فرقتنا الظروف وجمعتنا منيفه

20

الا بذكر الله تطمئن القلوب اذكرو الله ✨
اشرب شاهي منعنع وقرا روايتي وروق ☕ 🍃

..........بيت أبو التؤام.........
وقف عبد الرحمن بصدمه من سفره العشاء وهو يناظر سلمان الي يسولف مع ابوه بخصوص متى يكلمون ابو جاسم " لف راسه لامه الي قالت : اجلس تعشاء وش ماكل ؟
مارد عبد الرحمن على امه وهو ياخذ مفاتيح سيارته ويخرج من البيت.
شافت ولدها خرج من دون رد وقالت وهي تناظر سلمان الي يكلم ابوه : شفيه اخوك ؟
رفع حاجبيه سلمان وقال وهو يلف لامه : مدري بس قبل ندخل البيت ماكل من برا " ووقف وهو ياخذ جواله الي فوق الطاولة وقال : بروح اشوفه " وخرج الحوش وماشاف سياره عبد الرحمن قطب حاجبيه وهو يدق على عبد الرحمن الي كان يشوف سلمان يدق ويفصل الخط بوجهه ' انصدم سلمان وهو يرجع ويدق مره ثانيه وثالثه بس ماكان يرد عليه " مسح على شعره وهو يدق على زيد وتميم ويسال عن اخوه.

........... المستشفى..........
لف راسه اسر لوعد وشافها تناظر فارس واخوانه " ورد نظره لفارس واخوانه ومامدا اسر يقول شي لان وعد صرخت برجفه وهي تقول : يماااااه
توسعت عيون اسر بصدمة من صرخت وعد وهو يمسكها من كتوفها" أول ماشافها كانت بتركض لاخوانها " صرخت وعد وهي تشوف اسر مسكها ويحاول ياخذها لبرا المستشفى وتقول : فاااااررس تكفى يافارسس لا يصير بامي شي أنا حيه يافاررس امي لا تروح تكفى يافارسس
شاف صراخها وبكاها وهي تحاول الهرب منه و اخذها بحضنه وخرج من المستشفى تحت صراخ وعد وترجيها وهي تبكي " نزلها اسر من حضنه ومسك عضدها بقوه وهو يدخله السياره ويسكر عليها.
صرخت وعد وهي تضرب جزاز الدريشة وهي تشوف اسر يركب بجنبها ويحرك " ناظرت وهي تتنفس بسرعه وتقول : خذني لامي وفااارس تككفى ياسر تكفىى
مارد اسر عليها وعلى ترجيها وهو يتوجه لبيته تحت صراخ وعد وضربها ل اسر الي كان صنم تحت ضربها وهي تضرب كتوفه وتصارخ بحده " دقائق واسر يوصل حوش بيتهم وينزل ويتجه لباب وعد الي تصارخ وهي تبكي" فتح الباب ودخل وهو يشيلها وهي تضرب وتشده من شعره ' وتصارخ بكلام مو مفهوم " دخل بيته تحت انظار اهله الي وقفون كلهم بصدمه من صراخ وعد وبكاها ' صعد الدرج وهو يدخلها غرفته ويتركها لحالها ويخرج ويسكر الباب عليها " بلع ريقه الي نشف وهو يشوف اهله صعدون لعنده ويناظروه بمعنى وش صاير ' تنحنح اسر وهو يغمض عيونه ويفتحهم ويقول : يقين اليوم منيف ينام عندتس.
ولف لباب غرفته وهو يسمع تكسير وصراخ وعد ' لف نظره لاهل الي كانو منصدمين وقالت ام اسر بصدمة وهي تناظر غرفه اسر : شفيها ملبوسه ؟!
مارد اسر على امه وهو يدخل غرفته ويسكر الباب ويشوف وعد تاخذ عطوره وترميهم لمرايه التسريحه وهي تصارخ " قرب اسر منها وهو يشد احتضان ويتكلم بهمس : هش هش أنا اهلتس ياوعد وأنا امتس
صرخت وهي تدفش اسر من صدره وتهتف ببكاء : لا تقوول أنا امتس لا تقول لا تقول.
قطب حاجبيه بوجع وقال بصوت هادئ : ابشري مارح أقول شي " صمتت وعد وهي تبكي بصمت وقالت وهي تجلس على ركبها : راحت قبل تعرف اني عايشه ماتت قهر علي وأنا عايشه راحت قبل تعرف بان بنتها صار عندها ولد
جلس اسر على ركبه بجنبها وقال وهو يمسك كفينها : مالتس ذنب الذنب ذنب اخوانس وبوس مو ذنبس أنتي الضحيه.
ابعدت كفينها من يد اسر وهي تقول بتعب قهر : خذني لاخواني ابي اشوف امي يمكن تسمع صوتي وترجع حمد يحب امي بيجن بيجن حمد
هز راسه اسر وهو يقول ويناظر عيونها الي ذبلون وصارون حمر : مقدر ياوعد والله مقدر اخاف ابوس واخوانس يسوون فيتس شي وانتي صرتي بنظرهم ميته من سنه ولا حد فكر وسأل عليتس من اخوانس وماني مستعد اخسرتس ولا منيف مستعد يكبر ويصير بلا أم.
قطبت حاجبيها بيكاء وهي تقول وتهز راسها : ابوي يحبني مارح يسوي شي ' وشهقت وهي تقول وتناظر اسر : ولا أنا مستعده اصير بلا أم أمي املي الوحيد بالحياة ابيها ابيها.
عض شفتيه وهو يحاول ماينزلون دموعه وقال : بس أنا اهلتس وبكتفي فيتس وأنتي اكتفين فيني.
غمضت عيونها وهي تبكي وتقول : ماعندي اهله ولا أنت اهلي بس ابي امي ابي اشوفها " وفتحت عيونها وهي تشوف عيون اسر الي نزلون دموعه وقالت : خذني لامي او بروح بنفسي لها ؟
تنهد اسر وقال وهو يناظر عيون وعد : مارح اخذتس ولا انتي رايحه وبتظلي هنيه.
قطبت حاجبيها وقالت وهي ترص على اسنانها : مو بكيفك ياسر بتاخذني لامي او بروح بنفسي لها ' وبكت وهي تعض شفتيها وتقول : أنا السبب بكل شي ليت مت وكنت ناسيه منسيه " غمضت عيونها وهي تشوف كل شي حواليها يدور وقالت بتنهيده : ابي اشوفها .
اسر الي شافها بانها مو بخير قرب وهو يحضن راسها " لحد ماميلت وعد راسها واسر ابعدها من حضنه وهو يشوفها نامت ' وقف وهو ياخذها بحضنه ويمدده بسريرها ويجلس بجنب راسها ويحط كف يده بجبنها ويقرا من ايات الرحمٰن .