فرقتنا الظروف وجمعتنا منيفه

23

الا بذكر الله تطمئن القلوب اذكرو الله ✨
اشرب شاهي منعنع وقرا روايتي وروق ☕ 🍃

..........صباح يوم جديد وتحديداً القسم........
واقف اسر خلف كرسي منصور اللي يبحث عن معلومات صقر  اللي عجز يطلع اي شي لانه يستخدم أكثر من اسم واكثر من شخصية باقوال نوره وسطام اللي وصفوا شكل صقر بدقه وتفصل ل اسر ومنصور " تنهد بتعب وقال وهو يمسح عيونه  الذبلانه اللي طول الليل مانامت وهو يدور على وعد وقال : عندنا ساعة اذا ماطلعنا كل معلومات الكلب ( صقر ) بنسجل بلاغ باختطاف ام منيف.
هز راسه منصور وهو يرفع نظره لليث اللي دخل وقال : طيب.
قطب حاجبيه اسر من شكل ليث وقال وهو يقرب من ليث اللي وقف ويناظر اسر اللي قرب له : شفيك ؟
مارد ليث على سواله وهو يقول : انت اللي شفيك ليه عيونك كذا ؟
تنهد اسر وهو يمسك خصره ويقول : وعد مختفيه وبنت عمها تقول بأن صقر هجم عليها وخوفي صقر يكون خاطفها.
قطب حاجبيه ليث وهو يناظر منصور اللي وقف وقرب لهم وقال وهو يلف ويناظر اسر : سويتوا بلاغ بختفاها ؟
هز راسه برفض وهو يقول اسر : لا
صمت ثانيه وقال ليث : وش منتظرين ؟
تنحنح منصور وقال : لازم نتاكد بانه ولد عمها اللي خاطفها ومن البارحه للان ماقدراً نوصل لاي معلومه من معلوماته غير اسمه وعمره وشكله وصقر خطير لانه يستخدم أكثر من اسمه واكثر من شخصية بقول اخو حرم اسر وبنت عمها.
مسح على جبينه وهتف ليث بتنهده وهو يناظر اسر اللي يناظره بمعنى وش فيك وقال : سجل البلاغ بختطافها وخل اخو حرمتك يعطيك رقم صقر علشان نعرف تتباعاته وموقعه.
هز راسه اسر بصمت " وهو يناظر ليث اللي يتكلم وهو منصور.

........عند وعد......
فتحت عيونها ببطء وثقل وهي تشوف نفسها جلسه بزاويه البيت ومربطه " غمضت عيونها بتعب وتحاول تستوعب وش صاير"ورجعت فتحتهم وهي تشوف نفسها بالبيت اللي رماها ابوها البارحة " بللت ريقها الناشف وهي تهتف بصوت مرجوف : اسر ' اسر
ونت بوجع من وجع راسها وهي تحاول تفك يدينها المربطه وتقول بريق ناشف : اسرر ٫ وصمتت برعب وهي تشوف القرناء الصحراوية دافنه نفسها برمال بجنبها " رجفت بخوف وهي تناظر القرناء الصحراويه تتحرك وترفع نفسها من الرمال وتناظرها " هتفت برجفه وهي تقول بصوت هادئ : أعوذ بكلمات الله التامة من كل شيطان وهامة ومن كل عين لامة " ورصت على اسنانها برجفه وهي تشوف القرناء الصحراويه تتحرك وتقرب منها غمضت عيونها وقالت وهي تبكي برجفه : أعوذ بكلمات الله التامة من كل شيطان وهامة ومن كل عين لامة.
فتحت نص عينها وهي تشوف اذا كانت القرناء الصحراويه لساتها موجوده او لا " شافتها تتحرك وتلف لوراها وتخرج من البيت" أخذت نفس بتنهيده راحة وهي ترجع وتقرا من ايات الرحمٰن.

.........ديره ابو اريج..........
صحت اريج على اصوات الازعاج اللي يجي من حوشهم واصوات رجال تتكلم بحده " انتفضت واقفه وهي تفتح دريشه غرفتها وتناظر الحوش اللي مليان رجال " ابعدت اريج من الدريشة وهي تاخذ شالها وتحطه على شعرها وتخرج الحوش اللي فيه ابو سوير ابو سلمى وابو سلطان وولده سلطان ورجال كبار من الديرة وابوها .
قطبت اريج حاجبيها وهي تشوف رجال من الديرة تشتم ابوها وتربيته وتسمعه كلام يسم البداً .
شافها سلطان وتقدم وهو يمسكها من كتوفها ويبي يدخلها بس اريج رفضت وهي تشوف احد رجال الديرة تكلم وقال : مثل هالبنت وش عاد تبي فيها ؟؟ لو كنت ابوها كان قتلتها وبطلنا ياعبدالله نثق فيك او ببنتك لانها خطر على بناتنا .
رجال آخر من الديرة كمل وهو يقول : تخون ولد خالتها القريب لها مثل هالبنت يبي لها رصاصه بين جبينها.
هز راسه ابو اريج وقال ببتسامه وهو رافع راسه : والله لو تتكلموا من اليوم لبكره كل كلامكم تحت رجلي ورجل بنيتي واريج لو اشوف غلطها قدام عيوني لكذب عيوني وصدقها واذا منتم واثقين ببناتكم علشان تخافوا عليهم من صغيرتي هذا الشي راجع لتربيتكم.
صمتوا كلهم وهم يناظرواً أبو اريج اللي انشقت ابتسامته وهو يقول :
سير ياقلم واكتب على الطرز قيفان
ابيات شعر من ضميري جزيله
هي عشقه ماله شبيه بالاوطان
حورية ماله شبيه بديره
ياناس لو اوازن غلاها بالاوزان
يرجح بميزان الجبال الثقيله
اجبال اجا وجبال سلمى ورمان
وطريق والمسمر وظلع الرعيله
سميها بالورد والعشب واريحان
وتلقى سميه فالورود الجميله
أن قلت منهي عشقتك ؟
قلت يافلان بنيتي عسى حياتها طويلة.
رجال الديرة اللي صمتوا وخرجواً بصمت من بيت ابو اريج وكانو متوقعين بنه بيعصب على بنته بس شافوا العكس.
ابتسمت اريج من بين دموعها وهي تقرب من ابوها وتجلس على ركبها وتقول : يبه
ابتسم أبو اريج وقال وهو يحط كف يده براس اريج ويقول : عيوني ياريج
ابتسم أبو سلمى وقال : اريج يلا ادخلين عند خواتش ( سلمى وسوير)
رفعت اريج راسها لابو سوير وابو سلطان وابو سلمى وقالت : أنا فداكم " ولفت راسها لصوت ابو بحر اللي دخل وهو يصارخ على رجال الديرة ويقول : ناس ماتستحي والله لو اسمع اي احد يتكلم عن عمي او بنته لذبحه.
وقفت اريج وهي قاطبه حاجبيها وناظرت سلطان اللي قرب له وهو يقول : شفيكك ؟
مارد عليه ابو بحر وهو يقرب من ابو اريج ويقول : ليكون في احد ضايقك ياعم بس والله ومايكون هذا شارب رجال اذا ماخليتهم يحبون رجلك.
هتف ابو اريج وقال وهو يناظر ابو بحر : توكل توكل ياولد حمد وخرج من بيتي.
قطب حاجبيه بحده وقال وهو يحاول يهدي من نفسه وهو يناظر اريج اللي تناظر : افا ييعم لييه تطردني!!
مارد ابو اريج عليه وهو يقول : ادخلين يبوي.
هزت راسها بطيب وهي تدخل وتسمع اعمومها واباء خوياتها يكلموا سامر.