فرقتنا الظروف وجمعتنا منيفه

13

الا بذكر الله تطمئن القلوب.
اشرب شاهي بنعنع وقرا روايتي ☕ 🍃

......اليوم الثاني وتحديداً المستشفى.....
دخل اسر المستشفى وكان اليوم موعد تسجيل خروج وعد ٫ غمض عيونه لثواني وطق الباب ودخل " رفع حاجبيه وهو يشوف وعد جالسه على الصوفه ولابسه عبايه ونقاب وولدها بحضنها.
رفعت وعد نظرها ل اسر الي دخل وكان لابس ثوب وشماغ على كتفه محطوط ٫ شاف اسر نظراتها له وقال : سلام عليكم.
ردت وعد وهي تناظره : وعليكم السلام
اسر بستغراب سالها : من وين عبايتس ؟
بلعت ريقها وعد وقالت : جابتهم الدكتوره نجد الله يسعدها.
هز راسه اسر بطيب وقال : جاهره نمشي؟
في هذا الحظه نزلت وعد نظرها منه وناظرت ولدها وقالت : وين ؟
رفع حاجبيه اسر وهو يدري وش تبي وقال وهو يناظرها : وين ماتبي ام منيف.
رفعت نظرها وعد له وقالت : ابي منك تسمعني ولا تقاطعني!
قطب حاجبيه اسر وقال وهو يمسك نفسه : تكلمي.
اخذت نفس وعد بتنهيده وقالت وهي تصد نظرها عنه : سويت الي ماسوها اقرب الناس الي ومستحيل انسى جميلك لي ولا انسى وقفتك معي من أول للقاء لنا وأنا مازلت عايشه للآن الا بفضل الله ثم بفضلك وكلمه شكر بحقك قليله ولو عندي شي اكبر من الشكر بسويه.
عض اسر شفتيه بغبنه وقال وهو يسوي نفسه مافهم ترجيمها بالكلام وقال : افهم من كلامس وش ؟
تكلمت وعد بصوت مليان وجع وقالت بصوت نخنوق وباكي : سويت واجبك معي والان ماني لحالي معي منيف وانت في أمان الله وأنا وولدي لنا الله و....
قاطعها اسر بحده وقال وهو يناظرها : تحلمين ياوعد تروحين مكان
رفعت نظرها ل اسر الي قرب وهو يشيل ولدها من حضنها بالاجبار
وقال بنبره عصبيه وهو يتوجه للباب ويخرج : الحقيني.

.......بيت ليث وتحديداً غرفته......
واقف امام المرايه بكل ثبات وهو يلبس جاكيت بدلته العسكرية ويزرره " اخذ ساعته ولبسها ورش على عنقه من عطره الماركه ٫ لف نظره للسرير وشاف ولده اسر الي لازال نايم قرب من السرير ونحنى وهو يبوس اسر من خده بحنان ورتفع وهو ياخذ مفاتيح سيارته وجواله من عطاوله ويخرج.
وفي هذا الوقت اريج الي كانت خارجه من غرفتها وشافته خارج من غرفته ومعطيها ضهره وهو يسكر غرفته بشويش رفعت حاجبيها وقالت وهي تتنحنح : ابو اسر!
لف راسه ليث لها وقال وهو يناظرها الي واقفه بجنب غرفتها : هلا
هتفت اريج وقالت بنبره هادئه : بتاخذني الديرة اليوم ؟
قطب حاجبيه ليث وهو يتذكر وش عنده اليوم وقال : لا بعد باتسر وخذتس اليوم بنروح لبيت ابوي وباتسر زياد مسافر بنروح له
هتفت اريج وقالت وهي تناظره : طيب " وكانت بترجع غرفتها بس وقفها صوت ليث الي هتف وقال : اسر الان نايم بعدين إذا صحي اعطيه فطوره وخذي بالتس عليه.
ردت اريج بنبره هادئه : طيب وغيره ؟
هز راسه ليث ب ولا شي وقال وهو ينزل من الدرج : ولدي في رقبتس وخرج الحوش شغل سيارته وحرك دوامه.
عند اريج الي ابتسمت وهي تدخل غرفه ليث بشويش ٫ عضت شفتيهت ببتسامه وهي تشوف اسر نايم قربت وجلست بطرف السرير وقالت وهي تحط يدها على شعر اسر وتبعثر فيه : اسر
ابتسم اسر وهو يفتح عيونه بشويش ويشوف اريج جالسه بقربه وقال وهو يمسح على عيونه : ماما!!
هتفت اريج وهي تمدد بجنبه وتمسح على شعره : عيوني يا ماما.
ضحك اسر من كلمتها وهو يقرب ويخلي خشمه على خشمها ويحوط يدينه على رقبتها وقال : احبس.
ضحكت اريج وهي تلمه لحضنها وقالت : انا اكثرر ياعيون ماما.
تثاوب اسر وقالت اريج وهي تناظر فمه الصغير : يلا ياماما اروشك ونفطر.
مسح على وجهه بكفى يده وقال : وين بابا ؟
ردت اريج بحنان وقالت : ابوك بدوامه " وقامت واخذت اسر بيده روشته وغيرت ملابسه ونزلون المطبخ بفطرون.