فرقتنا الظروف وجمعتنا منيفه

17

الا بذكر الله تطمئن القلوب اذكرو الله ✨
اشرب شاهي منعنع وقرا روايتي وروق ☕ 🍃

........ديره نوره........
وسعت عيونها بصدمه وهي تناظر الشخص الي قدامها وقالت بصوت يرجف : ص ق ر !!
رفع حاجبيه وقال وهو يقرب بخطوات ثقيلة : لهذا الدرجة اخوف؟!
رجف كل جسمها وهي تناظر صقر اللي يقرب منها وقالت برجفه وهي ترفع يدها : لا تقرب والله لجمع عليك كل الديرة.
ضحك ضحكه مستفزه وقال وهو يوقف : لا خوفتيني!! يلا صارخيني وخلينهم يجتمعون علينا وبهذك الوقت وش بتقولين ؟!!
اعتلت أصوات انفاسها بخوف وقالت وهي تناظر الباب وتبي تهج : وش تبي ليه تجينا وتدري محد يطيقك!!
ابتسم ابتسامه خبيثة وقال وهو يرجع ويقرب بخطواته لها اللي تشوفه يقرب منها وتتراجع بخطواتها للخلف : ادري محد يطيقني بس جيت اسلم عليتس وروح بما ان جدتس مو موجوده.
صرخت نوره برعب وهي تعرف نوايه وقالت وهي تتراجع للخلف وهو يقرب منها اكثر لين صار وجها بوجه ومسك عضدها : صقر تكفى لا تقرب لا تنسى أنا بنت عمك وعرضك تكفى.
شد قبضته على يدها وقال بصوت حاد خبيث وهو يهمس : والله لو تترجين من اليوم لباتسر مارح يفيدتس الترجي اللي قبلتس ترجت وراحت وراها مقتوله. ( ويقصد بكلامه وعد بان اهلها قتلوها)
مافهمت نوره عليه وهي تدفه من صدره لين طيحته للارض وكانت بتهرب بس وقفتها مسكت صقر من رجلها لين طيحها " وقف صقر بحده وكان بيضربها بكف بس وقف وهو يحس راسه انفجر ' غمض عيونه وهو يحط كف يده على راسه من ورا ويلف لوراه" ماشاف اللي ضربه لانه طاح غرقان بدمه.
رفعت نوره نظره بعد ماشافت صقر تغطى كل وجهه بدم وهي تناظر منيره اللي رمت المطرقه من يدها برجفه ' حطت كف يدها على فمها برجفه وهي تناظر منيره اللي جلست على ركبها وتناظر يدها برجفه وتقول : بيقصوني نوره بيقصوني ذبحته أنا ذبحته.
بلعت ريقها اللي نشف من الخوف وهي تمشي على ركبها وتقرب من منيره وتمسك يدينها اللي ترجف وتقول بتهديه وهمس : منيره لا تقولين كذا أنتي ماقتلتيه.
رفعت عيونها لنوره اللي تناظرها بصدمه وخوف وقالت برجفه كلام : أنا أنا سمعتس تصاخرين وخفت نوره سوين شي بيقصوني ينوره بموت.
خافت نوره وهي تشوف منيره ترجف وقالت وهي تمسك كف يد منيره وتبوسها برجفه : منيره لا تخافين أنا معتس أنا معتس هذا صقر ولد عمي محد رح يسال عنه هذا مجرم.
شدت منيره كف يد نوره الي ماسكتها وكانت بتتكلم بس رفعت راسها للحوش وهي تسمع صوت سياره.
لفت نوره راسها للحوش وهي تسمع صوت سياره سطام ' لفت راسها تناظر منيره اللي وسعت عيونها بخوف وقالت : نوره تكفين يانوره لا تسلميني له سوين شي ينوره.
وقفت نوره وهي تناظر صقر اللي مدري وش وضعه غير متغطي بدمه وقالت وهي ترفع راسها وتستجمع مابقى من قواها : منيره لا تخرجين وسوين شي فيه وأنا بلهي سطام " وخرجت وتركت منيره تناظر صقر بخوف ورجفه.
سطام اللي وقف سيارته ونزل منها رفع حاجبيه بستغراب وهو يشوف باب بيت جدته مفتوح وهو يدري بان نوره تنام وكل جلستها عند منيره بما ان جدته مو موجوده " وكان يمشي بخطوات هادئه.
نوره اللي خرجت وشافت سطام يقرب من باب البيت وسكرته " وسوت نفسها ماتشوف سطام اللي هتف وقال وهو يناظر ضهرها اللي معطيته له : نوره!!
لفت راسها نوره وقالت بصدمه : سطام ؟!
قطب حاجبيه سطام وقال وهو يناظر نوره وهي تسكر الباب : وش تسوين لحالتس بالبيت ؟!
رفعت كتوفها نوره وقالت وهي ترجع وتناظر فيه : جيت اشوف الحلال ونضف البيت.
تنهد سطام براحه وقال وهو يناظر نوره : طيب وأنتي كيفتس!!
ماتدري ليه رجف كل جسمها وهي ترد عليه : طيبه الحمدلله أنت اللي كيفك وكيف امك ؟!
تنهد سطام وهو ينزل نظره وقال : كيف بكون وامي اشوفها تموت قدام عيوني.
تجمعت دموعها بعيونها وهي تناظر سطام اللي اخذ جز من الشماغ ويمسح على دموعه اللي نزلون وقالت : الله يشفيها ويردها لكم متعافيه.
تنحنح سطام وهو يرجع ويرفع نظره لنوره اللي شافها تبكي بصمت وقال : تبي شي ينوره قبل اسري ورجع المدينه ؟
هزت راسها نوره ب لا وقالت وهي تناظر سطام : لا مشكور مابي شي بس ابي سلامتك.
ابتسم نصف ابتسامة وقال وهو يخرج فلوس من جيبه ويمدها لنوره وقال : خذي جدتي جابتهم لتس.
مدت نوره يدها وهي تاخذ الفلوس وهي تعرف ماهن من جدته وقالت بنصف ابتسامة : ياعمري ياجدتي.
ابتسم سطام بتنهيده وقال : يلا روحين لبيت منيره ولا تجين البيت لحالتس مره ثانيه.
هزت راسها بطيب وهي تشوف سطام يرجع ويركب سيارته ويحرك
شافت خرج من الديره " لفت لوراها وهي تفتح الباب اللي سكرته وتدخل .