فرقتنا الظروف وجمعتنا منيفه

26

اذكرو الله الذكر جميل وحافظوا على فروضكم واكثرو الصلاه على النبي ✨
اشرب شاهي منعنع وقرا روايتي وروق 🍃☕

ابتسم بخبث على جنب وهو يشوفها ماشيه ولف نظره لنوير اللي هتفت باقل من الخبث : وصلت للي تبيه!!!
اختفت ابتسامته الخبيثه وهو يهتف من بين اسنانه : باقي بطريقي ابوها .
قطبت حاجبيها وهي تهتف وتناظره : عمك ابعد عنه ولا تقرب صوبه.
رفع حاجب وهو يناظره وهتف بنبره حاقده : هو اللي قاطع بيني وبينها وبيجي هاليوم اللي°°°°°°°.
توسعت عيونه بخوف وهي تقول : هذا عمك وترك عنك هالتفكير وبعدين ترا منت بسالم من°°°°°°.
ضحك بضحكته الساخره وهتف وهو يمشي بخطوات ثقيلة لبيته : انتظرين هاليوم " ناظرته لحد ماختفى عن انظارها وقطبت حاجبيها بخوف وهي تمشي وترجع بيتهم.
عند اريج اللي وصلت ودخلت بيت سوير وشافت سوير تبكي وبحضن امها اللي تهديها " وقفت بجنب الباب وهي تناظر سوير اللي تشهق بشهقات متواصله" رفعت كفها وهي تمسح دموعها وتهتف : سويري!!
رفعت نفسها من حضن امها وشافت رايج تناظرها بدموع " مسحت على دموعها سوير وقالت وهي توقف : وش اللي جايبش؟
تقدمت اريج بخطواتها الهاديه وهي توقف بجنب سوير اللي نزلين دموعها أول ماشافت اريج تبكي وهي تقول : فقدت المنام وراحه البال والاخلاق "بعد ماعرفت الضيم والفقد واللوعه" ياصبر الجريح اللي به هموم وماتنطاق " ولياليه وايامه ماتمشي على طوعه" لحقني من دروب المحبه جفا وفراق وهم طوى قلبي على داني ضلوعه " أنا مثل حال اللي لامل الحياه وضاق مايقدر يعبر للبشر غير بدموعه.
قربت سوير منها وهي تحضنها وبكت وهي تشد احتضان اريج وتقول : لاتنزل دموع عينش وتبكين ' تبكي عيوني قبل لا تبكي عيونش.
والله لا اعيشش الفرح لين ترضين' واني لا اضمد في يميني طعونش.
شدت احتضان سوير وهي تبكي وتسمع صوت شهقات سوير اللي حاضنتها بقوه " وقفت ام سوير ودموعها تنزل على خدها وهي تشوف بنتها وبنت صديقتها حاضنت بعض ويبكين " مسحت على دموعها وتكلمت ببتسامه : اوجعتم لي قلبي يا بنياتي .
ابتسمت سوير واريج وبعدوا من بعض وناظرا ام سوير اللي قربت من اريج وهي تمسح على خدها بحنان وتقول ودموعها رجعت تنزل : ليه الدموع ياريج ؟
رفعت كتوفها ب مادري ودموعها تنزل ' ابتسمت ام سوير وهي ترفع نظرها لسلمى اللي واقفه باب الباب وتناظرهم بدموع وقالت : جت ثالثتكم .
لفوا نظرهم لسلمى اللي قربت منهم وهي تبكي وتضرب اريج وسوير من كتوفهم وتقول : خاينات تبكون من دون ما تعلموني !!
ضحكت سوير واريج وهن يناظرين سلمى اللي قطبت حاجبيها وهي تبكي وتقول : ايه اضحكوا علي يا الخاينات .
ضحكت ام سوير براحه وهي تشوف اريج وسلمى وسوير يضحكوا ويبكون بنفس الوقت.

..............بيت ابو جاسم..........
اهل عقاب الكل اللي كانو متواجدين بيت ابو جاسم " الحريم بالمجلس الداخلي ورجال جالسين بالمجلس الخارجي وياخذوا سلاف بالاحضان .
عض شفتيه اسر وعيونه على سهيل اللي قرب له وقال ببتسامه وبنته بحضنه : تبي تاخذها ؟!
هز راسه اسر بايه وهو ينفض ثوبه ويقول وهو يمد يدينه : ايوه
انحنى سهيل وهو يحطها بحضن اسر اللي ضحك وهو ينحني ويقبل خد سلاف اللي بكت من قبله اسر القوية " ورفع نظره لسهيل اللي يناظره وقال : عمو شفيها بنتك ليه تبتسي!!
ابتسم سهيل وهو يرجع وياخذ بنته بحضنه : لانها صغيره ياعمو.
وقف اسر وهو ياخذ شماغه ويحطه بشعره بعبث ويهتف : هي صغيره وأنا كبير ياعمو ؟
ضحك سهيل وقال وهو يرجع ويجلس : بعد أنت عادك صغير.
مش اسر وهو يجلس بجنب راكان وقال وهو يهز راسه : لا أنا كبير
ضحك ابو جاسم وقال : ايه أنت رجال وكبير.
ابتسم اسر وهو رافع حاجب وقال : راكان تعال نروح نلعب
وقف راكان وقال وهو يمسك كف يد اسر وقال : تعال " وناظر أبوه اللي قال جاسم : لا يصير فيه شي ابوه ينصرع ويقلب الدنيا فوقنا.
ابتسم راكان وهو يقول : تطمن يبه ما بيصير فيه شيء " وخرج الحوش مع اسر ويلعبوا كره" وقف اسر وهو يرفع ثوبه ويقرب من راكان ويقول : راكان اربط لي ثوبي مابيه يتوسخ بابا يعصب علي.
ربط له ثوبه على خصره وقال راكان : ابوك بدوامه ماهو بجايي عندنا.
رفع شعره من جبينه وهو يهتف وشفته الصغير المحمره مبوزه : لا بابا بيجي ياخذني بيت عمو اسر." ماكمل كلامه لانه شاف سياره ابوه تدخل وتوقف بالحوش" صرخ اسر وهو يضحك ويركض لجنب السيارة " ابتسم ليث وهو يفتح باب السياره وينزل وضم ولده اللي حضن ارجوله وهو يقول ورافع راسه لعيون ابوه : بابا تعرف عمه وجود عندها بنت واسمها سلاف ؟
اخذ ولده من كتوفه وهو يرفعه ويحضنه ويناظر عيونه القريبه من عيونه وقال : صدز يبوي ؟
ابتسم اسر وهو يحط كفه على خد ابوه ويبوسه بقوه : والله عندها بنت واسمها سلاف.
ابتسم بخفه وهو ياخذ كف يد اسر ويبوسه وقال : شفت سلاف يبوي ؟
هز راسه اسر بايه وهو يقول : ايوه حتى عمو سهيل خلاني ابوس سلاف.
هز راسه ليث بطيب وهو يناظر راكان اللي يناظره وقال بصوته الثقيل : مين اللي بالمجلس ؟
رد راكان بصوت هادي وعيونه بعيون عمه : ابوي وجداني وخالي حسين وسهيل .
هز راسه بطيب وهو يهتف بنبره شبه عصبيه : وخوك وولد عمك وينهم ؟
رفع حاجبيه وهو يرد : تميم وزيد تشوفهم الان بدواماتهم .
هتف ليث وقال وهو يمشي ويدخل المجلس : ايه كويس " مشى راكان ورا عمه اللي دخل المجلس وهو يهتف بصوته المعتاد الثقيل : السلام عليكم.
الكل اللي يناظره وهو يدخل ويسلم : وعليكم السلام.
بعد ماسلم ليث على الكل جلس بجنب سيهل اللي يناظره بطرف عينه والواضح مو طايق جلسته بجنبه ' شاف ليث نظرات سهيل وكان يبي يتوط فيه ضرب بس مسك نفسه وهو يهتف ويقول : مبروك ماجاكم يابو سلاف.
رد سهيل وهو يناظر ويقول : يبارك فيك" ومد لها سلاف وقال : سلم على بنت اختك.
اخذها ليث بحنيه وهو يناظرها ويبوس جبينها بحب وقال : بسم الله ماشاءالله الله يرزقكم برها " ودخل يده لجيب ثوبه وهو يخرج ضرف فيه فلوس" رفع نظره لسهيل اللي قال : لا تكلف على نفسك يابو اسر.
رد ليث وهو يحط الضرف بحضن سلاف وقال : هذا لبنتك مو لك
ماله الا يبتسم وهو يناظر ليث اللي يناظر سلاف " ليث اللي كانت عيونه على سلاف وكانه يتمنى تكون له بنت ' تنهد بصوت مسموع لا ارادياً منه والكل راحت عيونهم على صوت تنهدته وضاقوا على ضيقته.
رفع نظره ليث لسهيل وقال ببتسامه : ماشاءالله الله يحفظها لكم " ولف نظره ل اسر اللي تكلم وشفتيته الصغير ترجف بغيره وجه صاير متفجر بالحمرار وقال : بابا ماتحبني وتحب سلاف؟
رفع حاجبيه ليث وهو يمد سلاف لبوها وقال : خذ بنتك ' ومد يدينه وهو يفتحهم ل اسر : تعال يبوي " تقدم اسر وهو منزل راسه بزعل ورتما بحضن ابوه اللي ضمه لصدره وباس راسه وهمس : ماحب احد يبوي من بعدك وبعدها بس احبكم اثنينكم .
شهق اسر ومافهم كلام ابوه اللي يمسح على شعره بحنان وقال اسر بطفوله : بابا ؟
رفع وجه ولده من صدره وهو يمسح على خده : عيوني ياسر.
ريح راسه بكف يد ابوه وقال وشفتيه الصغيره مبوزه برجفه : بابا بس حبني أنا وحب ماما وأنا احبكم بس .
تنهد ابو جاسم بضيقه على حال ولده وولد ولده وماله الا الصمت وهو يشوف ليث اللي وقف وهو ياخذ ولده بحضنه وقال وهو خارج : راكان المغرب خل زيد او تميم يجون وياخذوا اسر .
رد راكان وهو يشوف عمه خرج : ابشر ياعم.
تنهد ابو جاسم وقال بضيقه : مادري اروح لعبدالله وارد اريج لليث او اسكت وخلي ولدي يشيب قدام عيوني!!
ناظره اخوه وقال بضيقه أبو حسين : بعد وش بتردها ياثامر بعد مارماها بيت ابوها شهرين ؟!!
تكلم أبو التؤام بضيقه وكان بيتكم ويخطب جوري لسلمان بس شاف الوقت مو مناسب وقال : مثل ماقال ظافر ياثامر بعد وش بتروح وتردها!!
صمت ابو جاسم وهو يسمع لاخوانه اللي يسولفون وعقله مشغول باليث وولده
داخل عند الحريم الكل اللي جالس مع وجود ويبارك لها غير وعد اللي سلمت على وجود وراحت غرفه جوري ترقد ولدها " جالسه بطرف السرير ومنيف حاطته بجنبها من السرير وتمسح على جبينه بهداوه وتناظر عيونه المغمض ' نزلين دموعها وهي تمدد بجنبه وتهتف بصوت هادئ باكي : الى متى ياسر!! مشتقت ؟ غمضت عيونها وهي تتنهد وتلم منيف بحضنها.