فرقتنا الظروف وجمعتنا منيفه

15

الا بذكر الله تطمئن القلوب اذكرو الله ✨
اشرب شاهي منعنع وقرا روايتي وروق بارت طويل ☕ 🍃

........بعد مرور شهر على ابطالنا..........
*عند اسر ووعد*
طول هالشهر ووعد تعاني من معامله ام اسر وبنتها دانيه " الي ماخلون كلمه الى ورمونها عليها ولا كلمه شينه الى وسمعوها ياها ' وطول هذا الشهر وهي جالسة بغرفه اسر مع ولدها وتخاف اذا خرجت تهجم عليها ام اسر ودانيه " ابو اسر الي تقبل شوي بس لازال زعلان وغضبان من اسر ولا بينهم اي تواصل او كلام" يقين الوحيدة الي تساند اسر والي واقفه مع وعد وتظلي معها من حين اسر يروح دوامه لين يرجع لانها خايفه من امها واختها يسوون بوعد شي لانها سمعتهم مره يتحلفون لها بنهم ياذوها.
اسر طول هالشهر وهو مع وعد وواقف ضد اهله باي كلمه يسمعها شينه بحق وعد ' ومره ضرب داينه كف لانها هجمت على وعد " كان اسر لوعد كلشي الاب الام الاخ يحن عليها ويحبها اكثر من حنيه ابوها وخوانها عليها " وكان لمنيف الاب الحقيقه بحنيته وحبه.

*عند ليث واريج*
طول هالشهر وليث ورايج علاقتهم سطحيه ولا كانها زوجته" ليث الي لازال صابر عليها وعلى عنادها الي مجننه " ومن اخر موقف لهم صايره اريج تعامل ليث كانه جدار" تنام بعد صلاه الفجر وتصحى بعد ماليث يروح دوامه" تقوم تسوي لها ول اسر فطور وترجع تنام مع اسر لين الظهر تقوم تصلي وتزهب الغداء .
ليث الي مجننه عنادها وسلوبها الي يقهره " بس يظل يوهم نفسه ويقول صغير ودلوعه ابوها اصبر عليها لين تشوف اخرتها معها هي وعنادها.

*زياد وساره*
زياد وساره الي صار لهم شهر مسافرين.

*ونجي عند ليث واسر*
ليث واسر من اخر موقف لهم وهم صادين عن بعض" ولا بينهم أي كلام
اخوياهم ناصر ومنصور الي لاحظون وحاولون يرجعوهم لبعض بس ليث معند واسر الي يلوم ليث بنه الغلطان وكل واحد صاد عن بعض مع انهم شفقانين على بعض ويبوا يرجعون باسرع وقت بس العناد الي حاجز بينهم " الضابط عساف الي حاول وحاول يرجعهم لبعض بس كل مره يكلمهم يحس بنه يكلم جدار.

*سهيل ووجود*
سهيل ووجود الي علاقتهم صايره متوتره حيلل بالشك ٫ سهيل الي يحاول يرجع علاقته مع وجود مثل قبل بس وجود الي تصد عنه وتتهم بالخيانه " مع انها ماشافت من سهيل اي خيانه او اي تقصير" بالعكس سهيل الي يحبها ويخاف عليها ويظل يقول بنفسه اكيد مع الحمل الي ماثر عليها وعلى نفسيتها .

...........حالين وتحديداً العصر ديره نوره.........
أخذت سطل المويا وخرجت للغنم لورا البيت ' ابتسمت وهي تشوف الغنام تقرب لها ٫ انتحت وحطت لهم المويا وقالت ببتسامه وهي تناظرهم الي يشربون : تكفون ادعون لي " ضحكت بسخريه وهي ترجع البيت على نفسها وش تكلم وسرعان مابلعت ريقها وختفت ضحكتها وهي تلف لورا وتناظر الغنم الي لا زالوا يشربون " قطبت حاجبيها وقالت وهي تناظر لبركه الغنم : منيروه !! تنحنحت وقالت بحده : يقعط ابليستس ياورعه خوفتيني ويلا اخرجين تعالين نتقهوا مع جدتي .
هتفت مره ثانيه لان ماجاها الرد وهي تناظر لبركه الغنم وقالت : منيره خلاص كاشفتس أنتي ومقالبتس الزفته " توترت بخوف وهي تقرب من بركه الغنم ' سمت برحمٰن قبل تدخل" وسرعان مازفرت باريحيه وهي تشوف بسه ( بسه= قطوه) ضحكت على نفسها وقالت للبسه الي تناظرها : يمه خوفتيني احسبتس صقر قولت منيره ' اكتفت ببتسامه وهي ترجع وتدخل البيت " شافت جدتها جالسه وتسبح بسبحتها وهتفت نوره وقالت بضحك وهي تجلس : ياجده في بسه ببركه الغنم خرعتني وكانت بتطيح قلبي.
ضحكت جدتها على ضحكه نوره وقالت بحنان امومي : بسم الله على قلبتس يمتس' وعاده البسه ببركه الغنم ؟
هزت راسها نوره وقالت بضحك : ايه وخفت منها لاني كنت افكره صقر الشينه منيروه مخوفتني صقر يجي ويذبحني
كح جده نوره بخوف وهي تناظر نوره الي تضحك هتفت الجده بنبره خوف على نوره وقالت : وش الي جايب طاري صقر في بالتس؟!
رفعت كتوفها ببرائه وقالت : مدري بس خفت منه لانه مجرم هو وبوه
وقفت جده نوره على عصاتها وقربت جلست بجنب نوره وقالت وهي تمسك كف نوره بكفها الحاني : يخسى ويعقب يسوي فيتس شي دام راسي يشم الهواء ' وبعدين صقر محد يدري عنه وينه صار له اشهور مختفي.
ابتسمت نوره وقالت وهي تقبل كف يد جدتها : ادري ماهو مسوي شي دامتس معي.
ابتسمت جده نوره وهي تناظرها بخوف لا يصير لها مثل ماصار لوعد.
......تعرف بيسط عن نوره وخويتها منيره....
نوره عمرها ٢٢ انسانه بشوشه وتحب الضحك ومره حساسه ابسط الأشياء تبكيها.
منيره خويه نوره نفسها بكل شي حتى بالعمر ٢٢ .