فرقتنا الظروف وجمعتنا منيفه

11

الا بذكر الله تطمئن القلوب اذكرو الله ✨
اشرب شاهي منعنع وقرا روايتي وروق ☕ 🍃

.......بسياره ليث.......
ماكانت تنسمع غير اصوات انفاسهم ٫ ومرت ساعه وهم على ذا الوظع لحد ماوصلون حوش بيت ليث ٫ وقف سيارته وعطا نظره ل اريج إلي كانت تناظر للدريشه وهتف بنبره هادئه : وصلنا " لفت راسها اريج له وقالت وهي قاطبه حاجبيها : نعم ؟
هتف ليث وقال وهو يناظر فيها : وصلنا بيتنا ' ولف راسه لولده الي كان يحاول يفتح باب السياره وقال بنبره ثابته: اسر يبوي خلك مكانك ٫ ونزل ليث وراح فتح لولده وشاله بحظنه ' بينما اريج فتحت الباب لنفسها ومسكت باطراف الفستان ونزلت " مشى ليث قدامها وكان ولده بحظنه ورايج بجنبه ' خرج مفاتيح بيته من جيب ثوبه وفتاح الباب" بلعت غصتها وهي تدخل البيت ورا ليث" ناظرت ظهر ليث الي انحنا ونزل ولده من حظنه وقبل خده بحنان " وقف ليث ولف ظهره ل اريج الي كانت واقفه بصمت وتناظرهم" شافت نظراته ونزلت راسه للأرض بحرج
صمت ليث ثواني وهو يناظرها مايدري منحرجه منه او خايفه او ماتبي ولده او يناديها بماما لان شاف نظراتها تجاه اسر مثل الي تقول مابيه تنهد بعمق وقال بنبره رجوليه ثقيله وهو يناظرها : ام اسر في خاطرتس شي تقدرين تقولينه ؟
رفعت نظرها اريج ل اسر الي كان بجنب ابوه واقف ويناظرها ببتسامه طفوليه " على طول اول مشاف ليث لوين اريج ناظرت نزل راسه لولده ورفع نظره ل اريج إلي لازالت تناظر اسر وقبل تقول شي هتف ليث بنيره لا تخلو من الحده وقال : وقبل تقولين شي ! إذا مالتس خاطر في اسر تكلمين لا تسكتين.
رفعت نظرها اريج لليث وقالت بنفس نبرته الي لا تخلو من الحده : لو مالي خاطر فيه كان تكلمت وخليتها أول شروطي ﴿ معنى أول شروطي بنها مارح تتحمل اي مسؤاليه تجاهه او تعتبره ولد زوجها او ولدها ﴾
ارتاح ليث من ردها بس مرتاح من نبره صوتها وقال : في شي ثانيه حابه تقولينه ؟
ناظرت اسر الي يناظرها ورجعت تناظر ليث " فهم عليها ليث وقال وهو يحط كف يده بشعر اسر ويبعثر فيه وقال بحنون : اسر يبوي اسبقني للغرفه شوي وجيك" رفع راسه لبوه وقال بنيره طفوليه : بابا ماما اريج بتنام عندنا ؟
ليث الي انحرج وقال وهو يرفع نظره ل اريج الي تناظر فيهم : ايه بتنام عندنا " ويلا روح الغرفه ٫ هز راسه اسر برضى وراح غرفه ابوه.
ليث الي شاف ولده دخل الغرفه وقال وهو يناظر اريج : تكلمين!
تنحنح اريج بنحراج كيف بتفتح مع الموضوع أو كيف بتقوله" رفع حاجبيه ليث وهو يناظرها ساكته وقال : اسمع تكلمين وش عندتس ؟
ناظرته اريج بثبات عكس داخله الي مقهوره على نفسها كيف بتقوله وتخرب ليلتها بس اصرت على نفسها وكبريائها وقالت بتنهيده : ابو اسر تفهم مثل ماتبي وحتى إذا بتطلقني عادي راضيه " توسعت عيونه ليث بصدمه وهو يناظر فيها الي كملت ببرود : وترا زواجك مني كله ماني براضيه فيه.
عجز عجز ليث الرد عليها وهو مصدوم من كلامها كيف تتجرا وتقولها بوجه وبكل بردو وهاذي تعتبر اهانه بحقه شد على كف يده بقوة وهو يسمعها تكمل كلاهما ببرود وثقه " اريج الي ماعبرت نظرات ليث الحاده وكملت وقالت وهي رافعه حاجبيها بكبرياء : ومن الاحسن لك ولي نكون صريحين من بداية علاقتنا!
بلع ريقه بصعوبه وقال ليث عكس الي بداخله وهو يتقدم بخطواته لها ويوقف امام وجها : تبين نكون صريحين من بداية علاقتنا ابشري يابنت عبدالله " كمل ليث كلامه وهو يشلح بشته من فوق اكتافه ويرميه على الكنب بغضب وقال بنبره لا تخلو من الحده والاشتمزاز : نكون صريحين معتس ويلا سمعين!!
ناظرته اريج بخوف داخلي وهي تشوف وجهه الي متفجر بالاحمرار وكمل ليث كلامه بقساوه وهو يناظرها بنظرات حاده قاتله : اولاً أنا ماتزوجتس حبن فيتس يابنت عبدالله ودام نكون صريحين ابشري بصراحة الي ترضيتس ثانياً ابوتس الي طالب مني اخذتس وحميتس من عمانتس وولد عمانتس " بلعت غصتها بصدمه وهي تناظر ليث الي كمل بقساوه : وتدرين ابوتس عاجز عن حمايتس وتربيتس فطلب مني اخذتس!! وقطب حاجبيه وكمل وقال بحده وبصوت عالي : وأنا ماني عاجز عن تربيتس يابنت عبدالله.
حست بنها بتفقد الوعي باي لحظه من الصدمه والقساوه الي سمعتها من ليث بللت شفتيها الي نشفون وقالت بصوت مهزوز وهي ترفع سبابتها لشفتيها : اص اص لا تكمل لا تكمل وماتقول تربيني لاني متربيه احسن من تربيتك ياواطي .
شد ليث على كفه قبل يصفعها بكف يلجمها وتسكت وكملت اريج وقالت برجفه بصوتها : اذا ماتبيني طلقني طلقني
رفع حاجبيه ليث وهو لازال شاد كف يده قبل يتهور ويصفقها بكف وقال بحده : ماتزوجتس عشان اطلقتس ٫ ولف راسه ورفع يده واشر على غرفه بجنب غرفته وقال وهو يرجع ويناظرها بذات الحده : هذيك غرفتس روحين ونبثرين فيها ٫ ونحنا أخذ بشته من على الكنب وراح غرفته وصفق الباب بغضب وبكل قوته .
عند اريج الي مستوعبت شي جلست على اقرب كنب قبل تفقد الوعي رفعت كفين يدها وناظرتهم كيف يرجفون بلعت ريقها اكثر من مره وهي تحاول تستوعب وش سوت بنفسها.