الا بذكر الله تطمئن القلوب اذكرو الله ✨
اشرب شاهي منعنع وقرا روايتي وروق ☕ 🍃
...... المستشفى.....
دخل اسر المستشفى وبيده كيس ' كانت السكرتيره بمكتبها تشتغل وأول ماشافت اسر يدخل من باب المستشفى رفعت نظرها له وتطالعه ' وظلت تناظره لحد ماختفى من امام عيونها ' كان اسر يمشي بخطوات ثابته وعيونه على غرفه وعد " وأول ماوقف عند غرفه وعد٫ أخذ نفس وهو يطق الباب" مسح على شنبه وهو يسمع صوت وعد الي هتفت بتعب وقالت : ادخل
ناظرته ببتسامه وهو يدخل ببدلته العسكرية وبيده كيس " هتف اسر وهو يناظرها ' ويتقدم لسرير منيف وقال : السلام عليكم
ردت وعد وهي تشوفه يحط الكيس عطاوله ويتقدم لجنب ولدها وقالت : وعليكم السلام.
انحنى اسر وهو ياخذ منيف من سريره ويبوس يده الصغنونه وقال ببتسامه وهو يناظر منيف النايم : كم صار له نايم ؟
رفعت كتوفها وعد وقالت وهي تكتم بكاها : من شوي نام.
رفع اسر نظره لوعد الي تناظره وعيونها بهم لمعه من الدموع وقال : وام منيف كيفي ؟
هتفت وعد ببتسامه وقالت وهي تناظر عيونه الي يناظرها : بخير الحمدلله.
نزل نظره اسر لمنيف وحطه على سريره بشويش وقال وهو يرتفع وياخذ الكيس من عطاوله وخرج بجامه وقال وهو يرفع نظره لوعد الي تناظر كل تحركاته : يصحى منيف ولبسيه ياها " ابتسم وعد وهي تشوف اسر يقرب من سريرها ويعطيها البجامه وقالت وهي تاخذ البجامه من يد اسر الي مدها لها : ياربي مره تجنن هالنتفه .
.......بيت ابو جاسم وتحديداً بغرفه جوري ........
جالسه امام التسريحه وتتنقب ' حور وجوري وهتان وميسه جالسات بسرير ويناظرينها " لفت لهم وقالت وجود وهي توقف : تحتاجون تسي قبل اروح ؟
هزون البنات روسم ب لا غير جوري الي قالت وهي تشوف وجود تلبس شنطتها السوداء : سهيل الي بحاجتس صار له ساعة وهو بالحوش شوته الشمس وهو ينتظرس الله يرزقني صبره.
ضحكون البنات كلهم غير ميسه الي ناظرت لوجود بطرف عينها " هتفت وجود بضحك وقالت وهي تفتح باب الغرفه وتخرج : بسم الله على سهيلو لا تصكوه بعيونكم الحاره.
ضحكت حور وقالت بصوت عالي عشان تسمع وجود الي خرجت : من زينه بنصكه بعين مافي ابرد من عيوننا.
خرجت وجود الحوش بعد ماودعت امها وشافت ابوها وجاسم وسهيل جالسين بالكراسي وحوالين الطاولة البني الخشب ويشربون عصير فواكه " وتدور بينهم سواليف رجاجيل" انشقت ابتسامه سهيل وهو يشوف وجود تخرج من البيت وتتقدم لطاولتهم هتفت وجود وهي تناظر سهيل : سلام عليكم!
الكل الي رد عليها وهو يناظرها : وعليكم السلام.
هتف ابو جاسم وقال وهو يناظر وجود الي واقفه : اجلسين يبوي.
وقف سهيل وقال وهو يناظر ابو جاسم : لا بنمشي ياعم " ضحكت وجود وهي تناظر جاسم الي ضحك وقال بمزح : خلها تروح بيتها لا تظلي مثل احلام وبنتها ناشبات عندكم لليل ونهار.
ضحك سهيل وقال وهو يناظر وجود الي تناظر اخوها وتضحك : اذا احلام وبنتها جالسات بيت ابوتس بخليتس تجلسين بقلب ابو تميم.
ضحك جاسم بصوت عالي وقال وهو يناظر سهيل : خذ خذ زوجتك وتوكلون قالي بخليها تجلس بقلبي.
ضحك أبو جاسم وقال وهو يمسح على وجهه بكفى يده اليسار : احلام وبنتها غير هم الي يصلحون بقلب جاسم.
ضحكت وجود وقالت وهي تناظر جاسم الي يضحك : ليت تسمعك احلام وتجي وتجلس ببيتك.
ضحك أبو جاسم وقال وهو بناظر وجود الي تناظر اخوها : تاخذ اثاث بيتوه وتقول وتس الي يجلسني عندوه.
ابتسم سهيل وقول وهو يقرب من وجود : ضحكنا بما فيه الكفاية خلونا نتروح.
رفع حاجبيه جاسم وقال وهو يناظر سهيل : عندك دوام اليوم ؟
هتف سهيل وقال وهو يناظر جاسم : لا ماخذ بريك اليوم وباتسر.
هتف ابو جاسم وهو يناظر سهيل الي واقف بجنب بنته وقال : الله يوفقك وخليكم شديدين بعملكم.
ناظر عمه وقال سهيل بصوت هادئ : امين' واكيد بالاول والاخير هذا رزقنا.
هتف جاسم وقال وهو يناظر سهيل : ايه بالله.
وسلمت وجود على ابوها وخوها ' وركبت السياره مع سهيل وحركون بيتهم.
شاف ابو جاسم بنهم خرجون ولف راسه لجاسم الي خرج جواله من جيب ثوبه ويستخدمه وقال وهو ياخذ عصير الفواكه ويشرب : زياد بهل يومين بيسافر ايطاليا مع زوجته.
سكر جواله جاسم وهو يسمع ابوه يكلمه ويحطه عطاوله وقال وهو يرفع نظره لبوه : ادري البارحة جالس انا وياه وعلمني.
ابتسم ابو جاسم وقال وهو يناظر جاسم الي يناظره : طيب يبوي وسأل اخوك اذا يبي تسي ' عاد تعرف زياد حروجي ويحرج يطلب تسي.
هتف جاسم وقال : لا اكيد بدق عليه باتسر وساله اذا يبي تسي.
هتفت ابو جاسم وقال وهو يوقف يدخل : الله يرضى عليكم يبوي.
أنت تقرأ
فرقتنا الظروف وجمعتنا منيفه
Actionمخيلتي الاولى ✨ لا احلل النقل او الاقتباس❌ مستمره ✍🏻 اقلطو حياكم الله بروايتي فرقتنا الظروف وجمعتنا منيفه ☕ نبذه عن روايتنا. الرواية فيها أكثر من بطل وبطله ولاكن البطال الرئيسيين ليث اسر اريج وعد وفي بطله بتكون مجهوله. قصه ليث واريج بتكون زواج اج...
