو يوقف ويأخذ رضاعت منيف : تعالين ي وعد شوفي ولدنا شيقول .
وقفت وعد وهي تقرب من اسر وتحط كف يدها على خد منيف أللي صرخ وهو قطب حاجبيه الصغير بنزعاج وقالت برجفه وهي ترفع عيونها ل اسر أللي يناظرها بعيون محمره بدموع : منيف يكبر ي اسر .
ابتسم اسر وهو ينزل نظره لمنيف اللي يحرك بنزعاج ويبي ينزل الأرض ٫ وتنهد وهو يرفع منيف بين يدينه ويهتف برجفه فرح من كلمه بابا : كبر نظر عيوني وصار يناديني .