فرقتنا الظروف وجمعتنا منيفه

22

الا بذكر الله تطمئن القلوب اذكرو الله ✨
اشرب شاهي منعنع وقرا روايتي وروق ☕ 🍃

.......ديره نوره......
صرخت نوره برعب وهي تشوف صقر قرب لها أكثر وركضت للحوش ' شافها ركضت وخاف تعلم عليه وخرج وراها وهو يركض " بس وقف وهو موسع عيونه لما راحت عيونه بعيون سطام اللي احتدته نظرته وهو يقول بصدمة : صقر!!!!
لف راسه يمين ويسار وهو يدرو مكان خالي شاف جهه اليمين خاليه من وجود شي غير بيوت هاجرينها ناسها وركض نحايتها هارب من سطام " اللي ركض وراه وهو يصارخ ويناديه بيوقف " كان يلف وراه وهو يشوف سطام يركض بجنون وراه وهو يصارخ " ركض صقر بذات السرعة الجنونيه وهو خايف سطام يمسكه لحد ماخرج من الديره وسطام وراه " لف راسه لوراه وهو يشوف سطام لازال يركض وراه " لف راسه لجهه جبل وركض ناحيته بجنون لحد ماختفى عن انظار سطام الي وقف وهو يتنفس بصعوبه انفاس متعبه وهو ينحني ويمسك ركبه وينزل راسه للأرض ويحاول يلقط له نفس اللي طار وهو يركض ورا صقر الي اختفى من قدامه " رفع راسه وهو يدور على صقر بعيونه وينضم انفاسه الطايره " قطب حاجبيه بتعب وسرعان مارخا حواجبه وهو يتذكر نوره كيف خرجت من بيت الجده وهي تصارخ فكرها بنها تبكي على امه بس توقف بصدمة وهو يشوف صقر خرج وراها " توسعه عيونه وهو يلف لوراه ويناظر بنه ابعد عن الديرة وهتف بصراخ : نوووووررره " وركض للديره بجنون وهو يبعد الشك الي سطع براسه بان صقر لمسها او سوا فيها مثل ما سوى بوعد.
عند نوره اللي جالسه ولامه نفسها باحلوش وتبكي ماتبكي على نفسها أو على ام فارس بل تبكي على وعد اللي ماتت ضحيه بسبب صقر... دقائق لحد ماشافت سطام دخل الحوش وهو يتنفس برعب ويناظرها اللي وقفت برجفه وكل اطراف جسمها ترجف وقالت بصوت ذبلان : وعد وين ؟
حس بهاللحظه فتحت له الف باب من المواجع وهو يناظرها اللي قربت منه وقالت وهي قاطبه حاجبيها وعيونها تسيل دموع : قتلتوا وعد ؟
مارد عليها وهو يناظر عيونها الغرقانه دموع وصامت صمت قهر " شافته ساكت وقالت برجفه كلام وهي تضرب صدره بقوه : تكلممم لا تسكت وعد وين قتلتها يامجرم ؟؟؟
تنهد سطام وهو يبعد يدين نوره من صدره ويمسكهم وقال : سوا فيتس شي لمستس ؟
ابعدت نوره يدينها من يدين سطام وقالت وهي تبكي : وتسال اذا مسوي فيني شي ؟؟ ليه مو سأل وعد هذا السوال قبل تقتلها!؟؟
بلل شفتيه الجافه وقال وهو يهتف من بين اسنانه ويتجاهل سوالها : نووره اكلمتس سوا فيتس شي ؟!
ميلت راسها وهي تقول بحده : ليه تبي تعرف اذا مسوي شي عشان تذبحني مثل وعد اللي راحت ضحيتكم وضحيه صقر؟!!
احتدت نظرته لها وهو يرجع ويعيد سؤاله ويقول بحده : اكلمتتتسس أنا ينوره سوا فيتس شي ؟؟
هزت راسها ب لا وهي تجلس على ركبها وتقول : دفنتوا وعد او رميتوها ؟! ورفعت راسها لسطام اللي يناظرها بعيون محمره وقالت : سنه يامجرم أنت وخوك وبوك سنه وعد ميته "ونزلت نظرها للأرض ونفجرت بكاء وقالت : كنت بتذبحني عشاني ذكرت اسمها ولا كنت اعرف يامجرم بنك ذابحها لهذا الدرجة رخصتوها ؟' ورفعت عيونها لسطام اللي جلس على ركبه ويناظرها بصمت وكملت وهي تقول : هذا صقر اللي ذبحت اختك عشان اجرم في حقها ماتعرف بنه هجم علي من قبل وكان بي°°°°°°بس لو لا منيره كان رحت ضحيه مثل وعد اللي راحت بسبب تخلفكم وخوفكم من كلام الناس!
انتفض سطام واقف مصعوق وهو يناظر نوره اللي رفعت نظرها له وقال بحده : هاجم علتس من قبل وماتكلمتين ؟؟
تنهدت بصمت وهي تنزل نظرها عن سطام اللي رجع وجلس وقال بحده وهو يمسكها من كتوفها ويهزه : تكلمييييين لييه ما تحاكيتين لييه ساكته لهذا الوقت.؟؟
قطبت حاجبيها وهي ترفع يدينها وتبعد يدين سطام من كتوفها وقالت : ليه اتكلم ؟ منت وهو من نفس الصله مجرمين صقر معتدي وانت قاتل وش الفارق بينكم ؟
رص على اسنانه وقال بنبره هادئه لا تخلو من العصبيه الي يحاول مايبينها وهو يناظر عيونها اللي تناظره بدموع : ليه ينوره ساكته لو سوا فيتس شي ليه ماتكلمتين من أول ماشفتيه كان مسكناه ورمينه بسجن!!!
غمضت عيونها وهي تهتف بتعب وقالت : قبل ترميه السجن أنا اللي برميك أنت وخوك وبوك " وفتحت عيونها وهي تناظر وجه سطام المسود بصدمه وقالت : برفع عليكم بلغ بنكم مجرمين وخليك أنت وبوك وخوك المريضين تعفنواً بسجن " ورجفت شفتيها وهي تكمل كلامها وتقول : وش بذنب امك خسرتمها وخسرتم وعد بسبب ذنب موب ذنبها وغلط موب غلطها لو صدز مثل ماتقولوا تخافوا على سمعتكم وشرفكم كان قتلتوا المجرم  وتركتوا الضحيه تتعالج بمصحه عقليه ودكتور نفسي وتحاول تتخطى اللي صار لها مو تقتلوا الضحيه وتتركوا المجرم مثل الطير متحرر وسكتت وهي تناظر سطام الصامت.
وكذا تبادلون النظر بصمت لدقائق لحد ماتكلم سطام وهو ياخذ شماغه ويغطي على وجهه ويقول : قومين بنحرك المدينة لان جدتي بحاجتس.
ابتسمت وهي تضحك وقالت ودموع بعيونها : جدتي بحاجتي ؟! جدتي بحاجتي أنا ليه اروح لها وهي مشتركه معكم بالجريمه؟! ورفعت عيونها لسطام اللي يناظرها وقالت وهي ترص على اسنانها : كلكم مجرمين وكل مجرم باياخذ جزاه الان او بعدين ياسطام ولا تفكر باني بسكت عن حق وعد لاااا لااا لااا والله لخذ حقها منك ومن ابوك وخوك وجدتي وصقر كلكم ولين اشوف وعد مرتاحه بقبرها " وصمتت ثواني وهي تحاول ترتب الكلمات اللي عجزت تنطقها وقالت : امك ماتت قبل تعرف بان وعد راحت ضحيه صقر وضحيه زوجها واولادها وراحت قهر على بنتها اللي ماتت ظلم بسبب عقول كل همها كلام الناس اللي بيدمر ويخرب بيوت فيها بنات شريفه وعزيزه.
هز راسه سطام وهو يقول لنوره اللي سكتت وهي تناظره بدموع : خلصتي كلامتس ؟؟
تنهدت نوره وهي توقف وتقول : لا في كلام بخاطري اقوله بس معرف كيف اوصله لعقول مختله ومريضه " ولفت عن سطام وكانت بتدخل البيت بس وقفت وهي تلف وتناظر سطام اللي شحب وجهه وهو يقول : ماقتلنا وعد ينوره.
قطبت حاجبيها وهي تتقدم  لجنبه وهتفت بعدم تصديق : كذبه جديده عشان مارفع عليكم دعوه ؟!
ناظرها سطام ثواني ثم هتف بنره مهزوزه : ما قتلناها لان وعد كانت حامل
انصعقت بصدمة وهي تقول  : حامل ؟؟؟
هز راسه سطام وهو يقول من بين اسنانه : بنتاخر البسين جدتي بحاجتس.
هزت راسها برفض وهي تقول : وعد عايشه ماقتلتوها ؟
مارد سطام وهو يتوجه لسيارته ويقول بحده : انتظرتس بسياره لا تتاخرين.