فرقتنا الظروف وجمعتنا منيفه

25

اذكرو الله الذكر جميل وحافظوا على فروضكم واكثرو الصلاه على النبي ✨
اشرب شاهي منعنع وقرا روايتي وروق 🍃☕

اعتدلت اريج جالسه وهي تناظر الدكتوره اللي ناظرتها بكسره وهتفت بحزن على حال هالبنت اللي ماتعرف كيف بتواجه الحياه وقالت : دخلتي بشهرك الثاني يابنتي.
ارتخت اطرافها بصدمة وهي قاطبه حاجبيها بحزن وعيونها على شفتي الدكتوره اللي كملت بنبره حزينه : بتكملين حملش او بتنزلين الطفل ؟!
نزلين دموع الخذلان وهي توقف وتاخذ عبايتها وتلبسها وتخرج من المستشفى " حطت كف يدها على فمها وهي تحاول تخفي صوت بكاها  ٫ شافها سلطان وخرج من السيارة وتقدم لها وهتف بصدمة أول ماشاف اريج رمت نفسها لحضنها وتبكي " ضمها لحضنه سلطان وقال بحنان وهو يمسح على راسها : اريج ياعيني شفيش ؟! قطب حاجبيه بستغراب وقال سلطان لانه ماجاه الرد من اريج : اريج شفيش ليه تبكين ؟!
ابعدت اريج من حضنه وهي تشهق بالبكاء وتناظره بصمت" رفع حاجبيه سلطان وقال : تكلمين شفيش احد قايل لش شي ؟!
هزت راسها اريج وهي تهتف وتمسح على دموعها : لا بس الدكتوره تقول عندي نقص حديد وماعد اقدر اشرب شاهي.
ضحك سلطان بصدمة وهو يناظر اريج اللي رجعت تبكي ومايدري وش ورا هالدموع وقال : تبكين لان ماعد تقدرين تشربين شاهي ؟!
هزت راسها بصمت وهي تدخل السيارة وتحط راسها على الدريشة وتبكي " ابتسم سلطان وهو يركب بجنبها ويحرك ويقول : خلاص بسش صياح على فنجال شاهي.

......وعند ليث بالقسم....
عند ليث اللي جالس بمكتبه وغارق بشغله وقضيه صقر وابو وعد ومنصور بجنبه " تنهد ليث وهو يناظر جواله اللي يدق بتكرار" مد يده وهو يأخذ جواله ويرد على ابوه ويقول بنبرته المعتاده : الو!؟
رفع عيونه ابو جاسم ل اسر ولد ليث اللي نائم على الكنب ومتلحف وقال ابو جاسم : منت بناوي تجي وتشوف ولدك ؟!
صمت ليث ثواني ورد عكس اللي بداخله : لا خلوه عندكم دامه بخير.
رد ابو جاسم بشبه نبره حاده : بس ولدك ماهو بخير شهرين ياليث ماكلفت على نفسك وتجي تشوف ولدك ؟!
مسح على شنبه وقال ليث : شفيه اسر ؟
حط كف يده ابو جاسم على جبين اسر وقال : ولدك عنده حراره من اسبوع ورفض ناخذه المستشفى يبي ابوه اللي ماسال عليه من شهرين.
وقف ليث من على مكتبه وقال : جهزوا اسر بجي اخذه المستشفى وسكر " وناظر منصور اللي يناظره وقال : عندي شغل بالبيت بروح ورجع.
هز راسه منصور وقال : طيب ' وناظر ليث لحد ماخرج من القسم وكمل شغله.

........بيت ابو جاسم.......
شاف ليث سكر ونادا على جوري وهو يقول : جوري ياجوري تعالين غيرين لولد اخوتس ابوه بيجي وياخذه.
خرجت ام جاسم وجوري من المطبخ وقالت جوري وهي تقرب وتاخذ اسر لغرفتها : طيب
رفعت حاجب ام جاسم وقالت : توه قليل المروه يذكر ولده!!
ناظرها ابو جاسم وقال بنبره هادئه : أنتي وش عليتس ؟! ولده وهو اخبر بنفسه وولدتس ماهو صغير علشان نعلمه الصح من الغلط.
نفخت ام جاسم بغيض وهي تقول : كله منها ومن تربيتها دمرت لي ولدي.
ابتسم على جنب وقال أبو جاسم بضيقه : هذا وهي بنت اختس عاد لو كانت بنت نكير وش بتقولين عنها ؟!
زفرت ام جاسم وهي تنطق بحده : ماقلت الا الحق وبنت عبدالله ماهي متربيه وماعندها غير الشايب المريض اللي مو داري عنها.
وسع عيونه بحده وهو يوقف ويقول أبو جاسم : اص اص بستس كلام فاظي هاذي بنت منيفه اذا كنتي ناسيه بنت اختس ولا تشمتين على مريض باتسر وربي يبليتس.
وقفت ام جاسم وهي تقول بعصبيه : لا تقول بنت منيفه اختي لو كانت عايشه كانت تبرت من بنتها اللي تسود بالوجه.
قطب حاجبيه بصدمه من ام جاسم وهو يقول : بيجي هاليوم اللي يتتندمين أنتي وولدتس وقولين قال ثامر " وصد وهو يعطيها ظهره ويدخل غرفته.
تنهدت ام جاسم وهي تمسح على وجها وترجع تجلس" دقائق وتسمع سياره ليث بالحوش" وقفت وهي تقرب من الدرج وتنادي وتقول : جوري اخوس برا نزلين ولده.
خرجت جوري من غرفتها مع اسر اللي لبس شور ابيض وتيشرت اسود وشوزه اسود وشعره الكريلي وبيده حليب فراوله " نزلت جوري بخطوات هادئه وهي ماسكه يد اسر وقالت لامها اللي تناظرها : خرجيه لليث مارح يدخل.
ماردت ام جاسم وهي تمسك يد اسر وتخرج لليث اللي نزل من سيارته أول ماشاف اسر صراخ ببكاء وهو يقول : بااااباااا
جلس ليث على ركبه وهو يفتح حضنه ل اسر اللي ركض وحضن ابوه وهو يصيح" ضمه لصدره بقوه وقال ليث وهو يوقف وبحضنه اسر : عيوني ياسر
غمض عيونه وهو يبكي بطفوله وقال اسر : بابا مره وحشتك.
غمض عيونه بوجع وهو يسمع صوت بكاء وشهقات ولده وقال بحنان : وأنا يبوي وحشتكك أكثر " ورجع سيارته فتح ل اسر وجلسه بجنبه ' ورجع ليث مكانه من دون مايسلم على امه اللي تناظره بصمت.
حرك ليث للمستشفى وهو يسمع لولده اللي يبكي ويشكي له" تنهد ليث وهو يلف ويناظر ولده اللي بيده حليب الفراوله ويناظره وهو يبكي وقال بحنان : بسك يبوي صياح.
مسح على عيونه بكف يده الصغنونه وقال وجفتيه ترجف : بابا
لف نظره لولده وقال بحنون : عيوني يبوي!!
ميل راسه اسر وهو يقول ودموعه تنزل : بابا شفت ماما اريج تبتسي مره وقلبي اوجعني وأنا اشوفها تبتسي.
اعتمت الانظار بعيون ليث وهو يجنب ويوقف ويلف لولده اللي يناظره بطفوله وقال ليث وهو قاطب حاجبيه : شفت مين يبوي ؟
رفع يده وهو يمسح خشمه المحمر ويقول ببراء طفل : شفت ماما اريج تبتسي.
اوجع قلبه من طاريها وهو يقول : وين شفتها تبتسي يبوي ؟!
رفع كتوفه وهو يناظر ابوه وقال : شفت ماما وأنا نايم وكنت بحضنها بس في رجال كبير اجا واخذها مني وهي تبتسي مره يابابا.
مسح على عيونه وهو يقول ببحه بصوته : ماعرفت منو الرجال يبوي اللي اخذها ؟!
هز راسه اسر وهو يقول : لا
زفر بتنهيده وهو يشغل سيارته ويحرك " ودار الصمت بينهم لثواني لحد ماهتف ليث وهو يلف ويناظر اسر اللي فتح حليب الفراوله ويشربه : اسر يبوي!
لف راسه لبوه وقال وهو مبتسم :ها  بابا ؟
ابتسم بخفه على ابتسامت ولده وقال بشتياق : اشتق ل اريج يبوي ؟
بوز شفتيه بزعل وقال اسر : مره اشتقت ل ماما .
صمت ليث وصمت اسر ثواني ثم هتف وهو يناظر ابوه اللي عيونه على طريقه وقال : وانت يابابا اشتقت ل ماما اريج ؟
رفع حاجبيه وهو يلف ويناظر ولده ويرجع يناظر طريقه وقال بتجاوز سؤال اسر : شفت ولد عمك اسر يبوي ؟!
ضحك اسر وهو يجلس بطراف اصابعه على الكرسي ويقول وهو يشرب حليبه : مره صغنوني منيف يابابا وكيوت.
ابتسم ليث وقال بحنيه : حبيته يبوي ولد عمك ؟
هز راسه اسر وشفتيه مرسومه عليهم الابتسامة وقال : اي يابابا وانت وماما اريج له ماعندكم مثل عمي اسر ؟
قطب حاجبيه ليث وقال وهو يلف ويناظر ولده : وش اللي ماعندنا مثل عمك ؟
وسع عيونه اسر وهو يقول ببراءه  : ولد مثل عمو اسر.
ارتخت حاجبي ليث وهو يناظر طريقه ومارد على اسر اللي عدل جلسته وهو يرفع شعره ويقول : بابا ليه ماما اريج ماعندها ولد مثل خاله وعد ؟!
كثير كذا على ليث اللي يحزنه اسمها او طاريها وقال وهو يرفع حاجبه : اسر يبوي اشرب اللي بيدك وانت ساكت .
مسح على عيونه بكف يده الصغنونه وقال : اوكي بابا.
شال يدينه من السكن وهو يخرج سقارته وولعته ويشغلها ويسقر تحت مراقبه اسر المصدوم اللي أول مره يشوف ابوه يشرب اللي بيده " فتح الدريشة ليث وهو يخرج يده اللي فيها السقاره وينفخ بتنهيده أكثر من مره.
ونفس هذا الوقت اريج كانت مريحه راسها على الدريشة ودموعها كانها غيمه مطر وهي تهمس بصوت متقطع باكي وهي تحط كف يدها على بطنها  :
فمان الله ياملح الحياه وصفحة الماضي"
يمر الوقت بغيباك حنين وشوق ابنسى وين؟!
يمر الليل من دونك وأنا جالس على الفاضي٫٫
اكابد لوعه النسيان ورسمه صورتك بالعين"
أنا وشلون ابي انساك ؟! ولك في قلبي اراضي ''
كان يسمع لهمسه الخافه وصامت " لف نظره لها وشاف صوت بكاها زاد تنهد سلطان وهو يجنب سيارته ويوقف ويمسك كف يد اريج ويقول : اريج ياخوش شفيش ياعيني ؟!
لفت له وعيونها غرقانه دموع وهتفت برجفه : ماقدرت انساه ابي انساه بس ماقدرت ماقدرت ياسلطان.
ابتسم بخفه موجعه وهو يقرب راسها ويحضنه ويقول بحنان : بتنسيه بتنسيه ياريج .
رجف جسمها وهي تهتف بصوتها البكاء : كيف بنساه وأنا احمل طفله بس كييف؟!!
بلع ريقه بصدمه وهو يبعدها من حضنه ويقول : تحملين ويش؟
شافت صدمته وقالت بصوت ذبلان باكي : احمل طفل ليث ياسلطان.
بعد الشماغ من رأسه وهو يمسحه ويقول وعيونه على اريج : متاكده ياريج ؟!!
هزت راسها وهي تنفجر باكيه وتقول : سلطان!!
مسك كف يدها وباسها وقال بحنان : بأي شهر صرتي ياريج ؟
صمتت ثواني ثم هتفت وقالت وهي تبلع ريقها برجفه : الثاني
قطب حاجبيه بضيقه وهو يقول : بتعلمين ليث ؟!
هزت راسها وهي تمسح على دموعها وتقول بنفي : لا ولا احد يدري حتى ابوي مابيه يعرف.
رد سلطان بنبره شبه عصبيه وهو يقول : كيف ماتبين تعلمين أحد ؟!! افهم من كلامش بتخفي حملش او تنزلين الطفل ؟!
رفعت راسها للسماء وهي تبكي وتقول : تكفى ياسلطان كون واقف معي لا تكون ضدي.
هتف سلطان وهو يناظرها وقال : بكون معش بس اللي تسويه غلط ياريج اذا بتكملين حملش لازم ابو الطفل يعرف واذا بتنزليه محد راح يعرف غيري وغيرش.
تنهدت اريج وهي تهتف وتقول : بكمل الحمل وليث مابيه يعرف بشي ولا رح يعرف  .
ضحك بسخريه وقال وعيونه على اريج : لا والله دامش بتكملين ليه بتحرمين ليث من طفله ؟!!
رفعت كتوفها وهي تتكلم بنبره باكيه : مارح يتغير شي لو عرف ليث وهذا طفلي وليث بيكون ميت وتكفى ياسلطان اوقف معي
ناظرها سلطان دقائق وتنهد وحرك الديرة " وهو يسمع صوت بكاها وشهقاتها المتواصله.